辣吧 (已結業)

去諾士佛台除左飲下野，其實都有好多野食!之前去過食泰國野，今次一於試川菜!一上到去，已經開到好大陣辣味! 好期待!兩個人都叫左唔少野食~1)網紅海星 $128第一次見到餐廳有海星食!!老闆話而家內地好流行，剪開啲肉係黑色，食落似蟹肉質地同味道，可以點wasabi食~2)秘製麻辣辣鍋串串 $128可自選10款~ 每款3串超鐘意食串串，多選擇，有最愛嘅黃喉毛肚，夠哂辣，好爽呀!!3)涼拌繡球菌 $68呢隻菌類香港又係比較少見到! 食落爽爽地，雖然少少油，不過個汁幾香口!4)韮菜紫薯寬粉 $56煙韌控必點!!!!寬薯粉勁有咬口!!好好味呀!5)肥腸節子 $68肥腸入面好易收埋啲汁，食嘅時候小心濁親! 呢個可以再辣啲啲~哈哈~6)蒜茸燒生蠔 $32/隻好多蒜茸舖係面!好香口成間餐廳都好有心思，枱面嘅手套濕紙巾都玩味十足~地點又方便，放工食川菜好選擇!

好開心見到從前位於旺角嘅「麻辣派」進化成今日氣派非凡嘅「辣吧」，店面大左好多，裝潢更加講究，但食物味道依然無變，質素一樣咁好，有實力絕對會跑出👍🏻店內招牌係「海鮮大咖」，可以選大中小辣。我哋揀咗六款海鮮（每位$288），海鮮每日由師傅於街市精心挑選，今日就有蟹、帶子、鮑魚、貴妃蚌、花甲、鮮蝦，非常豐富！配料可以自選四款，我哋揀咗薯條、冬瓜、蓮藕、土豆粉。放喺盤嘅底層，吸收晒辣汁嘅精華，超惹味！韮菜紫薯寬粉 $56中神通 $108、五月梅子綠 $46朋友勁鍾意飲酒，佢大讚呢杯中神通調得好好飲👍🏻（Rum, Lychee Liqueur, Guangdong Rice Wine, Cranberry Juice, Hibiscus Syrup, Soda Water ）冰粉，附送的～喺呢度食嘢價錢的確係唔平，但環境、食物質素、店員服務，仲有地理位置，全部都冇得彈，真係一分錢一分貨架！有興趣食嘅朋友唔好猶豫啦！

前幾日同幾個朋友一齊去試呢盤海鮮大咖！原本得大中小辣！staff見到我地話唔食得辣仲幫我地做BB 辣！我地就叫咗麻辣湯底嘅BB辣！最適合呢D唔食得辣嘅朋友！今曰有蝦，蟹，鮑魚，元貝，青口，花甲同貴妃蚌！最正係個鮑魚爽口彈牙！😋個蟹就有好多膏！美中不足係有幾蝦隻霉霉地😅我覺得D伴菜炸薯條同薯粉都好好味！ 因為入曬味！Yummy!另外仲叫咗D串燒！個雞翼最好味！

平時去開諾士佛臺都係去下酒吧，好少係呢到食野，估唔到呢度原來有間食中式麻辣野既餐廳，而且幾有驚喜😋! -海鮮大咖 (六款海鮮每位 $288, 八款海鮮每位 $328)海鮮大咖係餐廳最出名嘅食物，基本上每位客人都會叫，海鮮係由廚師每朝去街市揀選嘅，所以冇既定嘅海鮮選擇，今次我地就有蝦、蟹、鮑魚等等。湯底我哋選擇左小辣，辣度容易入口，唔太食到辣嘅朋友都可以食到，唯一可惜嘅係個辣蓋過左海鮮味，所以若果只為咗海鮮而去嘅朋友性價比可能會偏高，但個湯底同辣度真係好香， 好有獨特嘅四川味，鍾意食辣嘅朋友一定要去試。⭐️: 8/10滑溜溜鴨血 ($58)自從係台灣無老鍋食完鴨血之後返香港其實一直好想再食麻辣鴨血，所以今次見到辣吧有鴨血第一時間叫左黎試。呢度既鴨血令我地好有驚喜，唔但只無腥臭味，而且完全吸盡碗中既麻辣湯精華😍，同無老鍋既鴨血有得揮！不過要留意呢個鴨血偏辣，如果唔食得辣但又想試既記住叫多啲朋友陪你食啦！一碗都夠兩至三個人分既。⭐️: 8.5/10熱鍋串串 ($128)呢種串串喺大陸好流行，$128可以揀10款，每款有3串，即係總共有30串。串串有分素食同葷肉兩類，有秘製麻辣同埋獨創蒜茸汁兩款俾

