軟橋米苔目餐廳 (已搬遷) 新店位置

軟橋米係一種台灣麵， 不是用米粉 而係用占米粉整成既麵線 可以選揀唔同湯底 然後加醬料同餸菜呢間食店陳設同一般粉麵檔差唔多 坐位都算闊落普通湯底中辣 35 蚊 可包兩個餸再加餸每個6 蚊 轉麻辣湯底加3 蚊有 木耳冬菇 雞肉同鴨胸雖然話係麻辣湯底 但不會太辣，軟橋米十分煙韌 完全吸哂麻辣汁 配合少少葱花同肉碎調味 配合得唔錯 而其它材料本身一般 好似雞肉 木耳甘 但配合埋軟橋米食 同麻辣汁食 又唔錯同樣價錢 點左魚湯肉碎底 有豬潤 腩肉 雲吞 貢丸同上述一樣 軟橋米 彈牙爽口 其它材料 好似雲吞腩肉都唔錯 最重點係湯底 湯底有好香湯魚味 而魚既腥味又冇哂 被豬肉碎既味蓋過 所以整體味道鮮得黎又夠肉味 個人覺得呢個湯底最配軟橋米 推介！  淨水餃 28 蚊 加生菜 15 蚊水餃湯底有幾清既魚同菜味 以生菜墊底， 水餃皮比較薄 九菜味道偏濃 配合埋清淡既生菜同湯底 整體感覺唔錯  皮蛋 18 蚊皮蛋係流心 而且凍食 好juicy 而且入味而醬汁同四川菜類似， 比較咸同辣，再加上辣肉碎 令整碟皮蛋唔會太單調  Q豆腐 18 蚊切成條狀既煎豆腐 豆腐出面煎得香脆扁咸 咬落去有滑既質感但入面十分

環境光猛闊落, 米苔苜樣似米線, 但口感Q彈。豬骨湯底配自選2餸。老公選了牛肉, 豬肝; 阿仔選了墨丸魚蛋, 魚蛋彈牙爽口, 我和細仔選了牛肉雲吞(可惜雲吞餡也是韮菜), 然後再叫了2款小食, 家鄉脆餅~好味, 炸得夠脆但唔乾, 鹵水雞亦腎片~夠入味。

好食豬潤米苔目 去左間新開既舖頭食豬潤米苔目，原本只系貪新鮮試下米苔目，點知個豬潤好出位，嫩中帶爽，無薑味但唔腥，鐘意食豬潤既朋友不妨試吓。在深水埗鴨膫街，行完街買完野，坐底嘆噃碗米苔目，不錯选擇！

前年暑假去台東旅行,當地朋友带我去榕樹下米苔目食野,系第一接觸米苔目,軟滑彈牙的米苔目,令我一試難忘,第二天又去另一間老東台米苔目再食,返香港後仍然念念不忘米苔目的口感,常常想再食。上openrice見到鴨寮街開左間米苔目,即刻飛奔去食。台灣的米苔目分湯食和乾食,肉需另外叫分開上,香港這間米苔目的食法更適合港人口味,而且湯底好靓,米苔目彈牙軟滑,水準比台灣有過之而無不及,以後可以經常去食米苔目了,多謝openrice好介绍!

去鴨寮街,見隔離有個招牌好得意,大大個米字,就貢左入去試下,原來系食米苔目,第一次食又幾特別,白雪雪咬落又煙韌,店員話系手打,唔怪得甘特別!揀左沙爹湯底,飲啖湯,沙爹味剛好,餸選左豬潤和牛肉,豬潤真係抵讚,大大塊,好味既豬潤,最令我驚訝系竟然無筋!牛肉唔韌,仲要左杯凍奶茶,加五元,抵飲因為茶味香濃,雖然系跟餐飲品但質素唔差。這間食店值得介绍俾大家去試,好野一齊分享!

昨晚行過老鴨，被一個大招牌但門口細細的店舖吸引，因為望入去是光猛的新裝修，入到店內order左豬潤雞肉麵和Q版豆腐，豬潤同雞肉都做得十分爽口同滑，口感不錯 ，我點了方魚肉碎湯底，濃濃的魚湯被我喝晒，麵的名字是米苔目，每條細少不規則，但很煙韌，吸收左湯的味道，不錯。Q版豆腐入口似魚蛋，幾特別，店內有多款小食選擇，每款只係18蚊，而且份量也不少，很好，值得再來幫襯。

朋友介紹去軟橋米苔目食野，點咗個豬潤牛肉。豬潤大小厚薄適中，新鮮好嫩，唔腥，超水準之作。牛肉唔韌，略歉大塊。米苔目就好煙韌，口感似烏冬，個樣就似銀針粉。店員話係手打嘅，即刻whatsapp俾台灣嘅朋友，發埋張相，佢都話係手打才會兩頭尖尖地。佢仲話喺台灣都好少手打米苔目啦！大部份係用機器做，估唔到反而香港會有手打米苔目。好嘢！香港多咗間傳統手工食店，我哋有口福啦！

