辛手村 (已結業)

餐廳環境乾淨舒服，走文青路線，唔講唔知原來係食川菜㗎。氣氛輕鬆。晚上九點半會調暗燈光，變身成酒吧，亦有水煙提供，好啱放工同朋友吹水聊天。我哋揀咗傳統嘅麻辣干鍋，干鍋底已包括土豆，娃娃菜同蓮藕。另加了配料腸仔，冬菇，豬腩肉，椰菜，再灑上大量芝麻，賣相好吸引。我哋都有啲怕辣，所以點了BB辣。香辣味好正，都有啲刺激，如果要大辣，我諗我會噴火😂好鐘意佢啲土豆條，厚切，粉得嚟略帶爽口，口感一流，其他配料同個汁撈埋一齊都好食，口感層次豐富。聽朋友介紹佢哋嘅串燒都幾出色，點返幾串試吓先，又真係唔差🥰🐮岩燒厚切牛舌心 $68牛舌心係牛舌最正嘅部位厚切更有口感，爽脆兼牛味濃，就咁鹽燒都好正。🐔辛手雞棒肉串 $32外層燒至黃金微脆，入面係以免治雞肉同雞胸軟骨製成嘅肉串，口感脆脆。🐷川燒經典豬頸肉 $42火喉一流，唔會燒到乾哂柴，勁多肉汁，仲要好爽口，必食！🥢川燒韭菜$20加上孜然粉去燒，燒得好惹味😻🥒川燒翠玉瓜$20清甜爽口又juicy，必點嘅蔬菜類！🥢秋葵牛肉卷 $38秋葵同牛肉味好夾，又可清一清膩。🐟日式燒鳗魚 $38雖不算勁肥美，但燒得好有心機，咬落仲有肉汁㗎。🍹芭樂烏龍冰茶，荔枝烏龍冰茶 $32食

🤍辛手村🖤旺角黑布街21號地下📍最近天氣凍返啲，好想搵啲辣嘢嚟食🌶即刻諗起呢間餐廳，今次已經係第二次嚟食❤️呢度有個二人套餐叫「唔想諗·即刻食」$498 😂咁啱有齊晒我哋鍾意食嘅嘢！串燒🍡川燒秋葵有4件秋葵，燒到好淋身，好好食❤️🍢辛手雞肉軟骨棒雞肉Mix咗軟骨，口感好特別😋🍡川燒經典豬頸肉豬頸肉好厚身！油脂豐富，但係又唔會食到成口油，面層仲薄薄搽咗啲蜜糖，好香！🍢川燒厚切牛舌心 （+$15）燒牛舌點都冇得輸！雖然佢寫住係川燒，但唔會好辣，完全食到牛舌嘅原汁原味！🌶麻辣黑松露味干鍋 （+$15）好欣賞呢間餐廳竟然會出麻辣黑松露味嘅干鍋，兩隻味都幾夾，唔會比其中一隻味搶晒😋干鍋入面有大量肥牛片、五花肉、雞軟骨、娃娃菜同埋炸過嘅薯仔，啲肉真係好多，食極都仲有😂送飯一流！🍻飲品我哋叫咗荔枝烏龍冰茶同埋蜜桃烏龍冰茶，飲落好清新，好啱送辣嘢，可以解膩解辣🌶最尾個甜品-柚子冰粉，都係我最期待嘅一個環節！冰粉超滑，配柚子蓉都好夾，好有特色！希望佢哋遲啲會推出唔同口味嘅冰粉啦❤️

