越男仔

营业中

休息中

小朋友今日去咗交通安全公園到玩， 玩完之後就喺附近度搵嘢食， 呢期特別鍾意食越南菜， 見到交通公園附近, 有一間越南fusion菜， 睇完餐牌覺得幾特別所以入去試下。P.S. 睇餐廳介紹老闆留學既地方同我一樣比較冷門既愛爾蘭，突然覺得幾有親切感。法式芝心蝦多士蝦多士大概有兩種做法，一種係用蝦膠嚟做另一種係用原隻蝦嚟做， 呢度做法係前者， 佢係用蝦膠嚟做，再加咗芝士， 多咗層口感和味道， 蝦膠嘅份量都幾多幾厚身， 外層塗上芝麻， 幾香口。手撕雞檬紙卷檬紙卷個皮夠薄， 餡料有生菜，青瓜 ， 羅勒葉， 手撕雞等， 上菜前食得出佢係用火槍烤過， 食落有焦香味， 配酸汁幾清新開胃。窩蛋烤牛生菜包食之前將蛋和牛肉撈勻， 烤牛既味道幾香濃和有少少辣，牛似係用牛肉片切粒，所以都幾有咬口，包上生菜包食剛剛好。招牌原隻魷魚釀咖哩炒飯將咖哩炒飯釀入魷魚再烤焗， 魷魚嘅鮮味滲入炒飯内，幾特別， 魷魚嘅肉質一啲都唔韌，好易咬得開， 個咖哩炒飯底唔算好辣， 但好重咖哩味， 上菜時加咗燒汁， 幾好味。

平時食越南菜，不外乎都係食下檬粉、紙米卷等等，不過冇諗過連越南菜都可以做fusion菜，仲做得好好味淨係睇出面個餐牌，已經有好多好吸引嘅選擇坐低再睇下佢個menu，選擇好多，有D花多眼亂店員見我地唔知揀咩好，就俾左D建議我地，又話我地知今日咩食材新鮮送到，可以考慮一試最後跟左店員一部分推介揀野食呢度裝修真係好有越南特色，又坐得舒服手撕雞檬紙卷一上檯就俾人好精緻嘅感覺，旁邊嘅酸汁有需要可以再refill檬卷皮做得夠薄，少少煙韌，配埋雞肉同蔬菜，成個口感既豐富又清新法式芝心蝦多士呢個多士做得比一般嘅厚身，蝦肉夠彈牙，加上少少芝麻，食落酥脆可口窩蛋烤牛肉生菜包呢個生菜包好有驚喜，因為D牛肉調味好好，就咁食已經覺得好好味，加上我地撈埋D窩蛋嘅蛋汁，成個菜係好香好好食每個菜式旁邊都有D酸菜，配埋一齊食又出奇地夾，同埋一咬就會流埋D肉汁出嚟，真係食得好過癮金菠蘿海鮮炒飯炒飯份量好足，入面食到有蝦、魷魚、魚柳，另外仲加左雜菜同菠蘿，食落口感十足雖然呢度唔太近火車站，但係D食物真係幾有特式，而且店員好nice好留意我地嘅需要，非常helpful，成餐飯食得好舒服，所以行多幾步嚟食都覺得值得

火車頭湯底味道可以，我點了個雙併撈檬，一次可以食兩款餸感覺抵好多，蝦餅併豬頸肉撈檬，蝦餅好味彈牙但豬頸肉硬咗啲，點了特式的芝心蝦餅多士，芝士略嫌唔夠香，食落還有小小油膩感，牛油雞翼超好味, 唔會太厚炸粉，雞肉嫩滑有肉汁唔會太鹹，整體食物ok 好味的，只是價錢略貴少少

今天剛好經過沙田新城市，肚餓便上網看一看OpenRice有什麼特別的午餐可以吃，看到了這一間特色越南餐廳鄰近新城市，現特意過來品嚐一下。我們兩個人兩個餐，兩杯迪迪咖啡☕️再加上一個小食大概$200左右，價錢算中等不會太貴。這間越南餐廳的裝修很特別，非常有越南味道，再加上大量香港特色招牌，看得出店主在裝修上花心思。這味餸叫做越南沙律配檸檬炸雞，酸酸甜甜的沙律再加上越南特色的檸檬炸雞，味道不錯，但是雞皮略為硬了點，扣了少少分，65分！這味餸叫做無骨雞黃姜飯，即是俗稱海南雞飯，這是我在香港吃過海南雞飯自重之中數一數二好味！雞肉鮮嫩，配上超好味的黃姜飯！ 90分！接下來是扎肉雞絲酸粉，這味餸都不錯， 淡淡肉加上椰味的粉絲，75分！還有滴滴咖啡，雖然我還未去過越南品嚐當地的咖啡，不知道真正越南味道的咖啡是如何，但這間的咖啡別說一格，不是帶有廣東味的咖啡， 70分！

