輝哥私房菜

营业中

休息中

尋日難得放假想食下點心，上網見到原來有間點心任食好平，可能仲平過我叫幾個點心咁食，所以就同朋友預約去咗呢度食啦。有兩個供應時段嘅點心放題，一個係朝早11:45 ，另一個係1:30 ，朝早11:45仲有啲眼瞓，所以就1:30嚟食啦。$78就有任食點心，不過$12茶錢同加一都係要比嘅。點心種類都好多，而且仲有小食食添，抵。蝦餃燒賣正路嘅就一定要有啦，我都主攻蝦餃嘅，因為有蝦食，感覺抵啲。每籠都有三隻蝦餃嘅。蝦餃入面嘅蝦都幾多，咬落彈牙。因為係放題所以我都費事食咁多腸粉同包食到咁飽啦，但奶皇包係我最愛，所以我都叫咗份流心奶黃包。奶皇包味道唔錯，有少少流心。點心任食都算啦，竟然連平時成四五十蚊個嘅小食都有得任食，我睇到眼花撩亂，乜都想試，但又怕眼闊肚窄。最後小食方面我哋叫咗燒汁牛柳粒、酥炸墨魚花、四川口水雞、招牌避風塘九肚魚同埋八味脆豆腐。話就話怕會眼闊肚窄，點知最後原來都叫咗咁多款小食，不過我地其實都食得晒嘅。好彩嘅係每份小食份量都唔多，等我哋可以試多啲款。幾款小食入面我最鍾意就係酥炸墨魚花同埋八味脆豆腐，酥炸墨魚花嘅味道食落就好似椒鹽魷魚咁，外脆而內煙韌。而八味脆豆腐真係好滑，外面又好脆，

今日早放工，所以上星期一早約咗呢間「輝哥私房菜」食任食點心中菜。最好約定位，因為都幾多人都會冇位。宜家喺某網站網上預訂仲有折扣優惠，最平只係$78，原價都要$198 㗎。（另收茗茶$12同埋加一） 呢度嘅選擇都幾多，唔會話得幾樣嘢先可以任食。我一開始以為得點心，原來連一啲小食同粥粉麵飯都有。真係叫一個粉麵都已經抵返嗰$78。介紹晒都幾難，等我重點介紹幾樣。嘢飲都任飲，估唔到仲有啤酒。蝦餃一籠三隻，細細粒但係皮薄餡靚。啲蝦食落都幾新鮮，外面嘅皮就唔會太粉。乳鴿每人會有半隻，佢嘅份量都唔細而且乳鴿係多肉多汁。一咬落去都唔會覺得好乾，同埋唔會淨係咬到啲骨。佢嘅皮亦都燒得幾香，記得趁熱食啊！燒賣一籠有四件，肉味夠濃唔係得粉味。賣相都幾好，色澤金黃。桂花糕係我飲茶自己必點嘅甜點，食咗好多鹹嘢要食返少少甜嘢緩衝下。呢度嘅桂花糕都幾清甜，有淡淡的桂花香。菜苗餃一樣都係皮薄餡靚，一籠有兩粒。好味到我食咗兩籠，任叫㗎嘛！

先講下我覺得最正既牛柳粒先, 其實望到已經覺得係比較Juicy,牛肉算係軟易入口, 味道偏濃, 岩晒中意食味濃既人.份量唔算太多, 但作為點心來講, 算係正常!叉燒腸, 一食就知係即叫即整腸粉, 十分滑, 醬油都好味, 加左d油, 比較香,腸粉入面有蔥, 如果唔食蔥既人士要特別注意, 基本上我覺得腸粉係必叫!XO醬炒腸粉, 都幾香既, 芽菜進一步再加香成碟野,個人覺得都係即叫即整既腸粉比較出色 , 呢D無咁滑反而似係用街頭腸粉整, 去食點心, 蘿蔔糕走唔甩, 蘿蔔糕小小偏粉, 不過不失, 但任食黎講算係正常,蘿蔔糕入面料係落足既, 所以味道都係唔錯的, 煎到金黃色岩岩好火侯!醬料區係完全自肋自己黎, 我主要都係拎辣醬,點蘿蔔糕食!整體黎講出野快, 價錢都唔算貴, 值得來一試! 

