越味皇 (已結業)

荃灣越南餐廳選擇多，未有一間覺得特別好味，路德圍嗰間咁耐都未食過，一於同老公去試下，7點去到人唔算多，裝飾充滿越南元素蝦頭羔湯濛粉（$52）蝦羔溶晒係湯度，蕃茄味濃，有蝦肉、札肉、肉碎、芽菜，熱辣辣又夠鮮味香茅牛肉湯河（$42）牛肉炒香加上香茅芡汁，老公話加埋個蒜香辣魚露落濛粉最正炸蝦餅（$56）新鮮炸起既食物最好味，蝦餅彈牙，沾上泰式酸甜醬最夾炸軟殼蟹（$88）蟹唔算大隻，最驚喜係有羔，如果唔係叫咗咁多小食真係想食多隻牛油蒜蓉雞翼（$40）炸過後蒜粒金黃香脆，包住雞翼保留肉汁，唔點醬都好好味熱香茅薑茶（$13）夠薑，香茅味重又唔會太甜，養生推介牛油果沙冰（$22）而家多咗人留意健康，牛油果沙冰都變得普及，飲落似原味乳酪，夠晒香滑最回味係蝦頭羔湯濛，平時成日食剩粉麵，今次可以湯粉全部清晒，再飲埋杯香茅薑茶真係大滿足，食完仲有越南師傅特製甜品免費送俾客人，斑斕味綠豆蓉、粟米粒配上香濃椰汁，一試愛上

近期荃灣路德圍嘅食店，真係越開越多，競爭亦十分激烈 咁就益曬我哋班為食新兵喇！經過呢間 ，感覺裝修都幾特別，望落去選擇亦多，於是我和細佬就梗係要入去試下新野啦裡面地方裝修簡潔，仲有些越南風味的佈置， 打開 menu 選擇十分多，尤其係小食，真係花多眼亂……我們點了一杯越式滴漏咖啡，而細路就點了杯珍多冰！主菜分別叫了越式咖哩牛腩飯同香芧豬扒飯。 當然唔少得我嘅至愛越式蔗蝦及越式炸軟殼蟹啦！牛腩，份量十足，口感亦豐富，好重牛味但不算太 un！香芧味剛好配合炸脆豬扒，好美味！蔗蝦，真係超级珍寶，爽口彈牙，上枱時熱辣辣及好有蝦膠既味道！越式軟殼蟹，炸得十分鬆脆，亦好有蟹味！

今晚諗唔到去食乜，友人提議食越南野，因為好耐都無食過啦，就近近地出荃灣食啦，位置都係最旺既路德圍啦一於。首先叫左份越式牛腩河粉，牛腩片煮得夠淋又夠入味，配合清清地既湯底，充滿越南香料味道，令牛味更出，而腩片質地軟口感佳，加上好味既湯底裡面用左越式香料同埋滑溜既河粉，整體覺得係水準以上既湯河。另一樣係香茅豬排湯河粉，河粉一樣係充滿越式香料，所以夠吸引，而配合香茅豬排係一件非常夾既事情，香茅味非常香口，襯上經越式香料調味既豬排，炸完零舍入味，口感外脆內軟，係一味邪惡既豬排，非常讚。飲品就叫左杯龍眼冰，係非常岩喜歡龍眼既朋友，因為龍眼味好濃，仲有埋啖啖龍眼肉係杯底，邊有得輸，而甜度剛剛好不會太甜，係唔錯既飲品。

