輝哥私房菜

营业中

休息中

Join 左個98蚊任食放題，我地兩個人去196蚊另外每人要比23蚊茶介加一，每位就要121蚊。首先，佢話13:30開始，坐晒人之後話要13:45先落單，跟住自助bar 有個阿姐負責整野食，淨係識得拎d 糯米飯出來，煎蘿蔔糕咁多人食又唔煎多d，佢冇晒蘿蔔糕我走埋去話我想要蘿蔔糕啊，阿姐話我唔得閒煎呀！跟住繼續處理佢既糯米飯，最後連自助bar 阿姐都走埋，乜野小食都冇得係果度拎，睇睇個錶14:00鬆d 咋，個自助bar 開左15分鐘就收檔。跟住，漏單就預左，叫左兩次燒賣都冇來，最後叫左鮮竹卷，未食就見到有啫哩狀既嘢係面，已經覺得奇怪，一咬落水，個心係冰架，我即刻同果個阿姐講，佢話凍就唔好食，我話：吓？唔好食？我想食鮮竹卷woo，阿姐話，哎呀，你掉返落去啦！我拎返入廚房呀！我唔比廚房睇吓佢地唔知架嘛！我話我唔係要追究呀！咁你會唔會拎過碟比我呢？最後係有來既，不過鮮竹卷係熱既但個心係硬既，好似蒸唔透腐皮好硬果種感覺。最後想講，大排檔飲茶好食過佢好多，食物質素只可以話合格，呢個價錢自問覺得唔抵食。服務態度可以更好。