越男仔

营业中

休息中

沙田城門河邊的河畔花園有很多餐廳，3點鐘時段既下午茶餐，下午茶餐有很多選擇，粉麵飯都有，天氣熱熱地想食金邊粉，餐廳環境舒服，冷氣温度很好。約5至10分鐘就上菜，可以見到是即叫即炒，不是凍冰冰的炒金邊粉，食物外觀一流，雖然天氣熱，見到熱呼呼的金邊粉，胃口都返晒來。材料有紮肉條、雞蛋等，炒金邊粉既火候不錯，沙律絲酸甜到位。凍飲拉茶加3元，大大杯既飲品，是輕食及休息好地方。眼見既地方都清潔，沒有油油穢穢的感覺，可以再試。注意: 有加一服務費。

午餐時間，到越男仔吃了一碗生牛牛骨湯河，喝了一杯越式拉茶，十分滿足。這間叫越男仔的餐廳，裝潢有身處異地的感覺，很有層次。越男仔生牛牛骨湯河味道很清新，湯底尚算濃郁，生牛肉放到湯中，不消一會兒就熟了，剛剛熟的牛肉非常美味，一點也不韌，牛肉切得不太厚，很容易咬；而河粉份量很多，這裏的河粉是幼身的，口感亦很滑，但味道很淡，配合湯汁一起吃會較好。越式拉茶味道很像香港的奶茶，但感覺茶味較重，而且很香濃，值得一試。

一個人星期五OT收工已經十一點，除左麥當勞仲有咩揀 沙田圍有間越男仔就成為我的食堂.......一碗生蠔椰汁酸湯檬粉加一碟蒜香牛油雞翼就成就了我的happy Friday 生蠔都幾新鮮大隻 應該係廣島蠔 不過生蠔都唔係重點 重點係個湯底稱得上一試難忘 個味好特別 酸得黎好開胃 好岩夏天食 加左椰汁除左香仲令個湯底好滑 會令你係甘飲😂😂😂蒜香牛油雞翼個炸粉稍為厚左小小硬左小小，不過帶黎脆卜卜的感覺又ok🤣🤣🤣

我同女朋友都唔係沙田友💁🏻‍♀，聽人講開河畔果邊開左好多餐廳，😋都有好多好野食😋，於是星期日放假就去睇下，越男仔就係我地當日選中的餐廳🍴我地叫左海南雞飯同越式紅米炒飯，仲有一個小食蝦多士，侍應話係招牌同得獎菜而幅圖都真心幾吸引就叫埋啦。海南雞飯d黃薑飯比其他餐廳做得好，d雞都相當嫩滑，配埋個汁好惹味，總算唔會失望🙍‍♂紅米炒飯就等耐少少，星期日多客多單我們都明白☺，個炒飯好足料有獲氣，有埋紅米生色不少，而份量好多，最好两個人share 再add 其他👍🏻侍應無fake我地，芝心蝦多士係必試！我見店內電視宣傳片都有推介，入面的夾心芝士一咬會流出黎你就知咩事😍😍 滴漏咖啡☕雖然貴少少，不過都值得試下，最好攤凍少少先倒入冰杯，如果唔係好快溶哂...

同一大班朋友食野有時真係好難諗食咩好~今次去完沙田踩單車正好就去到河畔花園o個頭，即刻係哩區試左間新式越南菜 - 越男仔！平時食開越南野都係離唔開越南春卷同串燒等等，估唔到今次叫左一啲新穎配搭都幾有驚喜~招牌原隻魷魚釀咖哩炒飯真係好足料！好似平時比較少食既檬紙卷都有好多款式，幾有驚喜。我地除左試左燒吞拿魚檬紙卷外，店員仲推介左我地食海膽檬紙卷，啲海膽食落好有口感，一份真係唔夠皮！一大班人食野最驚唔夠分，所以我地另外都叫左珍寶拼盤B，特別推介佢既芝心蝦多士，以為兩件事唔Match但咬落唔會覺得好突兀。自己平時好少食蔗，但佢既順化蔗蝦真係好甜～鐘意食串燒既真係必食串燒菠蘿！！真係燒得好入味，啲菠蘿汁鎖哂係啲菠蘿肉到，咬落真係啖啖汁，超正！臨走前都有叫番杯越式咖啡，慢慢滴要等15-20分鐘先飲～耐心等待換來香味十足既好咖啡。完滿咁完成左今次既單車聯誼，去開沙田區既不妨過黎食下，真心有驚喜～