難得黎到荃灣，除左行下街就緊係要周圍睇下食咩啦~荃灣美食係十分多，但今次反而想食番少少重口味既野姐係泰式越式個D調味好豐富既野食啦~經住荃灣朋友既介紹下就黎左呢間到試一試扎肉撈檬 ($46)首先呢個扎肉撈檬係材料方面都落得好足單單係扎肉都有5-6塊仲要係厚切既而青瓜絲都佔左個碟既一半下面檬粉既份量都唔少酸酸地既汁係十分開胃，再帶左少少既甜味，比較特別越式炸軟殼蟹 ($88)我覺得個份量唔算多，應該有2隻係度既炸粉唔算太多，炸得好香口，不過就未做到好脆既地步越式炸香茅雞翼 ($32)雞翼永遠都係友人必叫既一道菜上面有大量既炸蒜粒係度，加多重蒜香既味道，更加好味每一隻雞翼既肉都好多，外皮炸得十分之脆雞翼既肉都好嫰滑越式炸蝦餅 ($56)呢個蝦餅冇炸得好黃金，但外皮都夠脆而入面都彈牙，蝦味都足夠同埋上面都有蔥粒同蒜粒可以連埋一齊食，加多一份蔥既味道同更加香口沾埋甜酸既醬汁更加有越式既風味椰汁珍多冰 ($28)椰汁冰係我每次食越南泰國野都會叫嘅飲品椰子味好濃郁，冰融咗都仲有椰子味佢仲有啲好似大菜糕嘅野，不過就冇味嘅，可以有啲野咬下咁呢杯椰汁冰既份量都好足夠，可以食到尾都仲有剩

又是一個去做facial的夜晚，先要去醫肚，走到荃灣路德圍的越味皇。餐廳在地舖，招牌很搶眼。冰在越南戴過同類草帽，這可謂越南signature之一。入座後只需讚好和分享，即可獲贈自家製越式甜品。看著餐牌項目，突然患上選擇困難症，只能怪自己眼闊肚窄吧，所以思前想後，點了一客越式三寶撈檬(HKD55)，可以一次過嚐盡幾款美食。稍等一會，食物隨即上枱。香茅雞翼醃得入味，肉質嫩滑；豬扒香甜軟稔，但骨與肥肉較多；扎肉彈牙不肥膩，欲罷不能。三寶在檬粉之上，灑有炸乾蔥、蔥油及花生，相當正宗，吃起來更有層次和香味。「碌冧」以甜味為主，不怎麼帶辣；樽身貼有温馨提示，提醒搖勻，有夠細心。點了飯類或粉類，再叫一杯沙冰類飲品，可獲減HKD10優惠，於是點了一杯牛油果沙冰(加HKD22)。牛油果味道本身就是很淡，在沒有添加很多糖或其他調味情況下，可以專心細意品嚐牛油果柔滑口感。牛油果沙冰在坊間並不常見，值得一試。

純情小鴨子 個朋友越式炸春捲 。新鮮炸當然熱辣辣又脆卜卜，不過d 炸豬扒，個人本身唔鍾意落粉炸，仲要炸到鬼咁油又老，D粉同豬扒係分離，做唔到朋友咁，生炸算啦，pls.濛粉同飯無乜特別Like佢地個fb page 送班蘭椰汁糖水,不過我果日係送第二款，Lunch $4x連野飲

越南平民美食, 是我最愛吃的, 香口惹味食極不厭。友人那次帶我來這店品嚐, 水準真好。那三拼撈檬, 雞翼, 香茅豬扒, 扎肉都好好味, 好多香料味, d檬粉酸汁有魚露香料, 酸酸甜甜辣辣, 極開胃。芋絲炸蝦豬肉丸, 我鮮有在越菜館吃到, 芋絲炸到香脆, 丸子肉汁夠又彈牙, 香口到震! 蝦餅又係外脆內彈, 味鮮, 點雞醬最好吃。 牛油雞翼, 雞皮炸到好脆, 有濃濃蒜香, 牛油香, 食到不能停口。大家都點了薄荷青檸打, 冰爽開胃, 食炸野配這款特飲, 好正! 這店香口菜式, 手藝真到家。

