越一越南牛肉粉專門店 (已結業)

今日同堂細妹去開鳳凰村附近，諗住一住食埋晚餐先返屋企。住開黃大仙咁耐都知道鳳凰村好多隱蔽小店，今晚突然想食越南菜就決定一試。鋪面好大，夜晚唔會太多人迫，可以坐得舒舒服服。佢有二人餐選擇，分別係火車頭，牛油雞翼同軟殻蟹，價錢都好合理，唔算貴。我地要左牛油雞翼個餐，好香牛油味，上碟熱辣辣，肉質鮮嫩，仲好大隻再配合個米紙卷清下油膩，好夾，份量都好多。野飲我地叫左凍咸甘桔同熱薏米水，不過不失。主菜係試左生牛肉檬粉同香茅豬扒河，真係好大碗，份量一啲都唔孤寒，牛肉鮮嫩，好味，豬扒剛剛好，真係好入味，推介！之後仲有個生菜配埋，成餐飯都好飽，岩哂餓鬼去食，埋單先200，仲要免加一，好味兼抵食！下次一定會再去想試埋個軟殻蟹

黃大仙及慈雲山一帶都有不少出色的車仔麵餐廳，但有時也想食下其他款式，這間越式餐廳是我最愛的食lunch 好味之選呀！午餐時段有套餐選擇，價錢相當親民，有時還要起門外等位呢！午餐最主要是飯類、撈檬及湯河等選擇呀！而且還可以加越式小食及特式飲品！！越一牛肉湯河🐮我點了越式牛肉湯河，湯底十分濃郁，加入九層塔及青檸汁等令湯底的味道更突出！湯河內有多片牛肉，牛味夠加上入口嫩滑！加上白蘿蔔浸在湯中，完全吸收哂湯的精髓，正呀！安南雞絲扎肉湯河這是同事點的湯河，同樣加入了大量的香料！扎肉沒有鞋口的感覺，湯底香濃！紅河炸蝦餅蝦餅有別於一般的炸蝦餅，冇厚的粉線！蝦餅彈牙，配上辣的醬汁，很開胃呀！凍奶茶奶茶香滑，提神的最佳選擇！

今日天氣又熱番，亦遇到幾件唔好嘅事。例如搭MTR遇到查票人員，乜我似壤人，唔買飛嘅人咩？約咗人吃飯被人放飛機，本來靠晒佢帶路吖，唯有自己google番，急急哋又入錯mumber，因此兜咗好耐先到餐廳。唉……到咗餐廳門口見到醒神嘅綠色招牌，心情即刻好返好多。呢間店名以越南牛肉粉專門店命名，係人都知佢主打嘅係咩?咁就叫返個綜合牛肉湯金邊粉，比普通嘅生牛肉粉多咗牛腩片和牛丸，材料更加豐富啲，粉係可以揀河粉或金邊粉嘅。牛腩片2大塊生牛肉及彈牙的牛丸見Menu上面西貢扎肉蒸粉包呢個小食嘅賣相相當吸引，而跟餐叫嘅份量小D，但也平D，於是又叫多一份。扎肉下面的粉包，透明的粉皮下多種雜菜的餡料，睇得吃得。成間餐廳裝飾用咗很多竹，牆壁上 、天花上……連竹製斗蓬也用來裝飾，滿满越南風，為咗配合個粉，配合個環境，加18蚊叫埋個椰青就perfect哂。享用了美味的一餐，所有唔愉快嘅嘢忘記晒囉

新年到，又要四圍出去拜年🤤🧧去之前係附近填飽個肚先😛見到呢間越南餐廳有開門😬正！有我最鐘意既 酸辣無骨鳳爪🌶🌶大大碟，用左好多辣椒洋蔥 落去調味，夠哂惹味香辣，好清爽開胃！仲叫左個小食：香茅雞翼🐓肥肥大隻既雞翼，炸到雞皮好香脆。雞肉好入味，好香既香茅味，又幾好味喎！😺朋友叫左海南雞配油飯😬肥美既雞脾肉，睇見都流口水。雞肉嫩滑，太會好油膩。配埋薑油汁。職員建議我地沾酸辣汁，又真係幾好味，覺得仲好味過沾薑油喎！👍我就叫左呢度既招牌菜😋火車頭湯河粉哇，都幾大碗架喎！有好多唔同款既餸。有生牛肉，牛丸，牛根，牛腩片，蘿蔔🤤好豐富！生牛肉就最好係佢未完全熟哂就好食喇😬好嫩滑既肥牛喔！牛根好煙韌嚼勁，都好多舊！牛腩片大大塊，連埋啲根位加少少脂肪，好煙嚼，好重牛香味！蘿蔔都炆到好林，好入味。食到大家都好飯呀！

