越南牛肉粉專門店 (已結業)

環境：細舖，1.5米限聚令下，其實坐得邊呢？當日無閂門，聞到最少兩三次路人食煙飄咗入舖食物：一人叫咗一個生牛河(下午茶餐$40)。啲牛肉夠腍唔靭唔多肥膏又無筋，幾好。河粉OK。外子話湯有味精，但我食完又無口渴，懷疑只係啲黑椒太刺激。飲品：紅豆冰(下午茶餐+$11)。無咩特別，少啲奶多啲紅豆沙會開心啲。銀色杯，成杯白色嘢，無咩好影。抗疫期間衛生要求比較高，覺得佢裝芽菜同青檸嘅筲箕仔應該可以再乾淨啲。

如題。d野食係一路落單一路上（可能係因為人唔算多，唔滿，所以做到甘...又或者極高效率導致可以餐廳唔會滿😂）。野食算ok啦，又唔算劣食，但係食甘快感覺好chur。

我男人成日話我對越南粉同laksa要求高，唔好話去東南亞到食，我返澳洲是旦篤一間，什至food court都好食過香港既，呢個絕對係一個謎XD呢間唔係新野，亦唔係第一次食，只係個日挑起條筋好想食，鰂魚涌有既選擇唔算多，呢間已經叫做正正常常我一個人lunch時間當然要搭枱，但我隔離個鬼佬係咁un... 我食都食得幾辛苦下，之後又俾人趕走咁，我諗下次我會忍口架啦...呢間有個比較特別既地方，芽菜個堆係係枱到同其他人一齊share, 唔知既都唔知夾唔夾好...生牛肉粉走青佢個湯無特別，粉亦唔算好多，正常啦.. 個牛係唔差既，但唔會有任何驚喜

前幾日去鰂魚涌行山拍拖 經過呢間越南野 見裝修好似幾地道就入咗去😳-// 香茅雞翼湯河 💲52 HKD//普普通通的河粉 湯底有啲淡要我另加辣椒😂 雞翼亦偏咸 比左一籃芽菜香葉自行添加 但係芽菜一食就好大陣菜青味🤢🤢🤢 色都變暗 成籃野一定放咗好耐 食左一條即刻後悔 所以千祈唔好加🤣-// 香茅豬扒飯 · 水晶香茅牛肉米紙卷 💲68 HKD//香芽豬扒飯嘅豬扒整得外脆之餘肉質亦keep住唔會太乾身👍🏻 不過份量太細 男朋友仔話食完話唔夠飽～ 水晶香茅牛肉米紙卷都唔錯 幾足料 係唯一一樣整得算地道嘅野😂-整體後講 佢lunch menu嘅價錢喺港島區黎講算好平了 食物水準不過不失 但河粉就真係麻麻地 如果想食正宗越南菜的話呢間唔係好嘅選擇🙈

難得今個星期六唔駛返工，同老婆大人落去海光街食下午茶， 星期六下午的海光街好多餐廳都已經休息，見這間越南牛肉粉專門店還營業……，就試下啦！ 輕量越式生牛肉河 $40 由於走蔥，所以碗生牛河來到，好單調，牛肉似剛拎出來，未完全解凍， 湯底好淡，整體味道普通。(其實只要店員把牛肉放返好d, 賣相可靚d囉👇)輕量越式牛坑腩湯檬粉$40 因為輕量版所以粉及牛坑腩都較少， 牛坑腩都算軟腍，湯底好淡。另有一籃芽菜、香葉等， 方便自行添加。老實講，用份量計，下午茶價錢真的不平。

Very good lunch option if you are around quarry bay and are looking for a quick and affordable meal. The staff is nice and efficient, easy to order with different set menu. Bean sprout, basil and lime are free to add to your soup. I always go for the beef pho, a classic! I highly recommend.

今晚上課前，落去好耐冇去嘅Quarry Bay食嘢，因為吾想揾位泊車，貪方便就選擇咗呢間，那時六點幾吾多人，我叫咗個札肉雞絲河，飲熱鹹柑桔……首先個侍應拎咗籃芽菜及青檸檬嚟，感覺芽菜有少許變了色，青檸檬乾乾哋，明顯一早準備好備用（之後去toilet見到一籃籃已放好疊好）…等咗陣碗雞絲札肉河到，湯底好鹹，雞絲有雞味，但因為太鹹我覺得好難食，又吾夠熱，點解晚餐啲嘢都煮成咁，一點也不似越南嘢……簡單一碗粉都吾似用心啲去整！

今日又要過黎太古坊呢邊上堂，行入內街搵食行下行下，就揀左呢間餐廳，因為見到個餐牌都唔錯，可以滿足唔同種類既人。鍾意輕食既朋友，可以就咁齋叫一碗檬粉配飲品。大食、又為食既朋友就可以叫人氣小食套餐，有粉、小食配飲品。咁我唔係屬於大食，而係為食既朋友，所以都叫左個小食套餐，叫左扎肉檬粉、健康素菜紙米卷、熱檸水。扎肉檬粉呢間鋪頭都幾好，有別於連鎖餐廳既檬粉，因為芽菜、青檬、香茅等，都係另外上俾你，，可以因應自己既個人喜好，去放你鍾意既配料。而湯檬方面，都有大量既蔥、洋蔥，所以整個味道係好香，而且扎肉數量都好多健康素菜紙米卷雖然我係為食貓🐱，但都想食得健康，所以叫左個菜卷我個人認為可能裡面餡料唔夠豐富，所以食落去口感上，皮會太厚。總結，係港島呢邊食既餐，68蚊一個套餐，冇加一，價錢算抵食。而且份量都好多，我係食唔晒🤣

