輝哥私房菜

营业中

休息中

今次同屋企人去咗「輝哥私房菜」食點心放題～$78就有得任食所有點心，仲有自助小食區，有多款小食任揀😋餐廳仲會按人頭每人送半隻乳鴿。真係超抵食！點心係即點即蒸～熱辣辣！我推介💖🌟水晶蝦餃皇 🌟鮮蝦菜苗餃好足料！皮薄餡靚。🌟韭皇鮮蝦腸粉 腸粉好滑溜，加埋甜豉油超正。🌟招牌避風塘九肚魚 🌟鮮蝦春卷佢哋啲炸嘢都好出色！炸得好蘇脆之餘，完全無油膩感，好香口！🌟黃金海鮮炒飯個炒飯炒到粒粒都有好香嘅咸蛋黃味😋正！🌟胡麻醬秋葵🌟口水雞翼

星期六需要到佐敦那邊，在網上見到有文章介紹平價點心放題，所以網上購票訂位。$98位 +$12茶芥+加一服務費。個人認為，若是平日價六、七十元還可以接受，星期六日，建議去別的餐廳，有更好選擇。其實，之前經過輝哥附近，順便到店視察一下環境，因為太便宜擔心質素差。視察後，感覺還可以。放題當日，店員帶我們進入一間房，樓底很矮，有幾枱，所有坐位座滿，感覺很迫。雖然有膠板隔開，但人與人之間的距離很近。員工服務態度差。每人一隻乳鴿，味道可以糯米飯沒有味，最好不要點九肚魚很多炸粉蝦餃很細粒，但可以接受，發現這點心經常漏單，隔離枱及本人點的蝦餃都有漏單情況炸豆腐不錯牛肉粒都可以流心奶黃包都可以

一上到二樓已經見到好醒神嘅招牌輝哥私房菜😎入去之前已經見到任點任食點心放題嘅廣告🥳 支持珍惜食物👍雖然任點任叫，但係都千祈唔好浪費，要量力而為叫嘢食👍👍 多款選擇👍基本點心款都有齊 食點心叫燒賣、鳳爪、排骨是常識吧😎呢度d點心好貼身咁每份減少份量~咁樣可以試更多款嘅點心👍 冷盤都有照顧到~秋葵、青瓜、四季豆，覺得食點心太dry嘅話可以叫冷盤😊 奶皇薯棗係我推介🥰炸得好好味😋桂花糕~係我每次飲茶必嗌嘅🙂今次都唔例外仲送埋每人半隻乳鴿~真係去邊度搵呢~

最鐘意Family Day 去飲茶🍵估唔到飲茶食點心都有放題！琴日就帶Daddy 一齊去位於佐敦既輝哥私房菜，90分鐘可以任食任點 點心🥧放題！每位仲送多半隻乳鴿！記得要先上網預訂 去到就可以直接同職員講，就可以安排入座！一早預訂了，唔洗好似平時等好耐隊先可以入去飲茶，環境乾淨 唔會好迫 4位一枱！超過50款手工粵式點心，每日新鮮制作，選擇都幾多！仲有大檔小食建議先拎，因為有限量架！大排檔小食 香煎蘿蔔糕十分香口，韭菜豬紅味道唔錯！小小的一份可以食小小留肚食點心🤤到我最期待既點心🥧！全部熱辣辣！😋 推介水晶蝦餃皇，蟹子燒賣皇，流心奶皇包充料有質素 味道唔錯送的每人半隻！🤤有驚喜 招牌炸雲吞 魚蝦春卷香爽可口加上鮮甜蝦肉！想食多一件！杞子圓肉桂花糕 微甜 冰涼有微微桂花味推介♥️環境幾舒服 唔會太迫 點心🥧幾多選擇 足料 勝價比高 😆

