越味皇 (已結業)

上星期朋友話想食越南菜，我就揀左呢間係荃灣新開嘅餐廳，貪佢多款得黎價錢又平。呢排做緊優惠，like and share facebook有甜品送即刻like左另外叫左幾樣小食同一款湯河 柚子鮮蝦沙律有幾隻開邊大蝦，幾爽彈。勁多柚子又無苦澀味，底部有青瓜絲令沙律更爽口，有一點點辣。個人幾鐘意呢碟沙律！牛油蒜蓉雞翼有4隻雞翼，炸得幾脆口，夠晒熱！ 好彩炸粉不多炸牛油軟殼蟹有兩隻原整嘅軟殼蟹同樣炸粉好少內裡嘅蟹肉仍然有肉汁香茅豬頸肉米紙卷口感豐富，有蘿蔔絲青瓜生菜同豬頸肉，米紙沒膠味米紙本身冇咩味道，可以點檬汁 酸酸甜甜火車頭湯河比其他湯河貴少少，但好多配料所以都覺得幾抵！有生肥牛（來到時已變7成熟）、牛腩、牛栢葉、牛丸、牛筋同埋幾甜嘅蘿蔔湯底清甜，配料味道唔錯！大大碗，兩個人食完可以再點小食飲品 朋友點左椰青沙冰而我就點左原隻椰青，最鐘意挖埋d椰青肉黎食甜品係like facebook送嘅，細細碗，有d綿綿地嘅斑蘭味嘅野，口感有點似糯米又有點唔似，說不上是什麼，幾重椰汁味，又幾好味喎，可以一試食左咁多野都係$348，勁飽

今日同男朋友喺荃灣睇完戲。行過路德圍見到一間越南嘢叫越味皇，已經九點幾，但仲相當爆滿。好似非常受當地人歡迎。我哋入咗去，好好彩角落仲有一張枱！呢度選擇都好多，有米紙卷，有撈檬，有湯河同湯飯。職員都好熱情，喺佢哋推介下，叫左個蝦頭羔湯檬同火車頭湯河。 小食方面，我地叫咗牛油雞翼同生菜。除此之外，我地仲叫咗椰汁紅豆冰同熱鹹檸桔水。叫完唔使一陣就有嘢食啦！最先嚟嘅係蝦頭羔湯檬，鮮紅色的，十分吸引。 有啲似羅宋湯嘅味，食落去有陣淡淡嘅酸味，相當開胃。而啲面都好入味彈牙，配埋原隻大蝦，真係食得好過癮。 食下食下火車頭湯河都嚟咗！有成半張枱咁大碗，夠兩個人食啦！比起湯檬，佢就比較清淡。啲生牛肉浸過熱湯之後，係半生熟嘅狀態，相當吸引。仲有牛柏葉，處理得相當好，十分爽口。隨後，牛油雞翼都嚟咗！相當香口，外皮脆波波， 食到真係停唔到手。而碟生菜都相當大碟抵食。最後，杯椰汁紅豆冰都黎埋，相當好飲。比起平時嘅紅豆冰大有不同，咬完甜滋滋嘅紅豆後，有陣香噴噴嘅椰汁喺口腔裏徘徊。但係比較失望嘅係鹹檸桔水，實在太濃味，有點過鹹同過酸。可能我個人鍾意清淡啲嘅口味吧！今日真係滿載而歸呀，咁大枱嘢食我地兩個全部食曬！聽職

曾幾何時越南野都幾HIT, 但隨著荃灣成為米線之城之後, 越南野既小鋪已消失得無影無縱.路德圍今年有幾間鋪大變天, 新開左呢間越南野, 今日收工路過一於試下.雖然鋪頭細細, 不過坐位都算多, 而且有卡位, 坐得舒服, 裝修仲帶點越南風.炸春卷係越菜既主打, 春卷皮脆口, 乾身唔油膩, 唔會炸到太過火. 餡料滿滿, 咬落爽口. 點埋酸甜汁好開胃, 最得意係盛著生菜既鴨仔籃.炸牛油軟殼蟹份量十足, 大大隻. 食落熱辣辣, 外脆內軟, 而且蟹肉都幾多, 好開胃既小食.主食要左三寶撈檬, 三寶即係豬扒, 雞翼同扎肉. 檬粉彈牙爽口, 加魚露食口感清新. 豬扒同雞翼外皮香口, 肉嫩且入味, 扎肉亦唔會太薄, 有口感.仲有要左杯椰汁珍多冰, 真係好多綠色粉條, 滿滿一整杯, 椰汁味濃唔算太甜.整體份量充足, 味道不錯, 服務亦十分貼心. 路德圍又可以多個選擇.