終於試到諾士佛台新開的餐廳海鮮大咖(6款) $288一位選了蒜蓉蒸煮 唔洗怕辣份量大得很驚人😱有鮑魚 膏蟹🦀貴妃蚌 蜆肉 蝦🦐最值得一讚是膏蟹的膏真的超多🤤👍🏻底部更有薯條 🍟 豆腐卜作配菜😆新鮮有趣🤣之前睇到食評見有人話海鮮有沙都有點害怕但今次完全食唔到沙 都係要親身試下先得餐廳特別設計的濕紙巾紙巾盒 不要想歪呀😂熱鍋串串配蒜蓉汁 $128有十串萵筍 干頁豆腐 香菇 秋葵🤤🤤牛草腫 雞脆骨 腐皮龍蝦卷😆配上熱辣辣的蒜蓉汁 非常過癮❤️餐廳更有提供圍巾避免我們弄髒衣服非常貼心

我整個Facebook 都被辣吧 洗版了，怎能不去試個究竟！🧐🧐🧐 我是海鮮怪，豪不猶豫就order 左 8 款海鮮 的大咖 😎！ Woowoowoo.. 最期望的畫面到了，一上桌是一大盤滿瀉的海鮮！各種各樣的都齊全，🦐、蟹、蜆、蟶子、龍蝦、....... 由於我不能吃太辣所以小嘗小辣.. 海鮮都很新鮮，肉質爽嫩，蟹蓋多膏！👍🏻👍🏻👍🏻 哪種麻辣是越食越辣，由其是鋪在海鮮底的配料、薯粉、蘿蔔、豆卜、冬瓜，完全吸收了麻辣湯的精華！非常非常入味！辣得嘴裏說不要，手卻耐不住又夾了！💕💕 難怪人人都要來打咭呢！😋😋😋😋😋

新開張的 LaBar 辣吧 ，無辣🌶🌶🌶不歡的我，當然要會一會佢！😁 一入到餐廳已經聞到濃濃的香辣味！急不及待點選了 8款海鮮大咖 加 波士頓龍蝦！詢問店員 小辣和中辣的分別後，我們選了小辣！🌶 一大盆海鮮放喺我們面前，非常振奮，店員再在海鮮盆上加麻辣湯！海鮮有🦐、🦀、🦑、🐚、蟶子、帶子、蜆、鮑魚、龍蝦！全個海洋都在我面前嚕！🤣🤣🤣 海鮮全部是新鮮游水貨，肉爽彈牙，最讚是滿膏的蟹蓋！先麻後辣, 邊吃邊流汗的感覺很爽！非常正宗的四川口味！絶對要encore! 😍😍😍😍😍😍😍😍

前排見朋友喺社交平台 post相 見啲食物好吸引 就好奇問下佢喺邊度 朋友極力推介我一定要嚟試 佢知我食得辣 我一定會鍾意呢度嘅食物餐廳位於尖沙咀諾士佛1號 嘅一樓 叫辣吧晚飯時間非常熱鬧 好彩我 事先有訂位 如果唔係有排等，餐廳裝修得古色古香 帶點懷舊復古味道餐廳嘅用具亦都有花心思 玩味濕紙巾 乾紙巾 精緻又特別雙椒田雞$66火紅色嘅辣椒同青綠色嘅辣椒 辣度十足 味道帶點酸辣 非常惹味，田雞肉嫩滑鮮甜而且彈牙好吃熱鍋串串(秘製蒜蓉汁)$128 自選10款 每款三串一串一口 方便易吃，而且秘製醬汁放咗大量嘅芫茜蔥 香味沒法擋使本身平平無奇嘅串串 有畫龍點睛嘅效果熱鍋串串款式選擇多 大致分為數類及肉類 本人非常推介豬皮及娃娃菜給湯能力超高薄燒牛舌$22及奪命肥腸$26餐廳真係超級細心 值得一讚，串燒嘅盛載底盤有兩個小火能保持串燒嘅溫度小雞皮$18必點 雞皮燒到脆卜卜 表面嘅香粉非常惹味 入口完全冇油膩感覺餐廳而家做緊個優惠 喺指定時間內 結帳或入座 即可獲全單七五折優惠