星期日不想下廚，於是外出用膳，走到勵城花園，一試>>>越南仔<<<。 餐廳裝修帶點特色，打卡呃like確實不錯，牆上的標語也有玩味。 餐廳名為越南仔，但賣的不只是越南菜，當中還fusion了港式滋味。 老闆大力推介三隻岩鹽燒虎蝦(HKD108)和蜜糖燒豬軟骨(HKD88)。鹽燒虎蝦擺盤挺好的，可惜選了一隻比較大的碟子，令虎蝦看起來比較細小；味道其實不錯，岩鹽份量恰到好處，而且燒得香脆，連蝦腳也可一併吃掉！肉質鮮美，蝦膏亦很香。 蜜糖燒豬軟骨燒得比較香脆，豬肉面層薄脆的口感，配合甜美蜜糖，感覺特別幸福。比較可惜的是骨較多，肉較少；喜歡「損」骨的話，或許會更愛這道菜式。 金菠蘿海鮮炒飯(HKD95)在餐牌上是必食之選。造型已經吸引，味道亦符合期望，炒飯粒粒分明，香氣四溢；而且海鮮份量夠多，當中炸魚外脆內滑，蝦肉鮮甜，一試難忘。炒飯共分了四個小碗，二人分享剛剛好。 先生揀了一杯熱的椰香咖啡(HKD30)，就像越南的滴漏咖啡，先待咖啡滴到杯中，拌勻後即可享用。是很細滑、調和的味道，可謂非同凡響，沒怎苦澀的，是很新奇的組合。 我的是新

今晚約了好姊妹在沙田見面，天氣有點濕焗，想吃得清新一點，就來個越南菜吧！這間沙田越南仔地點近馬鐵站，非常方便！點了香茅豬排撈檬，正！大大塊豬排，而且份量也不少！還有牙車快！即是柚子加手撕雞沙律，首次體驗，感覺不覺，柚子酸酸的很清新。然後是我的最愛，酸辣無骨鳳爪，酸辣味很惹味，加上配有生菜等，感覺不膩。配上串燒（牛、雞、豬），兩位女士每樣一小件剛剛好，而且有花生醬配上，很惹味喔。還點了草莓奶，濃濃的奶香，還點了椰汁紅豆冰，朋友不停的說很濃的椰汁味，這店必定再來嚐嚐，而且座位寬闊，侍應態度殷切，感覺非常棒！

難得的一天假期，安排了看電影，看電影前當然要先醫肚。中心地段都食得7788，開始去遠一d地方搵食，上網見到尼間越南餐廳，就去試下。由大會堂行，大約20分鐘左右，順便可以看看浴河風景。雖然是越車餐廳，但不只有粉麵，有很多主菜都很吸引。先來一客小食拼盤，其實我目標是米紙卷，平是很少食到，配試酸醬口感清新開胃，作頭盤是不錯選擇。主菜點了蕃茄焗牛腩，但牛腩已賣完所以轉烤牛肉，味道偏重的，所以立馬點了客蒜蓉包，完美組合就出現了，果然是絕配。麵飯類點了炒金邊粉，佢是蛋包的，但蛋煎得過火，所以作用不大，金邊炒本物是濕炒，味道不錯，是預期的水平。

第二次黎食Lunch ，見個Menu 好多款而且都好吸引，之前試過一次，覺得唔錯，決定再戰！. 手撕雞椰酸湯檬（lunch set $55)今次個湯底稍遜，椰味唔出，而且手撒雞份量偏少，唔抵食。紅蕃茄四寶湯檬Lunch set $55呢款真心推薦！勁足料夠大份！有豬排、扎肉、豬頸肉..... 湯底勁濃蕃茄味另外佢會送試辣椒青檸魚露..... 你可以再按照個人喜好自行調味👍🏻.雖然價錢唔算好平，但呢個價食到呢個水準都算Ok! 一定會夠飽😂😂順帶一提，拉茶即係普通奶茶，零特別🙃.

軟殼蟹沙嗲粉絲大麵包： 軟殼蟹鬆脆可口，粉絲分量超多，微辣好惹味。麵包激讚 外脆內軟 值得再試越式海鮮蝦油炒金邊粉：蝦油味欠奉，但金邊粉炒得好乾身，好惹味。 有不同海鮮 ，可以一試海膽手撕雞檬紙卷：海膽份量好足料 但唔夠鮮味仍可以一試店舖面積較細 有點擠迫 只收現金 店員好有禮貌！！！

