軒寧樓 (已結業)

軒寧樓時令優惠組合招牌羊腩煲或清湯安格斯牛爽腩配臘味糯米飯 只需$368 足2-3人份量另有鮮番茄豆腐魚鍋或胡椒豬肚雞鍋配酥炸生蠔或薑蔥生蠔煲2人份$388起清湯安格斯牛爽腩坐低先上茶,小碟,食住先,再睇餐牌環境舒適,客人分隔距離夠遠,中菜黎講算唔錯清湯腩,連湯都可以飲埋,超正湯色清澈而無咩油,煲起就可以關火慢慢食沙鍋KEEP溫度一流,牛爽腩加蘿蔔,無敵組合爽腩半肉帶筋,入口軟嫩,湯底清甜,沒有一絲油膩感係呢度既特色,份量足2-3人用,7成飽黎到都食到12成飽都忍唔住飲曬湯,實在香又甜清湯帶點肉味又少少藥材香,好順口十幾廿件牛腩,蘿蔔份量亦多,底仲有生菜2個人我地食剩3份1!鮮鮑魚用陳皮蒸,加點豉油調味主要係食鮑魚既新鮮口感,鮮嫩爽彈肉質厚而有鮮味最後係飯炒出粒粒分明既口感加上臘肉粒花生等唔同食材配料入口豐富,味道不會太咸,調味剛好,食多碗飯都唔會覺得好飽既感覺,飯身爽之餘仍有少少黏糯 軒寧樓 Henning House灣仔軒尼詩道385-391號軒寧大廈地下1-2號舖Shop 1-2, G/F, Henning House, 385-391 Hennessy Road, Wan Ch

灣仔新開左間中菜館，門面一睇就知係上菜！ 不過都要試下龍與鳳先！今日咁啱天氣轉凍，即刻叫個胡椒豬肚雞煲暖身！ 雞湯好濃郁，豬肚好多，好嫩。雞件係雞腿🍗位，好滑。 再配個酥炸生蠔🦪就真係好過癮！ 我不得不說呢個菜係必叫！ 我一直以為生蠔下面的是魚肉，點知！ 係蘿蔔糕呀！ 食到lamlam 脷，而且生蠔係好大隻，超級大隻！ 唔係包住炸粉！係黃金生蠔！ 兩個菜先388， 你話！茶餐廳大排檔都差唔多～ 我就覺得有呢個環境，坐得咁舒服，菜式又上勝！ 其實兩個菜我同老公都好飽，不過見生蠔整到咁特出，我地叫多左聖子皇黎食！ 完整一大條， 講真街市買番黎，又要洗又要煮，呢度都係136， 而且好新鮮！ 唔使去街市俾人呃稱！ 總結，我地十分滿意呢間新餐廳，可以再戰🤣🤣

每次路過,軒寧樓這個名字總能給我一種高檔的, 古雅的感覺，使我十分好奇, 於是今天與朋友一起探個究竟。店內的裝修, 餐具的擺設能體驗了店內的食物質素。一望魚缸, 有龍蝦, 鮑魚, 蟹及老虎班生猛地在暢泳。我們4都喜歡吃海鮮的, 天氣凍, 適合吃暖胃的菜, 我們點了一個姬松茸胡椒豬肚雞窩配薑蔥生蠔煲。一大窩的姬松茸胡椒豬肚雞窩端上, 姬松茸胡椒豬肚雞不停在窩內翻滾著, 湯料滿溢, 湯的味道鮮甜無比, 胡椒味夠重, 驅寒暖胃; 而薑蔥生蠔煲, 冬天的蠔肥美可口, 啖啖肉, 綿滑,而豆腐吸收了整道菜的配料及精華,十分惹味。龍蝦伊麵, 整道菜的賣相吸引, 金黃色, 這次我們點了的煮法是用上湯的做法配以伊麵底。每條伊麵及龍蝦肉被上湯汁滋潤著,十分綿滑, 龍蝦啖啖肉, 蝦肉鮮甜, 爽口彈牙; 而蒜蓉粉絲蒸聖子, 聖子的肉多,基本上一隻聖子足夠2人的份量。聖子爽口, 而粉絲及聖子吸收了蒜蓉味道, 味道更為突出。於灣仔, 琳瑯滿目的食店奇多, 這家店是其中一家好味可再次回頭的選擇。  

