越一越南牛肉粉專門店 (已結業)

外賣叫左蕃茄牛腩飯 牛腩硬的咬唔開，所謂蕃茄只係平時食薯條點嗰啲茄汁加啲水，咁都可以出街？個櫥房發生咩事？另外叫咗生牛肉湯河，牛肉又係點咬都唔爛，十分之失望，希望各位吾好俾依度嘅笑臉呃左

星期六, 訓到自然醒,一訓醒肚餓自然就搵野食,有間越南野開左一段時間,又係聽人講話有誠意好食咁啦,咁就即刻搵腳帶路。平日既下午茶1400開始,星期六就1500,嗌左香茅豬扒金邊粉啦,生牛肉金邊粉啦, 仲有個撈濛, 外加三個小食,每個係加十幾蚊。呢個係無骨鳳爪, 加十幾蚊算係咁,不過友人話今日唔夠味 生牛金方粉, 無花無假,牛真係得咁多咋, 但碗湯味道可以,重點好夠熱!呢到係兩碟春卷, 啫係廿幾蚊,加十幾蚊得一舊就真係差了點。香茅豬扒金邊粉,呢個本身好期待,因為友人力推不乾,我本身對豬一般,今次食好鞋同乾,友人都表示今日差左。呢個撈蒙我無試整體黎講啲野有誠意, 不過今日我試就一般,而友人話好失準,所以係會再試,但未係好好食

To be fair呢間餐廳真係幾好食又幾抵 但係服務又真係一般 所以我糾結咗一陣到底比咩評好 中評啦😂😂先君子後小人 讚哂先環境睇落四四正正六個人叫咗三個二人餐 每人＄100多啲有四碗正常size嘅湯粉 一碗二人份嘅火車頭湯粉 同好多小食😲以上都係正常味道 份量仲幾大 估唔到跟餐嘅軟殼蟹同鳳爪竟然有成差唔多10件🤭 餐飲要越式特飲又唔使加錢😛但係鳳爪同米紙卷就差少少🙊 鳳爪冇乜味又唔酸又唔辣 米紙卷好容易散 我哋夾咗三件之後 淨低嗰件無啦啦自動散咗😂呢個就係必須推介嘅牛油雞翼 真係超好味 好香 配埋d乾蒜超正😂😂🤤好 然後等我用100字歸納下佢嘅服務質素 碗唔係幾乾淨🧐 朋友話上次嚟有得轉撈檬但今次冇🧐 confirm多咗次都落錯飲品同湯粉🧐 將隔離杯嘢飲上錯俾我哋🧐 每次上菜都砰一聲放低🧐 （其實我明白嘅 臨走嘅時候聽到d staff傾計 話OT左四個半鐘 打工仔🤦🏻‍♀️ 但係爭啲食客嘅立場 我又真係唔算滿意...）就係咁 一間好食又抵食嘅餐廳我都唯有持平地比個中評了😂

凍冰冰，都唔想行咁遠，就係屋企附近食越南野。我地4個人叫左二人餐加啲野，都幾抵食，個餐有牛油雞翼4隻：牛油雞翼好食一款小食-春卷4舊，好好食兩碗粉面：豬扒檬粉，生牛肉河粉兩杯$18野飲一碟菜好食又抵食！

又到越一了！上次跟老人家來過這裡，近日他主動提及這餐廳，所以這次一家人來。我們點了一份越一招牌拼盤，有春捲、炸蝦餅、香茅豬扒及香茅雞翼。很香口的小食，新鮮炸起，十分美味。我們還點了一份海南雞飯套餐，包括越一海南雞半隻、上湯生菜、椰菜雞絲沙律、油飯兩碗 及飲品2杯。二人餐很豐富，而且價錢商宜。沙律頗清新，味道不錯，分量亦多。海南雞跟油飯是絕配。雞嫩滑，而且肥瘦適中。油飯的香氣則是使人滿足。飲品分別是凍檸檬菜蜜及鹹檸檬水。味道正常，甜度適中。地點方便、價錢商宜，味道不錯，是會再來的餐廳！