平時好日都唔入嚟沙田，原本都係諗住隨便食嘅，誰知有驚喜。嗰日路過沙田朋友話要食嘢。但係揸咗車，要搵地方泊位，一時三間唔知係邊度食到，上網搵到越南仔。鋪頭出面就有街拍，好方便。我哋幾個人，一開頭叫咗啲普通野，點知老闆好熱情，知道我哋好遠水路入嚟，特登介紹咗幾款fusion 菜式，又幾特別，小妹覺得完全值得推介。我個人首選就係呢個芝士燒蘑菇釀蠔，簡直係人間美味。大蘑菇加芝士燒平時都食得多，原來加埋生蠔海水鹹味，鮮味可以提升好多。我打算以後去朋友屋企燒烤，就用呢個食譜另值得一提嘅就係釀魷魚筒。唔知咩原因最近突然興食魷魚筒飯。之前試過日式燒魷魚筒，有試過泰式釀榴槤嘅魷魚筒飯，今次係 fusion 越式咖喱+粵式炒飯底，釀入魷魚桶，滋味更多層次。 值回票價。仲有個亮點就係 海膽春捲。越南春捲炸下，上面配一舊新鮮海膽，火槍燒一燒，鮮甜漏入甘脆，香嫩無比。個人覺得fusion得好, 老闆幾有唸頭。下次來沙田一定再來🌹

星期天和朋友一起去沙田逛街，剛好發現了這間新派越南餐廳就試一下。雖然餐廳店面不大，但環境舒適，裝飾品也很有創意。侍應服務態度很好，很熱心解釋各款菜式。和朋友們點了數款菜式，生蝦沙律裡的蝦鮮味很足，而且自家製醬料很惹味。另外，豬頸肉也味道不錯，肉質很嫰滑，沒有很“鞋”的感覺。小食拼盤中，個人最喜歡的是蝦多士，表面鋪滿芝麻，非常香口，而內裡滿是芝士和蝦肉，用料很充足，一點也不吝嗇。吞拿魚和三文魚手卷，像是日，越的fusion 菜 ，內裡是粉絲，對比普通的日式手卷，個人更喜歡這個。芝士蠔沒有腥味，而是濃濃的芝士味，如果是喜愛吃芝士的人，這是必點之選。另外，軟殼蟹沙爹粉絲包也是驚喜之作，面包索滿了蟹汁和自家製醬汁，蟹肉也相當好吃。如果大家有空來沙田，一定要試試!

沙田越南菜食開泰菜黎食個越南菜若不在市區 呢間可以on the list首先，餐廳環境幾喜歡小貓幾隻黎食野 太多人就唔好喇燈光剛剛好 燈飾與牆飾幾有格調舒服不焗束然後，重點當然系食物串燒豬頸肉 - 味道剛剛好，唔會柴口，夠juice生蝦 - 個人覺得一般，反而系墊底的沙律真系幾好食拼盆B - 個芝心蝦多士真心好食，啲芝麻滿到似煎堆，你以為蝦多士系多士，錯喇蝦膠先系主角，個角士真系綠葉咁上下墊一墊，個芝士又唔會漏。海膽手撕雞檬紙卷 - 個海膽認真鮮甜！入面手撕雞檬又唔會太搶，系略嫌乾左少少同埋重口味既會覺得差少少味道，面頭加少少鹽會加分。芝士大蘑菇釀蠔 - 重口味既人一定會試下，味道夠岩key，味道層次好豐富。薄荷青檸梳打水 - 呢個真心要讚，出面似一般都系成杯上，好少何成樽梳打水另外比，呢個認真讚！成件事值返曬。唔長篇大論做總結，上面列點夠方便易睇，無論個人系咪身處沙田，呢間系可以去試一試食一食。