路德圍食街果頭新開左間越南餐廳！新張期間有優惠推薦，招牌菜湯河飲品果D都有得減十蚊，梗係要試下！入面裝修好特別，好有越南風味仲有卡位坐 可以坐得舒服D。餐廳職員好好服務，會過黎介紹一下有乜好食！夏日炎炎點個椰青嘆下，好清甜，正，D椰青肉挖來吃都好嫩另一杯是椰青水沙冰，夠晒冰凍解暑先來越式拼盤b，貪佢乜都有D可以試！有酸辣鳳爪香茅雞翼串燒牛粒同迷你蔗蝦。個酸辣鳳爪好掂，辣得過癮！個牛粒燒得好香同o岩o岩好，配合蒜片吃好味主菜嗌左個越式咖哩牛腩煲配法包個法包好正，焗到外脆內軟！點咖哩汁同配牛腩食好好味阿有牛根，好淋好入味。薯仔又係煲到入口即化，成碟好快就比我掃晒！另一個主菜嗌左越味皇頂級生牛肉湯檬！個湯底好甜好香，可以按口味加青檸辣椒。頂級牛肉肉質係唔同d，牛味濃郁！

女小編夜收工，約男朋友落荃灣醫肚仔😝行落路德圍唔係好想掃街，想坐低食得舒舒D, 所以就入左呢間坐低試下，橫掂一路未食過。本以為有套餐，點知都係得散叫，女小編叫左生牛肉湯河$42男朋友叫左牛腩片湯河$42 諗諗下都想食個小食，加多碟炸蝦餅$48 吾係講笑，落單後兩分鐘就上面🤣🤣生牛肉湯河個湯好濃味，牛肉尚可，雖然有小小硬牛腩片湯河個湯同生牛肉一樣，炆得好焾。期待既蝦餅😝吾夠爽口bor, 反而有小小似魚腐既口感，不過味道ok!

今日去荃灣探朋友，佢推薦我一間新開的越南菜，位置都算方便裝潢簡潔清新青木瓜牛肉沙律 $48牛肉好滑，好林，有少少香茅味配上青木瓜沙律好清新。沙律汁酸酸甜甜，夏天食一流酸辣鳳瓜 $48鳳瓜好大隻，份量幾多做得好爽口，少少辣令人停唔到口豬頸肉米紙卷 $42豬頸肉燒得好香，唔會好乾身配上花生粒，生菜，蘿蔔絲，口感豐富值得讚係米紙卷做得好煙韌牛油蒜容雞翼$40即叫即炸，熱辣辣，好香口又好食好重牛油味，炸粉一啲都唔厚，肉汁保持得好好，果然係招牌菜蝦餅撈檬 $52蝦餅厚身，食落去好有蝦味，唔錯而且唔會好油膩檬粉幼身，份量好多飲品。椰青幾甜，梳打水一罐，配青檸👍🏻👍🏻晚餐時段，坐到滿哂侍應態度好好，好有活力又親切有禮而且價錢唔貴，又好食，性價味高最後送上斑蘭椰汁甜品斑蘭味豐富，唔算好甜侍應話餐單上係無既，估計係新菜式整體好滿意，會再去幫襯

同男朋友去完荃灣睇戲，就去咗路德圍到搵嘢食！我男朋友話想食越南野，咁我哋就見到一間新開嘅越南餐廳，就決定入去試吓啦入到餐廳，員工都好有禮貌歡迎我哋，同介紹食物，餐廳裝修都算唔錯，天花全部都係越南嘅帽子做裝飾，都幾特別架睇返個餐牌，除咗粉麵外，都有好多選擇介紹下啲食物先：越味皇蝦頭羔湯檬聽說呢個係王牌嚟嘅，所以我就叫左黎試吓，估唔到檬粉都可以有依隻味道，好濃好香蝦味，蝦都好爽口，仲有埋札肉tim，份量都幾多下架，都幾抵食越式三寶撈檬有雞翼、扎肉、豬扒！都幾多餸！我男朋友話味道唔錯，份量都多！越味皇牛油蒜香雞翼雞翼好香牛油同蒜蓉味，炸得好鬆脆，仲好大隻添越味皇炸春卷呢個都幾特別架去配埋生菜一齊食，我好鍾意個生菜盤啊😍好可愛係鴨仔嚟嘅😂包埋春卷一齊食，都幾好架，又唔肥膩，店員話呢度啲春卷都係自己人手包架，誠意度真係要加分泰國椰青食東南亞野點會冇個椰青飲下啊！椰青又甜又解渴，椰青肉都好嫩滑！仲要而家新張期內食粉麵，叫越式飲品可以減十蚊總括而言，間餐廳服務好，食物味道都唔錯，價錢簡直算係超值，食越南野黎講，食左咁多都係約二百蚊，性價比高！

