越味皇 (已結業)

2018年3月4日 跟朋友共兩人到店 廣東話口音不正的男服務員要我地入近廚房的較窄二人枱 因我地有一大袋 剛有三人枱埋單 咁我問可唔可以坐 服務員話唔得 咁我同朋友講出去搭大枱 一轉頭 男服務員就講”唔好食囉 byebye” 我即火起 同服務員爭論一輪 服務員話”而家係佢帶枱唔係你帶” 就咁完結已後都唔會到呢間野受氣

星期五最開心就梗係第二日放假，可以同朋友玩夜啲啦！同朋友選擇咗荃灣一間越南餐廳，聽講好好食，一於去試吓！食完八點鐘去到都要等一陣位，成間鋪都坐滿人，不過上菜嘅速度好快，只需8至10分鐘。兩個人一人叫咗一碗粉，一碗係越味皇生牛肉湯河好足料，牛肉新鮮又肥美，比起好多連鎖店好食好多！真心一讚！一碗係越式三寶撈檬，有炸豬扒、雞翼同扎肉，雞翼炸得好香口，外脆內軟，而且好有香茅味，讚！檬粉加埋個醬汁，酸酸甜甜，好開胃！另一個推介小食就係炸蝦餅，蝦餅好彈牙，又唔太油膩，最緊要係好大碟，抵食之選！食越南野梗係唔少得烤豬頸肉啦！豬頸肉大大碟不在話下，肉質爽嫩，而且大有陣陣香茅味，非常惹味！益力多沙冰真心推介，夠晒特別！如果鍾意傳統越式飲品，可以試吓個椰汁冰㗎！

最近口痕想試吓越南菜，荃灣有一條食街有好多唔同類型嘅餐廳，今次就試吓呢間越南菜餐廳。裏面都好有越南風味，裝修設計好有品味。越味皇炸春卷＄48@4件炸春卷除咗可以點上酸辣醬之餘，仲可以同生菜一齊食，減少油膩感。春卷熱辣辣，外皮非常香脆，裏面材料都幾豐富，包括有唔同類型嘅蔬菜同埋粉絲，肉粒等等。朋友做啊呢個係食過咁多間餐廳之中最好味嘅春卷。牛油焗青口＄68牛油焗六大隻青口，除咗牛油之外仲有啲煙肉粒粒，提升整體豐富度。味道好香，牛油味十足，鍾意食青口嘅人不能錯過。越味皇頂級生牛肉湯粉＄68依個生牛肉粉比起其他大概貴＄20 ,主要原因係啲牛肉真係靚啲，見到牛肉花紋同埋脂肪分布都好平均，浸多一陣就啱啱好熟曬。我就轉咗做檬粉，口感爽口，加上青檸同埋辣椒就令湯底更加香。自家秘製越式沙嗲生牛肉湯河$46朋友勁鍾意食沙嗲，所以就叫咗個沙嗲生牛肉河粉，啲河粉都煮得幾林，沙嗲味十分香濃！越式牛油果沙冰＄32（跟餐＄22 )益力多沙冰＄32（跟餐＄22）由於店員推介我哋飲佢哋食沙冰，我哋就試咗兩隻口味，我嘅牛油果沙冰本身都冇咩期望，因為牛油比較乾，以為會飲落好乾爭爭，點知有驚喜，雖然加左糖有甜味，但係亦都唔會

荃灣路德圍一向都係餐廳集中地.. 近排大換血多左好多新餐廳.. 越南野都較少有.. 今晚晚餐去呢間越味皇試下.. 我自己都幾鐘意呢間餐廳嘅裝修.. 沒有大花巧嘅牆身.. 簡單的木枱.. 的確有幾分越南的樸素.. 而餐牌都有部分係泰國小食.. 以東南亞菜為主.. 都幾多選擇.. 泰國椰青:  一打開就係滿滿嘅椰青汁.. 好鮮甜又多汁.. 如果鐘意飲椰青嘅朋友都值得一點呀..   牛油果沙冰: 好足料牛油果.. 飲落不算甜.. 不用加糖水都已經好好飲.. 而且冰好幼細完全唔覺又有飽肚感.. 點碗麵食再叫返杯真係人生一大樂事.. 炸蝦餅及牛油蒜蓉雞翼: 炸蝦餅較淺色.. 感覺好似炸得不夠香口咁.. 但其實食落又覺得分別不大.. 份量適中.. 其實兩個人點一至兩個小食都好夠了.. 牛油蒜蓉雞翼賣相很不錯.. 有炸蒜係面感覺到脆卜卜.. 食落都好香口.. 大滿足.. 不過就感覺不到有牛油味.. 可能用來帶出蒜蓉雞翼的香.. 三五知己米紙卷拼盤: 合共由3款米紙卷組成.. 有素菜的.. 有軟殼蟹.. 有蝦仔.. 一試都發現原本都凍凍地.. 軟殼蟹都不脆.. 但係紙卷個皮就太'煙UN' 同埋厚左少少