🥘新派創意川菜🥘旺角黑布街嘅小店都成日比到驚喜我 今次就約埋朋友嚟試一間出名食創意干鍋同串燒嘅小店🍢 以前以為川菜一定係比較舊式先好食 點知原來呢間裝修小清新嘅新派川菜料理都咁出色🤤 聽聞佢每晚仲玩一鋪兩用 夜晚仲會變身成為酒吧😎-✌🏻唔想諗。即刻食二人套餐 $498餐廳一定係知我地都係嗰啲乜都想試吓 但係又唔想諗嘅人😅 呢個二人套餐就啱晒我地 包咗任揀串燒四款 同 干鍋任揀三個配菜 仲有嘢飲同甜品 真係好抵食😍-🍢串燒1️⃣辛手雞肉軟骨棒係由雞軟骨做嘅免治棒 食落好爽口 每一啖都充滿着軟骨 送酒一流 😙2️⃣川燒牛肉串調味恰到好處 唔會蓋過咗肉味 師傅手勢好好 肉質仲係好Juicy😛 3️⃣川燒經典豬頸肉係偏爽口嘅部位 油脂幾香😏 4️⃣川燒秋葵係用咗孜然調配出嚟嘅燒烤醬 惹味得嚟 唔會太鹹 可以encore🥳-🥘麻辣黑松露干鍋 (+$15)呢款鍋底係由餐廳自家製 一上菜嘅時候真係好香 已經聞到淡淡嘅黑松露味 估唔到同麻辣都咁夾🤩 食落首先係黑松露味 再慢慢有少少麻辣嘅後勁 加埋芝麻同蔥花 好香口好有層次😋 鍋底配料有預先烹調過嘅土豆 娃娃菜 同蓮藕片 我哋嘅自選配料就揀咗肥牛片 五花肉 同濃汁牛丸

辛手村，位於旺角黑布街，餐廳環境整潔舒適，店員服務貼心。晚上9:30後更會調節餐廳燈光，變身酒吧，更有水煙提供，確實多元化。食物方面，餐廳更自創麻辣黑松露味道及壽喜燒味道干鍋，二人晚餐點了傳統麻辣口味干鍋，辣度及食物均可按個人喜好選擇，肥牛香腸大蝦等等，麻辣味辣度均強，肥牛完全吸收麻辣味道，川式感覺極濃。套餐串燒味道制作亦非常出色，蜜糖豬頸肉串，表面帶脆，豬頸肉軟嫩，蜜糖味道剛好幫忙解辣，必點推介。套餐更包冰茶冰粉，店員貼心服務令用餐過程愉快，定必再來。

今日出開去旺角，見到呢間食川菜乾鍋嘅舖頭，全部裝修好新淨，幾骨子，咁咪入去試吓。侍應都好好態度。佢有個兩人餐，包括左四款串燒，一個干鍋，無酒精飲品兩杯同埋兩個柚子冰粉。咁嗰四個串燒我地分別食咗日式燒鰻魚串，岩燒厚切牛舌心，川燒經典豬頸肉同辛手雞肉軟骨棒。串燒都燒得好有心機，燒得好香，尤其是牛舌，一咬落去多汁又香口。而個乾鍋呢本身有土豆，娃娃菜同蓮藕，另外我哋要多左肥牛片，鮮蝦同廚師腸。我哋要左係小辣嘅傳統鍋，咁樣送飯真係一流，啲餸辣得嚟好開胃，同埋好入味，份量都唔少。另外個餐包左兩杯飲品，我哋分別要左無酒精嘅芭樂烏龍冰茶同signature cocktail今晚打老虎(葡萄味)。兩杯都好高質，茶好重茶味，唔會太甜，cocktail就唔會太重酒精味，同葡萄好夾，幾好飲。最後有兩個柚子冰粉，份量少少哋，凍冰冰食完啲辣嘢再食個冰粉就最啱啦。埋單一人三百蚊倒，食到咁多野，又坐得舒服，推薦大家嚟試下！

來到"辛手村"，見到以辛手命名嘅“辛手雞肉軟骨棒”點可以唔嗌呢？果然冇嗌錯，真係好好味，雞肉棒中食落有少少雞軟骨，但係又唔會太硬，good👍"蜜糖爆蒜雞翼串"，唔使自己燒但又有BBQ風味，好開💜"岩燒厚切牛脷心"厚切軟滑幼嫩，牛脷心非常柔軟； "川燒翠肉瓜"有些少辣粉，孜然粉喺面，從未試過咁食，又幾好味喎。"麻辣黑松露乾鍋"聽講係本店獨創，試試無妨，內有蝦，肥腸、魚豆腐，有蓮藕，有紹菜，BB辣有又些少黑松露味非常好，大家都搶唔到彼此味道，唔錯唔錯。"芭樂烏龍冰茶"和"鳳梨烏龍冰茶"愛來解辣最perfect ，而冰粉亦有相同功效，叫個有新意嘅"柚子冰粉"，爽😊本店仲有一個特色，就係來到夜晚九點半之後會變身成為酒吧，有啲好奇吖，遲啲嚟試下啦。