今日同朋友上跳舞堂前黎食野，之前試過荃灣分店不錯就試下黃大仙我地散叫冇叫餐，叫左以下野食生牛肉河河粉軟滑，湯汁好有牛味。簿切既牛肉片上菜時仲係鮮嫰粉紅色既，唔洗一陣就熟啦！配送金不換，增添香氣豬扒撈檬檬粉汁甜甜地帶淡淡的蒜味，幾乎嚐不到辣味豬扒是厚切的，份量足，酥酥脆脆甜中帶酸的酸蘿白起畫龍點睛之用，豐富左檬粉的味道與質感另外點左兩個小食，分別係牛油蒜蓉雞翼同炸軟殼蟹米紙卷雞翼的粉漿酥脆可口，吸滿牛油蒜蓉的香氣。記得食過一些店舖的牛油雞翼並冇上粉漿，只能沾上些微蒜香，相較之下立見高下。米紙卷的米紙煙靭有彈性，包住檬粉，酸蘿白，金不換及軟殼蟹。整體包得十分緊實，用料足，對胃口小的女生來說可以當正餐呢最有驚喜必然是飲品，同朋友叫左唔同既飲品，一個係三色冰，一個係薏米水。兩杯飮品唔止大杯，更非常有內涵！三色冰非常有椰奶香，煮透的紅綠豆亦唔會搶走椰汁味，滿足到重口味既朋友。薏米水清清甜甜就啱想食清D既朋友。兩個人食到肚滿腸肥都只係二百幾蚊，滿足越南癮又唔傷荷包，大満足呀！

餓住個肚由黃大仙站行過去，地點唔太就腳，但野食真係值回票價！叫左海南雞飯同牛肉撈檬，兩款都係五六十蚊既價錢，但份量唔少，重點係好好食！我食過好多唔同舖頭既海南雞飯，呢間既海南雞真係堅有雞味😂係食得出似新鮮雞，好鮮味！牛肉撈檬既牛肉甜甜地咁好易咬，又係好好食！真心推薦呢兩款！

正宗越南牛肉河，有著鵝帝、金不換、芽菜、蔥花，再配上青檬同辣椒！餓著肚子與友人在黃大仙尋找美食，走進這間裝潢光猛，乾淨涼美的餐廳，寫著學生全單八五折。主調為生牛肉的餐廳，差不多每個餐都有這配搭，我們點了生牛肉河粉及牛肉牛腩片湯河。同正宗的牛肉河一樣，有齊各樣配料，廚師調節著生牛肉的熟度，讓客人在準備吃的時候再浸一下熱湯便變熟可吃，牛肉勝在嫩滑，加上新鮮爽口的芽菜，好有口感，加上自助海鮮醬或辣椒汁，調較出個人口味後入口更佳。由於太餓的關係，我們還點了扎肉蒸粉包，的骰兩件裝一口落肚，薄薄的粉皮包著肉餡料，OK！跟餐還有大大杯菜蜜與檸蜜不用加錢。好像其他區也開始有專門店，可以再去！

獨自一人今天大約一時半來到黃大仙區的越一越南牛肉粉專門店吃了一個滿意的午餐。頭頓三寶湯河粉 （$58）河粉來到的時候，驟眼看以為粉不太多，但吃起來之時便發覺其實份量並不少。這裡的切得幼幼的河粉亦算滑，浸在那秘製美味的湯底，再和那爽脆芽菜、金不換和蔥花一起吃，別有番風味。喜歡的話，更可搾點青檸汁在湯粉上，令整碗湯粉變得更清新。吃得辣的人，更可放小辣椒一起吃，應該亦有一番風味！三寶包括有炸豬扒、炸雞翼和扎肉，放在生菜上，賣相悅目。切片越南扎肉的胡椒粒和魚露味較突出，頗為惹味。豬扒和雞翼都是炸得恰到好處，肉質仍嫩滑，吃起來亦有濃濃的香茅味和蒜蓉味。若將豬扒和雞翼沾些越式魚露青檸汁來吃，更美味無窮。

