越味皇 (已結業)

是日收工約左好耐冇見既好友一齊撐枱腳，近近地黎到荃灣美食集中地路德圍，一於試下越式美食。柚子鮮🦐沙律以此份量既沙律作為頭盤，對於兩個小妮子來說似乎有點多，haha，粗幼適中既木瓜絲配上爽囗，啖啖肉既鮮蝦，酸酸甜甜，非常開胃。軟殻蟹牛油果米紙卷每次食越南野，都必點米紙卷，因為特別鐘情米紙煙煙韌韌既囗感。主角軟殼蟹炸得鬆脆，不油膩。每一舊卷都肥嘟嘟，好飽滿，食多一件都唔會覺得邪惡丫。越式炸蝦餠唔係好熱氣，外皮金黃色，不過味道吾差，彈牙而已吾會死咸。牛油果沙冰比想像中大杯，滿滿既牛油果肉同綿綿既冰融為一體，完全唔覺得食緊沙冰。奶昔既口感。一個人飮，真的好飽肚。值得再試。

午飯時間，係路德圍附近睇有咩好野食，見呢間坐滿人，又有香口蒜蓉雞翼，就試呢間啦。香茅豬扒撈檬$48, 午餐包熱飲，凍飲加$3,特飲加$10塊豬扒真係超厚，好香香茅味，配料有大量青瓜，蔥，乾蔥頭同蕃茄，好足料，加埋d越式撈檬汁，好醒胃惹味。越味皇蒜蓉牛油雞翼 $40 @4隻呢度好好雞翼可以叫4隻或8隻，2個人可以叫4隻，唔使格硬食咁多。雞翼上面有勁多蒜蓉，好香口，雞翼有好重牛油味，外面d雞皮脆，入面d肉仲好滑，好味。

今晚難得可以準時收工同媽媽兩個人撐枱腳起荃灣路德圍搵野食見越味皇新開 又裝修得幾靚價錢又實惠 一於入去試下餐牌選擇都幾多講得出想食既都有火車頭湯河$68媽媽既至愛有牛丸、牛柏葉、生牛肉、牛腩片同埋牛筋每款都爽口彈牙我最鐘意食佢既牛肉 唔會太熟 啱啱好湯底配埋青檸同小辣椒 味道一流鮮蝦米紙卷$48晶瑩剔透既皮入面有好大隻蝦配埋滿滿既疏菜感覺好健康越式拼盤$108有香茅雞翼、蔗蝦、串燒牛粒同埋酸辣鳳爪香茅雞翼入面肉質都幾嫩 滿滿既香茅味蔗蝦甜甜地 有少少蔗汁起裡面 唔會太乾牛粒燒得香口 啖啖肉好正鳳爪唔會太辣 食落好開胃越式芋絲炸蝦豬肉丸$54粒粒都有半個手掌咁大炸得好鬆化香口外面既芋絲真係好驚喜呢個好食！推薦比大家！飲品要左椰青 跟餐+$20清清甜甜食越式野就最啱呢到人雖然多 但service都好好 抵贊

最近愛上左食越南野，荃灣有一間好好味嘅越南野，真係唔食唔得！首先叫咗個招牌嘅牛油蒜蓉雞翼＄40雞翼本身有好香嘅牛油味，非常入味，而且表面有好多蒜蓉，雞翼肥美有肉質。越味皇頂級生牛肉湯粉＄68生牛肉花紋分布適中，真係頂級生牛肉，加埋個滑脫脫嘅河粉同埋香味十足湯底冇得彈。越味皇蝦頭糕湯檬粉＄52估唔到蝦頭糕都幾香，唔知用咗幾多隻蝦黎整，裏面有幾隻大蝦，所以材料都好豐富。牛油果奶冰$22依個真係一定要飲，我朋友叫咗呢個沙冰真係勁香滑同埋甜味超級適中，同平時一般食嘅牛油果嗰種質感同味道係有唔同不過就一定飲得出係牛油果味道，但係調味真係超正。熱香茅薑茶＄13反而香茅茶就真係普普通通，某程度上個味道過分濃郁，搞到飲落唔係太自然。

難得閒日放假，一於嘆返個悠閒lunch.荃灣路德圍有很多特色小店，選了人氣滿滿的越味皇。試了香茅豬扒檬粉同薏米水...豬扒同檬粉分開上，賣相很不錯。脆卜卜的豬扒上面仲有蔥蓉同烤蔥頭（友人送了塊牛肉給我加餸）薏米水很真材實料，有很多煙煙韌韌的薏米。這個Set lunch 只係$46，十分超值！