旺角黑布街 細細個就經常喺個到開餐, 近年多咗好多特色餐廳小店進駐，整體來講 講唔停覺得呢間川菜館都幾高質燒茄子辣得黎又夠香, 甜品同其他食物都做得好食!  果然好好食冇令我失望

川菜一向比人嘅印象係好中式🧧，而且一式一樣，無咩變化但係黑布街嘅呢間川菜餐廳就比到人一種煥然一新嘅感覺，唔睇個menu，你絕對唔會知道佢係賣川菜嘅🥟環境《辛手村》嘅裝修以白色同金色為主，中間重有張有棵樹嘅bar枱，成個感覺好清新，好fresh，好似一間cafe☕️但唔好意思喎，佢只提供酒同特飲比人chill吓食物話明係川菜餐廳，所以餐廳主要係賣串燒🍗同干鍋，但佢同一般川菜餐廳嘅分別係：d菜式全部都cross over咗d新意🥳二人套餐 （$590 連加1）串燒 （川燒經典豬頸肉 + 川燒翠玉瓜 + 日式燒鰻魚串 + 川燒厚切牛舌心） D串燒嘅擺盤好靚呀💜至於d串燒都燒得好好食，而因為佢係fusion菜，所以佢d串燒冇出面嘅咁濃味，無咁重孜然粉味，但一d都無影響食物嘅質素傳統味干鍋 （bb辣，肥牛片，蝦，香腸）個干鍋除咗有可以自選嘅材料之外，重有蓮藕、土豆、娃娃菜🥗等等有時喺出面食干鍋，d味會太濃，食完會好口渴，但食呢個干鍋就絕對冇呢個問題😋再送埋碗白飯🍚就夠晒飽啦（餐廳重有麻辣黑松露味同埋🇯🇵日式壽喜燒味嘅干鍋，呢d都係一般出面未必有嘅，下次為食貓會再試）芭樂烏龍冰茶 推介 + 鳳梨烏龍

近排去咗旺角黑布街, 人氣嘅串燒乾鍋店, 佢嘅乾鍋都幾有特色, 有辣有唔辣, 叫一個BB辣, 份量都幾多, 黑松露麻辣干鍋, 裏面配咗幾種材料, 雞翼, 豬頸肉, 冬菇萵筍佢嘅黑松露非常之入味, 令到雞翼同埋冬菇嘅味道得以提升, 豬頸肉非常淜, 再加埋爽脆嘅萵筍蓮藕, 等等色香味俱全, 麻辣得黎幾惹味既然麻辣, 當然要飲啲嘢解下蠭, 叫左荔枝烏龍冰茶, 又唔算太甜, 恰到好處, 有咗荔枝嘅加持味道更加香, 另外再食咗啲串燒, 燒菠蘿大大塊, 菠蘿燒到啱啱好, 非常的JUICY, 非常之新鮮最後再食埋個柚子冰粉, 入口即溶, 再加埋柚子, 非常之特別, 柚子嘅香氣再加冰粉, 食完之後真係大滿足

