辣吧 (已結業)

平日返工忙，几年沒來過偌士佛臺。周末同幾個朋友來飲一杯，嘆下，發現新開一間中國風的餐廳。就腳，就入去試下：一入去，間餐廳都算寬敞，唔使逼。裝修以大紅調為主，四川民族風，蠻有的特色！好似一位四川小家碧玉樸素清新感覺舒適！ ✌️。 主題我的點左四人份海鮮大伽，熱鍋串串，又燒了幾樣串串，很快海鮮大伽端上來果一刻，色香味視覺盛宴，鮑魚，聖子，貴妃蚌，元貝，膏蟹⋯⋯好豐富排列有序色香豔麗鮮美，熱氣騰騰的海鮮大伽好有氣勢！我們迫不及待去品嚐，的海鮮很新鮮！肉質彈牙，多汁，鮮香麻辣惹味！的菜索曬海鮮湯汁，香辣撲鼻一個字形容：正！勁好味！ 我的又燒下的小吃串串，麻辣湯底，串串品種豐富，海鮮，葷素搭配串串絕對是典型麻辣代表，香辣爾不麻，一口一串，好吃又好玩兒，型男美女的至愛美小吃。又試下的烤串串，烤串串絕對是老闆的良心製作，用料新鮮考究，入口感香脆，和牛粒鮮嫩肥美，入口即溶，令你吃的欲罷不能，停不了口⋯。 ✌️。 還有要特別講聲

本身自己都好鍾意食辣, 今日同朋友去開tst 諗住去諾士佛台飲野, 但見到呢度新開張又寫住個辣字緊係去試下啦! 餐廳招牌菜係海鮮大咖, 叫左中辣試下! 一拎過黎已經好驚喜, 估唔到咁大個! D 海鮮都ok 新鮮, 鮑魚好好味! 同埋d 麻辣岩岩好, 鍾意食辣應該會同我一樣, 狂夾d 配菜食, 因為索哂d 辣汁, d 豆卜同d 粉好正, 唔知係咩粉黎? 有d 似烏冬, 但比烏冬彈d, 又幾好味喔~仲有估唔到個大咖裡面有薯條, 本身驚好怪, 始終真係第一次, 但又幾特別~最鍾意係食個甜品冰粉, 食完個口會無咁辣, 應該會再黎

去到已經有一群群既客人 啲人周圍行黎行去 食晒煙 又臭又嘈 以為自己落左club 食物到啦 係好吸引個樣 食落好普通 最奇怪既係 個煱入面竟然放薯條.....林晒之餘 啲海鮮又唔新鮮 佢送既甜品難食到 我同朋友食左幾啖已經無食 幾乎係無味既....加上佢啲員工唔多 應付唔到成個場 叫佢幫我地落野飲 態度好差 西口西面 仲要最後落錯野飲 🙄食完野打算去個廁所 嘩 污糟到 話晒都係新店 個廁所同公廁有得揮 即時想走 總括黎講 係得個環境幾有特色....埋單成千三蚊 真係唔值 以後唔會再黎！想同朋友聚會不如落去諾士佛臺飲杯野仲好！

辣吧呢間岩岩新開，有85折優惠，所以走咗去試。新裝修，環境唔錯。食物，必點係個招牌海鮮大咖我哋6個人，少少地，叫個三人分量試下有八種海鮮：鮑魚、蝦、蟹、蜆、蚌、魷魚、扇貝、蟹柳，配料有豆卜、芽菜、薯條、薯粉。中辣味道好好，夠辣不會麻。如果薯粉多D新更好，索曬D辣湯，好正。另外，我哋叫咗D串串鍋，$10三份，細細串，一串一啖。鴨血都ok，有台灣的味道！紫薯粉較煙un蒜蓉茄子、娃娃菜就好正常！仲有串燒，都ok，孜然味夠！甜品是冰粉，有D似涼粉，幾得意！不得不讚嗰啲員工，全程服務好周到，又不會嫌麻煩幫我地調位。而且我哋有朋友留咗野，收舖嘅時候，特登搵返booking 嘅電話，零晨4:00whatsapp返我，問我係咪漏咗個袋，服務超好！

昨天晚上一同幾人到諾士佛臺食嘢， 在沒有上網做功課底下周圍視察找食店，見到之前去過嗰間九井水產已經結業， 開咗一間 名叫 (辣吧) 的食店……我哋幾個又鍾意食辣就膽粗粗上咗一樓睇睇， 了解過原來都係試業當中…… 仲有試業期內八五折添， 咁我哋就試下做一次豬仔， 因為上面有位經理名叫 Edmond 口才好好 在reception 傾下傾下就畀佢叫咗入舖坐低咗， 原來這一間店…… 主要係賣四川成都麻辣海鮮大咖為主打，另外仲有啲熱鍋串串、冒菜、 燒烤…… 咁我哋就嗌咗個 四人份量嘅海鮮咖， 食品質量有驚喜味度真係好似我去過成都嗰種口味…… 另外海鮮新鮮程度不過不失， 經理仲話如果提早預訂可以有更加靚嘅海鮮食材添…例如澳洲龍蝦、阿拉斯加長腳蟹， 至於其他串燒都燒得好香…… 最搞笑係連海星……都有得食， 我仲以為海星係淨係攞嚟做標本添我哋幾個就飲啤酒有位朋友唔飲啤酒佢就叫咗一杯無酒精雞尾酒飲下添…… 最後經理Edmond 仲送咗幾份四川冰粉 甜品畀我哋試食…… 上面有啲玫瑰花 糖冬瓜 山楂片 芝麻粒 加埋黑蜂蜜糖漿 又幾得意QQ地雖然未開業但係八點幾鐘試業都有咁多客爆晒場我相信佢哋老闆 一定係四