我同男朋友不嬲都幾鍾意食點心，知道輝哥有超抵食既點心放題之後，我地終於book左今日平日去食👏去到見到既餐牌比起我上網見到既更多選擇😁約左一點半店員都幾準時安排入座👍乳鴿係按人頭每位送半隻，大約食左半粒鐘店員就主動奉上，炸得好香唔會太燶，熱辣辣脆卜卜都幾多肉😋豬潤燒賣咁懷舊既菜式當然要試👍 豬潤粉嫰唔會過熟，下面既蝦肉超大粒兼彈牙，非常推薦一試👏👏川芎魚雲湯係大排檔自助既，好足料，飲得出勁濃郁既川芎藥材味，唔會太油膩，男友飲完一碗又一碗😅棉花雞雞肉嫰滑juicy，魚肚同冬菇索晒啲湯汁好入味好好食🤤星洲炒米細細碟岩晒放題時眼闊肚窄既胃🤣 雖然唔係好香咖哩味，但炒得幾有鑊氣同埋分明唔會痴埋一堆，蝦肉同洋蔥爽口，仲有雞蛋叉燒好多配料唔馬虎👏蒜蓉炒菜心顏色嫰綠，菜心莖炒得岩岩好十分爽脆得黎無草青味👍杞子桂花糕爽口彈牙，味道清新唔會太甜，唔錯😀煎蝦韭菜餅非常脆口但略嫌油左啲同埋唔多覺有蝦肉😅除左野食仲有飲品櫃裏面嘅飲品任飲，加埋茶芥一舊水都唔駛仲想點🤣🤣

講到飲茶通常去到茶樓食乜嘢點心真係好糾結有陣時淨係同媽咪一齊去飲茶飲茶腳越少，點心嘅選擇就越少今次試食輝哥私房菜🌟點心放題放題就可以大叫特叫有幾款大家一定要試🔸半隻乳鴿人頭送半隻乳鴿乳鴿上枱熱辣辣香噴噴炸到外皮趣卜卜咬開乳鴿係咁流肉汁🔸蝦餃有大大粒爽脆蝦仁一籠兩粒，份量唔會太多咁就唔會食得太飽🔸流沙奶皇包真係名副其實嘅流沙一搣開，奶黃隨即湧出嚟好amazing ❤️重點係奶皇非常香滑🔸招牌避風塘九肚魚九肚魚炸得非常香脆而且非常乾身，而且味道唔會好辣小朋友都食到點心放題嘅份量每一碟都係細細份方便我哋呢啲眼闊肚窄嘅女仔而且仲有早鳥優惠登入網站預付，有更多優惠

自從堂食有限制之後，都好少去飲茶，因為人太少好難叫多幾款點心食，今次發現咗一間點心放題，價錢亦都唔貴，但就有得任食n咁多款嘅點心，啱晒我呢啲為食嘅人！一坐低，侍應好快問我哋飲咩茶，不過就只有鐵觀音同普洱選擇，但都冇咩所謂，因為出邊其實有飲品櫃，可以自己拎韓式飲品，或者汽水等等。亦都有一個小食櫃位，有個阿姐會即場煎糕點或炒飯，亦有碗仔翅或者炸雞翼尖等等唔同嘅小食，可以任拎。點心都有好多款，而且好快就送到，普遍蒸點都非常夠熱，食得出係即叫即蒸。蟹子燒賣大大粒，而且好多蝦肉，好足料。炒牛柳粒好有咬口，每碟份量都唔細，味道好啱送飯。蠔王鮮竹卷入邊好豐富，有木耳蘿蔔絲等等嘅餡料，都幾好味！鮮蝦春卷都好脆，不過就有少少油膩感。食下食下都好快飽，但就可以試到好多唔同嘅點心，埋單計數亦都唔算太貴，值得再試。

之前都係唔少社交媒體上面見到呢間輝哥私房菜嘅點心放題，唔少人食過個評價都唔錯，難得今日得閒約埋朋友一齊去飲個靚茶！放題分兩個時段分別係11:45同埋1:30，喺門口排一陣隊好快就入得去，環境都算舒服，正常中菜館格局。點心紙上嘅食物款式都好多，更有唔少係平時飲茶都好少見嘅懷舊點心，例如豬潤燒賣、薑蔥牛肉角、干蒸牛肉燒賣等，一場嚟到梗係要試吓啦！豬潤燒賣非常好食，豬潤嘅厚度適中，唔會鞋口，而且下面嘅餡料好多蝦肉同豬肉，好有彈性，絕對推薦！酥炸墨魚花都唔錯，熱辣辣又香口，墨魚亦都好有彈性！蝦餃都好味，蝦肉彈牙，外皮都好薄！食到咁上下，每人仲有半邊乳鴿，平時出街飲茶叫隻乳鴿都成$40，估唔到放題都有得食，正！整體來講，呢個價錢食到咁多款點心，仲有炒粉麵、小食、乳鴿等等，感覺都幾抵，而且超級飽，滿足！

