越男仔

营业中

休息中

今日去左沙田河畔花園嘅朋友屋企玩，我哋一齊落咗樓下搵到一間越南餐廳食晏。呢間餐廳裝修有越南特色嘅草帽同埋花紋磚，同時亦貼左現代化嘅社交平台食物截圖，感覺有越南特色之餘又新潮。我哋要咗兩個餐廳食物推介，首先有法式芝士蝦多士。呢個蝦多士真係相當出色！超級厚嘅蝦膠彈牙爽口，入面有邪惡嘅芝士流心，再加埋外層既芝麻，好香口，會再翻黎食！另一個係燒吞拿魚柚子檬紙卷，本身既越南米紙卷都已經好味，薄薄既米紙捲住生菜，粉絲，雞肉絲，青瓜同紅蘿蔔絲，十分豐富。上面再加左厚厚既燒吞拿魚，清新既柚子同沙律醬，再點少少醋，好開胃，可以做減肥人士美味恩物。主食方面，要左個越式火車頭河。火車頭河不嬲足料，呢度既有生熟牛肉，炸過既牛丸，牛筋，牛栢葉，仲有又甜又入味既白蘿蔔。湯底都好夠味，濃得黎又唔會好重味精味。最後飲品要左紅豆冰，紅豆煮得好淋，又唔會太甜。朋友就要左熱香茅薑蜜，成條香茅放左落去，可想言之幾濃味，而且薑味都好重，好暖胃好適合秋冬天飲，但就唔係個接受到既味道。雖然地點唔算太方便，但食物真係好唔錯。

轉了新工作，有時候會天黑先放工，自由度沒有從前那麼高，幸好依舊有那個肯等你放工既男人，陪你到附近吃你喜歡既菜。這晚來到你第一次買宵夜給工作中的我的地方，那是我食過最好的外賣。餐廳裝修簡單得可愛，有越南帽作燈。價錢有點偏貴，不過勝在食物款式多樣。是有流心芝士既蝦多士，蝦膠厚身得來幾彈牙，面頭鋪上了密密的芝麻，蝦多士炸過之後變得脆口，中間的芝士也不少，而且呈流心狀，香口又惹味。牙車快，是餐廳的招牌沙律菜，有柚子和手撕雞，加上大量的花生辣椒椰菜，所有食材都切得很幼，份外吸味。蕃茄焗咖喱牛腩，其實驟眼看，這道菜是番茄作主導的，蕃茄肉很多，門口都可以食到番茄的濃郁，加上大量洋蔥食落口感也很香。招牌原隻魷魚酬咖哩炒飯，炒飯好香好惹味，釀入魷魚手工很好，沒有很易弄散，美中不足魷魚筒有點乾身，整個菜美感好好，但少了汁感很乾。

今年真係好旺男丁，我識10個有8個都係生仔，而另外兩個就如佢地媽媽所願追到個小公主，真係替佢地開心!!所以今日特登一家走去探好朋友靚媽同佢剛滿3個月的BB仔 !!BB仔真係好精靈活潑呀! 眼仔碌碌手郁郁!交低BB仔俾公公婆婆 "暗"訓覺，靚媽同佢老公 就可以落樓同我地一家一齊食Lunch!靚媽兩公婆好熟練就帶左我地去呢間"越男仔"亮麗的黃色招牌，好有活力!室內的燈罩用上 富越南氣色的尖頂帽牆上除了色彩斑爛的磁磚，也貼上了不少食品的圖片，感覺很親切Weekend Lunch 餐牌 選擇甚多，加埋a la carte的餐牌 同埋 推介餐牌一個不小心便會陷入選擇困難症又想食個軟殼蟹沙嗲粉絲包、又想食燒菠蘿.....點算呀，心大心細添~~~因為靚媽還是母乳媽媽，所以要食得清淡少少佢率先點了一個越式海南雞飯 ($65)大大碟，份量十足雞皮薄而爽，皮下脂肪不多雞味濃郁，兼且肉質嫰滑而不鬆散配埋特調醬汁，更為美味我們在她的午餐加點了一個小食海膽手撕雞檬紙卷 (跟餐+$59)是手撕雞檬紙卷的upgrade 版海膽份量不少呢!表面用火槍輕輕炙香，味道頗為鮮甜，用紙卷底蘸上酸甜魚露，味道清甜得來又帶着海膽