位於旺角黑布街嘅「辛手村」主打串燒及特色麻辣干鍋，其中，「麻辣黑松露干鍋」以及「日式壽喜燒味干鍋」均係餐廳自創口味，與眾不同，絕對能為你帶來驚喜。餐廳嘅裝潢猶如一間Cafe，舖面唔大，有約二十個座位，但特別嘅係每日夜晚九點半後會調校燈光，Transform成酒吧Style！整體而言，川式串燒非常出色，惹味濃郁，相當好食。川燒厚切牛舌芯 ($68): 共有三塊厚切牛舌芯，口感爽脆，牛味濃郁，肉汁澎拜，用孜然、辣椒粉及鹽等調味料燒製，非常惹味。日式燒鰻魚 ($38): 鰻魚皮脆肉嫩，爽滑多汁，味道亦相當鮮甜。川燒經典豬頸肉 ($42): 除左辣椒粉外，仲用左蜜汁燒製，味道香甜，豬頸肉爽口彈牙，肉味豐富。辛手雞棒肉串 ($32)、川燒翠玉瓜 ($20) 、川燒韮菜 ($20): 與牛舌芯一樣，同以孜然、辣椒粉及鹽等調味料燒製，超級惹味，雞棒除左免治雞肉外，內裡仲有粒粒軟骨，口感豐富，真心好食；另外，燒翠玉瓜及韮菜等時蔬都幾香，即使係素食也不感單調。鳳梨烏龍冰茶 ($34): 糖漿適量，甜度剛好，帶淡鳳梨香，亦會飲到烏龍茶味。估你唔到麻辣黑松露干鍋 配雞軟骨、五花肉、魚豆腐及娃娃菜 ($234

麻辣黑松露味乾鍋1️⃣鍋底：有3款簡，梗係簡番個特別d，店家自創：麻辣黑松露味✌🏽2️⃣干鍋配料：最少要簡4款，蓮藕、金針菇、五花肉、肥腸、萵筍、芋絲、土豆絲。食落有驚喜，配料全部都入味，辣度適中，好惹味。🍢重口味成都燒苕皮$32：外皮煙韌，包住蒜餡，幾特別。整體串燒火喉都唔錯，調味好惹味。鳳梨烏龍冰茶/荔枝烏龍冰茶 $32果味都突出，唔會太甜柚子冰粉 $28都幾大碗，清甜既感覺，食完重味既野食，清一清岩岩好。每款食物即叫即整，要d時間等待，我地食到9點幾，店家開始調校燈光，迎接酒吧時段，仲有水煙添。

之前食過麻辣乾鍋覺得好好味今次返嚟encore試埋佢嘅日式壽喜燒乾鍋同樣有驚喜 除咗乾鍋 又點少得叫返啲串燒食下🍢川燒牛肉串 $34🍢川燒厚切牛舌心 $58🍢京葱厚燒五花肉 $42🍢川燒魷魚串 $38🍢川燒韮菜 $20🍢川燒翠玉瓜 $20叫咗一堆串燒，有肉有海鮮有蔬菜好鍾意佢嘅調味，每串串燒都灑上好多味粉食落更顯惹味，特別推介牛舌同五花肉真係好厚切，好好咬口第一次食燒韮菜，燒到脆脆地，幾特別乾鍋係首先揀左鍋底再揀4款以上配料🥘日式壽喜燒乾鍋全部炒埋一鍋都幾大份個鍋好豐富，以下樣樣有齊豬頸肉、雞軟骨、芋絲、蓮藕薯仔絲、娃娃菜 同 椰菜花 面頭灑上白芝麻同葱花，香氣十足成個鍋都係壽喜燒味，食落甜甜地整體好惹味香口，配飯食一流👍🏻🍹鳳梨烏龍冰茶/ 荔枝烏龍冰茶兩杯都唔錯，唔會過甜個人覺得鳳梨味嗰杯味道出啲🧊柚子冰粉 $28冰粉配上柚子，感覺好fresh如果食麻辣嘅一定要叫，解辣啱哂