今日跟朋友去沙田搵嘢食，佢住附近，帶咗我地去呢間越南嘅餐廳，初時心諗越南野，黎黎去去應該都係咁上下，不過冇所謂啦，我地成班朋友食咩都開心，點知有驚喜喎！我地一共7個人，入到去，佢拼埋比張長枱我地，望下周圍，見到啲燈係好似越南嗰啲尖頭帽，環境都坐得舒服，而且燈光又夠光猛，四周圍都乾乾淨淨。牆上嘅佈置幾得意又新穎，寫住「不准影相，如要影相放低銀両。」🤣好肚餓呀！嗱嗱聲拎個餐牌睇吓有咩嘢食先😛我地叫左魷魚藕苗沙律順化遮蝦三色雞翼拼盤串燒菠蘿燒吞拿魚柚子檬紙卷珍寶拼盤B招牌椒鹽軟殼蟹海膽手撕雞檬紙卷其實佢每一款都好好食，但最令到我深刻嘅有三款，而我覺得係必食推介。第一，串燒菠蘿，菠蘿燒得很好，好香又很多汁，最緊要係一d都唔酸！第二，招牌椒鹽軟殼蟹，軟殼蟹又香又脆，用麵包載著有粉絲加沙嗲汁一起食，一流！第三，三色雞翼拼盤，拼盤排法又唔辣到辣，三隻味都各有特色，唔辣嘅係牛油雞翼，好香好脆但唔油。 大家都食到好飽，但價錢都唔貴，下次可以再去。

之前聽朋友介紹越南菜”越男仔”啲嘢食正，於是捉咗幾個朋友一齊去試吓食.我哋去咗沙田嗰間試食,這裏裝修十，分舒適,好有越南風味,外面有好多泊車位，好方便！餐牌上選擇嘅食物非常多，於是我哋揀了餐牌上皇牌推介!越式生蝦沙律$98這個沙律非常醒胃，生蝦好新鮮，加上佢個酸味醬汁做頭盤一流，作為開胃菜適合不過！越式海南雞 半隻$138 /一隻$248雞肉嫩滑，特別喜歡它的醬汁是用20種鮮果整出嚟的，味道特別有新意！越式生蝦沙律$98這個沙律非常醒胃，生蝦好新鮮，加上佢個酸味醬汁做頭盤一流，作為開胃菜適合不過！招牌原隻魷魚咖喱炒飯$138這個是必食皇牌菜，咖喱飯樣入原隻魷魚內，用上多種咖喱味道特別，不會太辣，魷魚味道有炭燒味道，食起來特別野味！窩蛋烤牛肉生菜包$88又是一個必食招牌菜，食之前要將窩蛋撈勻牛肉，牛肉鮮嫩好味，用生菜包來吃，味道不會太鹹，這個價錢十分抵食！招牌椒鹽軟殼蟹 $108 賣相一流蟹味新鮮椒鹽野味 是必食之選！燒芝士有機珍寶大蘑菇醸生蠔$88 此菜式是老闆誠意推介有一隻大生蠔樣入珍寶大蘑菇🍄芝士放面一齊焗上枱賣相一流切開生蠔蘑菇，非常多汁芝士提升食材味道非常邪惡！三色雞翼拼盤 $

今天晚上同一班朋友仔試食沙田新開的越南餐廳，位置在沙田圍店出面也可泊車非常方便揸車人士,（試業期間星期五六服務至零晨一時點）小店經營難裝修環境也頗花心思,入到店內坐低睇 menu 非常多選擇花多眼亂唔知食乜好嘅時候 侍應即刻嚟介紹 太貼身的服務 因為我哋人多所以點多幾個招牌菜試真啲海膽炸春卷燒吞拿魚柚子檬紙卷窩蛋烤牛肉生菜包三色雞翼拼盤生蝦沙律軟殼蟹沙爹粉絲大脆包招牌原隻魷魚咖喱炒飯招牌椒鹽軟殼蟹海南雞蒜椒茄子燒芝士有機珍寶大蘑菇醸生蠔我特別鍾意食魷魚咖喱炒飯因為佢燒魷魚至半脆 好似以前戲院燒魷魚🦑燒芝士有機珍寶大蘑菇醸生蠔 相當邪惡佢連芝士生蠔一齊焗，芝士面好食而生蠔不失鮮味海南雞看上平平無奇但重點係個汁到普通海南雞是提供辣汁豉油薑容，但呢度啲海南雞汁係有30多種食材組成酸酸甜甜很醒胃招牌椒鹽軟殼蟹 殼真的好軟 而且體積比較小 經油炸後 蟹殼特軟，可連殼一起吃，非常香脆其實今晚食咗好多熱氣野但也不覺得太油膩原因係每度菜也有秘制酸菜伴碟 醒胃之餘去除油膩咁啱老闆 David 也來巡視業務熱情招呼及介紹每道菜做法 明白現在經營小店也相當困難 所以香港人要撐香港小店呀