這家越南菜其實已經在荃灣路德圍開業了一段時間，但都久久沒有機會去試，今天終於趁著週末有空來吃。午市時間座位都頗滿，和朋友被編到一角位置，空間比較狹窄。香茅豬扒湯粉 $44豬扒和湯粉分開上，不會出現豬扒被浸腍的問題。香茅豬扒炸得香脆，和平常不同的是多了一層炸粉，更為香口，但也偏油膩。豬扒醃得可以，香茅味出，有葱油點綴，但葱味不突出。河粉硬度適中，湯頭普通，店家有提供青檸、辣椒粒讓客人自己加入。整體來說，這碗湯粉在同區的東南亞菜餐廳內表現得算是不錯，份量也足。香茅雞翼湯飯 $48除了常見的撈檬及湯粉之外，這裏還有湯飯提供。香茅雞翼調味合格，炸得也不錯，能保持juicy而外皮稍帶焦香。飯的份量十分之多，對男生來說一定能飽肚。滴漏咖啡 +$20喜愛飲咖啡的我見到這裏有越式咖啡提供，必要點一下。杯子內先加入煉奶，容器內的咖啡慢慢滴下，再攪拌均勻，就是一杯越式咖啡。但個人覺得這類的咖啡粉選得不好，以致成品偏酸。以荃灣區的水準來說，越味皇這店的食物算是不錯，但比較區外就普通了。因此我認為這裏適合居住/工作在附近的朋友來吃，刻意走過來就不必了。

行過路德圍諗住搵lunch食見呢間越式野價錢相宜所以就決定入去一試Lunch時間都幾多人架但店內都幾大唔洗等好耐餐牌有set有散叫先叫左個蝦頭糕湯檬粉個湯底係用蝦頭製成濃既鮮蝦味 另外仲有加上蕃茄濃郁既湯底配埋檬粉推薦頂級生牛肉湯粉湯底無味精飲多都唔會口渴牛肉半生熟 肉味濃而且分量十足越式併盤平時食既多數係豬扒但呢度竟然有炸扎肉食春卷炸得好脆椰汁珍多冰 椰汁紅豆冰不得不讚佢個椰汁味勁濃唔似平時出面飲果d加左勁多水好推薦大家加錢飲好滿足既lunch值得大家一試呀

平時都唔會點行到過嚟路德圍呢邊，所以都冇乜點係呢頭食過野今日搵個朋友佢係呢頭返工先去到呢到，咁佢就帶我去食呢間越南野先點了生牛肉河。褐色湯頭清澈，層次迭出：入口清甜、香草氣息隨之湧現，吞下喉頭再是回甘😍河粉薄而滑，吃至尾段仍未斷，帶少少煙韌；生牛肉油花較少，雖甜，但吃到第二塊已全熟，稍為硬身，變得有點粗糙。配料方面，大湯碗中有生洋葱圈、葱花，以及薄荷、九層塔等配料，非常新鮮。薏米水有袪濕功效，最近過時過節食咁多好西又夜訓😝梗係要用嚟清一清

荃灣開左間新既越南菜 見口卑都唔錯 就收工同男朋友去試試啦晚上7點幾我地揸車黎到 因假日關係附近都已經冇曬位泊車 冇辦法之下唯有就咁泊係出面啦安置好架車我地就入去坐低點餐啦！仔細睇下個menu都幾多款式選擇下 我地每人點左1⃣️個麵 +1碟生菜再加一碟蝦餅 點完無耐野食已經逐一放晒係我地面前 效率真高 各款菜式味道確實唔錯 我地食食下 嗰到d侍應提醒我地出面有人抄牌 立即出去駛走架車啦 真係萬分感謝你地既提醒如果唔係呢1⃣️餐都幾甘下埋單total$194 都幾抵食講番野食方面：生牛肉河：牛肉煮得岩岩好 唔會太韌炸春卷撈濛：春卷炸到脆卜卜 好正炸蝦餅：呢個炸得淋左d Like Facebook仲有糖水送

喺荃灣區返工嘅我除左去公司附近買大家樂大快活嘅貴頹餐之外都會去要行遠少少嘅路德圍搵食今日同事想食越南菜，於是我就話去試下位於路德圍嘅越味皇門面提供全面menu, 可以睇定食啲咩入店後，order完上菜的時間十分快！真是適合速食的香港打工仔文化！同事A點了生牛肉湯河同事B點了雞絲湯河我就點了雞翼湯河順帶一提，lunch set送熱飲，而且十分大杯，同事話絕對是抵飲！男店員好好！免費請我地食甜品！每人消費也只是42蚊！十分抵食！