上網見到好多人post佢個海鮮大咖，賣相相當吸引，就嚟試試啦除左海鮮大咖，其實佢地仲有好多其他嘢食架因為得兩個人，食唔到太多嘢，所以只係叫左一個海鮮大咖一上枱，大大盤，當然相機食先我本身唔太食得辣，所以只叫左小辣，但唔太辣，中意食辣嘅，應該要叫中辣or大辣有六種海鮮，加埋芽菜，豆卜，薯粉，薯條，夠哂飽同埋佢地個麻辣汁較得好食，d薯粉索哂d汁👍🏻下次可以再嚟試下佢地個熱鍋串串，應該都會幾好食😋

我一家全部都好食得辣 平時出去打邊爐叫大辣 對我哋嚟講非常小兒科 即使係原隻山辣椒都可以生食今日嚟到辣吧 挑戰下呢度嘅大辣菜式先一出𨋢就見到大大個告示牌 客人在8點前離座及10點後入座即可享有75折優惠今趟來得真合時一入到餐廳已經畀呢個超巨型海鮮麻辣大咖嘅模型所吸引 像真度非常高我們入座時尚早只有2至3枱客 但我哋埋單嘅時候已經差唔多座無虛席 除非你好早黎或者晏啲嚟 如果唔係晚飯時間最好訂位餐牌上面既食物款式幾特別 好多菜式嘅名都未見過 例如豆花烤腦花 鴨郡把..我們一行四人 點了海鮮大咖 六款海鮮 每人$288 麻辣大辣店員先為我們設置爐具 底下放咗兩個火水爐四人份量嘅海鮮大咖就在眼前 海鮮已經熟透 只需要等待翻滾就可以食用每日嘅海鮮都係不一樣的 搜羅最新鮮最時令的 食客有口福了餐廳超級細心 海蝦蝦身已經去殼 超方便的蝦肉爽口彈牙肉蟹非常惹味 有豐富嘅蟹膏 蟹肉一梳梳 非常鮮甜大元貝肉質厚而且嫩滑 旁邊嘅粉絲吸收咗麻辣湯底嘅精華 辣得過癮叫咗杯檸樂飲 凍冰冰 感覺超爽的不停翻滾 湯底已經變得越來越辣 連我媽媽都食到滿頭大汗非常幸運我哋趕得切喺八點前埋單 馬上全單七五折麻辣味非常惹味

周六晚上出海落船後都已經10點, 想搵野食就發現專食辣海鮮盤GE辣吧。辣吧開到凌晨3點又有酒飲, 真係岩晒。店舗非常易搵, 往諾士佛臺斜路望上去遠處上方就會見到辣吧踪影。門外一望之下就知有酒供應。大概晚上11點左右, 仲有5,6桌客人食緊海鮮盤。開住大電視, 客人可以一路食住海鮮, 飲住COCKTAIL, 欣賞世界盃。旁桌客人特意在店內待到12點, 店員捧上蛋糕, 送上香檳。隨即播住生日歌, 氣氛超正。桌面會放住玩味濃GE濕紙巾。酸梅湯 $30同行友人比較唔食得辣, 率先叫左杯酸梅湯解辣。海鮮大咖 $288 1位 (6款海鮮)$328  1位 (8款海鮮)日日會因應海鮮時令新鮮度會有少少調整可選蒜茸, 麻辣有大中小辣除左海鮮大咖外, 呢度仲主打熱煱串串。海鮮大咖黎喇, 梗係相機食先啦。以兩人食GE份量已經好大份好吸睛!(元貝x2、貴妃蚌x2、膏蟹x2、鮑魚x2、蝦x6、大蟹柳x2)元貝上面ge粉絲好多，吸晒湯汁精華再加蒜泥, 惹味開胃。元貝同貴妃蚌size都大大隻，膏蟹真係爆膏。(海鮮大咖底部仲有大量豆腐卜、粗薯粉、薯條、娃娃菜都係吸湯汁食材)食完真係好飽ar!!!