今日喺荃灣做野, 知道路德圍出名多好野食, 決定食完晚餐再返屋企.今晚揀左間越南菜餐廳, 入到鋪頭, 裝修有越南特式, 環境好舒服, 燈光柔和, 坐位有足夠空間.食物選擇豐富, 種類很多. 我地想試多D野, 又怕食唔曬, 所以揀左一個沙律, 一個主食, 兩個小食. 3杯特飲越式咖哩牛腩配法包 $78咖哩香味好濃, 小小辣,牛腩口感爽口同埋軟, 入曬味, 而且份量好多!!推介!法包烘得脆, 點咖喱食好惹味,  如果法包可以切開一片片就更好香燒珍寶庶蝦  $62幼身甘蔗被蝦膠包住, 啖啖肉, 爽口鮮味而且唔油膩, 點埋甜酸醬, 加埋蔥蒜食, 正呀! 牛油蒜蓉雞翼 (4隻) $40炸蒜勁多, 好香濃蒜蓉味雞翼炸得到岩岩好, 外皮炸得好香脆但入面充滿肉汁, 雞肉非常滑嫩, 唔錯柚子鮮蝦沙律 $58沙律新鮮, 加上柚子味清新, 酸酸甜甜, 帶有微辣, 非常開胃牛油果沙冰 $32第一次見這款飲品, 好想試試質地似奶昔, 牛油果打到好細滑, 有淡淡的牛油果味牛油果愛好者必試鹹檸梳打 $26薄荷葉青檸梳打 $30兩款都清新開胃, 清涼解渴, 係越菜良伴.

陪個朋友去荃灣睇野，睇完野好攰，行到路德圍好肚餓，經過見到一間越南餐廳，好似幾正，就入左去食我之前去過越南，見到餐廳天花板掛滿曬越南帽子，好懷念那年旅行的日子🤗餐牌：越式酸辣鳳爪～酸酸甜甜好開胃，份量比平時我食的多，整得好入味，d配菜都好好食香燒珍寶蔗蝦～好耐冇食過啦😂我第一次見蔗蝦係咁大條，真係長過手掌😂d蔗幾甜越式烤豬頸肉～豬頸肉燒得幾香，調味調得幾好，味道唔錯越味皇軟殼蟹牛油果米紙卷～估唔都幾大件下😋有好多材料整，最正就緊係有軟殼蟹啦越式三寶撈檬～食越南野唔係唔食撈檬啊！呢個幾抵食，有雞翼、豬扒、扎肉，好大碗，食完真係勁滿足益力多沙冰～近排開始熱，飲呢個沙冰勁正，加埋益力多味，無得輸泰國椰青～好鮮甜食呢餐真係好飽好滿足，仲要唔係好貴，好抵食👍🏻

平日怎少踏足荃灣，但女朋友今晚要到荃灣工作，24孝的我當然要去接放工再帶她吃晚飯啦！路德圍出名多餐廳食肆，所以帶了她來走去看看，看看她想心水吃什麼。最後她選了這間越味皇越南餐廳。《越式三寶撈檬(雞翼豬扒扎肉) $55》 雞翼入味，豬扒香口炸得適中，沒有太乾而且餐有豬肉味，而扎肉爽甜。撈檬當然要加入酸汁，很惹味。《越味皇生牛肉檬粉 $42》女朋友常說越南相地的牛肉難食得很，還是香港的好吃。這裡的湯底清甜，牛肉份量亦不少，都真的是半生熟，而且肉質很嫩。《越式炸軟殼蟹 $88》十分香脆，炸得適中沒有太乾，當中的蟹肉仍有肉汁。《越式蕃茄牛腩煲配法包 $78》（加$15可轉蒜蓉牛油法包）蕃茄牛腩煲的汁很香濃惹味，配飯其實都不錯啊！牛腩軟腍，份量都多。可惜蒜蓉牛油法包不夠新鮮香脆。《越式扎肉蒸粉卷 $55》餡料多，沾酸汁很提味！《上湯烚生菜 $18》純粹想食點菜。新鮮清甜。《泰國椰青 $30》清涼解渴，椰肉當甜品不錯。《薏米水 $18》薏米多而且只有微甜，女生必愛。

以前嚮荃灣讀書，學生哥無乜錢就要揾平野食，荃灣地鐵站對面既路得圍就集中左廉價美食，前幾日就食左間越南菜叫“越味皇”，裝修越南風格，天花掛滿越南草帽，感覺置身於越南☺️柚子鮮蝦沙律$58平時既沙律一定係菜多過其他配料，尼度既柚子同鮮蝦都特別多，可以話係仲多過木瓜絲同沙律菜，絕對抵食👍🏻，而且沙律味道酸甜，十分開胃😋招牌牛油蒜蓉雞翼$40我見到好多食客都會點牛油雞翼，有一份八隻或四隻，我就點左四隻試，果然係招牌菜式👍🏻，雞翼飽滿大大隻，炸得外脆內軟，表面充滿蒜蓉同牛油，尼個必食😋越式炸軟殼蟹$88炸軟殼蟹一碟有兩大隻分開四件，炸得鬆脆，但感覺偏多油，以尼個價錢離講都可以接受～越味皇蝦頭膏湯檬粉$52尼個湯底有d驚喜，平時越南菜餐廳食唔到，湯底由豬肉碎、蝦膏加蕃茄膏混合而成，香濃好味👍🏻，配料有 扎肉同埋鮮蝦，好大碗，女仔可以share離食～咖哩牛腩煲配蒜蓉法包$93牛腩烄得夠淋， 完全唔會韌，咖哩輕微辣，用蒜蓉法包沾上咖哩汁離食非常好味😋，不過如果法包再薄d脆d就會更加好～牛油果沙冰$22尼杯越南特色飲品，自從上次去越南旅行飲過就諗諗不忘，竟然可以嚮度再飲得到，味到同我嚮越南飲到既一樣好味，