近日同朋友去揾食，向荃灣路德圍揾到間越南餐室，美味又實惠，碟碟大大份，食到兩個肚腩托住走。三五知己米紙卷拼盤，一次過可以食三款米紙卷，啱哂貪心又為食嘅我，有田園素菜、軟殼蟹及鮮蝦，各三件，配上新鮮多汁嘅蔬菜，好多層次感。越式扎肉蒸粉卷，有四件暖粒粒軟棉棉嘅粉卷，食完都半飽。越式咖哩牛腩煲配法包，咖哩我本身比較喜歡馬來咖哩，但呢個咖哩配法包就好啱feel，加上好多牛筋，好正，好多骨膠原。我哋叫左兩杯飲品，熱薏米水及越式牛油果沙冰，極力推介杯牛油果沙冰，好滑，好香牛油果味，只售$32，抵！抵！抵！

初七一家人去食個生日飯先，近近地去荃灣，荃灣出名多嘢食，上網見到呢間食評不錯，就黎試下。一入到，好彩都未算多人，安排到卡位俾我地，呢度有散叫同套餐都有。先來叫了一個招牌菜，頂級生牛河。份量都幾多，大碗，都幾多牛肉，如果喜歡食煙韌嘅口感，應該幾滿足，本人就喜歡食易咬同淋身一點那種了。個湯底不會太濃太淡，中規中矩。 價錢$68我地叫了份小食，因為咩都想試下: 併盤A (有春卷，蒸粉卷，豬肉蝦餅，炸扎肉)個炸扎肉幾特別，平時都唔見有係炸，都不錯。 蒸粉卷感覺有點似蒸腸粉，皮唔厚，都ok，內面夾住一點肉。個豬肉蝦餅，豬肉幾好食，夠味，夠淋，蝦餅就一般。價錢$105另外可以就係呢度招牌 牛油蒜蓉雞翼，4只都係40蚊，對比下其實唔貴，好重牛油，蒜蓉味，雞翼仲大大只，好香口

食晏時間呢間越南餐廳好快就差唔多爆滿，侍應同啲食客仲好似幾熟幾好傾咁，所以感覺上氣氛都幾warm，因為過年食到超飽超滯，所以坐低之後叫左個柚子鮮蝦沙律，諗住食番餐清清哋，點知侍應話呢度嘅牛油蒜蓉鷄翼好好食，講嘅時候仲碌大雙眼，滿面笑容，睇得出佢係食過而且覺得好食先至咁樣講，所以我又要左一碟嚟食，上抬時一碟有四隻鷄翼，毎隻鷄翼嘅size都喺jumbo size, 咬入口又熱又脆，食嘅時候啲白色嘅煙仲喺啲鷄肉𥚃面漏出嚟，牛油味夠濃，又真喺幾好食！