呢間店喺黃大仙附近，喺屋村附近，價錢實惠，水準高！晚市時間坐滿哂人啊！佢呢度最出名就係食牛肉粉，有好多唔同款，另外，亦有海南雞飯同一啲特別既野飲！牛肉撈檬$48呢個牛肉撈檬啲牛肉好香，亦都唔會好腍，咬落去好有咬口，至於撈檬既汁亦都整得好好，佢既蓋口位置亦都好貼心咁加左開關，好衛生。海南雞飯$52我估唔到做街坊生意既小店入面既海南雞飯可以做到咁高水準，佢既雞好近鮮，層皮完全唔油，又嫩滑，油飯亦都好惹味，係有淡淡既椰子香。豬頸肉青木瓜沙律 $52豬頸肉都係好香口， 青木瓜沙律有少少辣。倒立忌廉梳打柚子沙冰 $28呢杯野飲真係好得意，成支忌廉梳打倒轉左但又唔會漏出黎，用黎打卡呃like一流啊！呢餐食左咁多野同咁飽都係$198，抵！

今日突然間好想食越南野。好彩俾我係附近見到呢間專食越南野餐廳😬👏🏻呢間環境都坐得舒服😌lunch時間都好多人黎食！有lunch套餐，送飲品。食越南🇻🇳野，點可以唔叫生牛肉河呢🤭我叫左雙拼餸，生牛肉加牛丸河🍜都好大碗。湯底好濃既牛香味，再加點香料 辣椒🌶️青檸同香香，令到個湯底好惹味！河粉索哂個湯，好入味。生牛肉都好多塊😋建議想生啲既話就要快啲食喇，好快浸熟。牛肉都幾嫩，牛肉味重。牛丸好彈牙爽口。朋友就叫左豬頸肉撈檬🐖試左佢啲豬頸肉，煎得幾好味。豬頸肉好大塊，帶有少少肥肉，食落好爽口香濃。檬粉加上酸醋汁，凍食檬粉好開胃惹味！食哂成碗都好飽！餐飲我叫左熱菜蜜，甜甜的，好滋潤既感覺。😛

今天我們這一家三人，去了黃大仙廟拜神，然後回家在樓下一如往常食東西，很久都沒有去越一吃於是去了越一食東西，吃了生牛河，酸辣鳳爪,春卷，三寶飯，粉包。河粉湯味道好好飲。媽媽說鳳爪味道不會太辣也不會沒有味道很好的調味，春卷和粉包也不錯，飯也很軟熟。樓面服務態度好,出品也不錯。昨晚也很多客人仍然個個笑口滿面。在黃大仙，這間餐廳說是不錯幾好味的餐廳，這是黃大仙人的福氣，水準仍然和之前上次食的味道差不多，也希望在其他地方也都食到越一的食物。期待開多一些分店。

今日經過鳳德邨附近，發現原來呢度有好多地道小店，見到呢間越南餐廳好似唔錯，於是就入去試吓。一睇個Menu，我哋就即刻揀咗個牛油雞翼二人套餐，因為$198就可以有好多嘢食，而且唔使加一服務費！首先套餐有牛油雞翼四隻，我好欣賞呢款雞翼，因為炸得好香脆，真係新鮮炸起的，加上炸香蒜，非常惹味！然後就嚟咗一碗上湯白蘿蔔，白蘿蔔配湯河就係最好不過，而且好大碗，啱晒我鍾意食菜嘅性格小食方面，我哋叫咗香茅豬頸肉米紙卷，有四大件咁多，點埋魚露，好清新湯河有兩碗，首先叫左一碗生牛肉河。呢到既湯河真係好大碗! 湯底真係似我之前去越南時食既湯河咁香甜，香料豐富，有鵝帝，金不換，芽菜，蒽花，配料有青檸和辣椒，夠正宗另一碗雞絲扎肉河同樣高質，湯底香濃(睇落好似唔算大碗，但其實佢好大碗架!!!我老公都話食到好飽)呢個餐包括兩杯$18飲品，我地叫左杯蜂蜜柚子茶同椰汁綠豆冰，正

