越男仔

营业中

休息中

今日咁岩係河畔花園呢邊做完野，順便係呢邊覓食。行行下見到間食越南野既餐廳叫「越男仔」，一於就試下越南菜！時間算早唔洗等位，入到去侍應好熱情既招待，安排左卡位比我地坐，可以坐得舒服啲！睇下個餐牌，叫左個推介既咖哩海鮮粉絲大脆包，越式蛋包金邊粉，豬頸肉手絲雞米紙卷同埋一杯拉茶沙冰。等左陣先黎個咖哩包，侍應會幫你剪開佢，等你食得方便啲，值得一讚！咖哩唔算太辣，啲粉絲吸晒啲咖哩汁，食落好惹味！海鮮就有魚，青口同魷魚！個包焗得好脆，唔會話吸晒啲汁而淋左。金邊粉係蛋包既，幾特別，份量都幾多，2個人食都差啲食唔曬。越南特色既米紙卷，豬頸肉配上柚子，食落唔會話太濟，有柚子中和返，幾fresh ！個汁酸酸地幾開胃！

冬天中午温度高達23.4度，由沙田港鐵站步行至勵城花園，已熱到出汗，原來天文台報導是50年來最熱的大寒， 真係要講句 「這個冬天不太冷」。為咗降温坐低立即叫個鮮椰青， 冰凍鮮甜清新的椰青吸一口馬上清涼無比！手撕雞椰汁酸湯檬粉，侍應放下調味架的同時提醍我們要先試湯底味道才決定需要調味份量，湯底濃濃的椰香夾著微酸，非常開胃，味道豐富，雞絲滑嫩，不用再加調味，已經非常！牛肉串燒，控制火喉得宜，保持肉嫩， 食落啖啖肉並非切碎牛肉，美味極了！金菠蘿海鮮炒飯，賣相了得，蝦及炸魚放上飯，炒飯加入小量红米更健康，材料有鲜魷魚，菠蘿及紅蘿蔔， 冇腰果冇肉鬆 ，有別於食開菠蘿炒飯， 融合作西方嘅煮法，非常有心思。見到牆上貼上尖沙咀已有分店， 唔使只得新界區有得食啦， 真係一個好消息！

越男仔沙田沙田圍路1-7號勵城花園地下1號舖-----星期六日 沙田新城市廣場真係好逼 逼到搵位食個飯都難 所以B仔就決定行遠少少 試下呢間未試過ge越南野😝 B仔一向都中意食越南菜 中意個種fresh又開胃ge味道 餐牌選擇好多 B仔就揀左d自以為比較穩陣ge選擇 點知.....首先先講下佢地自稱為招牌之一ge魷魚咖喱飯（$138）魷魚都正常 不過不失 但d咖喱飯真係 無咖喱味不突止 d飯仲要一舊舊 有雪味 人地用隔夜飯炒飯 🙈🙈🙈佢地就似用隔左好多夜ge飯炒飯 🤮🤮B仔真係從來未食過甘難食ge咖喱飯 阿活咖喱飯都好食過佢200倍 然後到雞絲柚子沙律（$68）味道都正常ge 真係只係正常 你自己係屋企擺d柚子 切少少菜都可以整到 但係收68蚊 竟然得10隻手指數得曬ge雞絲份量 B仔就真係覺得有d離譜啦..雞絲都唔係好貴姐...越式豬肉生菜包（$78）都一樣 質素令人有驚無喜 又油膩又鹹 🤮🤮🤮從來都未食過甘重口味ge越式生菜包...😭😭😭真鋪真係中曬伏 絕對絕對無下次...好耐未食過甘難食ge野-----B仔整體評價：2/10個👍🏻B仔抵食程度：1/10個👍🏻B仔環境評分：5/10