去完新城市廣場睇聖誕燈飾，就行去吃晚餐餐廳地點唔算太易搵，可能因為我地唔係新界人啦鋪店設計好有特色，除左一本本既menu, 牆上都可以參考特別推薦既餸菜之前上網睇到，個個都話最好食係法式芝心蝦多士，一定要趁熱食，脆卜卜咁蒜香牛油脆雞翼就一般好重牛油味，炸得好厚粉，兩個人食的話會有d滯呢個蝦餅併豬頸肉撈檬係咁多樣最好食既如果下次再泥，一定要再食重頭戲係呢個煲，有蝦同青口，好濃味不過好快燶，所以要食快d啦

終於儲齊人一齊黎試呢間越男仔，因為多人先可以試多啲嘢食，點知換來眾人的失望。一來價錢偏貴，二來唔好食，三來就係唔抵！！！叫咗一個叫軟殼蟹沙嗲脆包值$188，原來得一隻軟殼蟹，6個人分，底下係有勁多粉絲，另外都嗌咗一個椰青焗咖喱海鮮，明顯係焗完啲咖喱先將啲咖喱擺落個椰青到，好少海鮮亦係有勁多粉絲係底，乾爭爭，無咩汁，食完啲粉絲都唔使食其他嘢啦。仲有牛油雞翼亦都係失望，出到嚟即刻食都已經林林地，唔知係咪整完擺左係廚房無拎出黎，定炸得衰......

前晚加班完，返到屋企附近，食埋晚飯先返去。點左兩個晚餐。胡志明市番茄四寶湯檬：蕃茄湯好濃味，但有啲偏鹹。全豬-扎肉、豬頸肉、豬肉、豬扒。肉唔夠入味。燒雞豬頸肉撈檬：燒雞即炸，皮好脆。豬潤肉都係無咩味，但有撈檬果啲酸甜汁就ok。蒜椒雞翼：跟餐加錢。完全無蒜椒味，雞翼入面都無味。又有陣油膩嘅味道，所以最後無食晒...飲品要另外加錢。因為食物質素麻麻，我地都唔試飲品嚕...

剛開業就經常去吃午飯，只感覺味道越來越差，人員越來越散漫。今天中午叫了個撈檬，二三十分鐘未來，問那個大叔，說已經在煮，老闆也是輕描淡寫的在煮。大哥請問你家檬是金箍棒嗎，煮二十分鐘還不行，另一杯飲品直到吃完了也沒來，最後不要了乾脆。忘了做了明明，不要了還說在做了！飲品沒來，跟那個阿叔說，阿叔崔的時候還故意酸客人，我地媽呀，以後可不來這家吃飯了。酸湯濛味道越來越差！店裡態度越來越差！以後不會去了！不去了！

作為半個越南人嘅我，見到個舖面同野食，真係太肚餓，忍不住入去食。起初，見咁多正評，應該無死，點知大錯特錯！！ 相當後悔。一坐低，乜都唔洗理，生牛肉河同春卷。樣係幾好睇，但湯底無層次，咸咸地肉味，但一定勁重味精失敗。牛肉上枱都熟咗一半，而個湯唔夠熱，唔熟果啲依然唔熟。，失敗中嘅失敗。上麵嘅同時，重上咗一啲調味料，但香葉，芽菜，乜都無！！ 同港式粉麵有乜分別？食到一半，真係忍唔住寫呢個食評。第二樣，最差劣。一上菜已經影，你見到條春卷，有一半係油林林，食落口係唔脆又韌。連炸野要用猛火谷油出黎都唔識，咩廚黎嫁？？？？無肉，得啲蔬菜，塊生菜又唔夠大塊去包住整條春卷魚露重離譜，得個酸味，無鮮味呢間絕對唔係一間越南餐廳，連Fusion 都唔係！ 係一間越南裝修嘅港式味道餐廳埋單$145, 即場打個突。生牛肉粉，原價$88 ，我覺得只值$25.春卷，原價$57, 只係值$15.請各位劣食者去打下BOSS!!

香港作為一個美食之都, 當然可以很容易找到不同國家的美食. 今天, 就到了一間越南餐廳享用午餐. 串燒雞肉有三大串, 又附有惹味的燒汁. 肉質嫩滑多汁.  軟殼蟹沙爹粉絲大脆包首先帶來視覺震撼, 包很大, 軟殼蟹亦很大隻, 軟殼蟹坐落在大包的中心, 霸氣十足. 包外脆內軟, 軟殼蟹鮮甜又香口, 中間還藏着惹味又軟滑的沙爹粉絲. 豬扒拼雞翼撈檬跟有魚露鮮甜汁, 食前可隨自己喜好添多或少. 檬粉很爽口.  凍青檸梳打很有誠意, 玻璃瓶梳打水另上, 青檸多片, 冰亦很多. 可以篤少許青檸然後加少許梳打水, 慢活一番. 凍越式拉茶茶香濃郁, 糖及奶的比例又恰當, 飲到口中, 有茶香又有奶滑, 越式拉茶比港式還多了一份清香, 但要細心才能品嚐出來.