越味皇 (已結業)

今晚諗唔到去食乜，友人提議食越南野，因為好耐都無食過啦，就近近地出荃灣食啦，位置都係最旺既路德圍啦一於。首先叫左份越式牛腩河粉，牛腩片煮得夠淋又夠入味，配合清清地既湯底，充滿越南香料味道，令牛味更出，而腩片質地軟口感佳，加上好味既湯底裡面用左越式香料同埋滑溜既河粉，整體覺得係水準以上既湯河。另一樣係香茅豬排湯河粉，河粉一樣係充滿越式香料，所以夠吸引，而配合香茅豬排係一件非常夾既事情，香茅味非常香口，襯上經越式香料調味既豬排，炸完零舍入味，口感外脆內軟，係一味邪惡既豬排，非常讚。飲品就叫左杯龍眼冰，係非常岩喜歡龍眼既朋友，因為龍眼味好濃，仲有埋啖啖龍眼肉係杯底，邊有得輸，而甜度剛剛好不會太甜，係唔錯既飲品。