越南牛肉粉專門店 (已結業)

上次和朋友在這裹試了生牛河、咖喱雞法包、越式拼盤、咸檸梳打。生牛河好味8分，拼盤有扎肉都可以６分，猪扒很乾::5分、春捲6分，唔知点解只给了一片生菜重係好细片，叫人點包春卷呀，咖喱雞入面只有一舊薯仔，但係就有好多番薯係入面，問啲亞姐佢地話番薯好食啲喎！我地真係食唔慣7分，咸檸好難飲，因為只给你一個咸檸檬和一罐無味梳打水4分。

吃午餐時, 連套餐選了越南凍咖啡但只是約杯子的一半份量, 還以為是吃人飲剩的眼見其他人的飲料都不像我這杯那麼少, 我已經問過待應, 她說是這麼少的我以前在剛開店的時候幫趁, 一定不會是這樣的sorry, 我會因為這個原因以後都不再幫趁

今日放工去食，叫左一碟香茅豬扒飯加一杯青檸梳打。碟飯一上枱就已經好嚇人，得幾舊似切碎左既豬扒，然後係一埋白飯加豉油，無任何拌碟。一食就發現d豬扒又凍又硬既... 杯青檸梳打仲恐怖.... 飲落口... 竟然有砂糖！我同伙記講... 佢既答案係：係呀.. 我地一向都係放砂糖架。凍飲都放砂糖？唔係卦... 唔會再去。

時近9:00pm，人客一點不少，其實在香港賣pho的，做得有點水準的話，真的不愁沒生意。太晚了，不想吃太多，就來一碗生牛肉湯河。先喝口湯，雖然有點鹹，但也夠濃郁，喝得出來鮮美的牛骨湯，也夠熱度，可以說是幾對辦。幾款香草是這裡的特色，金不換已是見慣見熟，鵝帝味道似芫茜，而看起來比較大塊及有咬口，加上青檸及紅尖椒，令湯底的味覺層次更豐富，滿意；生牛肉在淋過熱湯底後變得半生熟，不會像坊間一些賣生牛的，上檯已是熟牛肉；河粉是幼身的，爽滑而沾上了鮮湯底，亦美味。

星期五晚經過灣仔, 見到一間新開既越南餐廳, 叫"越南牛肉粉專門店", 見佢好光鮮, 裝修又靚, 梗係第一時間同男友入去試吓啦點知我地趟門入去時, 個侍應欄全住我地, 話依家得番小食供應, 咁我地就好冇癮咁踏番落一步離開....行行吓諗番都唔知係咪覺得我地阻住佢收工, 有乜理由賣麵既地方會冇麵食, 仲要果陣得9點幾....好似俾人呃咗咁......之後第2日唔甘心, 上網search, 發覺原來佢好多分店, 咁啱鰂魚涌又有, 索性近近地去樓下食, 去到海光街驟眼都唔見有個咁既裝修既舖頭, 點知望多兩望發覺原來到咗, 估唔到兩間門面差咁遠, 呢間"兜mou"好多, 仲要好細好鬼迫, 不過成氣街唯獨呢間爆爆地, 就照入啦....見餐牌d下午茶餐都幾平, 就叫咗個生牛肉粉+越南春卷+椰汁冰, 好快d野就黎......1)椰汁冰---唔好飲, 好似椰漿開水咁, 唔香又唔夠甜, 又發覺佢地d凍飲品係唔落冰, 好自然就會覺得唔夠凍.....2)生牛河---個湯味道唔錯, 佢地仲會俾籃菜你一齊食, 個籃有d青檸、九層塔、牙菜等香菜, 加埋落去撈兩撈, 原本生生地既牛肉就會浸熟埋, d粉好滑, 牛肉少

7月21日, 今朝早偷懶無返工~ 所以可以走去鰂魚涌同呀比食lunch~ 呢間越南野上環都有分店, 成日經過都聞到好香~ 但係就成村人等緊位… 今日可能晏咗, 唔洗等~ yeah!佢set lunch有兩種, 一個係粉麵+飲品 $37 , 一個係粉麵+小食+飲品 $47. 我同呀比2個人share 1個粉麵+小食+飲品set~::: 香茅豬扒凍檬 +牛肉蝦片+鹹檸七 ::: $47香茅豬扒凍檬真係超大碗~ 係一人半既份量!!!!!! D配料亦都非常之多~~~ 魚露係紅紅的, 甜酸得宜好好味~ 豬扒炸得唔太油, 肉質鬆嫩, juicy得黎而且有香茅味~ 檬粉夠凍~ 特別喜歡配料的花生碎, 好脆好惹味~牛肉蝦片有3大塊, 每塊都有手板咁大. 檬粉牛肉蒜粒花生按序鋪滿蝦片上. 牛肉細碎咗d~ 不過都夠入味~ 美中不足係蝦片唔夠脆. 但跟餐小食有如此質素已很驚喜!鹹檸七唔鹹. 明顯檸檬道行不夠.整體黎講好味又抵食!! 起碼佢d香茅豬扒冇令我失望. 建議2個人share一個粉麵+小食set, 唔係超級大食既已經夠晒full. 除開都係廿幾蚊~ 抵到爛.

午市套餐$471.生牛肉河~ 湯底鮮鮮地,唔會太咸,亦不算重味精. 牛肉亦不是膚顯的肥牛.2.炸春卷~ 麻麻,因為好少饀料3.咖喱牛腩飯$37 ~ 薯仔及牛腩超冧,咖喱味很淡亦很稀