早排去諾士佛臺飲野見到新開左間川菜， 就即刻約返幾個嗜辣嘅朋友仔去試下。入到個裝潢好有氣派。檯上仲有幾個正方形包裝嘅” 安全手套“。首先講講個“四川宜賓把把燒“ 。把把燒同火鍋，串燒，麻辣燙 係川菜裡面同打麻雀一樣係唔可以三缺一。最重要係四樣都可以係“辣吧”度食到。把把燒點會只有我地平時食開嘅串燒只係得牛肉，豬肉咁普通。係川菜燒烤係食得刁鑽。例如我地點左豬鼻樑筋 ，豬天梯 ，奪命豬腸 ，火爆田雞等都係比較刁鑽，係外面都唔係咁容易食到。鼻樑筋開始以為會好硬，點知道都軟淋淋。加上個辣粉食極都唔夠。豬天梯爽口同脆口。奪命豬腸比起其他幾款香口加上燒走豬腸嘅脂肪點食都唔覺得油膩。至於火爆田雞燒完都好Juicy，同去除左田雞本身嘅腥味。整體黎講把把燒都做得唔錯。另外一個主打就係熱鍋串串，熱鍋串串係火鍋嘅演變。時間掌握好重要。煮得太短時間唔入味，太長時間雖然會辣D ，但係就無左個鮮味。推薦黃喉同野山椒牛肉。黃喉爽脆，野山椒牛個辣好有層次。到最後就係個“海鮮大咖”裡面有8 種海鮮， 我地仲點埋個波士頓龍蝦。個“海鮮大咖”一黎到我地幾個異口同聲哇左一聲。一個長盤裡面放住林林種種嘅海鮮。有蝦，蟹，蜆， 魚

去到諾士佛臺，一樓就係新開既＂辣吧＂估唔到新開無耐都幾旺場，大家記得Book定位，黎度緊係試最出名既＜海鮮大咖＞！$288位有6款海鮮，大大盤咁上🤩，未食見到都興奮！因為第一次食，辣度揀左小辣，唔係太辣，鍾意食辣朋友可以揀大辣呀！6款海鮮係random架，係因應當日有咩新鮮材料，果日＜海鮮大咖＞有鮑魚、蝦🦐、蟹🦀、帶子、貴妃蚌、螺，整體海鮮都算新鮮，最正係隻蟹🦀，好多膏蟹😍另外，仲叫左 ＜熱鍋串串＞，$128有10款，每款3串，有30串，不過份量好少，可以當小食，辣味都係＜海鮮大咖＞比較出色！呢度仲有波睇⚽，三五知己聚一聚，又多個好選擇😋🍻

我同朋友無食個個海鮮大咖 因為估到係伏 海鮮靚就唔會做麻辣 見到枱枱都叫 但目測唔係新鮮野 叫左熱鍋串 小鍋乾拌 同把把燒 熱鍋同乾拌係一個樣味 把把燒都係 仲要燒到乾憎憎 辣野要難食真係好難 但佢做得到 服務又差 叫set啤酒都要叫3次先黎 冷氣又唔夠 食到11點幾又熄燈 搞到勁暗 話咩係襯番個主題音樂 恕我唔識欣賞 重點個老闆同自己D friends係bar頭飲酒 大聲高呼 he he ha ha 騷擾住人食野 你閂埋門自己玩啦不如 一定唔會再幫襯 垃圾

有朋友生日，剛啱係FB見到介紹諾士佛臺新開的餐廳，而且比招牌大大盤海鮮吸引到，即刻打去Book位～老老實實，海鮮只可以話不過不失，蟹太細隻，不過都有蟹糕食到，螺就細到搵佢唔到，鮑魚都一般，其他蟶子王，帆立貝都算唔錯啦！個湯底就真係好正，芽菜薯條薯粉都少左d，埋尾仲送上一人一碗冰粉！切餅費$80，初頭覺得有d貴，但送左枝香檳，再加全場播生日歌，仲要喪幫手影大合照，真係乜都抵番哂！值得一讚，經理同員工的服務態度好好～