越一越南牛肉粉專門店 (已結業)

今日去左黃大揾朋友食飯，因為佢住果頭，佢帶左我去食越南菜🇻🇳入到去八點到，好彩係平日，唔算多人，一入就有位。睇左陣個menu，好似都係嗌二人餐扺啲，我地叫左二人套餐C - 越一牛油雞翼套餐，$198！貪佢咩都有啲😋套餐包牛油雞翼4隻熱辣辣既雞翼，旁邊有牛油包住，好特別之後緊係小食，我地揀左香茅豬頸肉米紙卷，一共有四舊咁多，每一舊都好足料跟住仲有個生菜同兩碗湯河！我嗌左個生牛肉湯河，朋友嗌左個雞絲扎肉湯河個湯河好入味，值得一試！總括黎講，以$198/兩位呢個價錢，絕對值得一試

在家中附近到處閒逛，看見越一，想起前陣子嘗過的牛肉湯河， 十分正宗美味。早到的關係，店內人客不多，環境感覺很舒適。食物的價格不高，但選擇很多。老婆依舊點了生牛肉牛坑腩湯河，美味依然。係我則被海南雞飯的推廣吸引，一嚐越式餐廳的海南雞飯。雞件無骨，用上雞肶肉，嫩滑非常。油飯很香，略硬。如果整體能配上一碗清清的冬瓜湯，就更圓滿。牛油雞翼$39有四隻，很划算。雞翼香脆可口，牛油味濃。青菜的份量也很多，絕對想不到是$18。整體食物不俗，環境服務也頗令人滿意，二人只吃了$175。

今晚約了朋友出來去黃大仙食飯。朋友想食越南野，於是我上網搵一搵見有間不錯的越南河粉店，於是我們去試一試。店舖位置都算易搵，由黃大仙地鐵站行過去都只是7分鐘左右！入到店內由於時間尚早，所以人客不算多。環境方面：枱面尚算寬躺，地方也十分光猛。衛生環境也做得不錯，地面上也沒有污跡！職員細心介紹菜單內的菜色，他推介越南牛坑腩河粉，因牛坑腩比較林，食客多數也點選來吃的！今晚我們點了一個二人套餐一齊吃！牛坑腩河粉牛坑腩帶少少肥肉及筋位，有牛香又唔韌之餘仲好有口感，起碼食完之後唔使不斷咁撩牙！湯底也十分香濃，河粉也比較滑！雞絲扎肉河粉雞絲扎肉湯河都幾好，清清地，仲有兩塊扎肉，味道不錯。湯底味道清甜，雞絲夠嫩滑，扎肉爽口，吃完還不覺得有味精！抵讚！牛油雞翼（四隻）雞翼上枱時仍可見牛油和蒜蓉係面，吃來不會太乾身，牛油和蒜香十足，邪惡，但極好吃！上湯生菜用上新鮮生菜，不需點蠔油也覺得很好味。份量也十分足夠！越一春卷春卷皮炸得好鬆脆熱辣辣食至正，而中間是有粉絲、少許肉碎、木耳絲，所以感覺唔會太heavy，味道非常好食！凍青檸梳打青檸梳打除左青檸味之外仲有一陣好清新的感覺，我同朋友都覺得好好飲！凍柚子茶凍柚子

今日本身黎黃大仙探混血兒BB😍點知呢... 佢病左🤧但既然on the way 出緊去最後同朋友選擇係附近食lunch然後先番歸-隨心揀左依間越南餐廳見佢環境都唔錯同埋朋友話突然想食越南野🤤我叫左碗豬頸肉撈檬豬頸肉都幾厚切，口感幾軟熟橯檬份量都多酸酸甜甜都幾開胃仲有新鮮青瓜蘿蔔切絲配菜幾有水準-朋友就叫左碗牛肉湯粉都算足料牛肉都唔會過un ，同冇「筋」湯河都唔會煮到好淋都算唔錯呢 依區黎講都算係一間唔錯既餐廳呀

我跟老人家一起吃晚餐，要地點就腳，食物岩食，其實不容易。特別是兩個人食飯，要吃大家都喜歡的食物，在選餐廳的時候真的要花點心思。這次選擇的越南餐廳，主要是因為老人家喜歡吃濕的粉麵。價值$42 的香茅雞翼湯河，湯底比較多油，不過飲落都幾清，不會感覺很油膩。河粉爽口，很不錯。新鮮炸好的雞翼，味道自然不會太差。越式三寶撈檬＄56，三寶包括豬扒、雞翼及扎肉。我喜歡這個扎肉，口感彈牙，又加入了胡椒粒，使扎肉微辣，並增添香氣。越一春卷＄38，真的很香脆，配合生菜，口感更佳。給自己點了飲品-倒立忌廉柚子沙冰。忌廉跟柚子味道匹配，這有點意想不到。飲品相當出色！簡單而美味的菜式，都是廚師用心的作品。越式粉麵雖沒有太多驚喜，但味道屬中上，而且價錢相宜，是值得再來的餐廳！