荃湾美食多，好多唔同選擇，今日就同朋友黎到食越南野，所以就揀左路德圍果邊既越味皇！餐廳環境好特別，有種越南感覺，天花就用越南傳統的斗笠作置，還有越南的單車懸掛在上面，好意思！越味皇頂級生牛肉湯粉，牛肉滑，配料好多。香茅豬排飯，好有蔥味，豬排香脆，加埋Ｄ汁，夾埋一齊，正呀！！！！雞翼即叫即炸，外皮炸香脆，裏面的雞肉嫰滑，有小小牛油味，蒜蓉味做就重Ｄ，雞皮外滿布住大大粒的蒜粒十分惹味！！炸春卷可以點酸辣醬，仲可以夾埋生菜一齊食。春卷熱辣辣，外皮香脆，裏面材料有唔同類型嘅蔬菜同埋粉絲，肉粒等等。叫左杯益力多沙冰，杯野飲既益力多味濃厚，相當唔錯。

係路德圍有時真係食到唔知食咩好，今日就食左越味皇。叫左一客咖哩牛腩、豬頸肉紙卷（唔記得影相）、一杯凍嘅滴漏咖啡。咖啡牛楠個咖啡都幾香，不過係唔辣嘅，牛楠有肉同牛根，水準唔錯，唔算好韌。滴漏咖啡幾特別，係用煉奶嘅，岩岩上嘅時候未飲得住，因為仲係個隔到滴緊啲咖啡落杯，過左一陣滴完就可以倒入冰杯飲，幾有風味。

第二次黎喇，覺得佢係幾有水準架！鍾意食檬粉既朋友多左呢個選擇！今次食生九肉湯檬！個湯底甜，同時加左好多配料例如芽菜洋蔥，食粉個陣混埋呢啲爽口既菜，覺得fresh得黎又夠味道，尤其是檬粉係算吸湯既粉呢。再講番牛肉片，有意外驚喜！食個陣浸多左其實就冇咩紅色架喇，但放入口依然覺得嫩口，加上佢都有切得薄身，唔會成口一舊肉over左。啲牛肉本身唔駛好多味，相反配左湯再享受佢既口感都好足夠呢！同埋分量都唔少架！夠喉！配飲品揀左咸檸水(另一杯係咸柑桔水)，都幾咸，哈哈，so最後冇飲哂。唔駛加錢所以都係試一試姐。睇埋其他人點既食物都覺得唔係hea整，係有心機既！對得住個價！

來到荃灣，去左有美食街之稱嘅路德圍搵嘢食。見到越味皇都幾多人食，望落乾淨企理，今晚就食越南嘢啦！餐牌上有好多選擇，兩個人叫左蒜茸牛油雞翼、柚子鮮蝦沙律、炸蝦餅、越味皇頂級生牛肉湯粉。蒜茸牛油雞翼（$40）雞翼炸得香脆肉滑，啖啖蒜茸濃香。柚子鮮蝦沙律（$58）配料都豐富，酸酸甜甜微辣帶有柚子清香，清新開胃。😋炸蝦餅（$56）蝦餅爽口有蝦味，但覺得蔥花醬汁另上，可能更好。越味皇頂級生牛肉湯粉（$68）牛肉嫩滑，配料份量好多，香濃牛肉湯帶有金不換既香味。👍

非常之失望的一餐 ， 路德圍幾乎全部都食過， 就因為怕等位見到這間唔使等，因為都冇乜人，嗌咗兩個 粉……一個太淋，一個斷到一節節 可以留意兼且改善，服務還有ok，上抬嘅時間都比較快

心血來潮想食越南野，就試咗呢間朋友推介嘅餐廳🤷🏻‍♀️果然無介紹錯，好食到我想繼續去嘅餐廳😭首先，過咗以下呢個，係我個人最推介嘅香茅豬扒河粉，就咁睇嚟佢可能冇咩特別，只係好似大碗d咁。😂一食落佢嘅河粉真係不得了，痴線咁鮮味，睇得出個湯底落足料去煲🤤🤤而且分量好多，價錢好似50幾左右，性價比高☺️👍🏻跟住，佢個豬扒炸得岩岩好，外脆內軟，每一啖都係味覺嘅享受，必食🤤🤤不過，唔係樣樣都咁好食，以下介紹嘅兩樣就普普通通啦，都唔洗點試㗎啦😂😂第一樣係撈懵，就係簡單大量菜同酸酸甜甜嘅汁，比起一般嘅都差不多。接住落黎，就係越南最出名嘅紙卷，我哋叫左個鮮蝦紙卷，我哋覺得蝦就好少菜就好多🙊，所以食落係啖啖都係菜😪😪都係不值得試，而且個紙卷有d硬, 比較難咬。