辣吧 (已結業)

今日黎到諾士佛台食麻辣海鮮窩🦐，呢度最出名就係海鮮大咖同埋熱鍋串🍡，黎到一定要試下。海鮮大咖出場時非常澎湃🥘，一個大大的熱鍋裝著滿滿的海鮮🦐🦀，$288/6款海鮮，$328/8款海鮮，由於我和友人只得2個人，怕吃不下太多，所以就點了$288/6款海鮮，辣度方面我們點選了小辣😝，辣度不算太辣，喜歡辣的朋有建議可點選大辣🔥。海鮮是師父隨機挑選當天時令食材，而我們當天有鮑魚、膏蟹🦀、帶子、貴妃蚌、東風螺🐚及蝦🦐。海鮮整體亦非常新鮮，要特別讚下膏蟹🦀，膏蟹非常多膏，吃起來非常有口感🤤。熱鍋串價錢亦非常相宜👍🏻，$128有10款，每款3串，$128的價錢就有30串，熱鍋串辣度我們則叫了大辣🔥，非常過癮😝。順帶一提係呢度有Now TV直播世界盃🖥，我個日揀岩時間一路食辣一路睇波，非常好嘅享受💁🏻‍♀。

不是貴價海鮮，價錢貴，不新鮮肉質差，湯底裏面有薯條，不配合，平價豆腐卜雖然多，蔬菜好少，芽菜完全唔夠食，串串食物一樣非常之普通，好一般但價錢貴嘅食物，不值得去！

<有特色又好味既新派川菜>😃🌶香港人越黎越接受到辣野 相信一般人 對水煮魚 辣子雞 等等既傳統川菜都好熟悉 而呢間喺tat諾士佛臺既辣吧主打新派同比較特色既川菜 好似海鮮大咖， 冒菜 熱鍋串串等等 😃 而且坐位放面 係類似清bar甘 有得點唔同既啤酒 🍻cocktail sake 🥃 等等 真係夠哂多元化 幾啱成班鍾意食辣既朋友 飲下酒傾下計 😄正🍴海鮮大咖 🌶😃呢兩三年新興既川菜 發明自北京 原來係北京人為左宴客 但又鍾意食辣川菜🌶於是將唔同海鮮 加落一個大爐 令到得體又夠辣香 😃六款海鮮 288蚊由廚師當日自選 膏蟹 🦀元貝 鮑魚 花甲 蝦🦐 仲有兩舊勁大既蟹棒 😃 d海鮮全部都好新鮮 感覺就好似當日即去街市買海鮮甘 好欣賞佢蝦 中間d殼 剝哂 好細心🦐 蟹糕勁多糕 吸哂d辣汁 好正 元貝鮑魚 夠入味就梗 花甲都好彈牙鮮甜 蟹棒係勁粗大條 好甜 oh5味 好味😍配料有 豆芽 豆卜 薯條 土豆粉 🍜🌿 如果點中辣 有番甘上下辣 甘d芽菜吸哂d辣汁 其實好惹味爽口🌶 豆卜就比較juicy冇甘辣但十分入味 而最估唔到係佢d薯條 🥔 浸到淋哂甘 但吸左辣汁食落又另一番風味

I'm not really a person for edible Hardcore things like Scorpions etc but Grilled Starfish was on the menu so I guess it's legal as this is HK.Anyway, I googled it and it belongs to the Sea Urchin family so the taste and texture should be along those lines.When I got there, I was greeted by this lovely rustic Chinese decor, red lanterns etc.On the tables, there were these gimmicky wet napkins and disposable gloves disguised as condoms while napkins as cigarette box. The slogan on the apron was c