呢間Fusion川菜既居酒屋，主打一啲唔同麻辣程度既干鍋、新派干鍋同一啲串燒類。佢地既傳統四川麻辣干鍋特別吸引，鍾意食辣既我一定唔會錯過😆一去到坐左冇幾耐，舖頭已經陸陸續續坐滿人，估唔到大家都咁鍾意食川菜😳不過唔知係咪太多人，佢出餐就有啲慢，啲野食等左半個鐘都未到🥲✎ 炭燒帆立貝 咬落有啲粉，散手手既感覺，再用力少少咬就散開，我都係鍾意食實少少既元貝多啲，不過佢勝在表面既麻辣粉夠多，而且夠辛辣，大約中辣個個程度，所以都算幾惹味，加番少少分😳✎ 川燒經典豬頸肉 得少少肥膏，燒得幾有咬口，唔會太煙靭，亦唔會好肥膩，加上似用燒汁燒，味道更加出色😍✎ 辛手村傳統味干鍋雖然叫嘅係小辣，但係食落似中辣😂都幾辣下😳干鍋本身就包娃娃菜同薯仔絲，之後自己另外再添加食材，我地加左五花肉、墨魚丸、蓮藕同萵筍。娃娃菜幾新鮮，萵筍同蓮藕咬落好爽口😆👍🏻而五花肉有咬口，食落唔太鞋，墨魚丸都幾彈牙，薯仔絲幾有薯仔味，整體食材質素都唔錯🥰雖然表面灑滿芝麻，但係辣味都蓋過芝麻味😂而且個辣味都幾惹味！鍾意食辣嘅人應該都會鍾意呢道菜。✎ 荔枝烏龍冰茶 濃郁荔枝味配淡淡烏龍味。✎ 蜜桃烏龍冰茶 淡淡蜜桃味，烏龍味都冇乜。

有時看事物不要只看外表也要留意，仲要細心留意別有洞天的內涵就甘睇店舖有點似韓式cafe但原來是食川菜的餐廳說真的，我也很期待麻辣黑松露，日式壽喜燒味干鍋等口味是餐廳自家創，坊間都暫時未見到有呢個配搭。今次就來一個日式壽喜燒味干鍋始終喜歡甜甜地的醬油口味味道濃郁而香甜配料都真係好free style我喜歡肥牛的邪惡，肥牛都好吸汁墨魚丸切半很爽口彈牙仲要五花腩的肥甘香配菜仲有蓮藕片，娃娃菜，薯絲除了肉肉，配菜很爽口。另外我叫多的白芝麻，因為食起來很香串燒叫了六款，辣度其實可以跟店方講的我覺得灑上少少川式辣粉，別有風味岩燒厚切牛舌心很軟綿，不會柴辛手雞棒肉串含有雞軟骨碎，仲有雞肉食起來很有口感辛燒魚腐串外層甜甜地，甜中帶辣亦辟去了魚腥味川燒翠玉瓜很脆口，又多汁川燒豬大腸處理得唔錯，我偏好再燒多陣更惹味磯燒菠蘿很有果香，醬汁不會搶走獨有果味柚子涼粉冰口感滑溜又涼快，亦見到柚皮及果肉，食起來不算太甜。食完甘多野都要飲返杯，芭樂烏龍冰茶及荔枝烏龍冰茶，茶味較重，但都有絲絲的果香。每晚9點30會調校燈光，改變成酒吧形象，有水煙提供，下次lady's talk都真係要體驗下

街坊系列 – 辛手村 💚------------------------------環境:小店唔大一眼睇哂😝勝在四正企理木系主調既設計加上柔和燈光☺️感覺舒適但音樂稍稍有點大聲同成日轉歌😅尷尬左------------------------------食物: 估你唔到麻辣黑松露干鍋 ($230) 🍲全晚既高潮位🙊小編慕名試下呢個黑松露溝麻辣兩款重味既野結合會有咩效果出現呢🤔結果又幾唔錯味道先由麻辣味先聲奪人咁跑出,刺激味覺🤤流哂口水麻味過後留就係黑松露香😍好似飲酒既After Taste咁味道特別有心思,配料正常😈揀啲吸味既食材效果更佳川燒魷魚鬚串 ($38) 🦑味道正常,唔會太乾🌶️調味香而不太辣川燒牛肉串 ($34) 🐮味道唔錯😜燒得好香好入味,但肉質偏乾左少少辛手雞棒肉串 ($32) 🐥啖啖都有軟骨係入面😋 口感好正好爽脆京蔥厚燒五花肉 ($52) 🐷小編私心推薦,油花燒到好香好正😍同香料好夾京蔥新鮮唔會苦澀,口感爽趣🤗整體好有層次日式鰻魚串 ($38) 🐉味道唔錯😂細細件咁食到心思思想叫多串荔枝/芭樂烏龍冰茶 ($32/杯) 🍹味道正常,少冰少甜有做足👍🏻用黎解油一流-----