又到左沙田開飯嘅時候😎原來呢頭附近都幾多越南野！越男仔之前食過銅鑼灣嗰間好正(不過執左☹️)今日再接再厲😍睇吓水準如何🤣感覺舒服左佈置又幾精緻😎👍🏻首先order佢嘅必食推介＂煙三文魚柚子檸檬紙卷＂平時軟殼蟹咪紙卷就食得多呢一個有少少fushion嘅感覺真係夠特別！小小煎香左嘅吞拿魚配合酸甜嘅柚子，恰到好處又開胃！＂法式芝心蝦多士＂聽聞呢一個係佢哋嘅得獎作品，食完又的確唔係浪得虛名😎外皮炸到好鬆化，芝麻粒好香口！咬落去已經有一層芝士喺口入邊爆出黎🤣好友有罪惡感不過超好食！而且整體感覺唔會好油膩，真係做得好出色！食得越南野梗係要試吓佢嘅＂招牌粵式火車頭＂呢一個嘅配料冇我想像中咁驚喜，不過佢嘅河粉同埋湯底就絕對值得一讚！飲落去唔會覺得好重味精，湯底香濃！呢一刻我發現兩個人食都已經好飽🤣食唔晒就梗係打包返去啦，順帶一提佢哋真係好窩心將個飯盒一分為二，方便擺兩款唔同嘅菜式👍🏻大家下次有機會一定要去試吓呢一間冇介紹錯😍

今早一清早就入了沙田陪媽咪飲個早茶，嘆完一盅二件後在沙田新城市行下街，臨近聖誕商場充滿聖誕佈置，好有節日氣氛但人流太多了。所以下午就行下出面公園慢慢hea遊，行下行下就行到河畔花園這邊，這邊住宅區比較舒服些，行咗咁耐開始肚餓了。看見這間越男仔，個名咁突出就入去試下先。這個芝心蝦多士吾錯，蝦肉彈牙芝士流心的。越南菜必叫生牛肉河粉，這個份量不少，牛肉都嫩滑，湯底香濃。越式蒸粉包，熱辣辣味道吾錯。香茅猪扒就比較咸。越式拉茶就似香港奶茶，但這個自家制香茅薑蜜就好夠薑，冬天至啱飲, 好暖身。

平時既我唔太食越南嘢，覺得淡而無味太清😂但今次朋友生日，所以由佢決定食咩，平時我揀開重口味佢今次竟然話想食越南野，我唯有捨命陪君子啦！好彩我地都係沙田附近收工，去沙田越南仔由馬鐵車公廟站行約十分鐘倒，都算易行的！遠遠的已經見到綠綠的生招牌！大約1900 都坐滿左一半客人，幾欣賞呢到既裝修同擺設，都幾有越南風味同感覺👍🏻我地叫左個原隻椰青焗咖哩另加豬仔包不得不讚豬仔包絕對外脆內軟！超讚👍🏻原隻椰青絕對唔係講笑咁大個，入面全部海鮮有蝦有魚有青口等等，最低仲有粉絲勁入味！點豬仔包黎食我一個人可以食二個😂😂牙車快沙律係柚子+手撕雞，酸酸甜甜勁開胃👍🏻👍🏻侍應推介招牌原隻魷魚釀咖哩炒飯，咖哩好香口魷魚唔太硬都不錯，再點埋個薑汁絕配👍🏻最後仲點左個煙三文魚手撕雞檬紙卷，煙三文魚十分香，紙卷有口感，包住蔬菜十分清新！另外朋友點了椰青飲，夠凍好清甜！椰肉都好好味👍🏻👍🏻👍🏻我自己點左杯拉茶認真不錯！今次食越南菜比我想像中有驚喜，但價錢就有點高。勝在服務不錯，環境一流！