海鮮大咖，賣相係好正，味道都還好。但食材唔新鮮，蝦霉、蟹乾、鮑魚仔無味、聖子好多沙。Weekday晚上一行五人，友人生日，帶埋蛋糕去，滿心期待，這生日聚會，叫左個海鮮大咖，六款海鮮，人頭$288，再加左三個小食，但食物真係好令人失望，最後落樓下飲野仲好而且呢到一杯啤酒都要$95蚊，認真唔平。當晚無爆場，店員都可以漏單，出錯，三次送錯餐，埋單時經理主動給予折頭，要求我們讚好Facebook，餐廳在各大平台做大量宣傳卻沒有做好食物品質，真正是一個伏。

串串鍋我覺得係打邊爐加串燒既食法呢度既串串鍋唔算貴一鍋十款都只係128, 每款有3支, 多一款只係需要加10蚊, 個人覺得性價比幾高下, 10蚊3串好抵食我地點左有鵪鶉蛋，豬肚，陀陀餐肉，黃喉，五花肉，雞脆骨，野山椒牛肉，白蘿蔔，通菜，娃娃菜我覺得算係特別既就係黃喉，呢個算係特式菜，得四川既火鍋店先有，就咁叫個黃喉都唔平架，反而呢個串串燒又可以每人都食到價錢又唔貴滑溜溜鴨血愛辣人士一定要食呢個係完全用辣油浸住超入味邊食邊流汗咁, 不過佢隻辣係好有四川既風味, 越食越好味

係準備落CLUB之前醫下肚呢間辣吧好似新開無耐個主題都幾特別, 又有串燒又有串串燒又有海鮮食海鮮大咖我地係揀左八款既海鮮拼盤, 因為多左個兩款好似係幾吸引的, 要留意既係呢度既海鮮拼盤係人頭計, 佢亦都會出返相應既份量比你, 但係又可以同店員講要幾多既人頭份量, 咁就可以平D又大家都食到上面係勁多海鮮有蟹, 魷魚筒, 元貝, 帶子, 飽魚, 貴妃蚌, 花甲等等因為我地叫左二人份量, 所以佢咩都係打孖上的佢地既蟹係炸過黎的, 所以口感同蒸或煮熟有好大分別我覺得個蟹殼唔差, D蟹膏脆脆地又幾特別除左呢D之外仲有串燒都好高質即點即燒, 超YUMMY

哩間餐廳絕對滿足到我對食辣既慾望！由裝修到入面播既歌都好有中國風，未食已經覺得好有感覺。一坐底，見到隔離台既「海鮮大卡」，海星同埋辣串，我已經認唔住，我既味線即刻控制左我既腦同胃，立刻每樣柯打左一份。等待係最無止境既痛苦，好彩大約十分鐘到，期待已久嘅晚餐終於黎到喇！先講的串串，佢大約百幾蚊一份，可以揀十樣唔同既餸，每個餸有三舊，其實都幾底食。平均都係幾蚊串，而本身嘅辣味好獨特，辣得黎又未去到要不停飲水，真係好正。我心諗，如果一早知有哩間野既話，我放工一定成日過黎買哩的辣串就宵夜。不過而家知都唔遲...之後就係海星，店舖職員話海星其實唔係經常有。每日都係要問船家有冇貨先至可以送落嚟鋪頭，所以今日真係好好彩可以試到。佢嘅味道有啲搞笑，因為未食過覺得佢加埋啲芥辣又真係幾正！因為佢嘅味道好似蟹膏，但又唔差，所以用咁既價錢食到哩佢真係算幾好。最後就係個海鮮大卡！最正佢係一路用一個火爐仔燒住個煲，一路食煲入面嘅海鮮。所以一路食只會覺得越食越好味，亦都唔會有凍嘅感覺。首先食嘅係鮑魚，真係10分10分10分10分好味！可惜，每人只得一舊。跟住就到鍋上面既蝦，全部都好有鮮味，絕對唔係死蝦，而且全部都滅晒