是日透過外賣平台Pxxx 叫左佢地既熟牛肉牛丸河粉。食得出係用心製作，但係網上竟然唔多正評，所以要上黎寫下。香港做飲食業可想而知係極具挑戰。牛丸不錯，好過市面一般吃到的，但唔夠Pho Le好食（雖然兩者價位不同）。熟牛肉幾腍，值得一讚，都有肉香，少少肥所以腍滑啲。湯底惹味，幾甜，應該有少少味精，注意可以淡味少少。配料如芽菜、指天椒同包成一小包，衛生方便，芽菜質素不俗。唔記得食前拍照，唯有食後影啲湯喇。幾清幾甜，但係注意真係可以淡味少少。

店內環境偏細，空間不多，唔算好坐。而且衛生一般，阿姐清潔求其，但下午茶有一個小餸跟餐有野飲，算係幾抵食。🍞食物方面🍞【豬頸肉撈檬】🐷豬頸肉味道夠，份量都頗多，食完又無乜熱氣嘅感覺，幾好。【越南春卷】🌯春卷幾脆口，而且味道香而不濃，點埋泰式酸辣汁水準有番咁上下。【生菜】🌱特別提下佢個生菜，因為真係幾大碗，岩哂我呢啲鍾意食菜嘅人。🌿🌿🌿🌿🌿🌿🌿🌿🌿🌿【豬頸肉撈檬】連一小餸加野飲：$46⭐️⭐️⭐️環境：座位小、窄，唔好坐⭐️⭐️衛生：普麻麻⭐️⭐️服務：普通⭐️⭐️⭐️抵食：⭐️⭐️⭐️⭐️

小秘書千揀萬揀🧐估唔到揀咗個爛燈盞... 仲諗住放假之前食好啲啲， 點知👻遮眼走咗入去「PhoTai 越南牛肉粉專門店 (鰂魚涌海光街分店) 」食lunch。服務員極力推介我哋叫個套餐C，佢話有飯/麵、小食同飲品都只係$65... 好抵😑 見佢咁熱情，就順吓佢意啦！嘩碟「咖哩雞飯」認真經典... 所謂咖哩雞原來係幾隻白灼雞翼後加入啲咖哩汁裡面，而煮咖哩應有嘅配菜薯仔，唔知點解變成大大舊嘅老蕃薯🍠 雞翼淡而無味，兩舊大蕃薯就咸到爆🤮 啲白飯唔知係未熟定質地太差，實在好難食👎🏻 呢餐真係貴💸 花$65實質只係食咗三件春卷（跟餐嘅小食）同杯檸蜜🍋落肚🤨 我要加入 blacklist呀😩

鰂魚涌附近都真係幾多嘢食，尤其是海光街海提街一帶， 呢排天氣比較熱。最啱就係食一啲比較清爽嘅食物，尤其是東南亞或者酸辣口味嘅嘢，就最啱喇，因為可以比較開胃吖嘛，所以就同同事去呢一間越南牛肉粉度試下食佢嘅越南湯河同撈檬。一入到去，已經提供一大兜芽菜同九層塔，作為開胃嘅前菜，其實就係畀你放入湯河入面，撈埋一齊食嘅，令到碗粉更加清爽。不過我就嗌咗一個香茅豬扒撈檬，凍食之餘仲可以配上一個酸汁，加埋啲青瓜絲同埋酸蘿蔔，再加埋大大塊嘅豬扒，其實都幾大碗，仲有啲生菜花生等等嘅配料，撈埋一齊食，非常好味。 而且檬粉嘅份量都唔少 ，都幾飽肚，不過我最欣賞嘅都係喺呢個香茅豬扒 ，有香茅味之餘，豬扒都唔會太乾，而且肉質都幾好 ，夾埋檬粉食真係好食。

今日開會後，落留下食個快靚正的下午茶，生牛肉河粉配小食春卷，再包飲品，大滿足呀！同事叫咗香茅豬肉檬及紙米卷，一樣出色，套餐價錢由$36-$46，在海光街一帶少有啦！

星期六的黃昏，太古坊一帶與平日截然不同，而原本人山人海的食店，今天變得很悠閒。朋友想「食碗粉」，而太古坊的周末又有部份食店休息，我們路過這間越南食店，講明是牛肉粉專門店，正合朋友心意。套餐主要是飯或湯粉加飲品，價錢由$49起，實在是抵食，最感動的是星期六還有這些套餐，相信平日辦公時間一定很受歡迎。要注意的是：飲品並無熱門的咖啡和奶茶，但要讚的是，套餐加凍飲並不雖要加錢。而且芽菜、香葉等也豪不吝嗇。朋友點了蓮花茶，有淡淡的花和青葉味，我則點了好立克。我們不約而同都點了香茅豬扒。朋友點了湯粉，並加了$2轉做金邊粉，果然幼滑，雖然拍攝出來好像看不到有太多的金邊粉，但其實份量是大的，而湯底也不俗。我的香茅豬扒撈檬也是勁大碗！連酸甘荀絲、青瓜等也是好味的！份量之大，結果三個小時後還覺得很飽，最要讚的是調過味的魚露醋，絕對有劃龍點晴的功用！

今日上午過左鰂魚湧見客順便食個lunch, 個客 介紹附近有幾間越南嘢食都幾好, 咁我揀咗間直行入去試下啦, 睇完個餐牌就點咗生牛肉河和香茅豬扒及健康素菜米卷, 飲品方面叫做個三色冰和紅毛丹冰。生牛肉湯河湯底幾甜, 可惜河粉用返本地野並無用越南薄到透明可粉。香茅豬扒和健康素食米卷較為一般。三色冰無特色, 紅毛丹冰果肉帶紅有點怪。