同朋友book左位黎食呢間點心放題，見佢賣廣告$78蚊位咁抵咪黎試下囉，原來好多人㗎，平日都一位難求呢。準時入座，開左壺壽眉，茶味幾好喎，水夠滾。快快寫單先，點心紙上所有野都可以點，點心，小食，粉麵等，都幾多款式喎。一口氣點左好多野，先來的鳳爪，很軟腍入味呢。蝦餃爽甜，皮薄餡多。鮮蝦菜苗餃菜鮮嫩，隻餃都好飽滿。豬潤腸都唔錯，腸粉嫩滑，但豬潤就少左啲。牛柳粒幾入味。脆豆腐好好味，即炸的又熱又香口。炸雲吞都好脆呀，一啲都唔油。菜正常味啦。奶皇包爆餡，勁流心。呢舊叫奶皇薯棗，就係煎堆入面係奶皇餡，軟綿綿幾好味。訂坐仲送乳鴿添呀，好香口肥美，正喎。仲食左好多其他點心，但無一一影相了，整體食物都好味，點心上得快，九十分鐘夠時間食了。

上年尾youtuber 介紹過，但第四波疫情，現在才試，開始點了點心後，到自助區取食物，搶手是魚雲湯，有當歸杞子，無腥味。其餘只有沙律，咖喱魚蛋，種類比之前介紹少。飲品有樂天果汁芒果，石榴，幾好味。7分鐘後點心到，山竹牛肉和燒賣和叉燒包和奶黃包麻麻，蝦餃細粒okay，炒金沙海鮮反幾大份足料有鑊氣，蒸蝦腸粉唔錯，奶黃煎堆(薯棗)幾香口好味。一些點心紙菜式如九肚魚沒有，餐館似乎縮了皮費。每人包半隻乳鴿。可以一試。

日式放題、韓式放題、火鍋放題就試得多啦！但從來都未冇試過點心放題，於是在朋友的推介下去左這間據說唔差又幾抵食的輝哥私房菜打算試一試la~~幾個女仔入到場,雖然唔算好寬敞，但留給每個人的空間都很合適，唔洗驚轉身就撞到隔離果個。任食90mins，點心種類都唔少，填好點心紙交俾侍應後，都好快上菜，唔需要等太耐。食得點心放題，蝦餃、奶皇包這些ｆａｖｏｕｒｔｉｅ點心自然少不免是必叫的選擇！蝦餃的皮不太厚，外表看上去有有彈性兼半透明，里面的蝦肉爽口彈牙又有有少量汁液，食到認真有滋有味，忍唔住食完一籠後再叫另叫了兩籠！至於，奶皇包則一咬開就流出里面濃濃香甜的奶黃餡，食到舔舔舌啊！店里每人送了半隻乳鴿，外表看起來塊頭幾大，頗為結實，食落外皮相當香脆，肉質大多滑溜多汁，味道相當唔錯！最後食完埋單，每人＄121（已計加一茶芥）總括而言，味道價錢都唔錯，在現今的香港地算得上是頗為實惠！如果大家有空又或者去到附近想食點心的話，推薦這間輝哥私房菜！

買餐券後只有1次能以電話聯絡上餐廳，之後用多種途徑也未能聯絡上，最後只能親身到餐廳預約，但不論預約或用餐當天，負責接待員工均態度惡劣(送餐及收拾桌面員工除外).食物方面普遍可以，蝦餃、蝦春卷及流沙包好吃，自助吧及雪櫃飲品普通但可以一試，需留意自助吧食物供應有限，時段開始不久已差不多全清，建議等第一輪點餐食物送到前可先到自助吧取些有興趣的試試看。整體上性價比合格，唯可能近日餐廳有不同宣傳推廣，某部份服務員不勝負荷，以致客戶體驗大扣分！

有漏單，點心紙tick十様只出六七様，另大排檔自取食物只出頭一輪，好快無晒。當天的大排檔碗仔翅係凍嘅! 食咗半啖冇要。職員人手似乎嚴重不足，加上職員態度有點差。點心紙同網上的不同，冇了想食的雞札，牛柏葉。總結來說，試一次就夠

