軟橋米苔目餐廳 (已搬遷) 新店位置

門口放了一個牌，寫著長者優惠，$9「雞」米粉，又一深水埗愛心小店。窄窄長長的餐廳，賣嘅是米苔目，到底是什麼？即刻試試。四餸酸辣米苔目（$50）👍👍👍👍我要了一個四餸酸辣米苔目，有豬腩肉、牛肉、韮菜和酸菜。我第一口即試試湯底，很夠味，由於米苔目基本上沒有什麼味，所以湯底就是靈魂了。米苔目的樣子似是銀針粉與米線的混合體，口感煙靭，很特別。櫻花可樂（$19）👍有啲藥水味，下次都係飲可樂穩陣啲。

今日除了Shopping於高科技零件下深水埗,為的事吃著一碗傳聞中之台式「米苔目」、深入男人窟心藏地帶少叮點麻甩都不敢。。。穿過陣舊鐵皮舖左右略過通通都是地道阿叔,位置真是有點僻、不是好奇心驅使理應不會深入致此平民化格局價錢當然街坊,湯麵由HK$35.起跳~~原味作底就只有豬骨味道,加錢便可換上更惹味 冬蔭公/ 酸辣/ 麻辣外表有點像銀針粉但體積略為細一點,以車仔麵作配搭,自選動作隨心所欲是港式車仔麵傳統風格、大路選擇有豬腩肉、韮菜餃、豬潤、鸭肉、墨丸、木耳、豆卜、酸菜等等．．口感上感覺較銀針粉軟且細,和銀針粉一樣沒有掛湯功能、所以吸湯力弱用羮一吓又一吓來吃更見適合,湯底功勞不可睇少,換來的中級麻辣湯底吃得我甚為起幹~裝修新是優點之一,起碼感覺乾淨企理、數十元交易算是找到功課，想豐富一點肚皮,這裏還有多款小食任君選擇。

小弟真係好鐘意去深水埗 貪其多野睇多野食 無論係食既,玩既,用既都既多選擇又經濟實惠 每次去總有驚喜今次小弟就發掘左呢間位於鴨記既台灣風味小店 軟橋米苔目呢間舖頭既舖面唔太起眼 小弟亦係機緣巧合下咁岩望到個舖頭名 覺得幾過癮先留意到  見價錢非常之抵食就膽粗粗走入去試下咩野係米苔目原來米苔目係類似我地香港銀針粉同狗仔粉既一種台灣特式粉麵 老闆話係佢地每日人手自家制 果然係小店先有既堅持!講返食物 湯底除左基本既豬骨湯底 仲可以加3蚊轉冬陰公呀, 沙嗲呀, 或者麻辣湯底等我地就叫左一個冬陰公米苔目同中辣既麻辣米線米苔目口感不錯 配冬陰公湯底 感覺有趣 鐘意食銀針粉既朋友不能錯過,  而我旁面既小胖女就對麻辣湯底讚不絕口韮菜餃好味似自家制 豬腩肉同扎肉等配料味道都好好 小胖女更話覺得米線既質感勝過某連鎖米線專門店 除左米苔目同米線  佢d小食都係好抵食 招牌Q彈豆腐口感好正 真係勁彈牙 $18一碟超值!! 另外香草香芥鮮蝦球既味道係帶甜 勁大碟都係$24 去開深水埗既朋友真係要去試下

常逛深水步的我，隨口都說得出好幾間必食的小食和麵店，大多是屹立在這區不下數十年的老字號。橫掃蛋牛治、豬膶麵、糕品、豆腐花成了指定動作，但好像了無新意。幾個月前看過報導，得知鴨寮街開了一家賣「米苔目」的小店，這種客家傳統麵食是香港從沒出現過的。雖開在平實不已的舊區內，裝潢不怎麼亮麗，一碗的價錢和本地的米線店相若，裡裡外外都看不出光環，卻是香港第一家有米苔目吃的店。看似銀針粉的幼身，但米粉條的軟糯煙韌卻是非同凡響，且不要被它普通的外表騙到。愛煙韌口感的食饕，絕對不能錯過，齒頰間的癮有著落了。「口感相投」的友人給我拉來嚐新，可只是我的「新」而已，他在台東吃過這地道小吃。好奇一找，米苔目其實是源自中國的客家人，再把這農家美食傳到台灣去；不算是始於台灣的食品，卻成了有名的台灣小吃之一。我到過台灣，卻與這趣緻的粉條緣慳一面，幸得這家小店讓我見識一下。經過光管炫目的鴨寮街，來到較靜、近西九龍中心的一隅，小店正正在賣電器的鐵皮檔後。大大的「米」字甚為耀目，即使不知米苔目是什麼，驟眼看是粉麵店的裝潢，憑這米字都可以猜到是吃米製品的吧。不是開放式廚房，看不了米苔目的製作過程，只能靠抬頭便看到的圖片略知一二