差唔多個個星期都過港島區食同玩，每次路過或搭車經過都有留意到呢個位有間餐廳裝修緊，鐘意周圍試新野既我算係睇住佢出世，擺左入必試list入面😆😆😆接近年尾都離不開約唔同朋友出黎食個飯傾下計，幾位朋友都係係港島區返工，約銅鑼灣又怕多人又怕等位，所以就朋友們方便，突然想起今餐不如要黎呢度試下我地一放工就即刻黎，早黎早著數，即刻有位可以入, 呢度個環境唔知點解我好受落，裝修好似帶點西式設計，重點係粉紅色既sofa真係令我心心眼我地total 4個人，麻煩既朋友有個唔食羊，有個又唔食牛，而家潮流度度都興食胡椒雞，我地就叫左個孖寶餐同搭左我地呢班鐘意食海鮮既菜喇🤭孖寶餐我地揀左呢個姖松茸胡椒豬肚雞姐姐用gas爐幫我地加熱，一邊煲一邊聞到個胡椒香味，真係會突然勁肚餓！！！好彩有個小食陣一陣住個大胃個鍋勁足料，雞同配料都好多外，雞件煲完都仲係好嫩滑，胡椒豬肚湯底煲到奶白色加上白胡椒煲到辣辣地，味道濃郁，而家凍凍地既天氣食真係驅寒又暖胃，加埋雞同紅棗，好滋補！都講過我地幾個都算係好鐘意食海鮮, 所以孖寶餐入面都揀左個薑葱生蠔煲, 見到個名就覺得好惹味😋😋😋連煲蓋上，當姐姐係我地面前開蓋香到震呀！！！啲蠔

呢幾日以為冇咁凍，但乍暖還寒，都係忍唔住要食番d好野暖下肚。黎到銅鑼灣軒寧樓搵食，晚飯小菜海鮮都有得食。天氣凍仲有時令孖寶比你揀。時令孖寶 $368驅寒羊腩煲配臘味糯米飯羊腩煲羊腩夠多，而且啖啖肉。枝竹又係勁多，食極都有。仲會跟埋菜唔駛加錢，真係包羅萬有，配埋腐乳醬，一流享受。臘味糯米飯唔係一碗仔，成碟上，臘味絕對唔係幾粒豆豉，收貨。呢個配搭基本上兩個人都好難食得晒，三人食就更抵食。蟶子皇 $68/隻呢度除咗有抵食組合，海鮮都好有水準。蟶子皇大隻厚肉又鮮甜，蒜蓉粉絲入晒味，有驚喜。

上星期五和好耐冇見的朋友飯敘，以前大家都喜歡食日本菜、韓國菜、泰國菜，今次反璞歸真，話要食中菜，但又唔想去集團式酒樓，真喺考起我!  好彩同事話有間喺灣仔新開中式小菜館叫軒寧樓，不妨一試。可能是新開業的原固，店長殷勤招待，推介我哋試下龍蝦、蟶子皇。一般酒樓都喺用芝士焗龍蝦+伊麵墊底，或者清湯煮，但出乎意料，店長話可以用蘿蔔糕墊底，我心裡有啲疑惑，但食落又幾夾，有新意，龍蝦大大隻，好鮮甜，份量足夠四、五個人食，計落又幾抵。蟶子皇+粉絲蒜蓉蒸，好爽口、唔太鹹，有水準。另外叫咗碟燒汁露筍牛仔粒，味道啱啱好，又唔韌。至於碟上湯蒜子浸豆苗就普普通通，不過不失啦。最後值得一讚就喺生磨蛋白杏仁茶，好幼滑，好香甜，同其他酒樓開杏仁粉比較，絕對贏幾條街!  