食親越南嘢 我都會叫生牛肉河一碗粉一條春卷簡直係不錯的晚餐選擇而且這裏的越南河粉完全跟上了正宗的包括有金不換 紅椒粒 青檸 見到呢度食越南粉會放上了青檸完全代表了店主做菜的熱誠生牛肉個湯底有濃濃的牛肉香味而且牛肉的份量都好多牛肉都好入味另外同行嘅朋友叫咗香茅豬扒湯河豬扒份量多肉唔係死實肉有味道而甜美而且湯底仲有陣陣金不換香味喺度清香非常小食方面額外加配了春卷上枱時已經一分為二配菜有至愛的金不換爽趣生菜片脆皮春卷入面塞滿豬肉碎味道濃香加上沾上了雞醬一齊食十足食緊泰式香葉肉碎每一啖都覺得幸福

今日同屋企人一齊黎食 因為呀媽冇煮飯 咁就休息下啦 出街食 黎到呢到鄰叫到間越式野裝修門面都好新 係新開既餐廳 咁就入去食 叫左沙律 律牛油雞翼 扎肉同埋越式火車頭 呢幾樣都係幾好食 正常

上次去荃灣已經試過越一越南牛粉專門店，今次喺黃大仙又見到呢間舖頭，所以一定要再來一次。今次叫咗個二人套餐海南雞飯套餐，有海南雞半隻配上湯生菜，仲有椰菜雞絲沙律再埋油飯兩碗又可以揀兩杯18蚊以下飲品。雞肉香滑無比，配埋特式雞醬，特別好味。椰菜雞絲沙律份量十足配埋炸蒜片蔥片，連埋九層塔一齊食，滋味無窮。配埋兩碗大大碗嘅黃油飯。飯煮得粒粒分明 再加上一啲秘製材料，令到個飯特別惹味。配埋全走嘅生菜，仲有兩杯嘢飲，呢一餐真係豐富無比。食完先發現，原來全店不加味精。有廚師悉心嘅烹調配搭出均衡嘅美食。

今日陪朋友過黎黃大仙拜神，拜完過黎食埋飯～見到呢間越南野光猛企理，入黎試下正唔正先～扎肉蒸粉包4件 $42主角扎肉好豪氣厚厚一片～上面灑左炸蒜同蔥油～粉包嘅皮好滑而且唔厚，入面係木耳甘荀等等嘅雜菜，食落好清爽唔油膩三寶撈檬 $58有香茅雞翼、豬扒同扎肉，肉類腌得入味，炸到金黃色，好鬆化，香口野我至愛呀～配料仲有蘿蔔絲、花生、生菜、青瓜同炸蒜。檬粉份量都幾多，夠飽肚香茅牛肉撈檬$48怕熱氣可以試呢個牛肉撈檬，唔係炸嘅，牛肉好滑但食得出無落鬆肉粉～出面而家好多牛肉都用鬆肉粉拿到梅晒上湯蘿蔔$18蘿蔔好夠淋，清甜無渣椰汁紅豆冰$18椰汁夠多，唔會水汪汪食到飽飽仲要每人唔洗$100!!!!

今日去左黃大仙探親, 之後去左附近舊區搵野食, 對呢到舊區唔係好熟路, 行過對面見到呢間越南野, 望左menu都幾抵食就入去原先諗住要火車頭share, 加春卷雞翼既我地坐低後發現有二人餐幾抵食, 仲有齊我地本身想食既野, 於是叫左個二人餐C先黎左個上湯蘿蔔, 味道清甜, 蘿蔔好淋又無渣牛油雞翼, 蒜味濃郁, 外皮超脆, 加埋炸蒜片食, 非常香口雞翼就算擺耐左, 雞翼都無滴哂油, 依然保持香脆 春卷, 餡料豐富飽滿, 一樣炸得好脆, 跟埋新鮮生菜, 酸蘿蔔絲可以包住春卷黎食, 食法正宗可以將春卷點埋佢個魚露黎食, 個魚露幾特別, 辣辣地, 有似D加左辣椒醬咁, 幾惹味二人餐係每人一碗河粉, 可以揀生牛肉, 牛坑腩片, 雞絲扎肉, 香茅豬扒, 香茅雞翼我要左牛坑腩片河粉, 同等價錢有得揀牛坑腩, 係外面餐廳通常都要多幾蚊先有坑腩牛骨湯底清甜又唔油膩, 又無味精, 加上唔同香菜, 令牛味顯得更豐富牛坑腩份量多, 大部份都好軟腍又有咬口, 但有一塊較韌老公就要左香茅豬扒河, 豬扒係另上肉質鬆軟又入味, 煎得好香口餐飲可以跟$18以肉飲品咸檸七都叫到, 抵飲另一杯叫左熱既咸柑桔水, 味道少少咸