最喜歡跟男友一起，穿梭大街小巷，尋找隱世美食；又因為男友在場，多了一個巨型的胃，可以借機會食多d野今次，我倆的encore list又有新成員喇！餐廳位於鴨寮街旁，離地鐵站不過2分鐘路程。店鋪雖然不大，但格局整齊，讓人感覺整潔舒服。晚餐前半小時，其實我倆已經吃了一底雞蛋仔和m記朱古力批-.-不過看到餐牌的食物，以及相宜的價錢，還是好想試呢！我們叫了一碗鴨肉冬粉、一碗米苔目，兩款小食。鴨肉冬粉！超！大！碗！鴨肉沒有騷味，切成薄片，容易入口。冬粉綿滑，清清地，不錯。因為我不算太肚餓，點米苔目的重任就交在男友身上！（而我又可以試一兩口😇）米苔目有多款湯底可選擇，麻辣、沙嗲、冬陰公....好難揀呀！而且配料選擇也很多呢～男友點了方魚肉碎湯底的米苔目，份量一樣不少。湯底非常惹味香甜，米苔目有點像中式的銀針粉，但口感更QQ的（要用台灣用語喔），配上湯底，滋味得很。除了鴨肉，男友還點了香菇貢丸，男友大讚肉丸彈牙，香菇更帶出鮮味！餐廳有多款小食，價格大多在＄20左右，非常便宜，而且都很吸引呢！但由於我倆太飽了，所以只點了兩款小食。（下次想試豆腐和肉餅呢！）蒜泥白肉味道微辣，帶著濃濃蒜香，沒太多辣油，個

深入鴨竂街，有間唔多起眼嘅食肆，真係唔行入去都唔知有嘢食。之前知道有間茶記，近排先知易咗手變咗呢間米苔目。起初唔知咩係米苔目，睇介紹先知係台嘢，類似米線之類嘅東西。未食過，價錢又唔係貴，咪試下佢。一試便愛上，食咗幾次，而大家先得閒寫食評。第一次，餐牌有幾款湯底揀，揀咗個方魚肉碎湯，搭鴨肉、豬膶。呢個湯係正嘅，好似舊時食銀針粉個湯，夾埋啲香芹、蔥花，連啲米苔目一齊食，正。啲米苔目嘛，米線粗幼但又冇咁長嘅粉條，食落口感軟腍腍又散散地咁，特色嘢。小食試咗個肉餅同雲耳，十幾蚊個，算唔錯，個肉餅都係特色嘢黎。第二次食番佢個原味豬骨湯，冇方魚肉碎湯咁好，因為味道較淡，拼落本身就冇乜味嘅米苔目就唔夠味喇。今次試番個相對特色嘅Q彈豆腐，味道似凍豆腐，但凍豆腐冇咁多窿，食落似豆乾，但佢較彈，配七味粉，幾特別，但我我都係鍾意正常豆腐多啲。第三次，翻兜番方魚肉碎湯，唔多講啦。其實真係幾好食，用嘅食材都唔係質素差，粒墨丸都係彈牙有墨魚肉果啲質素黎。會繼續幫襯，想試埋佢個喇沙湯，要加$10係要啲心理準備，哈。仲有個豬雙脆都好想試。