平日極少踏足黃大仙，今次因為要拎野俾朋友，朋友一盡地主之誼，帶我食好野。原來黃大仙除左大型商場、連鎖食店，離開地鐵站走多幾步原來有不少小店。朋友揀左間佢成日黎既越南菜，平日佢一支公都係散叫，今日終於可以試下二人套餐。有好多款二人餐，極愛食雞翼既我地最後揀左牛油雞翼套餐，超多野食。生牛肉金邊粉:上枱既時候，牛仍然係粉紅色，放係湯浸多陣食，生熟岩岩好，好淋好有牛味。另外牛肉麵最重要既湯底，都做得好正，清清甜甜的，金邊粉索左d湯，加埋香葉既味道，話佢係牛肉麵專家的確無誤！牛坑腩片檬粉:朋友食呢個，牛坑腩有成4大片，搶左1塊黎食，好淋一d都唔鞋，好食！柚子鮮蝦沙律:揀左好多肉食，要食番個沙律balance 下，柚子鮮蝦沙律絶對係清新之選。柚子多汁又甜，鮮蝦肉結實，味道鮮甜。加上少少酸酸辣辣既沙律汁，好開胃。牛油雞翼:到我最鍾意既牛油雞翼喇，雞翼好香牛油味，炸到脆卜卜，加上上面既炸葱頭齊食，勁香口。上湯生菜:本來想要上湯蘿蔔，但原來每碗粉都有蘿蔔做配菜，所以揀左上湯生菜。熱薏米水 (上)熱咸檸檬 (下)成個set真係超多野食，二個人食到勁飽，又可以慢慢食慢慢傾。以$198呢個價錢，仲要唔駛加一，

今晚無得黐屋企吃飯，咁無計喇，唯有二條友落街搵嘢食，感覺黃大仙鳳凰邨都算係多嘢食，有好多選擇，不過今次我地兩個揀咗食越一，事關睇完餐牌感覺呢間最吸引😂😂店鋪少少，但落嚟吃嘢嘅都幾多，都有8成入座，雖然散叫價錢都合理，但我倆睇中咗牛油雞翼二人餐，有粉、雞翼、小食同飲品。粉麵當然喺揀生牛肉粉，傳統之選，上到碟第一下感覺個粉都幾大碗，抵食，湯底偏淡味但重點啲牛肉仲見到紅色😂，有齊埋越南粉嘅配料，另外屋企人食嗰個牛坑腩河，牛腩好易入口，兩碗都感覺唔錯小食方面有上湯蘿蔔同埋揀咗香茅豬頸肉米紙卷，蘿蔔方面都算入味，紙卷好大件，好多餡，一口都咬唔晒，配汁食會更吸引牛油雞翼雖然個皮厚咗少少，但味道搭夠，雞翼面本身整得好脆，亦好重牛油同蒜味，最緊要喺佢入面嘅肉身仲保持到多汁同嫰口，呢方面的確做得唔錯，最後配埋杯飲品，非常滿足同好飽，每人唔洗100蚊食到咁多嘢，好抵😂😂💪🏻

上openrice見咁多like, 今日係鑽石山睇完戲專登行過嚟試下佢。點咗一碟酸辣鳳爪、一碗越一火車頭河粉及一碟咖哩牛腩飯。老婆話成碗粉都冇味道，仲話牛肉湯底係美味所在！？生牛肉？！成碗粉啲牛肉冇一片嘅其中一少部分係生架，一啲啲都冇。一碗粉起碼有4條唔知係頭髮定牛嘅毛，啲匙羹、杯又痴痴蠟蠟咁，好彩環境都算係乾淨企理，坐得舒服！牛腩飯都算不過不失嘅。最離譜係鳳爪，唔酸，唔辣，只係輕輕有啲味咁。奶茶冇茶味今次真係中 哂伏呀！大家真係要諗清楚啦！