Join 左個98蚊任食放題，我地兩個人去196蚊另外每人要比23蚊茶介加一，每位就要121蚊。首先，佢話13:30開始，坐晒人之後話要13:45先落單，跟住自助bar 有個阿姐負責整野食，淨係識得拎d 糯米飯出來，煎蘿蔔糕咁多人食又唔煎多d，佢冇晒蘿蔔糕我走埋去話我想要蘿蔔糕啊，阿姐話我唔得閒煎呀！跟住繼續處理佢既糯米飯，最後連自助bar 阿姐都走埋，乜野小食都冇得係果度拎，睇睇個錶14:00鬆d 咋，個自助bar 開左15分鐘就收檔。跟住，漏單就預左，叫左兩次燒賣都冇來，最後叫左鮮竹卷，未食就見到有啫哩狀既嘢係面，已經覺得奇怪，一咬落水，個心係冰架，我即刻同果個阿姐講，佢話凍就唔好食，我話：吓？唔好食？我想食鮮竹卷woo，阿姐話，哎呀，你掉返落去啦！我拎返入廚房呀！我唔比廚房睇吓佢地唔知架嘛！我話我唔係要追究呀！咁你會唔會拎過碟比我呢？最後係有來既，不過鮮竹卷係熱既但個心係硬既，好似蒸唔透腐皮好硬果種感覺。最後想講，大排檔飲茶好食過佢好多，食物質素只可以話合格，呢個價錢自問覺得唔抵食。服務態度可以更好。

自從疫情以來，放棄咗去飲茶成年，現在疫情有所改善，防疫措施稍作放寛，真的忍不住要去飲下茶，食下點心！ 點心種類算多算齊，以放題來計，每款點心份量合理，可以食多幾款不同點心，不錯。每人仲送半隻燒乳鴿，上枱時熱辣辣，脆香口。最愛的叉燒包，永遠是最好食的點心。鯪魚球，新鮮可口，彈牙富口感。超新鮮嫩口的菜心，好好味。燒賣亦是必食的點心，很有質素。最後當然要食下甜點，左邊是奶皇薯棗，外邊是煎堆仔，裡面是香滑奶皇，很讚的甜點。右邊是杞子圓肉桂花糕，清新可口。自肋放題小食種類繁多，任食唔嬲！ 90分鐘$78任點任食點心放題，如此高的性價比，值得幫襯。

由細到大都鐘意去飲茶，鐘意食點心，可以食到好多唔同款式，今次比我搵到間點心放題任食，款式係傳統中式點心，例如水晶蝦餃皇、蟹子燒賣皇、古法馬拉糕、手拉蝦腸等等，平時可能同屋企人食都只係可以點幾樣，今次我真係冇留口瘋狂點，當然大家記得要食晒唔好嘥嘢啦😀春卷同埋脆皮豆腐都係即叫即炸，香脆好味，特別係脆皮豆腐真係外脆內滑，加埋椒鹽非常香口，每台都會送乳鴿，肉質鮮嫩外皮焦香，流沙包非常流心，一咬即刻流出黃金流沙，排骨非常入味，啖啖肉，最後梗係要健康啲叫返個麻醬秋葵，對腸道非常健康㗎❤️菜色味道跟隨傳統，任食絕對可以回本，限時個半鐘，慢慢嘆！

農曆新年，又可吃到傳統賀年糕點年糕、蘿蔔糕、芋頭糕 .... 仲有日本宇治抹茶年糕同冰糖杞子桂花糕，諗起都流口水～推介輝哥私房菜新春誠獻「金牛獻瑞賀年糕品」採用上品食材，以傳統手法烹調，每年銷量逾10,000盒，贏盡口碑﹗食到粒粒芋頭、絲絲蘿蔔、黑糖年糕清甜煙韌、抹茶年糕清香軟滑、桂花糕清甜味美，絕對是送禮夠體面，自己吃又可口開心，過年煎糕招呼親友都可加點新意！「金牛獻瑞賀年糕品」共5款口味可供選擇﹕ #輝哥足料蘿蔔糕 850g (特價$88, 原價$148)蘿蔔糕以傳統手法生炒粗條蘿蔔及特選臘味，蘿蔔清甜味令人一試難忘﹗ #日本宇治抹茶年糕 850g ( 特價$88, 原價$128) 選用京都宇治山政小山園的2種抹茶粉手工製作，淡淡抹茶清香加上3.6北海道牛乳濃郁的奶香，餘韻悠長﹗ #古早味黑糖年糕 850g ( 特價$88, 原價$108)使用增城蔗糖、沖繩黑糖及原汁椰漿炮製，加上傳統秘方，口感煙煙韌韌Q感十足﹗ #招牌原粒芋頭糕 850g (特價$88, 原價$148)用足料芋頭粒炸至金黃，每一口都有濃郁的芋頭味道，最適合芋頭控﹗ #冰糖杞子桂花糕 850g