今晚同相公在鴨記買完野就快快手求其入間米線舖食米線, 雖然住在附近年多, 但好多店也未吃過, 今次就試下這間米苔目啦~ 晚上7點多8 點, 都幾多人喎~ 因為我同相公都叫了個湯米苔目系列套餐 (HKD35) 轉飲汽水就加HKD5, 所以我相公就一人一支波子汽水啦~ 相公就將湯底轉為沙爹湯底 (加HKD3) , 選了水餃及墨魚丸, 沙爹湯底微辣, 頗野味, 而米苔目的口感有點像米線但又像銀針粉的混合體, 而且中間像有個小孔似的, 所以米苔目掛滿了湯汁, 又爽口, 正~ 而墨魚丸也是爽口彈牙, 不像用麵粉做的丸, 而水餃料也是新鮮, 不錯~ 而我就叫了生菜加豬腩肉, 再轉為方魚肉碎湯底 (加HKD3) , 而我這個湯底不辣, 但充滿了鹹香風味, 我想方魚肉碎就是方魚醃為鹹魚後再來餚湯底, 鹹香得來又清甜, 好復雜的味道啊~ 而豬腩肉都不錯, 不過就瘦了一點啦~ 而小食就超有驚喜, 軟橋招牌Q彈豆腐(HKD18) 以為見到是炸豆腐, 但原來一咬真的非常Q彈, 非常彈牙, 好似食彈牙的魚蛋質感, 加上調味糊椒, 野味非常~ 麻辣牛肉(HKD28) 相公大讚的小食, 因

下午茶黎到鴨寮街見到間小店係啲電器電話店既中間！叫米苔目餐廳...其實我唔知咩叫米苔目😂見佢店內既食物相幾吸引就入去食...原來米苔目係台灣地道野...好似銀針粉又好似粉仔不過彈牙啲...一條條細細粉仔咁一啖連湯食落去！好味呀！分別叫左麻辣同冬蔭功味既湯底！2款湯底都好味呀！但麻辣會比較辣啲！另外 勁肚餓喪叫小食😂 涼拌皮蛋（$16），花雕醉香豬雙脆（$18）（即係豬耳同豬脷）同埋軟橋招牌Q彈豆腐（$18）！款款小食都唔錯！最出色既係豆腐..堅彈牙！佢可以炸到好似魚片咁既質地既豆腐😋哩度仲有好多唔同既飲品, 薑蜜呀, 波子汽水咁! 如果鐘意米線呀 小食既你都好可試下呀！

深水埗是電子產品集中地，更是平民美食天堂，也品嚐到這碗軟橋米苔目米苔目，是台灣粉麵，由粘米粉製成，口感Q彈，呢個普遍人認同的評價已經令我期待這次美食深水埗的小攤檔遮掩左招牌，但深水埗站C2 出口, 步行約1分鐘架咋，好易搵地方都幾大，企理乾淨....同時入去埋位個陣會經過冰箱，擺了各種飲品果然餐牌也出現很多日本貨、鴻福堂、汽水系列，任君選擇亦有手調飲品，迎接冬日SPECIAL埋位個陣都只不過是中午時分，俾我發現下午餐餐牌，$19鴨粉幾抵喎....不過，一場黎到就當然要食招牌--米苔目$35豬骨湯+2款菜,OK喎....比起豬骨湯底，我還是熱愛麻辣湯底....呢個麻辣同平時食四川貴陽小店用的辣是一樣....所以食左無幾耐都已經流左少少鼻水不過，愈辣愈過癮....加上米苔目是粘米粉來的，更需要吸下強烈的味道才會更好吃....米苔目是師父人手製造的，非常新鮮，個樣都幾似銀針粉同狗仔粉，不過係Q 同彈牙...口感完全不同架每碗都跟有椰菜絲和韮菜，好多野落肚，大滿足黎到食粉麵既地方，最愛點的小食還是蒜泥白肉....可能受到TAM仔影響吧....呢度既蒜泥白肉做得很出色，個豬肉切得 一樣的薄，脂肪

