越一越南牛肉粉專門店 (已結業)

呢間越式餐廳超抵食，全日免加一服務費！而且食物價錢唔貴，非常抵食！是夜同朋友叫左個二人套餐，每人$100都唔洗，有小食、粉麵、菜，飲品，超豐富！餐廳環境乾淨企理，坐得好舒適！非常嫩綠既生菜套餐包$18既飲品，鹹檸7成罐7up奉上，正！香茅豬扒河粉份量超足，豬扒香口惹味！肥肉既部分唔多，唔會很油膩！食越南野梗係唔少得食牛肉河粉啦！呢碗牛坑腩河粉牛味濃郁， 入口啖啖肉非常牛油雞翼size唔會太細隻，即叫即炸金黃香脆可口，超級惹味！牛油味勁濃，好似將成盒牛油放入口呀！豬頸肉紫米卷晶瑩剔透，紫米卷皮口感煙靱，薄得黎又將餡料包得實！一啖入口口感勁豐富！

呢間越式餐廳開左一段時間，一直想試但無時間，今日同朋友終於有機會去食。餐廳裝修有心思，充滿清新嘅感覺。餐廳食物選擇好多，既有單點亦有套餐，仲有廚師十大推介，餐廳主打牛肉粉，最後我地點左二人火車頭套餐，套餐包括二人分量嘅越一火車頭湯河，自選兩款小食及飲品。首先黎嘅小食係香茅雞翼同扎肉蒸粉包，雞翼炸得金黃香脆，唔會太油膩，而扎肉蒸粉包外皮夠滑，入面材料調味剛好，味道令人滿意。主角火車頭湯河好快黎到，份量十足。河粉煮得剛好，成功保持麵嘅質感，白蘿蔔新鮮大件，牛丸爽口彈牙，成功鎖住肉汁。牛筋牛柏葉尤整得唔錯，牛坑腩片比想像中更大更好食，唯一美中不足係生牛肉略熟。飲品方面我地揀左唔同味道嘅倒立冰沙，兩杯飲品都顔色鮮豔，而且唔會太甜，值得一試。最後埋單二百蚊左右，每人約一百蚊，就可以係舒適嘅環境下傾下計食足一晚，而且餐廳唔限時又無需加一，非常難得，值得推薦。

星期二晚上同至愛到黃大仙鳳環街嘅越一越南牛肉粉專門店開餐。餐廳以竹及竹制品作設計，再配上綠色嘅凳。感覺舒適，有如置身在越南。打開餐牌嘩❗有套餐系列、廚師推介、地道小食、街頭法包、法式飲品、越式飲品、啤酒、撈檬、湯河、越式飯類等十多二十種選擇。避免選擇困難症出現，我哋一致贊成點二人套餐👇牛油雞翼 春卷上湯生菜生牛肉檬粉香茅豬扒檬粉餐飲好快檯上擺滿豐富嘅食物牛油雞翼又想試，香茅雞翼又想試，好欣賞侍應窩心地滿足我哋兩種口味。 牛油雞翼外層酥脆充滿牛油味，內裏雞肉嫩滑，酥炸蒜蓉令牛油雞翼味道更豐富。充滿香茅味同香蔥味嘅金黃色香茅雞翼同樣肉嫩多汁。兩款雞翼各有各滋味。酸蘿蔔既可去油膩又令人胃口大開，同雞翼係絕配。春卷係越南美食代表之一，剛炸好嘅春卷配上勁多新鮮生菜、薄荷葉同酸蘿蔔絲。將春卷放係生菜葉上，再加入一两片薄荷葉，卷起來再蘸上魚露一齊食，感覺爽.脆.香，完全不油膩。上湯生菜吸收上湯味道，完全不需加什麼蠔油、美極等調味料，非常爽.脆.嫩.綠。生牛肉檬粉份量不少。先講湯底色澤不太濃，加入豆芽、蘿蔔、金不換(不肯定)同洋蔥等香草同蔬菜，味道夠天然。湯底熱度剛好燙熟生牛肉，肉質腍滑，滲出嘅肉汁令