天氣凍凍地最啱食羊腩煲，咁啱喺灣仔見到呢間新開無耐嘅軒寧樓有個時令孖寶 入面有臘味糯米飯+ 驅寒羊腩煲，咁梗係即刻入去試吓先啦。臘味糯米飯：佢哋嘅糯米飯好足料，臘腸潤腸嘅份量都幾多，可以講話啖啖飯都有食到，而且佢哋飯身夠軟糯，食落又唔會成口油，唔會太膩口。驅寒羊腩煲 ：羊腩煲都幾大份，兩個人食都好夠食，入面嘅羊腩都幾多，而且佢哋嘅羊腩肥瘦均勻，煮得又夠入味，蘸埋佢哋嘅腐乳咁就仲惹味。煲入面仲有荀，枝竹，冬菇等等，仲有碟生菜添，佢哋樣樣都索哂啲湯汁，勁好味。蔥油咸鮮雞（半隻）：雞肉夠哂滑嫩，唔會太油太肥，雞本身味道夠濃，亦都煮得好入味，食得出有咸香味，蘸埋薑蔥油就更滑更好味。

前幾日打風凍左好多，又近聖誕節諗住同屋企人食餐飯慶祝下😊所以book左呢間中菜試下。入到去感覺幾光猛同啲坐位好闊落，裝修係我比較鐘意嘅簡約feel🤣同一般酒樓唔同。一坐低就有人埋黎放底左茶芥雲耳蓮藕前菜，好大兜😝我地4個人叫左2個孖寶同蘿蔔糕肉蟹煲，可以慢慢一路食一路等🥢薑蔥蘿蔔糕肉蟹煲未試過食蘿蔔糕做底嘅蟹煲，幾新奇🤣啲蟹殼一上已經打碎左，好易就拆到啲肉出黎，全程唔洗用手都食到🙌🏻不過蘿蔔糕就唔係好吸到啲汁嘅味，如果加啲臘味就更好🥢薑蔥生蠔煲生蠔比較大隻，底下都係蘿蔔糕黎，今次就有吸到個煲嘅精華，同埋呢個蘿蔔糕應該有煎過香口啲，好食😋🥢姬松茸胡椒豬肚雞窩雞煲值得推薦👍個湯好夠味同好香胡椒味，feel到唔係靠味精煲嘅，飲完個身暖笠笠☺️🥢驅寒羊腩煲呢個味道就比較普通，不過勝在夠大煲，同埋啲肉夠淋又多食到好飽🤣🥢臘味糯米飯糯米飯幾足料，有臘腸同臘肉，夠哂油香😝不過實在叫得太多食唔哂，家母決定拎外賣盒帶走😂另外值得一提嘅係service幾好，換碟換得好密🤣因為我地又蟹煲又羊煲搞到成隻碟都係骨同殻，所以店員就係咁拎新碟黎同我地換🤣🙏🏻抵讚～

銅呢間酒樓我媽一直好想試，今日終於卜左位帶佢去食羊腩煲！佢地依家有個時令孖寶 $368 有幾款野揀，我地揀左臘味糯米飯+ 驅寒羊腩煲黎之前仲有個小食 辣辣地幾開胃臘味糯米飯：口感軟糯，飯身炒得夠乾，唔會食到成口油，用料都好豐富臘腸潤腸冬菇同埋花生，每啖飯都食到滿口嘅配料！驅寒羊腩煲 羊腩煲份量夠哂大，入面有好多件羊肉，仲有多款嘅配料好似有冬菇，筍，枝竹，馬蹄等，配埋生菜就剛剛好！ 羊肉肥瘦適中，經已煮得好入味同夠哂軟稔，蘸埋腐乳就更加惹味～～另外我地仲叫左金銀蒜蓉蟶子皇 $68/隻蟶子夠哂新鮮，鮮甜無比，肉厚飽滿，加埋蒜蓉粉絲 好味到連汁都撈埋😍😍😍