辣吧主打海鮮大咖，其實就是一盤混有不同種類的海鮮，分6款($288/位)及8款($328/位)兩款，當天的6款就比8款的少了尤魚及蟶子兩樣海鮮。6款海鮮分別有鮑魚、花蟹、蝦、花甲、貴妃蚌、蟹柳，另外大咖內亦加有其他配料，包括紅薯粉、豆卜、金菇、薯條，一整大盤海鮮超誇張。選了中辣的湯底，先渴一啖，好辣，好刺激，原來湯底內加了麻辣的花椒粒。海鮮是已熟了的，等湯底翻滾後即可食用。鮑魚肉仍保持幼嫩；花蟹雖不算大，但多膏；貴妃蚌鮮甜；花甲跟豆卜都很多，不停食不停食都還有。Drink list內的飲品名稱很特別，好似一本武功名錄，叫了一個雜果茶，有切碎了的蘋果、梨、橙粒，加了茶，不太甜，是解辣極品。

先講野食質素完全係明星效應....一D都唔好食嗌左海鮮大咖...視覺上係好好睇呀....我都係睇相覺得好吸引先去食...但食落完全唔係果皮野..首先,D海鮮唔係幾新鮮啦..蜆冇蜆味..蝦冇蝦味...差在未梅姐..蟹肉又冇乜..最多係唔值錢既豆卜墊底..同埋薯條..真係9唔搭8冇乜辣味 冇乜四川應有既味真心...食譚仔好味過佢!!野飲本來想嗌芒果冰...點知竟然冇....新開業乜都冇...咁嗌水果茶啦...淡到不得了...唔講以為飲緊水...仲要好貴..我寧願出面買2杯真正水果茶..環境方面好嘈....D人講野大大聲...近乎叫囂...可能飲左酒亢奮掛？但真係嘈到街市咁..咁我不如去酒吧啦...我黎呢到想食正餐姐..員工方面你唔會知道邊D係STAFF...淨係知佢地係黑色衫...但你又會驚嗌錯...... 有D嗌左又唔應你....落單又落錯...價錢..一個海鮮大咖.4杯水果茶....千幾蚊.....完全唔抵!!!因為唔值...想用信用卡俾錢....竟然冇機....要俾CASH...姐係咁...乜都未完善就唔好開業住啦...又唔一早提人俾CASH..搞到要落去禁機...你想食四川風味..

夜蒲友門又有好推介！呢期通常都係喺諾士佛台打躉，飲完玩完肚仔餓去搵嘢食？夜麻麻竟然仲有海鮮鍋！間餐廳店舖名叫「辣吧」！最啱我呢啲鍾意食辣的人、夜晚食海鮮一啲都唔肥啦！（自以為）佢呢度嘅海鮮一個人份量都好多！未必食得晒！我最鍾意係佢嘅麻辣燙！一串串好入味！令我最感到意外係佢有海星星！一生人第一次食！味道同海膽差唔多、如果你哋想去食必點推介！呃like首選最後一道甜品🍮（唔記得左叫咩名）味道唔錯、口感幾特別

環境都ok，座位都舒服，地點就一定就腳啦！朋友介紹話唔錯咪去試下囉！點知又中伏…重點當然係食麻辣海鮮，賣相就一流喇…望落好似好大盤好多海鮮咁仲加多$180要多隻龍蝦，但基本上…蟹無乜膏唔多新鮮，龍蝦係急凍之於仲好似食緊鞋膠咁又鞋又冇味，扉貝細細隻半淡就冇左，鮑魚同蝦點做好少少，仲有盤野唔熱只可形容做暖…實左唔飽唯有再加多30串小食，點知每串都得丁屎咁多x牙隙都唔夠！4個人10點後入座有75折…成惠$1500！又貴又唔好食仲要食唔飽=.=！仲想有下次真係咪攪