好少menu都影咁多張相。但唔少菜都幾有特色，想記錄一下，下次再食！我發現餐廳特別之處係較多海鮮配搭，小食部分有海膽春卷、椒鹽軟殼蟹！配搭海膽三文魚吞拿魚既檬紙卷兩頁晚餐牌，好多好多特色！！朋友既三色冰好足料成杯滿哂！我既拉茶雖然細細杯，只去過馬來西亞，覺得味道好地道！hehe! 好好食既生蠔椰汁酸湯檬！生蠔3隻幾大隻，好滑果湯檬好正，好開胃，非常推介！吞食魚檬紙卷，大大舊既燒吞拿魚，柚子好配合，輕盈好味既小食蝦多士感覺冇咁impressing, 我以為係一隻隻蝦加多士😅😅但都幾香卡位，舒服😌

今天到沙田圍探朋友後，本想到河邊走走，剛好小米發現＜交通安全城＞。可是全家還未有午餐，所以先在附近內街的餐廳午膳。發現這店門前有巨大的午市餐牌，看來還不錯。而小米亦在餐牌中發現＜法式蒜蓉包＞，所以一家三口就在此用膳。色彩繽紛的裝潢，牆上滿是食物照片，讓人放輕鬆，很配合星期六悠閒的感覺。而且枱面還有湊仔恩物：抽抽紙巾。不過，來到最重要的一環：點菜　下單後，職員主動呈上清水。手撕雞拼札肉椰汁酸湯檬　　　看到電視播放的影片，招牌菜喎！雞脾肉拆件搣絲，加入黑椒札肉，最後還要用上火槍～噴一噴。　看來很美味！就點這款吧！　白色湯底表面浮著一層橙黃色，不知道這是辣椒油還是蕃茄油。整體帶微微酸，柔和易入口，非冬陰公霸道的酸辣。　黑椒札肉～其香辣惹味，足以在微辣椰汁酸湯中可以突圍而出。　雞主要用二條腿走路，脾位就是最高運動量！這部位的肌紅蛋白當然比較豐富，所以這碗雞絲的顏色較深，同時口感亦較滑，又方便吸附湯汁。　我們是同時享用多款美食，卻把檬粉忘記了！檬粉就浸在椰汁酸湯內，到最後一刻，卻没有發脹。可能這是檬粉的特點吧！　不知不覺間，差點連湯都飲得乾乾淨淨！　法式蒜蓉包　　牛油蒜蓉加法包，如果配咖哩，應該

沙田河畔在沙田區自成一角，美食都不少。一來比起沙田市中心人流較少，樂得清靜，二來這裡食肆選擇都頗多，所以我時不時都會過來河畔搵食。這間「越南仔」固名思義是吃越南菜的食肆，菜式選擇算是不少。魷魚藕苗沙律藕苗在香港算是比較特色的食材，沙律的藕苗用醋汁預先調味過，味道酸酸的很醒胃。幼長的魷魚肉質帶少少彈牙口感，配合爽口的藕苗，雙重口感。燒吞拿魚柚子檬紙卷這是餐廳標註為必食的菜式，果然味道不錯。整片的燒吞拿魚味道很香，加上柚子的酸酸甜甜味道點綴一下，整體味道更佳。越式火車頭河粉火車頭河粉的配料非常豐富，有牛百葉、牛肉片、牛丸和牛筋。湯頭非常鮮味，麵底粉量很充足，非常飽肚。青檸梳打天氣熱，當然要加杯透心涼飲品，味道夠fresh 的青檸梳打就是最佳之選。

趁颱風未到，今日週末又去沙田一天遊，騎吓單車食下美食，人生一大享受。由沙田出發，經過河畔花園,顺便食下嘢。 有幾間美食餐廳， 這間越南菜是越男仔也錯，就決定午餐食這越男仔。餐廳雖然是很大，但都有卡位，坐得舒服。 餐牌食物種類也不少， 兩個人就點了幾款嘆下。三色雞翼拼盤HK$88， 三種不同煮法的雞翼， 蜜糖、蒜香、椒鹽，味道各有同，但勝在雞翼大大隻，肉汁多，每款口味各不同，以蒜香味較為入味。咖哩粉絲海鮮大脆包HK$148， 咖哩汁用碟另上， 海鮮以軟殼蟹為主，香脆可口，加上底層大量粉絲，沾上咖哩汁食,特別惹味香濃。金菠蘿海鮮炒飯HK$88， 用紅米飯做，健康易入口。炒飯太乾，濕濕地配上菠蘿盛載，味道甜甜地，特別開胃不腻口。配上甘檸七喜、龍眼冰做飯後飲料，又解渴又醒身，越南菜最佳飲料。