越式餐廳我只愛吃撈檸，不過，今次看到餐單有很多新鮮的選擇，我就和朋友選了些新鮮款式試試。果然不錯，下次除了撈擰，我可以有更的越式菜式可以吃了。裝修不花巧，簡簡單單，但也具富越式風格，非常有特色。我最欣賞天花板的越式草帽，還有一些小裝飾，令整個餐廳的感覺，都越風味濃厚。店長推薦可以試試越味皇蝦頭羔湯檬，我聽到蝦頭羔湯，就被吸引到，放棄一定要吃的撈檸。就看湯的顏色就知道蝦頭羔的味道濃郁，不知道要多少蝦頭才能熬出如此濃郁的湯。喝上去，蝦羔味道真的十分濃郁，一吃就知道為什麼可以作為招牌菜。大蝦十分新鮮爽口，扎肉沾上濃濃的蝦羔湯味道令扎肉原來的肉汁令鮮美。我覺得夏天就不得不試這個越式柚子鮮蝦沙律，每口都是清甜新鮮的柚子，非常解膩，非常清新。越式拼盤有兩款，我選了Ａ款，有春卷，煎粉卷，豬肉蝦片，煎扎肉。春卷的餡料味道富豐富，碎肉的香料味十足，令春卷香脆之餘，香味甚濃。粉卷的餡料也十分豐富，蔬菜粉絲咬起來加上粉卷令人滿滿的感覺。越式炸牛油軟殼蟹，有淡淡的牛油香，軟殼蟹非常大碼，還能吃到鮮甜的蟹肉。香脆炸醬配上軟殼夾着鮮甜的蟹肉是完完全全的味道。經典飲品珍多冰，甜味剛好，椰汁香味濃郁，珍多軟軟又爽口，

放工約左同事出黎吹吹水，去了車站附近的一間越南野，新開的黎試下先。店內地方不大，食客十分多，全店滿座。仔細看看，員工也不少，狹窄的通道中員工出出入入十分忙碌，好有活力。坐低後看看餐牌，點了兩個麵，兩個小食，還有飲品，就慢慢等食了。枱上有兩款辣醬，酸醋，還有紙巾，枱下的櫃桶放餐具，好方便。生牛肉湯河（$42）自己點了生牛河，上枱時熱辣辣香噴噴，牛肉有好幾片，河粉一大碗，份量實在不少。湯底清甜，一點都不油膩，好正，幾乎飲哂全碗湯。火車豆湯河（$68）同事點了火車頭，一碗入面咩都有齊，生牛肉，牛腩，牛筋，牛丸，牛栢葉，愛牛人仕啱哂啦，湯底同樣清甜不膩，食湯粉最重要係湯底吖。三五知己米紙卷併盤（$68）本來點軟殼蟹米紙卷，但係貪心啲叫左個三款味的米紙併盤，一次可食唔同味嘛。軟殼蟹卷香脆，鮮蝦卷爽甜，田園卷清新，各有各特色，點埋個酸辣汁好好味。炸蝦餅（$48）呢度個炸蝦餅是一大塊的，炸得香口不油膩，濃濃的蝦味很甜，不錯吃。凍青檸疏打＆鹹檸檬疏打（$16/ea）叫主食加特飲可有減$10優惠，飲疏打抵左呀～自己點左杯鹹檸疏打，鹹鹹地加檸香，正。同事杯青檸都正，酸酸地好解渴。FB打卡有甜品送，店員說晚

今日約咗朋友去荃灣睇戲，由於趕時間，晚餐想食得快一點，於是我哋便選擇左位於路德圍嘅越味皇。店內裝潢幾靚，挺有越式情調，但由於我哋坐近門口位，每次有人開門都會有一陣熱氣攻入來，怕熱嘅朋友要注意呢！越味皇蝦頭羔湯檬 $48名副其實，湯底嚐到濃濃嘅蝦膏味，配料有大蝦、扎肉、蕃茄同肉碎等，非常鮮美！檬粉幼身，但十分爽口，份量很多，非常抵食！越味皇頂級生牛肉湯粉$68朋友點的湯粉，佢話調味一流，牛肉新鮮，落埋青檸汁增添越南風味。越味皇牛油蒜蓉雞翼$40（4隻）等得最耐就係呢碟雞翼，因為即叫即製，上桌嘅時候仲熱辣辣！ 外皮非常鬆脆，肉質嫩滑，可惜牛油及蒜蓉味唔夠突出，口味略淡。越式烤豬頸肉$48非常滋味的一款小食，豬頸肉爽口彈牙，配埋酸辣醬分外醒胃！椰汁紅豆冰$26蓮子薏米冰$28凡惠顧粉、飯類，飲品即減＄10。以呢個價錢來講，食物絕對收貨，尤其越式粉類特別出色。店員嘅服務態度亦都好好，殷勤有禮，絕對有下次！