次次黎呢到都係食呢個做lunch，雖然係一碗檬粉，但係份量好足，我lunch都要食好多野先夠，以呢碗粉黎計，其實都好夠飽。座位都闊落，環境都算唔錯，值得試一試。

今日交返樓比業主，跟手一齊食飯，佢話要試啲佢搬走後先開嘅餐廳，就揀咗呢間。越南汁有少酸酸甜甜，但佢呢個似係魚露加蒜蓉。個柚子檬紙卷啲味唔太突出，沙律醬太多。串燒拼盤原來豬牛雞各兩串加一串菠蘿，但本人唔食牛，餐廳幫我轉咗雞同豬各 3 串加返串菠蘿，好大串肉，食落唔靭。香茅薑蜜唔太重薑味，可能熱飲啲味會出啲。大蘑菇釀生蠔太重芝士，切開有水出，生蠔唔算大隻。原本我哋叫蟹籽蝦餅，但煮到出嚟先話我哋知無蟹籽，得普通蝦餅，所以比咗雙陪份量我哋，其實一早話我哋知可以轉其他嘢嘛！

今天來到沙田找吃的 聽聞河畔有不少好吃的便來看看 行到見到這間越男仔 好像不錯 便來試一下 餐牌上有不少都想試試 但只有兩人 為免眼闊肚窄 今次只點了三道菜加飲料。首先來的是招牌椒鹽軟殼蟹，果然是招牌野，外面炸得香脆但內裡又保持了濕潤，加上避風塘式炸蒜辣椒，有夠風味再來的是蕃茄火車頭煲配法包，這道點的時候其實是友人見名字幾吸引試試看。怎知道居然滿有驚喜，內有十多樣食材，如果只看外表是完全估不到，再加上蕃茄湯底夠濃，食材都很入味，另外配的法包，加熱了，外皮不硬，外脆內軟，很不錯最後的是招牌生蠔椰汁酸湯檬，分量足，生蠔新鮮，加入椰汁酸湯，搭配很特別。另外紙卷，拼盤好像都不錯，擇日再試。

呢晚見冇人排隊又有啲想食越南野，就入左呢間越男仔。佢個名幾好笑，食哂字咁😂坐低見到佢啲野都幾貴，一碗麵都80蚊起跳，仲要開喺河畔花園，唔怪得冇人排，同咁多位😂我叫個手撕雞檬粉係幾好食嘅，份量亦幾大。手撕雞份量好多，肉質幾滑。最正係個湯，味道帶酸，如果加埋辣味仲正！啲檬粉口感都唔錯，幼身得黎唔會太淋。我friend個牛肉粉都ok，但湯底就較清，冇我嗰碗咁惹味。好彩牛肉都幾嫩滑，同埋一定夠飽！唯一問題係價格唔係好啱個環境同地區🧐

法式芝心蝦多士 $68蝦膠打得好彈牙，而且份量亦都唔少，絕對稱得上係一件厚切蝦多士，內層芝士做到流心效果，而外層嘅麵包亦都炸得好薄脆，加上香口嘅芝麻，的確係一款好唔錯嘅小食。越南蒜香牛油雞翼 $59一碟有5隻，兩個人share足夠有多。雞翼嘅size 平均，而且好夠肉，雞皮炸得香脆，牛油都好突出，而且蒜蓉落得都幾多，啱晒鍾意食蒜蓉嘅我。金菠蘿海鮮炒飯 $88呢個炒飯我地一致覺得可以encore，菠蘿夠多汁又甜，裡面海鮮嘅款式喺一個炒飯嚟講亦都相當齊全 (當中我覺得最好味係隻蝦），而且係每一啖都一定會食到海鮮。另外覺得幾特別嘅係呢個炒飯用左紅米，食落肚會不自覺地覺得多左一份營養。