一直都煩惱有咩地方食飯可以方便泊車又多選擇,今日有朋友提議一大班人去左食越南野。餐廳位於勵城花園入面,附近有錶位及多個停車場,對我黎講,無疑係加分之選。餐廳名子好特別叫越男仔,牆上會發現幾多金句,睇完係會令人會心微笑。餐牌內的選擇有很多,幸好人數不少,可以叫多幾樣SHARE首先係生蝦沙律及無骨鳳爪,開頭以為下面的只是伴碟,但經侍應話我地知後原來係好美味的沙律(有時睇野真係唔可以睇咁表面=.=”),但如果鳳爪份量再多些就十分好了三種不同味道的雞翼,不同程度的辣味,帶出不同地方的口味,個人覺得三種雞翼各有特色。豬頸肉一向係串燒中不可缺少的食物,係呢到亦可以到味道不錯的。這個小食拼盤的確係一大班人必點之選,多重選擇。燒茄子與坊間串燒店的茄子不同,略嫌不對我的口味。呢個海膽手卷睇得出唔係用平價海膽,入口鮮甜,令我們一再ENCORE。生菜包試得多,加入中菜特色既窩蛋牛肉生菜包又真係幾特別。農夫包十分足料。呢個係全晚覺得最好味既一道餸,芝士味十分突出,蠔完全沒有腥味,絕對係可以再三Encore 之作。飲品方面,青檸梳打配上薄荷,十分清新既配搭。最後總結,呢間越男仔絕對係可以encore 之選,下次

呢日成班朋友無啦啦話去食飯聚會, 未搵到地方食之濟, 就有人話不如去“越男仔”到食。一去到, 見到鋪頭大小適中, 但座位舒適都算寬趟, 環境整潔, 仲有好多好有情懷既裝飾佈置。一睇menu, 見到有好多選擇, 樣樣野食都好吸引!! 其中最難忘既有薄荷朱古力, 燒菠蘿, 魷魚壤飯, 芝士蝦多士。野飲方面唔多講(忘記影相), 一黎到只係見到一杯朱古力同上面有一塊薄荷葉, 以為無料到, 一飲, 薄荷味適中, 不太甜, 但朱古力味重, 唔似好多餐廳咁只係飲到開稀左既味, 鐘意薄荷朱古力既朋友一定會好滿意!燒菠蘿真係好好食! 不過建議趁熱食, 因為凍左燒到焦焦地個啲位唔脆會變硬, 熱食個時真係好正, 咬落去啲汁仲保留住。魷魚壤飯既飯唔淡, 炒過好香口好夠味, 魷魚肉岩岩好, 不太生不太熟一咬就分得開, 仲要成條切開上,值得一試!最後芝士蝦多士我見到係外邊麵包, 中間蝦肉, 中心係芝士, 好香口, 芝士夠多, 值得一讚係佢唔吝嗇, 麵包部分唔多反而蝦好多! Good good!! 成個過程, staff 態度好好, 都好有耐性, 有笑容, 整體好好!!! 會再返轉頭試的!!!

簡單說垃圾不如、不知所謂的越南餐廳、只知打廣告吸引外客、今晚春卷老過老油條、柚子手撕雞只有柚子汁和雞C、火車頭是什錦湯河粉、還是半熱半冷、呵呵.... 完全是騙局！牛油雞翼乾硬化，冇牛油味，雞翼收哂水，死得！生牛河湯底溝水1:25，淡而無味。牛肉冇牛肉味, 薄過A4紙！嬲爆!!!以前經過舖頭，會聞到濃濃的牛肉湯底味道，今天完全沒有，舗頭拍烏蠅shocked。早知吾去食！老闆完全冇歉意，冇意思改變，失望！食過一次，現在吾駛再去👎👎👎, 沙角又少過地方食嘢了！

今日又黎到河畔開工，一向喜愛越南菜既我梗係要試下呢間新開既越男仔啦。因為都成兩點幾，我就叫左個越南仔生牛肉牛骨湯河下午茶茶餐 (HKD 38)，跟住另外追加左法式蒜蓉包(3件，HKD 16) 和飲品三色冰 (HKD 12)。生牛河分量唔細，牛肉都算係幾滑同稔，湯底都算夠火喉，亦都有生菜。另外，佢亦會附送辣椒，蒜蓉魚露俾你自己調製最合適自己胃口既味道。另外個蒜蓉包製造係需時，但味道認真唔錯，真係好夠蒜蓉味，3塊其實真係有啲唔夠。個三色冰我覺得還可以，椰香味夠哂重，配料都夠。