終於約齊人食冬至飯，不過都係要過咗冬至先食到，一行兩pair，約齊在CWB一同出發過去，本身睇咕高map好似好遠，不過幾時代廣場過去又唔太遠喎，bk咗730準時到，即入座，以為無乜人，點知一陣就坐爆哂，席上有兩個生積人士，一嚟就食哂啲前菜，係蓮藕木耳，首先叫咗一個孖寶加蟹煲，孖寶係姬松茸豬肚雞窩同薑蔥生蠔煲前菜微辣幾醒胃姬松茸胡椒豬肚鷄窩好味，用爐上，保持熱度，用料豐富，雞肉夠滑，啲湯唔油膩，大家都覺得唔錯薑蔥生蠔煲生蠔大過隻匙羹，好味，加上蘿蔔糕墊底唔覺得太油，因為如果就咁無墊底，就一定要用好多沖先至唔會黐煲，而且蠔味夠濃跟住係薑蔥蘿蔔糕肉蟹煲依個煲味道淡咗啲，但肉蟹就真係多肉嘅，都係蘿蔔糕墊底，但唔似先前個生蠔煲咁夠味，可能年紀大咗味覺有啲退化食完依幾樣嘢，大食積番發，要加碼，結果加多一個孖寶，不過都啱嘅，我地兩pair都係兩對孖寶今次加碼驅寒羊腩煲同埋臘味糯米飯個爐都唔洗收，即上羊腩煲，好大煲，好多肉，而且唔係好覺羊嘅so味，有好多馬蒂同枝竹，索哂味，羊肉夠稔，不過兩位女士就話唔啱食好so🤔，我同另一個年青人就話，吓，無乜so味啱，所以都係我地兩個食哂單尾唔少得嘅糯米飯依個飯真係

最近朋友介紹灣仔一間中菜餐館(軒寧樓)，由於近我返工地方, 前幾日就同三位同事午飯試下, 我哋叫咗兩個時令孖寶, 三餸一臘味糯米飯, 份量十足。第一道菜來個姬松茸胡椒豬肚雞窩，餐館細心地提供gas 爐確保食物常熱。我平時唔食辣嘢，但呢個胡椒唔算好辣，配合豬肚、姬松茸和雞，味道幾好，又有營養，飲一碗已經覺得好暖胃，冬天好啱食。隨後嘅安格斯牛腩, 同樣用gas 爐保温，牛腩好爽，其他配菜同湯都好清甜，喜歡食牛坑腩的朋友不容錯過。食完雞窩同牛腩，已經有D飽，但見酥炸生蠔好吸引，不能不試。外層炸得好脆，裡面隻生蠔出奇地嫩滑可口，下次午飯一定要食起碼兩隻!同事見三個餸都咁好味，再追加一碟楊枝金柚脆蝦球，啲蝦大大隻又彈牙，配合醒胃楊枝甘柚汁，又忍不住食多兩件，真正大滿足，最後的臘味糯米飯，需然材料裡面有我鐘意嘅冬菇蝦米, 但只有靠男同事們試味喇…..

今天在軒寧樓食了個時令孖寶，驅寒的羊腩煲和臘味糯米飯，店子位於軒尼詩道在灣仔地鐵站步行了大約5分鐘可達，交通非常方便，餐廳內佈置簡約，座位非常舒適，屬於新派的粵菜酒家。驅寒的羊腩煲分量十足，羊腩爽滑而冇羶味，配以冬菇，枝竹等配菜炆至稔度適中，上菜時放在小型gas 爐上保持溫度，滾下滾下，芬香撲鼻，配以秘製的腐乳汁，食落甘香，回味無窮。當然亦有一點不可缺少翠綠的生菜🥬，淥落羊腩煲內，蔬菜吸收了醬汁的精華，妙絕！臘味糯米飯大大碟，米飯黏到十足，嫩滑細緻，臘味的份量毫不吝嗇，有臘腸及潤腸，配以冬菇全部切小粒，賣相吸睛，濃味十足，加上吹口的花生和翠綠的蔥粒灑在飯面上，令人食慾大增。吃得非常滿足！