“招牌都寫著牛肉粉專門店，言下之意即係招牌菜啦，係令人有驚喜既，湯底清香，不會過於濃味搶了牛肉自身的味，牛肉粉嫩肉質滑牛味重，河粉口感略為厚重，配料調味香葉青檬洋蔥所有野都好齊好正宗既越式做法，整體黎講黎碗牛肉粉有85分！！！ “大蝦柚子沙律，依個要大讚，個汁酸酸辣辣好醒胃，蝦係全隻既，而柚子係大大舊唔會話散曬好難夾起，啖啖柚子肉係口到爆柚汁，咁花功夫拎柚肉都只係賣$62，兩個字“抵食！！！“食物沾上佢每枱都有一枝既越式醬，味道更特別！！！ “鮮蝦米紙卷，皮薄餡料豐富，所有野夾埋口感好有層次好豐富！！！“牛油蒜蓉雞亦，香口野味，牛油配蒜蓉可謂最佳組合，炸過黎更香口！！！“咸檸檬水，好潤口好解渴，識飲一定要飲熱既！！！

今日去黃大仙見完個客，就同咗朋友喺黃大仙度食飯喇！本身都冇諗住食啲咩， 咁啱經過呢間越南嘢，睇落好似好抵食就入咗去啦！一入到去店員就比餐牌，檯面都算幾整潔，而且選擇算幾多元，有好多嘢揀。最後我哋叫咗個二人餐。「軟硬兼施」生牛肉湯河個湯底好濃郁，加埋青檸汁同埋辣椒落去之後，成個湯底嘅層次感豐富咗好多，辣味唔算好勁，但有陣淡淡嘅辣香。湯底唔會太鹹，牛肉味幾重。而且牛肉好冧，唔會太韌，咬落都冇筋，入口即溶。做配菜既蘿蔔都幾軟身，同埋洋蔥幾冧，整體感覺都唔錯！「相得益彰」豬頸肉越南春卷配料幾豐富，入面嘅粉絲好多，而且蔬菜好爽口。本身以為蔬菜會搶咗豬肉嘅油香味，喧賓奪主，但係咬落又有淡淡的豬肉香，豬油味都幾重幾濃厚。 加埋枱面嘅酸汁，好大得出蔬菜嘅新鮮感。呢度仲有我最鍾意飲嘅鹹檸七，鹹檸味好濃厚，而且唔會太多冰，搞到成杯嘢淡曬！「喜出望外」牛油雞翼係成餐飯令我最驚艷嘅一味！面頭嘅蒜同埋雞翼外皮完全融為一體，咬落好脆口！面頭既蒜好脆身，連埋個雞皮食好夾，而且中間好保留到肉質既鮮甜味，鎖到肉汁！原本我哋諗住額外叫多份牛油雞翼，但好彩冇。因為所有嘢食加埋食到超級飽！呢個二人餐真係好抵食！！！

同朋友一起逛街，經過一間越南小菜館，睇入去氣氛好和諧，有越南嘅感覺，於是跟朋友一起去品嚐一下。我們點咗一個二人套餐，我最鍾意食嘅火車頭金邊湯粉，我呢邊有好多美食，呢個係牛嘅產品好出名，火車頭金邊粉係好多牛類選擇:有生牛肉、牛腩、牛筋、牛百葉、牛丸……等等 份量都好大，二人份量的食物，個吃是非常足夠的。我們一齊慢慢品嚐味道好鮮味的湯，用骨來煲湯係好好味👍這個餐仲有扎肉蒸粉包同埋蝦餅、蝦餅好香好脆、好好味。扎肉加埋啲粉皮真係另有一番風味 ，加埋杯椰汁三色冰，真係一個上好嘅選擇。香茅牛肉米紙卷，米粉、生菜同埋啲牛肉齊用啲米紙卷住佢,加少少酸汁醋，非常惹味，非常好食。 佢份量好夠二人吃套餐，都食到我哋好滿足， 係值得試嘅餐廳。