今日一家人去河畔，經過見到有越南菜，大大隻字寫左其中一款我勁喜歡的菜式，原隻尤魚釀咖哩飯，便一行人入左去試下。由於時間倘早，唔需要排隊便有位，不過座低之後半個鐘左右，就爆座要排隊了。座低之後，發覺有太多的選擇，有好多菜式都未試過，而且聽個名又好想試。例如：招牌椒鹽軟殼蟹、海膽炸春卷、越式蛋包炒金邊粉、扎肉雞皮串、咖哩粉絲海鮮大脆包、燒吞拿魚柚子檬紙卷…等等，太多了，不能詳列。最後和屋企人商量過後，我們點了這些菜式。個人特別喜歡尤魚釀咖哩飯，不是很多地方會提供。而軟殼蟹沙爹粉絲大脆包也很特別。

都有一排無黎過河畔花園了，發現新開了一間越南餐廳，店內坐位不算多，擺放約十多枱，門面光亮，店內裝修簡約精緻，感覺舒適！餐牌選擇亦很多，價錢合理！凍薄荷朱古力$26，三色冰$30越式海南雞飯$88油飯油香撲鼻帶薑味，雞肉份量足，肉質嫩滑結實皮薄肉嫩，啖啖肉胡志明市紅蕃茄四寶湯檬$98蕃茄湯底超級濃郁惹味，帶少許微酸但又充滿鮮甜味，份量亦夠曬大碗！湯底有蕃茄蓉法式芝心蝦多士$68外脆既表層包著香濃既流心芝士，再配上彈牙蝦肉，香脆惹味！

以前讀U時，每個星期都會到河畔這邊幫人補習，從娘家步行過來只是十分鐘左右，這天舊地重遊，來到越男仔吃越南菜。門面裝修比一般越南菜新潮年青，小店面積雖然不大，不過卡位坐得闊落舒服。星期一至四亦有晚餐供應，價錢比散叫抵食。金蒜脆雞翼 $28跟餐加錢就可加配小食一客，份量澎湃壯觀的炒蒜覆蓋整碟，一上枱已是蒜香撲鼻。雞翼夠大隻厚肉，炸得金黃脆口，一咬開肉質嫩滑，肉汁豐富。越式三寶炒金邊粉 $108三寶配料有扎肉、豬頸肉和脆豬粒，鹹香惹味，一鍋上份量超足，足夠兩三個人share。即叫即炒有鑊氣，幼身金邊粉幼滑爽口，不會黏成一團，不過就炒得較為濕身，吃得多就會覺得有點油膩。會安炸春卷 $55將春卷包上一塊生菜一起伴食，這種吃法可以減低油炸的肥膩感，感覺亦好像沒那麼容易上火。輕薄的外皮炸得脆卜卜，包著蘿蔔、木耳、肉碎、粉絲等，口感層次十分豐富。法式芝心蝦多士 $68多士厚度適中，外皮沾滿香口芝麻，炸得外脆內軟。將鮮蝦打成蝦膠，配上脆脆的白麵包，彈牙有嚼勁，中間湧出流心芝士，將蝦鮮味與芝士融為一體。串燒菠蘿 $55採用連皮切件的新鮮菠蘿，果味天然香甜又多汁，清新健康，好味得來又全無罪惡感。菠蘿不會燒得