最近口痕痕想食辣又咁岩見到成日見到人postD 一盤一盤好大嘅麻辣海鮮火鍋上Facebook ,就上網睇吓資料～ 原來尖沙咀諾士佛台開咗一間叫做辣吧嘅餐廳❤️今日就約咗朋友想去試一試.佢嘅位置係喺尖沙咀諾士佛條鈄路度.一上到去就見到㗎啦😋 佢係樓上餐廳嚟嘅.一樓就係了😜 可能想帶出辣吧嘅辣ge感覺.裝修都係以紅色同中國風為主，仲有好多好得意好盞鬼嘅元素喺度，就好似佢哋嘅紙巾同埋手套咁😂係咪好似某一啲成人用品呢😂嘻嘻😝同埋佢啲乾紙巾都好似一個煙盒咁😏😏 打開啲食物都係以馬勒為主嘅。價錢喺尖沙咀區嚟講都算中等. 我哋就叫咗個二人嘅大海鮮大咖.裡面一共有六款海鮮❤️ 因為我哋唔算係食得超級辣嘅人. 所以只點了食小辣. 如果唔食得辣嘅人可以選擇佢哋嘅蒜蓉味❤️因為食辣嘅火鍋係會越食越辣的.不過佢哋都好細心會有菊花茶無限添飲❤️中和返啲辣味同埋清熱~海鮮火鍋的海鮮有鮑魚、蟹、蝦、蜆、蟹柳、帶子～配料有豆卜.薯條同埋薯粉~薯粉好滑溜～薯條同豆卜都好入味啊～完全吸曬成個湯底嗰啲海鮮同埋麻辣汁～好好食❤️ 唔夠食嘅仲可以追加配料 . 同埋佢啲海鮮都係好新鮮呀～隻鮑魚冇得頂💕啲蝦仲要全部都剝晒殼～隻蟹爆多膏～好鬼

依幾日喺facebook見到有介紹依間餐廳，本身好鍾意食海鮮，網上見到有咁大盤o既海鮮即刻想黎食啦。跟手上黎openrice睇睇試左o既師兄師姐有咩comment，見到又有啲劣評咼，即刻有啲淆底，不過諗諗下都係信自己，想試咪試囉。即刻whatsapp晒成班frd上黎食，中伏都有一班人陪呀嘛 XD。入到黎見到個裝修都幾特別，好中式feel，地方都幾闊絡，坐得都幾舒服o既。我地嗌左個12人份量o既海鮮大咖，總共有8款海鮮。到上枱嗰陣真係嘩出黎，成盤野超大，啲麻辣味又好香，聞到都想食。海鮮有魷魚筒、中蝦、青口、元貝、貴妃蚌、蟹、鮑魚、蜆，而侍應將酒精放在盤下面加熱，我地等啲麻辣湯滾左，先食海鮮。咁多樣海鮮我覺得鮑魚同貴妃蚌最好味，又鮮又夠晒味。底下仲有薯粉、豆腐卜和薯條。豆腐卜和薯條吸晒啲辣汁，入晒味，正。最後再嗌左碗四川冰粉做甜品，凍凍地又煙煙韌韌，好似啫喱咁。解晒辣又解晒渴，唔錯。成班人食到超飽咁走。好彩都信自己直覺有上黎食，下次應該會再叫其他frd一齊食，唔洗驚中伏 XD 。

第一：侍應一將海鮮擺上臺話本身係熟既可以食。一D都吾熱又吾暖。我地等左30分鐘先覺得食緊暖野。超級失望！350蚊一個人頭 總其幾個人食到要轉場再食真係未些過！第二：叫左三次要野飲要餐牌，有人答你～但無人拎黎！想加水照樣都係有人答無人拎。員工吾夠人手 d老板仔係晒度又吾識起身幫手、搞到d伙記踢晒腳第三：d串燒真係好難食 又凍又乾 吾講以為2蚊串整到禁。如果呢道係非洲我一定食晒佢。但香港地我地有得選擇、結果無食。做得呢類飲食我地埋單都要千4蚊就吾好隨便比客 隨便比得客禁不如轉做快餐。