諗住食個快飯再去荷里活商場行街。又唔想食附近嗰間粉面，因為實在太鹹！所以你試吓依間又有粉面又有飯嘅越南野！二人餐又唔係好吸引所以選擇單點～火車頭湯河-有蘿蔔、牛丸、牛腩、牛柏葉、生牛肉，每樣兩件～佢個湯OK唔會太鹹！河粉嘅份量都好多！白蘿蔔好好食夠淋甜！牛腩都好食！佢有少少肥 如果啲餸嘅份量多啲就好啦！三寶飯 - 雞翼、扎肉、豬扒，每樣兩件。扎肉係完全冇味囉！連少少鹹味都冇！豬扒都唔係好得囉！反而個雞翼好好食！不過睇得出店員係有熱誠嘅！

平時都好少會食越南野，但一食親就一定會食生牛肉湯河。但真心，唔係間間都整得好味。今次黎到越一越南牛肉粉專門店都唔例外，我都係叫左碗生牛肉湯河食。黎到餐廳，已經見到門口大大個招牌，裝修新淨企理。餐廳既裝修主要以竹既風格為主，而且梳化既顏色係綠色，非常配襯。望向牆身，有一段文字都係介紹生牛肉河，所以，生牛肉河真係唔叫唔得。唔講真係唔知正宗既生牛肉河入面係包含左d咩配料。我叫左碗生牛肉湯河，而我老公就頭頓三寶飯。另外，我地跟餐加左個越一炸春卷，另外餐飲升級左做薏米水。先講下碗生牛肉湯河 $38單係賣相已經好吸引，入面有生牛肉、白蘿蔔、鵝帝、金不換、芽菜、蔥花等等。整配麵因爲呢d配料而更加香濃。生牛肉非常簿切，而且肥瘦適中，而且肉質嫰滑。湯底夠熱，牛肉浸一浸湯底就已經熟了。頭頓三寶飯 $48三寶包括雞翼、豬扒、扎肉。鼓油係分開上，所以中意落幾多都得。而最值得讚既係雞翼。真心覺得雞翼好好味。雖然我唔知雞翼加了什麼香料，只知非常入味，外脆內嫰，同老公一人一隻，但食完都覺得唔夠喉。越一炸春卷 $12跟餐加配12蚊，其實仲有好多其他小食加配。入面既餡都非常豐富。有豬肉，甘筍絲、粉絲、木耳等等，口感一流

個人最近對越南菜的興趣有增無減, 在飲食網站找找資料, 原來在香港，越南菜館為數不少，但想要吃得經濟實惠一點的，還是選了來這裡, 來到時見店子的裝修很企理，燈光火猛的。 飲品方面，就來一杯椰汁紅豆冰, 椰汁甜度適中，紅豆煮得軟稔起沙。先來個小食法式牛油蒜蓉雞翼, 是即叫即炸的,每隻都炸得外層香脆, 但內裡的雞肉還是嫩滑和肉汁豐富，配合牛油和蒜蓉, 吃起來就更加惹味, 有意外驚喜。再來一味沙律，是柚子鮮蝦沙律, 在大蝦鮮味, 柚子肉也是甜美, 是好吃的一味沙律。吃越南菜又怎能缺少一味牛湯河？這菜色給命名為越一生牛肉湯河，可見店子是信心十足的。先飲牛湯，呈深色的湯頭鮮美而醇厚，灑幾滴青檸汁，鹹酸味俱備，吃得過癮, 河粉本身爽滑而有米香，質素也不錯, 牛肉淥得僅熟，口感嫩滑，整碗粉份量也不算太小，這裡的牛湯河，也吃得過。食物是正宗而且有水準, 價錢也是經濟實惠, 吃得飽飽的離開。