常說深水埗是平民美食天堂真箇沒有說錯。好像今天來到鴨寮街地段嚐到這碗的米苔目，可算是近月來我吃過性價比最高的一樣東西....侍者姨姨異常地熱情，不斷向我推介店內不同的食物。但小弟來之前已有做過下功課，心中想點甚麼早巳了然於胸....但還是要感謝她落力的推薦....在米苔目登場之前，先來一小碟的涼伴皮蛋....入口的確名符其實涼浸浸的；醬汁是走川味路線，集麻與辣於一身，相對下辣是比麻的強度是要強一些。其辣有著濃烈的餘韻且帶點嗆，而麻則是像有點像蜻蜓點水般點到即止。儘是如此般的程度但亦已足以令我這個川味稀客的舌頭麻了一陣子才休止....皮蛋雖不算是靚到流晒黃但起碼不屬苦瀝而又硬崩崩之劣質貨色。和辣油醬汁加上大量蔥蒜相配來食，已是足可瀰補可能存在的缺點了，絕對是惹辣醒味蕾....米苔目從前在寶島那邊曾吃過，質感煙齦糯糯的而富有米香，有點似彈牙版本的銀針粉。比起正常的瀨粉或米線新鮮感無疑是更勝一籌....原味豬骨湯底帶微甜沒很重妖邪氣息，令人喝得放心....配料主打選了腩肉加上豬膶。前者切得薄如紙口感夾脆沒很重膻味。近軟骨位更是脆得咬下去喀喀聲發響；後者更是小弟近來食過少有爽而不苦又夠"粉"的

一碗係韮菜餃豆卜和豬潤。韮菜餃好大隻。另一個係米苔目配牛肉 墨魚丸 韮菜餃，牛肉夠林好多塊，黑魚丸彈牙，韮菜餃吸到少少冬陰公既湯。米苔目好似銀針粉，彈牙。軟橋招牌Q彈豆腐彈牙，好香口。香煎家鄉脆皮肉餅外脆內彈，好似一件件餅。蒜蓉白肉多蒜多蔥。日本櫻花可樂同綠茶幾特別。

深水埗好多野食，行完鴨寮街買電後就揾近來新開既米苔目食。去台灣食個時仲以為化米線，但好qq。一嚟到店細但好光，乾淨。我地每人先叫一人一碗米苔目，再加小食，再試下櫻花可樂？雖然我好迷戀櫻花，都食過櫻花甜品，日本菜。但櫻花可樂未飲過，第一次見。我叫左喇沙米苔目，入面包左我愛既金菇同豆卜yeah。我另外要韮菜餃 豆卜同豬潤，喇沙湯底辣但味十足，每碗都有韮菜同椰菜，健康d。韮菜餃好扎實，豆卜吸哂湯味。豬潤好好食，唔蘇好滑，再食！另一個係米苔目係牛肉 墨魚丸 韮菜餃，牛肉夠林，丸都彈。小食叫左軟橋招牌Q彈豆腐，好Q好好食，勁彈牙，有少少5味粉咁，好微辣。香煎家鄉脆皮肉餅既肉整到好細，外脆內彈。好快比我地清空！小食份量夠，但食完再想食！蒜蓉白肉好少油幾好，蒜蓉都好多，肉比肥多。 日本櫻花可樂同綠茶可愛。2支都甜甜地

出深水埗辦事，要快食，經過見到有間食湯米苔既店，就入去試下，食左甘多年野都未聽過湯米苔。叫了一碗湯米苔試下係咩黎。$35要了豆卜，豬潤。豬骨湯底。湯底已配椰菜，韮菜。而湯米苔既口感有點似年糕加銀針粉既感覺都幾清新同等別。係食米線外另一選擇。

在新加坡讀書時，常常放學後在家樓下的熟食中心食米苔目魚蛋湯做下午茶。來到香港就一直找不到，最近看U magazine 介紹新開的店有賣就在上個禮拜去試。果然無讓我失望，方魚肉碎湯-淡淡的魚香，芹菜的香氣跟米苔目很搭。非常值得一試！

最近見雜誌介紹深水埗新開的台灣食店，咁近屋企又豈能錯過？湯米苔目系列，配料選擇多，而我最後還是選正宗台灣配搭 ——鴨肉＋豬潤。手工麵麵質清爽彈牙，鴨肉新鮮爽口，鴨味香濃帶甜，豬潤惹味，配上微辣香囗的沙嗲湯底，鮮味十足～蒜泥白肉，薄切且半肥瘦，爽口又不肥腻，加上蒜蓉／芫茜／芝麻／香葱／洋蔥／辣醬調味，令白肉更香濃惹味～滷水雞中翼腎片，雞翼口感腍滑，腎片有咬囗，嚐到滷水味及芝麻香滋味無窮～最後點了日本櫻花可樂，碳酸飲料，開胃消滯之餘，還飲到甜香的櫻桃味，爲這餐劃上完美句號。