荃灣食店愈泥愈多，轉得快又轉得多。行高見到呢間好似唔錯嘅店，一於決定入去試下啦！先點了小食做前菜。這份是蝦餅，看不出來吧！每次食越南菜嘅蝦餅都感覺應該會係好炸味、橙色包著。但呢個賣相卻不同，但味道卻很重蝦味，而且都好多汁鮮甜！第二個小食是餐廳特別推介的蒜蓉雞翼，以為會係炸雞翼，但原來唔係咁簡單，雞翼上面有好多嘅蒜蓉，所以食落就係成口蒜蓉味，而雞翼雖說是炸，但佢係好多汁、雞肉好滑，而且都好香，真心值得推介。點了份越南最著名嘅火車頭越南河。火車頭包括有牛丸、生牛肉、牛柏葉、牛筋。所以湯底好濃味，而且份量都好多，加埋青擰同辣椒調味，絕對係開胃而又好味呀！最後點了青檸梳打。夏天熱辣辣就最岩飲一杯清涼解渴嘅青檸梳打啦！呢度嘅梳打係由泰國運返泥，非常夠氣！而青檸真係好夠酸味，正呀！

由於工作原因，經常都會去到荃灣，而路德惠係荃灣嘅美食天堂相信全港人都已經知道。但係呢度嘅餐廳嘅變遷起跌就要睇反餐廳嘅實力有幾勁。越味皇就係其中一間路德惠嘅新晉嘅越南餐廳。店內最吸睛嘅裝飾就係好有越南代表嘅草帽同埋呢架單車即刻唸起最後中意左飲咖啡嘅黎天皇，或者新張原因所有員工都好有禮貌好好笑容，特別係andy,雖然人客已坐滿九成，他依然細心為我們講解餐牌。鮮蝦柚子沙律，份量好多(柚子),但蝦都唔少有3-4隻弓開邊而且都算大隻，個汁甜甜酸酸都幾開胃。呢個就係andy推介係他們師傅精心秘製嘅越味皇蝦頭膏湯檬，果然無介係紹錯，蝦膏味濃，檬粉吸盡濃湯，加上扎肉，大蝦好滿足 ，而且其他越南餐廳都未試過,$48cp值高每次必點生牛肉金邊粉，略為失色，湯唔夠熱未能將牛肉浸熟，而且湯底味道較淡 ，欠缺牛味。另一推介越味蕃茄牛腩湯粉，蕃茄湯做得唔錯，牛腩都處理得好林，但總括三碗粉嘅粉份量都較多，所以少食嘅女生，點菜時記得叫少粉。拼盆有分a,b倆款我們選擇了b，包括有牛肉串燒，酸辣鳳瓜，雞翼同蔗蝦軟殼蟹牛油果米紙卷到最後andy就話只要like左餐廳fb同打卡就有甜品送，每星期都唔同，呢個係椰汁糯米飯

同朋友去路得圍搵野食，見到依間新開越南餐廳裝修幾靚就入去試下，我地食左生牛湯河同火車頭湯河同蝦頭羔湯檬生牛湯河湯底唔錯好清甜牛肉味夠；蝦頭羔湯檬第一次食，湯底有蕃茄味同蝦味，有好多肉碎加蝦，開開胃胃幾好食；重試左蒜茸牛油雞翼4隻，估唔到有驚喜，牛油同蒜茸味好出，雞翼有juice又唔dry，好食過以前食過d越南餐廳好多；重食左碟越式春卷，d餡好足料包埋生菜食都唔錯我地重飲左椰青，飲品重減$10一個好抵飲下

Affordable with good food, a fabulous Vietnamese restaurant with great flavors  and atmosphere. Highlights were the Beef Curry, Sampled a selection including rolls, chicken wing and some crab cakes all of which were divine. Enjoyed it so much.Hamish, the general manager, is orchestrating the service and seating superbly. We loved it!!

曾多次在那裡享受午餐和晚餐……我們可以感受到老闆和員工都花費大量精力, 店鋪裝潢不錯,坐得十分舒服,在每一個細節上都做到日益精進,很值得來。生牛肉粉：湯底很清甜，有牛骨甜味。牛肉非常嫩滑，上枱時還是粉紅色，有肉味。河粉非常滑溜，晶瑩幼滑，掛湯力高。食物很不錯,跟我在越南吃的一樣好。有趣的菜有春卷和蟹餅，他的越南春捲十分美味，蟹餅好香蟹肉味。服務員也很友好熱情,很顯然其他顧客也和我們一樣吃的不錯。價錢又唔算太貴。