放工都八點零鐘，當諗緊食咩外賣晚餐之制經過見到呢間食米苔目，究竟係咩黎既呢？ 當時企起門口睇下單張，有位好熱情既姐姐就介紹係手打既米苔目，我就即管試試啦！我同姐姐講話外賣 入面有位叔叔聽到就好有禮貌咁叫我慢慢諗坐低睇下食咩先， 咁我就揀左豬潤同扎肉，要方魚肉碎湯底，我都冇講分湯但係就幫我分埋湯仲吾收碗錢添，因為方魚肉碎湯要加$3盛為$38蚊！返到屋企打開蓋個湯好香，另一個碗係米苔目但係就痴住晒一舊舊，咁我就倒啲湯落去一齊食，個湯真係好味 但可能我吾太喜歡米苔目既口感，所以如果佢有得轉其他粉就好喇。下次都會再試試其他湯底

噚日去深水埗買電腦,行到攰想揾野食,上openrice見有間新食店系鴨寮街就去試下,間舖主打系手工米苔目,阿姐介绍我食沙爹牛肉豬潤米苔目。米苔目细细條,好彈牙,飲一啖湯,沙爹味濃郁,豬潤大大塊,食落爽口,一D筋都無,牛肉都新鲜,加七元飲杯咖啡,够啡味,唔系飲糖水,傳统手打米苔目,未試過既可以去試下!

老豆話昨日去運輸署，經過鴨寮街，是到有間米苔目專門店，問我知唔知咩係米苔目，我梗係口啞啞啦，即刻上網check吓，原來米苔目係台灣叫法，香港叫做狗仔粉或粉仔，老豆話想試吓，我即刻應承同佢去。去到間舖，門口細細，唔係老豆帶住實睇唔到，叫咗碗方魚肉碎湯底加扎肉雞肉米苔目，湯底好特別惹味，雞肉唔鞋仲帶爽，扎肉就冇乜特別，至於米苔目，個樣好得意，約兩吋長，頭尾尖尖地，單係嗰樣已引起食慾，食落彈牙，老豆叫咗清湯牛肉冬菇米苔目，連湯都飲埋見到碗底，佢話細個曾經食過咁彈牙又滑滑嘅，估唔到幾十年後仲有機會再食到，太滿足了，叫我下次再陪佢去食，我梗係話好，咁有誠意嘅小店，咁好味傳統美食，值得撐

同男友去西九行街，肚餓搵嘢食。西九好多都試過，上openrice搵下有無新嘢，發現有間叫軟橋米苔目，就喺西九附近，男友話試下無妨!間舖門口好細，差D行過龍我叫咗水餃、雞肉米苔目，男友叫咗豬潤、腩肉米苔目。整體好滿意，三十零蚊兩個餸，湯底正仲要係手打米苔目，食得過

深水埗間中去買嘢同食嘢,發現鴨寮街開咗間新店,店舖不大.餐牌有我鍾意食嘅豬潤,就叫咗豬潤牛肉米苔目要清湯底,豬潤新鮮口感爽,牛肉晏晏好,唔會過熟,清湯底味精唔多,食完不口渴,值得推介....

原本諗住去深水埗食車仔麵 , 行到鴨寮街有間新開食店，店員鬼甘熱情，就入左去試下，點左個豬潤牛肉米苔目，第一次食米苔目，好煙韌，有咬口，以後唔駛成曰食米線，多一個選擇。至於豬潤，好正，剛熟唔老，唔腥，好新鮮，牛肉都有水準，加埋店員招呼好好，一定會再去幫襯｡

行開鴨寮街突然見肚餓，行行吓見到一間新開嘅麵檔叫做米苔目，我之前在台灣都食過，肚餓就入去試吓點左豬腩肉，豬潤，墨魚丸方魚碎湯底，朋友就食麻辣燙底，食個都幾好味，特別推介豬腩肉和豬潤，啲粉夠彈牙，價錢又唔貴，不妨一試下次會再食

去鴨寮街揾野,發現有間叫軟橋米苔目既餐廳,門口好细,似足隱世小店,俾好熱情既阿姐介绍一輪之後,盛情難却,姑且一試,叫左個沙爹牛肉豬潤米苔目,一試沙爹湯底,绝對系佳作,濃香適中,從未飲過甘正既沙爹湯!牛肉好大塊,有咬口好新鲜,豬潤仲正,超乎預期,嫩,爽,至於米苔目個樣似粉仔,阿姐話系手打,睇樣就似,因為條條長度唔同,食落彈牙,比粉仔好食好多,分量足,抵食好食,喜歡食粉仔既朋友去試一定會鍾意!隔離枱食方魚肉碎湯底話好好味,下次再去試呢款湯底!