香港人過左整年都無得飛既情況底下，自助餐、放題等《食》就變左減壓最佳良方最近興起中式點心放題，輝哥私房菜亦加入，90分鐘任食50多款手工點心睇下你胃口挑唔挑戰到喇點心即叫即蒸，保證熱辣辣，任點任食，汽水任飲仲有多款小吃，有避風塘九肚魚、四川口水雞、酥炸墨魚花等，而且每位食客一入座均會贈送乳鴿半隻，你話抵唔抵設有自助放題小食區，有碗仔翅、豬紅、咖哩魚蛋蘿蔔、雞翼尖、糯米飯、煎腸粉....供自取，但記得要快手😂😂因為見到無咩Refill即蒸點心方面，你寫幾多件就比幾多件，無漏過單店員都好落力，盡量滿足客人。講返味道先，一般酒樓點心🥧味道，我地叫左都好多款，燒賣、蝦餃、咸水角、鮮竹卷、九肚魚、蝦腸、春卷、燒汁牛柳粒、炸豆腐、鳳爪、山竹牛肉、炒麵、麵醬唐生菜🥬、桂花膏、流心奶黃包、叉燒包.....一次過滿足晒呢餐盛為$220，每人都係$110真心推薦想食中式點心既你*記得夠鐘先好上去，因為未夠鐘的話未入得，門口比較窄，好多人排隊等候，買左飛就唔使驚無位，記得要保持社交距離啊*

呢排胃口幾好，所以想食放題，見呢間點心放題幾平就試下，不過假日$98+茶芥$12再加一，total$121/位，要平日食先抵蝦餃，棉花雞，茶苗餃，春卷，韭菜豬紅，茄子，呢d 都正正常常，春卷都好多蝦，蝦餃呢d更加要encore豬潤燒賣，兩舊燒賣，但得一塊豬潤，仲好細塊，味道麻麻魚雲湯，藥材味都重，飲左兩碗 碗仔翅就麻麻地九肚魚，墨魚花，炸到好多粉，粉多過肉口水雞，唔係好辣，普通啦秋葵，正常，食左兩碟牛肉角，牛肉球，普通牛肉味啦鯪魚球，隻色睇落好灰，食落有d 腥奶皇薯棗，呢個好食，奶皇味都重流心奶皇包，幾正馬拉糕，桂花糕，正常炸豆腐，豆腐滑，味道唔錯，幾特別涼拌青瓜，木耳，好酸，勁難食，完全食唔落拎左罐牛磅茶飲，個味特別牛柳粒，正常乳鴿，細細隻唔多肉，但燒得幾香口兩面黃肉絲炒麵，個麵係乾脆既，其實係好食不過就好飽，放題食呢個會食到好濟最後甜品食埋碗豆腐花

90分鐘點心放題, 星期六日$98  另外去到要再俾茶錢同加一服務費 total 人均$120.分兩段時間 11:45/1:30 我地揀左11:45入座後店員會宣佈可以出去拎野食就可以出大排檔拎選擇都多, 但大排檔只有一輪手快有手慢冇.拎左豬紅, xo醬炒腸粉同魚雲湯屋企人話魚雲湯好咸 唔好飲xo醬炒腸粉因為一早炒定 唔夠熱 冇咩xo醬味點心 我地有4個人 基本上都試左好大部分野食..優點係份量唔多 就算唔好食都唔會浪費缺點就真係冇咩特別好食 小提醒:炸野唔好第一輪叫, 可能一早炒定 凍左之後再叫就夠熱**為好食燒賣: 肉唔夠爽, 普通蝦餃: 比燒賣好, 皮唔算厚牛肉角: 平時少食, 麻麻，薑蔥味重豬潤燒賣: 屋企人話唔好食, 豬潤好少*奶皇包: 真流心, 幾好食*棉花雞: 不過不失*桂花糕: 唔會太甜,  中和下咨野幾好馬拉糕: 唔夠香蝦腸: 得中間一小舊蝦, 粥: 試左兩款 好難食 完全係白粥味*九肚魚: 炸得幾脆 唔錯脆豆腐: 豆腐好滑, 不過冇咩味同唔太脆牛柳粒: 好硬好硬好硬墨魚花: 可能因為第一輪叫, 凍左, 唔想要食口水雞: 幾入味送嘅乳鴿好細隻, 但夠熱味道可以汽水任飲