荃灣有好多食肆,最近開了好幾間越南餐廳，今日就和友人試下依間啦。這間內裏裝飾掛滿了好多越南的竹帽.還掛了單車在牆上,好悠閒的感覺望下餐牌,價錢好實惠,而且不用加一,可以和友人大吃大喝啦…哈哈。我和友叫了4樣嘢食,首先叫了個越味皇頂級生牛肉湯粉,這個應該是招牌菜,不但個碗好大,裏面啲份量都唔少,生熟牛肉有好多塊加上了很多的配菜,另我好懷念在越南吃過的湯粉的味道。越式芋絲炸蝦豬肉丸6粒 ,這個餸不是每間越式餐廳都有得食,買相就好似芋蝦,一個球型,外層包住了芋絲,裏面是芋蓉和肉碎攪爛,不會只是食芋蓉咁滯, 和豬肉混和後,恰到好處蕃茄牛腩煲配法包 這個真是很意外驚喜,牛腩的份量十足,而且炆得很淋,蕃茄汁不會太酸。配上一條法包,沾蕃茄汁食好好味。在餐牌上見到有牛油果沙冰 這款飲料,二話不說就叫咗一杯,真啲沒有失望,青青的好靚,喝了一啖,雖然是沙冰,但沒有冰的感覺,這點我喜歡,有好香的牛油果味和奶味,又大杯,飲完好滿足。友人就叫了鹹檸七喜,是比罐裝七喜的，好抵飲另外還叫了個小食,三五知己米紙卷拼盤 ,比其他的米紙卷的數量多,因有3款不同味道,則是田園素菜,軟殼蟹和鮮蝦三種味道，每款3件每款都夾了同

第二次嚟幫襯呢間越南鋪頭😼 今次就旺左好多 好彩我哋早啲嚟 一到八點就full晒咁滯 要等位👻👻今次食咗一個蝦餅湯濛 同一個豬頸肉湯河 個蝦餅超多。我諗同一個剩小食嘅份量一樣咁多🙀🙀🙀所以好抵食！！配埋佢個越南甜酸汁超好味超惹味😽😽😽👍個豬頸肉我就覺得可以再烤得香脆啲 但係個份量都係一樣好多下🙀🙀佢好似話like唔知Facebook定邊一度就有甜品送👻👻不過我哋都好飽lu 所以就無做到👻👻下次再詳細啲問吓staff先

店舖位於荃灣美食地帶路徳圍，價錢不貴，食物選擇多，所以就去食啦！越南的生牛南粉，湯底最重要，意間湯底十分讚！香濃加上少量青檸和辣椒，再增添一份惹味！酸酸辣辣，十分開胃！軟殼蟹牛油果紙米卷，兩者都是我喜愛的食物，口感層次豐富。味道清新開胃。食越南野，每次必叫的牛油雞翼。牛油雞翼比一般炸雞翼香鬆軟，意間味道十分讚！雞翼夠大隻，外層香！越式腸粉，酸酸甜甜，有青瓜絲生菜絲，配上酸甜汁腸粉索味。價錢只是$10，做小食不錯！椰汁冰夠香濃，不太甜。

荃灣成日去揾食既地方，應該係路得圍啦！經過意間越南菜餐廳比較新，就入去啦！餐廳裝修用上越南特色代表的越南帽作裝修，挻特別，感覺清新舒適。餐牌有食物照片，顏色色彩繽紛，十分吸引。飲品選擇多，亦有幾多特色飲品。珍寶蔗蝦，超巨大的尺寸，足足有手掌咁長，蝦肉多，夠彈牙香口，個人十分喜歡。越式牛油雞翼，尺寸又係夠大件，炸得夠香脆牛油香，肉質嫩滑，一食上癮停不到口。必叫蕃茄牛腩煲配蒜蓉包，牛腩炆得夠，入味肉質鬆軟，汁超濃點上蒜蓉包，最佳配搭。餐廳仲好好，送甜品^_^整體食物好味，份量大，價錢大眾化，抵食！

黎到荃灣一定係去路德圍到揾食嫁喇 突然好想食生牛肉湯粉 朋友話附近有間越南餐廳 都吾錯晏就繁忙時間都比較多人越味皇生牛肉湯黎到越南餐廳吾係吾食生牛肉啊 配河粉係最正 牛肉新鮮 湯底係用牛骨熬製 所以非常鮮甜 濃郁順化湯河粉 有豬手 牛展 扎肉 份量都好足夠 有好輕微嘅辣 吾食得辣嘅都可以叫 餐廳堅持絕冇湊加味精 吾錯香煎珍寶庶蝦黎到果時嚇一嚇 個份量都幾大嫁wor 話明珍寶嘛😂竹庶嘅甜味溶入蝦肉 再加埋彈牙蝦肉 真係食吾停口啊2個人再叫咗個椰青一齊飲

