越味皇 (已結業)

今日又食越南嘢喇！荃灣呢間餐廳都幾旺，這間新店雖然唔算好近港鐵站，反而近住宅區，但估唔到人流都幾多。叫咗幾樣小食，軟殼蟹牛油果米紙卷、烤豬頸肉、牛油蒜蓉雞翼、炸春卷。想點咩越式食物都應有盡有。軟殼蟹牛油果幾特別，好似日本壽司咁整法，用米紙卷卷入軟殼蟹同牛油果；豬頸肉幾大碟；牛油雞翼唔錯，蒜味夠香；炸春卷都ok。仲叫咗生牛肉湯河，大大碗好飽肚。牛肉有分高級同普通質素，鐘意食靚牛既可以揀貴一點的。食到好口渴，嗌返杯嘢飲：椰青清甜解渴，不會酸。