冬至暖笠笠的羊腩煲抵食的窩心軒寧樓時令孖寶：天氣又凍……正好配合了冬至的來臨🥰呢度嘅海鮮咁靚，新鮮又大大隻的蟶子王，梗係要整多兩隻蟶子皇嘆吓先😋—————————🟢蒜茸粉絲蒸蟶子皇：爽口彈牙肉質鮮嫩的蟶子皇、粉絲沾滿了蟶子皇的鮮甜和蒜蓉的味道，令這隻蟶子皇生色不少、實在好吃😋——————————-🟣驅寒羊腩煲配臘味糯米飯：跟生菜一碟：想不到這個羊腩煲會如此驚喜的好味道⋯⋯足料又大煲之餘又惹味，香噴噴的芹菜、入味又惹味的枝竹、主角羊腩炆得夠腍又入味，而且肉質軟熟！吃落更不會過腍且帶點口感的恰當，更配上多款配料夠哂惹味、又有冬菇、竹筍、馬蹄…….等等😋———————————🔴臘味糯米飯：又是令人吃得驚喜又滿足的臘味糯米飯，配料有蝦乾、潤腸、臘腸、臘肉、花生、蝦米、芫荽，芹菜及多款配料……..等等👍😋⋯⋯糯米飯炒得恰當的煙靭口感，足料的羊腩煲已經吃得很飽，但糯米飯實在炒得很好吃，明明已經吃得很飽，也因為糯米飯的好味道而停不了的吃😅😅——————————-環境舒適靚爆鏡..寬闊空間座位靚冬至的吃得滿肚腸肥……..…………….實在令人吃得滋味😋其實開心🥳簡單就在你身邊..。食….拍…寫..已經成

今日冬至天氣又凍又寒又濕 同媽咪係灣仔做完body check就帶佢試下呢間新開既中藥廳,食番d熱辣辣既野☺️一般中菜廳裝潢都會比較傳統同舊式,但軒寧樓就比我一個好新派又fashion既感覺,坐位好闊落又舒適😊我地叫左個招牌孖寶🌟姬松茸胡椒豬肚雞窩+薑蔥生蠔煲🌟呢個雞窩係連埋gas爐上,冬天食到最後仲係暖笠笠😁份量非常多,我地一人飲左成三碗雞湯,好鮮甜又足料,冬天食夠哂滋補😋雞好滑,又多松茸菇同紅棗豬肚 正!初初以為係細蠔3,4隻 但上到菜好有驚喜,粒粒都幾巨型唔係縮水蠔,又好有蠔味,仲要有6大粒!而且下面有好多舊魚柳,相當唔錯大大隻既蟶子王😋😋😋好鮮甜 粉絲撈汁送飯一流!總括黎講好滿意既一餐 母親大人都好鐘意 價錢係呢個地段亦好合理☺️☺️

呢排凍凍地就好想食羊腩煲，今日終於有時間去到食羊腩煲！但又唔想去大排檔😂之前行過軒寧樓睇多個菜單又唔貴，裝修又乾淨又靚(因為粉紅色🤪)所以就記住左呢間餐廳。一個軒寧樓時令孖寶同再加2隻蒜蓉蒸蟶子皇驅寒羊腩煲同埋臘味糯米飯。驅寒羊腩煲唔講以為自己食緊和牛，啲肉好軟熟，一食落去用溶係口入面，而且全部肉都吸晒湯汁。除咗個皮有啲硬，裏面仲有一粒粒我最鍾意食嘅馬蹄🥰好爽口好清甜。羊腩煲仲配埋生菜架👍🏻臘味糯米飯勁香勁好食糯米飯，糯米飯嘅材料十足！又香調味又啱啱好唔會太鹹或者太清淡蒜蓉蒸蟶子皇呢一個真係估佢唔到，蟶子皇勁大隻仲要兩隻都好鮮甜！非常新鮮，又彈牙！最緊要餐廳入面嘅姐姐服務態度非常之好又貼心。一間餐廳除咗好食之外服務都好重要。呢間餐廳兩樣都有，價錢經濟，再加上靚靚嘅裝修，真係會食完再同一大班朋友去！