越味皇 (已結業)

荃灣區都幾多嘢食。今日嚟到一間越南餐廳，環境唔錯，幾有越南風味。兩個人叫咗3個小食1個湯粉。小食有牛油蒜蓉雞翼，大大隻雞翼，牛油加蒜好夾好香口。炸春卷遜色少少，唔夠雞翼咁正咁香。不過份量都唔少，幾抵食。仲有隻鴨仔載住生菜，可以同春卷一齊食好得意。軟殼蟹牛油果米紙卷賣相好靚好吸引，大人細路都啱食。脆口得嚟又健康，牛油果維他命豐富呢。豬頸肉件件厚切，好有咬口。生牛肉湯河份量夠間2個人share，牛肉量多。龍眼冰有鮮龍眼肉食，好飲呀。