今日和朋友往越一食dinner, 我們點了香茅朱扒飯, 炸蝦餅撈檬、倒立柚子沙冰和越式札肉檬生菜包。香茅朱扒飯朱扒炸得香口惹味, 肉質鮮甜, 蘿蔔絲鮮甜開胃、生菜爽口、蝦米和蔥花食落醒胃、醬汁鮮甜、飯好軟綿, 美味十足的香茅朱扒飯；炸蝦餅撈檬蝦餅炸得金黃彈牙, 青瓜絲食落清甜, 撈檬爽口, 配上醬汁食落開胃美味；倒立柚子沙冰賣相好有特色, 有點似韓式特飲, 柚子味甜度適中, 十分好飲,好一杯消暑特飲；最後越式札肉檬生菜包札肉惹味彈牙, 青瓜絲和生菜食落爽口, 配上蝦米, 蔥花和甜酸汁食落惹味開胃。餐廳食物美味, 價錢合理, 座位舒適, 吃了一頓豐富越南菜

尋日去左放工去左黃大仙果頭搵朋友拎野，之後佢話一齊食飯，就帶我黎食越南野～好耐冇食越南菜，所以都OK~我地一人一碗河，我叫左越一綜合牛肉湯河，入面有好多料，EG, 生牛肉、牛腩片同牛丸，生牛肉鮮嫩、牛丸彈牙，湯底亦非常好味～而朋友就叫左個蕃茄牛腩湯河，蕃茄湯底味道濃郁，佢係咁話好正～另外我地亦點左蘿蔔，食落好清、好甜～仲有叫左個小食, 就係牛油雞翼，外層炸得好香，感覺係有少少熱氣，但內裡雞肉好嫩，唔錯！叫埋叫野飲, 最後埋單先係HKD170, 好抵！值得再來！

最近屋企人系屋企附近買送 發現到一間店舖專食越南野；今晚屋企無煮飯就提議左去越一度試下味道如何～位置黎講刀幾易搵 位於馬會格黎，店舖吾大吾細 差不多坐滿食客！職員服務態度刀好有禮貌。火車頭（2人份量）檬粉 配 （小食兩款）香茅豬扒＆香茅雞翼：二人份量真系一啲刀吾少，檬粉好滑 吾會一夾就斷晒 湯底無甘重香草味 飲落咸咸地。另外仲有吾少牛既配料：牛柏葉 吾會太硬 仲有少少爽口；牛根好林好滑 數量刀幾大舊下；生牛肉 口感吾會太鞋身 不錯！兩款小食 雖然份量比正常既份量較少 但可以有兩款小食可以比食客試下！香茅豬扒好香口 咬落吾硬身 不太油 值得一試。香茅雞翼幾脆口 食落仲有不少肉汁！椰汁紅豆冰：超多椰汁！帶有甜甜既椰香味 紅豆好林身。越一春卷：雖然外觀一般 但食落幾香脆 但個人覺得比較油身；但屋企人覺得吾錯！

聽街坊說鳳凰新村環鳳街，開左一間食越南菜的食店，名叫越一越南牛肉粉專門店。味道很好吃，可以去試一試！今天剛好我沒有時間買餸煮飯，於是就和老公、女兒前往食晚餐。餐廳地方雅潔，座位舒適！香茅豬扒湯河：湯底鮮甜，豬扒另上，煎炸至金黃色，入味帶口感，河粉夠滑，好味！倒立忌廉抽子沙冰：現在好流行倒立飲品，2種味道加埋，再加些沙冰，清涼解喝，好飲！越一火車頭套餐(二人餐)：材料好豐富，有生牛肉、牛腩片、牛丸、牛筋、牛柏葉，檬粉或河粉，我選了檬粉，整碗檬粉充滿牛的鮮味，配用牛骨㷛成的鮮甜濃湯，使鮮甜味升級，美味極了！套餐可選2款小食，我選了香茅豬扒和雞翼，入味又香口，豬扒有口感，雞翼嫩滑，令人食不停口！套餐包飲品，我喜歡椰汁紅豆冰，椰汁香甜，紅豆夠林，甜度適中，美味可口！越一春卷：香脆可口，餡料惹味，不錯的小食！