荃灣向來多美食，今日心血來潮就同朋友試試越南野經過咁多次，都冇食過，見人唔多就試下裝潢好有越南風味有套餐，不過同朋友散叫香茅豬扒食得多，就試下推介既香茅牛肉撈檬，不過牛肉太un柚子蝦沙津，酸酸甜甜幾開胃，不過蝦份量少，少少辣叫了三個煎炸小食芋絲炸蝦豬肉丸，好味，外皮鬆脆，內裏夠彈蝦餅，同想像有點出入，有點淋牛油蒜香雞翼，好入味，香濃牛油味仲有軟殻蟹牛油果米紙卷，軟殻蟹不夠脆，同埋內裏有薄荷葉，個人不太喜歡餐飲有最愛既椰汁冰同龍眼冰仲有甜品，椰汁糯米，好食兩個人叫得太多食唔晒，最後每人買單百幾蚊

荃灣路德圍太多嘢食，花多眼亂，最後揀呢一間都係因為佢夠光猛，而且用咗越南草帽做吊飾，成功吸引咗我。食物:老公叫咗個沙嗲生牛河，沙嗲味超級香，加上少少花生粒，個湯真係無得頂，我偷食了很多...不過生牛河嚟到枱面嘅時候已經係全熟，最啱怕食生嘢嘅我，不過老公明顯有啲失望。好彩D牛肉熟晒都唔韌，新鮮好味，沙嗲D河粉又多，所以都好滿意。小食係牛油蒜蓉雞翼，外面炸得香脆，雞肉亦都好有蒜蓉味，裡面好嫩滑，老公大愛! 但我就覺得蒜味略為太重，掩蓋咗牛油味。我點嘅係烤蝦豬肉丸撈檬，因為職員哥哥話係師傅秘製，自己手打嘅丸，感覺幾特別， 即管試試。肉丸夾雜濃濃嘅香草味，仲有蝦肉粒喺入面，真材實料。如果有D醬點吓，濕濕地就更易入口，更好食。撈檬嘅汁記得要撈均，要有紅色粒粒先好味。強烈推介牛油果沙冰，佢好似奶昔咁，口感實在，牛油果味超級清香，冰打得均勻，超級細滑，甜度剛好，可以清減油膩感，推薦！環境:平日下午茶時間人流不多。店內多以2-4人卡位或方枱為主，亦有1張大長枱，可以大班人黎食。整體店不大，設計清簡舒服。服務:下單上菜收碟都正常速度，有禮友善。主動提供食水及推介食物，不錯!

之前同朋友想去越南旅行，最後都係去唔成，其實我都幾鐘意越南菜，好食又簡單。 為左解相思，朋友就帶我去食越南野。一睇完餐牌，點左杯咸檸梳打餐廳係用chang梳打水，大大枝一枝有2杯份量，見到都開心可以飲得舒暢痛快(唔洗驚好快飲完)我地每人叫揀左個主食，同小食其實揀揀下，仲有好多野想點，奈何人少邊食得咁多，無謂眼闊肚窄青木瓜牛肉沙律 有一段時間冇食過木瓜沙律其實我覺得比起菜沙律，木瓜絲沙律更加健康 ，纖維夠多，酸微微又有咬口，食落更開胃。呢度嘅木瓜沙律上面 仲鋪滿牛肉，都幾大塊，加上花生碎仲好香口，都幾好味，仲唔會覺得口感寡！ 正~我哋仲揀咗小食拼盤小食拼盤入面有: 春捲、炸扎肉、肉碎蝦片、同埋蒸粉卷 炸春捲 炸得好香酥脆口 蒸粉卷入面有肉碎木耳，粉皮唔算太厚，口感都唔錯 渣扎肉外貌有點似炸豬扒，食落口薄薄地唔厚唔油，都可以咖哩牛腩飯咖哩係唔辣個種，但廷香牛腩好腍好入味飯仲有陣陣香味... 非常唔錯最後食碗越味蝦皇頭膏湯檬粉湯底好鮮，有微微蝦鮮蝦膏味仲帶小小番茄甜，檬粉爽滑，一口檬粉一口湯，食到唧唧聲。 只可以說，呢間餐廳好多選擇，今次點既幾個食物都好岩口味，有其他想食既野只好下次再幫襯。