唔係住荃灣既朋友仔都知荃灣多野食，尤其是聚集左勁多餐廳既荃興徑，泰國菜、茶餐廳、漢堡、小食... 晚餐同朋友兩個人都諗唔到食乜就黎到路徳圍附近，見到呢間越味皇都多人排隊就食佢！都唔係等左好耐，門口有櫈仔坐左10分鐘都無就入得，個待應仲好有禮貌好talkative，入到去雖然排左好多位但都坐得闊落舒服，環境都有細心佈置好似佢天花板咁都掛哂越南特色帽子兩個人叫左兩個主食 - 越味皇蝦頭高湯檬粉 & 越式柚子鮮蝦沙律，跟著兩個小食 - 香燒珍寶蔗蝦 & 越味皇牛油蒜蓉雞翼，同兩杯野飲 - 越式牛油果沙冰 & 益力多沙冰 因為大部份既菜都係即叫即整，所以都等左陣。首先係檬粉，配料蝦、扎肉同肉碎個啲可以話幾足料，而粉既份量都好多，味道正常，個高湯不錯柚子鮮蝦沙律，配料都好足，蝦望落已經7、8隻，下面舖滿柚子肉，仲有好多蕃茄青瓜蔬菜係底，食落每啖都好豐富好清新，值得一試第一個小食蔗蝦，除左大啖蝦肉外，原來插住蝦肉既係蔗，咬落仲甜甜地而牛油蒜蓉雞翼就外面個皮脆入面肉就唔算乾，但嫌牛油味可以多啲，可能上面落左好多蒜粒所以蒜蓉味好夠野飲我自己覺得佢哋嘅沙冰非常大杯又唔會好水，益力多個杯好好飲，但牛油果個

收工後特別肚餓，忽然好想食越南菜，於時就去了一間越味皇菜館。越味皇炸春卷 ，佢嘅招牌菜炸春卷，表皮脆卜卜，夠鬆化，內心食材夠豐富，香味逼人。柚子炸蝦沙律，呢個柚子炸蝦，都同樣出色，鮮蝦味十足，配上柚子嘅清香，整個沙律食材新鮮又清新。三寶撈檬（雞翼、豬扒、札肉） ，這個矇粉好爽口，滑捋捋，雞翼，嫩滑無比。豬扒冧冧肉，夠曬入味，扎肉都好出色，各款嘅肉質都能保存佢自己獨特的味道整體滿分。椰汁紅豆冰 ，最後飲咗一杯紅豆冰，椰汁味道香濃，滑溜非常，一 一顆顆渾圓大大粒嘅紅豆，非常腍甜。呢個晚餐非常滿意，下次會再來光顧。

你荃灣食飯定係去路德圍食飯，勝在款式多小食多，唔食正餐都可以去食小食，同朋友冇乜特別話想去邊間餐廳食，係經過嘅時候比餐廳入面嘅裝修吸引到，用咗好多越南斗笠砌成嘅天花，仲有㗎單車，感覺好休閑，好有田園風。1.頂級生牛肉湯粉牛肉好新鮮，好有牛肉味，唔黐牙而且份量足，最特別嘅湯汁係每日新鮮煲的，飲得出牛肉味唔重但係好鮮甜。2.蝦頭糕湯檬粉原來係蕃茄湯底，好濃，鍾意番茄嘅人一定好鍾意。蝦肉好彈牙，好似新鮮蝦3.軟殼蟹牛油果米紙卷軟殼蟹炸得卜卜脆，中間有檬粉，生菜，青瓜，紅蘿蔔，仲有牛油果肉，沾埋汁食口感好豐富，好fresh,中和左軟殻蟹嘅油感。4.牛油蒜蓉雞翼冇諗到咁大隻，我平時一次過可以食四隻雞翼，今次食得兩隻就夠了，蒜蓉味超正，仲要出邊脆入面雞肉好滑。5.烤豬頸肉最驚豬頸肉乾爭爭，呢度就啱啱好啦，點埋醬食就perfect6.牛油果沙冰店員強力推介，牛油果好creamy ,好幼滑沙冰的感覺，都冇失望到。7.椰青飲椰青，我最鍾意刮埋啲果肉一齊食，咁先可以食到椰青嘅精髓。份量都夠，同朋友2個食完捧住肚走，下次仲想試蝦餅。