黃大仙附近要數多嘢食，除咗新蒲崗，就係鳳凰村嗰邊。同老公過去搵食，好好彩在一間越南食店門前搵到車位。裝修都唔錯，開門後店員服務殷勤，決定一試。食物的選擇都唔少，應有盡有，而且價錢都幾相宜，四五十蚊就有一碗麵或者小食。黎到越一，當然要試吓最出名的牛肉湯河啦。老公點左一個生牛肉湯河，我就豐富D，點咗個牛肉拼牛坑腩。配料的份量唔少，而且質素幾高，口感軟又有鮮濃的牛肉味。再講湯底同河粉，湯底係真正用牛骨煮成的牛肉湯,鮮味十足。河粉薄薄，可以充分吸收湯汁。小食當中我最鍾意牛油雞翼，表面炸得香脆，一咬開牛油味爆發。牛油同雞翼的脂油融和，好邪惡但令人好滿足。呢個蝦餅相對地驚喜不大，但就份量十足。兩個人粉面、小食連飲品都唔使＄200，唔怪得咁多人來鳳凰村搵食啦！

星期五放縱一下，要食餐勁既讓自己開開心心！獎勵自己勞碌了一星期的工作！香茅豬扒飯份量比想像中多，豬扒炸得香脆而不會太燶！牛油雞翼有大份同細份揀，我地就點左細份嘅牛油雞翼，一碟有四隻，幾抵食，唔太貴，$39咋！牛油雞翼未食已經聞到濃濃的牛油味，雞翼size唔太細隻，正呀！另一個既小食係我最鍾意嘅紙米卷，揀咗豬頸肉做餡！紙米口感煙靭，麵包左青瓜、蘿蔔絲、生菜、檬粉，口感非常豐富！香茅豬扒湯檬非常正！檬粉幼滑，湯底想粵式香菜，風味十足，好味美！隨碟附上青檸及辣椒調味，啱晒喜歡吃辣的我！

今日落錯車經過呢間 男人去即興去馬會，我咪同小朋友就附近搵野食。想食湯麵野就入左呢間，叫左兩個午餐加個小食春卷好似叫做做三牛河，有三種牛的，國牛丸，牛腩，牛肉（男人食的）所以冇睇到個名食越南野我都好中意 雖然戒左牛 但都飲個湯好似好難全戒了 慢慢來吧罪過罪過湯式算好，不過都未到最好 未夠濃 但好食過我之前同家姐去觀塘果間樓上越南店多多聲囉我叫左個雞翼湯檬，雞翼炸過龍，雖然好夠味 但過左就乾了 影響個味份量都好夠的加左個小食，好似成20幾蚊得2條，而且炸到咁黑 咬落又唔好食 好一般，食左一啖比左男人試 佢都唔肯再食埋另一條 平時都冇咁挑 證明左呢個菜式的味道有幾總結 下次可以試 因為湯麵都唔太差 但炸物就可免即免了

越南菜嚟講呢一間 中規中矩，價格相當合理，質素就還可以，但是環境有點擠迫。今口點了三個小食，泰式鳳爪最出色，無骨鳳爪加惹味薑汁酸酸辣辣好開胃。 炸蝦餅稍為遜色，雖然熱辣辣但是不夠脆身。另外，炸春卷就相對脆口，但是有一點過火，可以參考下圖片 ，有d濃濃哋@@主食方面，點了一咖喱牛腩湯河，是日最值得推薦的一個，牛腩炆得好琳，同牛坑腩沒有兩樣，咖喱配河粉，整體感覺好好。其實，還點了炸豬扒金邊粉和豬頸肉金邊粉。炸豬扒，炸功不錯，完全沒有油膩的感覺👍🏾👍🏾

這間食店想試好耐，但以前經過次次都要排隊，唔想等，所以冇試。今晚夜左收工，經過這裏，終於唔洗排隊，就入去試下先，結果係令人失望。先講環境，地方唔錯，坐得舒適，食物就差D啦！叫左碗咖喱牛腩湯檬，牛腩太韌，檬粉又碎又淋，咖喱又唔夠味，普通之極！

今晚太夜收工，無咩胃口，故此想食越南野。之前夜晚已經試過生牛肉金邊粉，都覺得吾錯，，就想再試多次，點知今晚食果個價錢貴些少的牛肉金邊粉，金邊粉太碎啦都俾客人食，我覺得吾合格，應該吾出得街，向店員反映，佢地解釋因爲吾夠湯才會這樣。呢個解釋好難接受，點會因為湯少，粉就會碎成咁聽完呢個解釋，算！之後我都叫左2個小食，炸春卷及粉包，春卷食得出新鮮炸，粉包一般，係用紅蘿蔔絲，冬菇絲包成，上面有乾蒜係上面，鐘意淡味的客人會鍾意。而店內提供的酸汁，味道亦一般，吾夠味。