難得放假 約咗母親大人去飲茶 樣樣點心都想食呢我發現咗呢度 原來有點心放題 咁就可以任點任食所有嘅點心都係自家製作 即叫即蒸 真係好新鮮啊呢度有超過五十款嘅 高級手工粵式點心 精選粉麵仲有多款大排檔 同巧手小食 粥品同田園時蔬添架啱曬中意歎一盅兩件 同最愛食嘅朋友仔 挑戰一下聽講好似送半隻乳鴿 同埋汽水都係任飲 事後先知點都好記得食得曬先好叫 珍惜食物 唔好做大曬鬼-是日點心清單鮮蝦春卷乾蒸牛肉豬潤燒賣豉汁蒸鳳爪水晶蝦餃皇蟹子燒賣皇流心奶皇包山竹牛肉球八味脆豆腐酥炸墨魚花四川口水雞薑蔥牛肉角安蝦咸水角蜜汁叉燒腸粉香茜牛肉腸粉小嬌白玉棉花雞巧手潮州蒸粉菓招牌避風塘九肚魚-任點任食 午市90分鐘點心放題-放題收費：星期一至五：每位 $78 （另收加一服務費）星期六、日及公眾假期：每位 $98 （另收加一服務費）茗茶：每位 $12 （另收加一服務費）供應時間：11：30 - 16：00

🇭🇰輝哥私房菜·因為我屋企人多 所以我地年年做節唔係打邊爐就係盆菜🤣今年我哋就搵咗呢一間盆菜 因為佢有得送上門 方便超多 而且佢個樣好吸引 難得我媽咪都無ban我地 所以大家都可以參考下😏😏·6位極上龍蝦鮑魚花膠盆菜$899佢個龍蝦真係好大隻 不過因為佢冇幫我哋剝開 所以食得比較麻煩 但係佢入邊都真係好多肉嘅 而且佢係加$1可以有多一隻龍蝦 所以總共有2隻 開心🦞😏😏我地呢個入面有鮑魚 花膠 蠔豉 帆立貝呢啲 每樣都有6件既 呢啲就正常水準啦 肉類方面佢入面有超大隻豬手 我媽咪超鍾意 另外仲有啲雞件同腩肉 因為呢啲炆得耐 所以係偏濃味少少既 不過盆菜就係咁🤣佢最底仲有芋頭 蘿蔔 豬皮 魚蛋 呢啲全部都索晒汁好好食 不過佢蘿蔔唔算好多 所以我哋係自己再加咗半條蘿蔔先夠😂佢另外仲包埋芋絲 娃娃菜同埋金菇 不過唔知係咪因為呢個盆菜多海鮮 所以佢入邊啲料唔係話超多 我地6個人岩岩好食曬😈·#rbyeat#rby港式 #rby中菜#rby佐敦·📍佐敦長樂街18號18廣場2樓

成班朋友一齊去食飯去邊度好，冬天除咗打邊爐之外其實食私房菜都係一個唔錯嘅選擇，價錢公道之餘，食物又有一定嘅水準。而呢度嘅招牌套餐就係蛇羹宴，非常高質！✨菊花太史五蛇羹蛇羹有驅寒同埋補身嘅作用，冬天嘅時候食啱晒。呢度嘅蛇羹嘅特點就係用咗五款唔同嘅蛇來製成，味道非常有層次，一飲落肚就成身都暖晒🤪✨古法羊腩煲冬天除咗食蛇羹之外羊腩煲亦都係必食之作，套餐入邊包埋。羊腩煲嘅醬汁甜甜地，非常開胃，羊肉份量亦都好多每一件都蚊得好林，同埋非常入味！✨海膽焗美國龍蝦讚岐烏冬平時芝士焗龍蝦伊麵就食得多，但係配上讚岐烏冬又真係第一次，估唔到咁樣食都幾好味同埋新鮮！ 海膽嘅鮮味配上龍蝦啖啖肉同埋爽口嘅讚岐烏冬，同埋傳統厚重嘅芝士伊麵唔同，非常有特色✨蛇汁菜膽雞配上蛇汁嘅菜膽雞，菜膽雞雞肉非常滑溜，聽講仲有壯陽嘅作用😛✨生炒臘味糯米飯最後嚟返個生炒糯米飯，有酒樓高水準嘅發揮，為成個晚餐完美作結總括而言，下次幾個人聚會嘅時候不妨諗吓嚟呢度食嘢，比想像中驚喜！

朋友請食lunch，咁由佢拍板話食個點心送題，可以就去試試吧。呢度分兩個時段，11:45，13:15，基本上都係先已網上付款再食。餐館門外地方淺窄，非常擠迫，大家準時去到就可以，早到都唔會放入。點心應該係即蒸的，炒飯麵都唔錯，出邊有小食自取，汁醬同飲品都係自取，冇漏單呢樣算唔錯。得90分鐘時間食，落柯打落到12:45分，準時13:10清哂場食物方面個人最鍾意椒鹽雞翼尖，送啤酒一流，蝦餃都唔錯，每人派半只乳鴿。牛肉角非常麻麻，整體嚟講，算係咁啦。可以一試。