今日屋企人生日，一行5人去左屋企附近河畔既越男仔食飯。環境都幾舒服，乾淨企理。原隻魷魚釀咖哩炒飯 - 好大隻魷魚，入面仲有好豐滿嘅咖哩炒飯，啲飯唔會太乾身。蛋花炒金邊粉 - 外面有層薄薄既蛋，金邊粉炒得乾身，味道帶甜落埋青檸準落去味道更好珍寶拼盤B - 有雞翼、芝心蝦多士、蝦餅、米卷。真係特別推介芝心蝦多士，食落好脆好有咬口又唔油膩沙爹粉絲炸軟殻蟹麵包 - 軟殻蟹炸得鬆脆，沙爹汁是隨碟分開上的，可按個人喜好添加

今晚嚟到越南仔餐廳食晚飯，餐廳以卡位為主，四週牆壁都掛起地磚圖案作裝飾，看看燈罩已經很有越南風情。我們叫了$78手撕雞椰汁酸辣湯檬粉，$138招牌原隻魷魚釀咖哩炒飯，$88會安燒雞飯和$68法式芝心蝦多士（4件）。法式芝心蝦多士是餐廳招牌推介，芝心迷自然不會錯過的，但對芝士我就緣慳了！手撕雞椰汁酸辣湯檬粉，手撕雞不似手撕似雞肉鬆，混和香蒜味道真不錯，最喜歡是椰汁酸辣湯底夠幼滑，少酸不辣吃得胃口也開了！侍應也提來多款調味料，但我覺得味道已經很足夠。未放下枱面的招牌原隻魷魚釀咖哩炒飯，烤魷魚和咖哩炒飯的香味早已經傳送到，烤魷魚和微辣的咖哩炒飯做得挺好，賣相也吸引。會安燒雞飯像我們港式炸子雞，肉質滑有肉味，畧嫌雞皮不夠脆口。我喜歡每道菜都有少許開胃蘿蔔絲伴碟。値得一讚是侍應會主動勤添暖開水，今餐人均消費是$136。

餐廳細細但幾好坐，多卡位，而且間隔夠高，坐得舒服。抬頭一望，燈罩都係用越南帽攞嚟裝飾，幾有心思喎。牆上貼左唔少標語，見到即刻笑左。以下幾樣菜式我地覺得幾好：咸檸沙冰咸檸七飮過，咸檸梳打都試過，但咸檸沙冰真係第一次飲了。咸檸同冰一齊打碎左，口感清爽，出奇好味，好有誠意，推介必試！我地每人叫左一杯，好大杯，好抵飲呀！牙車快（柚子 + 手撕雞 ）$68係越南最出名的沙律，饀料有雞絲、柚子、菜絲同花生粒等等。沙律汁唔多，但各種配料各有其獨特口感，細細碟作為餐前小食，絕對開胃好味。招牌椒鹽軟殻蟹$108第一次食咁大隻軟殻蟹，比一般外面食開的大好多，真係有手掌咁大，冇花冇假的 king size ，啖啖肉。新鮮炸，新鮮食；欣賞佢墊底的菜絲吸走多餘的油，令表面夠乾身，但內裏又保留到蟹汁，唔會乾爭爭咁。但略嫌椒鹽味唔夠，如果重手少少便正了。海膽手撕雞檬紙卷3 件 （套餐小食 +$58）越南獨有的米紙卷，內饀有雞絲、菜絲、檬粉，再用米紙卷起，一般係點魚露食。之前在其他越南餐廳都食過。但呢間創新D，on top 加左海膽，又係另一種食法。米紙卷口味偏淡，加入左濃味的海膽，味道幾夾喎！海膽夠新鮮而且份量不少

平時好少黎呢邊，原來呢度都有好多野食，呢間越南仔好多人食，就一於試下~點左芝心蝦多士，牙車快，燒菠蘿同沙爹粉絲炸軟殻蟹麵包~見到好多人推介芝心蝦多士，有好厚既蝦膠！食落彈牙，下面有脆身既多士，夾住芝士，味道唔錯而且平時少食到有質素既蝦多士~牙車快好大份，入面有青瓜絲，手撕雞，柚子同椰菜絲等，酸酸甜甜，爽口開胃。而燒菠蘿有3大件，燒得好甜好juicy!沙爹粉絲炸軟殻蟹麵包見到好多枱有點，賣相好吸引，原隻軟殻蟹好大隻而且多膏，啖啖肉好正~下面有粉絲，而沙爹汁係另上，所以麵包keep到脆身~不過都係覺得配叻喱汁會夾d~整體呢度野食唔錯而且選擇夠多！