入沙田搵野食新城市去得多，今次走去河畔開餐先見到間越南餐廳個名好得意叫“越男仔”就更係要潮聖下啦！香茅薑蜜 $33自家製飲品果然夠堅，喝一口薑蜜薑汁味好濃之後連帶香茅蜜糖味在口中好豐富。燒茄子袋牛柳粒 $78 (11月優惠價)見到個名即刻比佢吸引住，之後上菜喇成隻茄子打開袋住牛柳粒裝飾得好靚好像幅畫咁好靚呀！茄子好新鮮牛柳粒好嫰配埋一齊食好夾。串燒拼盤 $108有雞、牛、豬各兩串連一件燒波羅，一上枱就嘩一聲每一串都好大件未食眼睛已吸晴。原隻燒魷魚 $78平時食燒魷魚都試過會好硬一舊要咬好耐，但這個唔會好好味好腍跟埋醬汁好野味。越男仔生牛湯河粉 $88我通常去食越南菜都會試佢哋既生牛湯河粉的，因為看似簡單的一碗粉其實要煮得好一啲都不簡單，湯底好緊要架首先未食先喝一啖湯鮮甜香濃唔咸河粉幼滑牛肉新鮮唔嚡。正冰鎮蜜糖凍蕃茄 $37最後甜品時間到喇這款凍蕃茄大有來頭是得獎菜更係要試試啦！上碟已經好靚好精緻，一切開嘩好多汁湧出來呀！即刻心心眼再食一啖簡直人間極品。無諗到簡單凍蕃茄可以做到不簡單好好味，成個口都是蕃茄汁同酸酸甜甜既蜜糖汁好夾好正！

今晚屋企人冇煮飯所以係沙田尋找美食，無意中見到沙田圍站開左間越南仔！店鋪幾大，牆壁上有彩圖磚塊同貼左d人留言的紀錄，感覺好親切！首先叫左個生牛湯河$88，個湯河份量足夠兩個人食，湯鮮味，而且仲提供調味料架！原隻魷魚釀咖哩炒飯$138，等左半個小時，隻魷魚終於出場，個炒飯不太乾身，但魷魚食上去好爽口彈牙！法式芝士蝦多士$68 邪惡小食之選，熱辣辣地呈現，內里芝士溶解，外面炸到好香脆再沾上白芝麻，呢個真是必食！再叫了杯咸檸柚子蜜同檸檬茶。每人埋單也只需一百蚊左右，服務不錯！

蜜桃小丸子見越南仔愈開愈多，今晚就來到沙田圍的分店試試。餐牌的選擇很多，粉麪至小食都有，蜜桃小丸子就覺得其小食較吸引，價錢方面整體上都是中上的。第一道菜是自家製的法式芝心蝦多士，麪包外層很香很脆，驟眼還見到芝士慢慢溶化流出來，蝦膠頗彈牙，口感層次豐富，美味！第二道菜是蒜香牛油雞翼，沒有什麼蒜香味，亦沒有牛油香味，就是炸得很脆很乾。第三道菜是手撕雞椰汁酸湯檬粉，手撕雞明顯用重黑胡椒醃過，但碎碎的肉其實很少，肉不滑，湯底沒有椰汁味，少少酸，不太是蜜桃小丸子的口味。最後好像不太飽，再叫了招牌椒鹽軟殻蟹，蟹的質量不錯，雖不至於很大隻，但炒得很香脆，味道濃郁，但稍稍不要太咸便更好。不過下次還是不要叫太多炸的食物，因為回家便已經喉嚨痛了...太為食

住沙田咁耐，第一次係城門河跑步跑到去河畔花園揾餐廳食晚飯，見到有一間越南餐廳門口堆滿人，我同朋友就決定食呢一間，就算排晒隊，但我哋三個只係等咗大概25分鐘就已經可以入去食，店內裝修古色古香，座位舒適，店員熱誠招！我哋三個人揀一樣嘢食在加燒菠蘿，叫左杯飲品。嘩！好大隻魷魚呀！入面仲有好豐滿嘅咖喱炒飯，直頭係漏晒出嚟！最滿意係啲飯唔會太乾身！秘製牛油雞扒飯，因為根據唔少食家報料，佢嘅「味」力真係會令你暫時忘記乜嘢叫卡路里，跟住就大啖大啖咁咬落去。蒜蓉燒原條茄子，燒茄子上同樣放有葱花，茄子香而不鹹，加上口感更為豐富帶香氣而味道不單調～～燒菠蘿好正，咬落佢好多汁bid出嚟,非常juicy，期待下次再來朋友嚟食！