早前係網見到有點心放題買左，星期日到達，超多人排長龍，life lobby 企滿人，出lift都差d出唔到入到去，因為大部份都係二人行，結果四人圓枱坐兩批人....好迫，不過甘平，預左點心小食款式好多，部份食物要自行去「大排檔」拎，要帶口罩，唔係甘方便，又除又帶甘，不過有包任飲紙包同罐裝飲品，好過飲茶點心好快到，賣相較差，不過全部細細碟，兩人食唔會浪費都幾好整體黎講，蒸點心&腸粉比較好，熱辣辣。煎炸類以脆皮豆腐最正，外脆內滑

點心放題78元/1位！好抵食！提下大家1坐底要即刻去自助放題區攞點心先，好多都係出1round，不會refill。所以我今次只係搶到咖喱魚蛋蘿蔔、韭菜豬紅、街頭碗仔翅、川芎魚頭湯！最愛魚頭湯，似藥膳湯咁，營養美味😋好彩落點心紙，除左九肚魚sold out，其他全部都有供應！加左幾round都仲夠貨源！只需要食水晶蝦餃王、鮮蝦菜苗餃、韮黃鮮蝦腸粉呢啲「特點」已經番本。味道算好好，皮薄餡靚！蟹子燒賣王、馬拉糕、鹹水角、 豉汁蒸鳳爪等等，全部即叫即蒸，夠曬熱辣辣，很新鮮！巧手小食亦提供多款精選美食:百味脆豆腐，內裏軟綿綿。四川口水雞，麻辣鮮香！仲有蔬菜、粥粉麵飯提供！兩面黃肉絲炒麵更係每枱都有叫，因為唔係間間酒樓都有，而且做得不錯，因為就算啲汁冧咗啲麵，都仲係保持脆身！飲品除左茶😌仲有罐裝紙包飲品任飲....啱晒我呢啲陪長輩飲茶，但係又唔想飲茶，想飲其他果汁嘅人😎最後，每人仲送半隻乳鴿，見到都開心到口水直流！食落冇乜渣，嫩滑多汁😋

好耐冇飲茶 但逐碟逐碟雞計嘅唔係咁過癮 所以就嚟輝哥私房菜食放題 喺togetda網上預訂 就可以一百蚊一個人唔使 任食90分鐘多款點心小食 分咗兩個時段 十一點九或者一點三開始點心紙上面嘅所有嘢都可以任點 而佢每一款點心都做得好用心 基本上係零失手 燒賣當然係酒樓最重要嘅一味啦 連我阿媽都話係佢食過最好食嘅燒賣 主要係因為佢啲蝦夠多夠大粒 成個燒賣好彈口另外一呢我哋好欣賞嘅都係蝦做餡嘅 就係春捲啦 外皮炸得非常脆 但又唔會太硬頂住牙肉 配相入面都係咁彈口嘅蝦仁 簡直perfect除咗點心紙上面嘅食物 雪糕仲有飲品任飲 唔鍾意飲凍嘢甜嘢又可以叫一壺茶來飲 外面嘅枱亦有唔同種類嘅點心自己拎 但都好快拎完所以大家就要快手啦最物超所值嘅係每一位都會有半隻乳鴿 坐低大概半個鐘後就會送上嚟 乳鴿外皮鬆脆肉質細嫩 有落仲有啲肉汁 而且都幾厚肉 非常抵食