今日同哥哥嚟咗黃大仙食越南菜，叫咗個椒鹽軟殼蟹二人套餐。椒鹽軟殼蟹係我哋嘅至愛，嚟到唔夠1分鐘都已經俾我哋食晒。頭盤揀咗春卷四件，非常香脆，本身已經好鍾意食，呢度好啱我地口味，食完都想嗌多份，但又驚食唔晒其他嘢，所以都係留返下次啦。之後仲家有得揀要上湯蘿蔔或上湯生菜，我哋就叫左上湯生菜啦，因為生牛河都有蘿蔔，生菜份量都唔少，兩個人食剛剛好。呢個天氣喉嚨唔多舒服，所以叫咗熱柑橘水，飲完成個人都舒服晒。

香港既越南餐廳真係少之又少之前有食開個D都係感覺上污污糟糟呢間比我既感覺係環境乾淨企理 生牛肉拼牛坑腩片湯河食越南野不得不食梗係佢地最出名既湯河啦生牛肉亦都係特式食物之一呢度既湯河SIZE超巨大入面既材料都唔惹小我個人黎講都幾鐘意個生牛肉, 比我想像中冇咁血腥味反而半生熟既口感同牛味都係我最鐘意既牛坑腩份量都唔少, 吸收左湯河既味道佢都幾爽口同埋唔痴牙係正既加埋佢D醬汁真係一流 香茅雞翼叫左碟香茅雞翼(4隻)過一過口癮, 一上到台已經聞到好香既味道香茅味重, 岩岩炸好既所以上到台仲係出哂煙咁個皮炸到脆卜卜, 肉質都KEEP到幾嫩滑!! 唔會太乾飲品就當然係特色既紅豆冰, 椰味重!! 岩哂我口味

係黃大仙呢頭都好少越式既餐廳今日就試下新野, 黎到呢間度食我既晚餐 越式鴛鴦飯 豬扒雞翼鴛鴦飯同單拼飯既價錢只係差少少, 咁就梗係比多幾蚊食多D餸估唔到雙拼既餸份量係DOUBLE左, 有2隻雞翼同一大片豬扒我諗成個飯既精髓一定係個越式香料, 撈埋D飯一齊食勁香口, 而且飯既份量都幾大下雞翼好香口, 脆脆的表皮, 入面就勁香矛既味道店家好細心咁已經幫我地剪開左塊豬扒, 唔洗一大塊咁食咁狼狽勁香勁好味!! 泰國椰青估唔到呢度竟然有原隻椰青飲, 飲落好清甜, 椰青味都幾清甜, 重點係佢D椰青肉係可以刮黎食, 味道淡淡的但係幾香下, 原隻椰青上既餐廳真係少之又少, 飲落的確係唔同既感覺同味道! 

今朝去黃大仙見完工, 未到lunch time又覺得好肚餓, 經過見到呢間越南餐廳越一, 見個名好有霸氣, 於是入去試下!由於都幾肚餓, 叫左一人份量的火車頭湯河粉, 湯好清, 牛腩同河粉都份量十足, 牛柏葉都幾爽口, 最有驚喜的是蘿蔔, 清甜多汁, 不過我食開辣, 落晒D辣椒仔都唔太夠辣, 好彩餐廳有是拉差辣椒醬可以任加, 仲有齊兩款添。食越南菜緊係唔少得炸蝦餅, 蝦餅色澤金黃, 外脆內軟, 又唔油膩, 食既時候加少少辣椒醬, 味道無得頂!跟餐+$6 可以配椰汁三色冰, 椰汁味香濃, 紅豆綠豆份量十足, 食完熱辣辣的越南野嘆番杯冰真係一大享受! 正! 下次黎黃大仙都會Encore呢間越南餐廳

相約朋友在黃大仙食飯，朋友推介到這間越南餐廳。午市供應套餐，有越式湯河，飯類及撈檬選擇，包一杯熱飲，還可加錢添加小食及升級特飲。越一生牛肉牛腩片湯河生牛肉嫩滑，牛腩很鬆化，牛味十足。河粉份量多，大大碗保證飽肚。越式香茅豬頸肉湯河豬頸肉質感彈牙，香茅味突出。越式炸蝦餅蝦餅口感香脆，蝦味濃郁。西貢札肉蒸粉包上枱熱辣辣，札肉大大件，粉包內有多款饀料，口感豐富。泰國椰青椰味突出，解渴一流。越式滴漏咖啡上枱後要等一段時間，慢慢等咖啡滴下來，再用匙羹伴勻，那就是一杯優質越南咖啡