越南菜係我嘅第二最愛，咁岩我上網搵到間係黃大仙嘅越南菜餐廳，今次就拉埋我朋友去食，番屋企又方便。我地兩個人都唔知食咩好，好似所有野都好吸引，待應就推介我地食牛油雞翼二人套餐，入面包一碟菜、兩碗湯河、一款小食同牛油雞翼，我朋友話超想食牛油雞翼，所以我地二話不說就叫左呢個套餐，仲加左錢飲椰青同特飲。等左一陣啲野食開始陸續上菜，上湯生菜，淥入口都有一種爽脆感，唔會淥到過左火，同埋用上湯浸住啲生菜，比起就咁水淥生菜更加入味，唔會只有青菜味。牛油雞翼即叫即炸，四隻都大大隻，上面灑上炸蒜，更加惹味香口，皮脆肉嫩而且能夠鎖住肉汁。我揀左生牛肉湯檬，加左少少青檸汁同辣椒，湯檬加左九層塔同一啲蔥絲令味道更加香生牛肉經過熱辣辣上湯浸後，生熟度岩岩好上湯都好濃郁不膩，濛粉亦煮得唔錯，唔會散收收。朋友點左香茅豬扒湯河，先講香茅豬扒，香茅味好香，豬扒好鬆化，不得不就豬扒調味得唔錯。香茅豬頸肉米卷紙即叫即造，所以需時製作薄薄嘅米紙，入面包左豬頸肉、粉絲、紅蘿蔔、生菜等，用料相當豐富，點上越南魚露，更加好味開胃。點左兩杯特似，椰青同倒立柚子沙冰，椰青好清甜解渴仲可以食入面甜甜地嘅新鮮椰肉。雖然而家天氣涼涼地，但飲下

I rarely go to this stretch of WTS but was in the area after going to some Chinese Roast shop nearby.This Pho joint is evidently popular as it is at the busy stretch of the residential area.The menu has a lot of offer and they also have another branch in Tsuen Wan.Started with my favourite appetizer, the steamed rice pancakes.They were filled with delicious filling and the black pepper was very aromatic so it was very tasty and it had red dried shrimps hence the rosy red colour.Next were the sta

Bad service, worse food. Slamming the food in the table and taking the wrong order (credit to them, they changed it without any hassle but nevertheless, 2 meals should be too hard to remember)The raw beef noodles were bland and the beef was worse than frozen wet market beef. The spring roll was served as 1 cut into 2 pieces. Fried shrimp cake was floury, broke apart when you try to pick it up with chopsticks.Avoid this place like the plague.

今晚賣外賣保寧番茄牛腩飯，番屋企打開外賣見到牛腩只得3粒好似粒骰仔咁大，真係嬲左，個飯要52元，又難食又唔夠食，以後唔會再幫襯。奉勸各位買外賣時要睇食物份量。冇良心食物。

見間鋪頭開左都半年，就入去試一試叫左個越南火車頭配金邊粉，試試佢1. 金邊粉可以見到一舊一舊，無揚開過就煮，成個麵麵一陣粉味(見下圖-d粉一舊舊）2. 好啦...再試下件牛筋，真係又硬又無味道，一食就知係雪藏貨，雪味重（見下圖-一睇就知又硬又無味）3. 牛丸同個湯麵無味道，少少香草都唔放，放幾粒蔥花同比粒青檸就叫越南野...真係食港式牛雜河都好過食呢個麵4. 最後，飲下杯凍奶茶啦...好一般的奶加茶味，但值得一讚係夠大杯（見下圖-好一般但大杯的唔合格奶茶）總結：感覺似係其其求求將所有料煮埋佢就叫火車頭湯河，樣樣野都無味無特色，食物無靈魂，如果只為左飽肚，可以食下。

超難食 叫個牛肉飯 牛肉得6粒 仲非常難食 生牛肉湯河 牛肉得3片 湯底又無味 個厨房係咪有問題！真係唔明白點解可以甘樣比客人食！又唔係特別平 質素真的非常差！從未食過甘難食嘅越南嘢！