赤山風味料理 (已結業)

說到和食，燒鰻魚一向是我的至愛 *v* 某日到新蒲崗的Mikiki逛街，得知附近新蒲崗廣場內的赤山風味料理供應原條鰻魚飯，很想去試一試呢！小店格局店面不大，環境尚算衛生舒適。餐牌選擇繁多，價錢不貴，有刺身、壽司、手卷、冷盤、爐端燒、炸物、拉麵等等...原條蒲燒鰻魚飯 $108原條上單是視覺已別具氣勢，平時去超市買一條完整的現成燒鰻魚索價八九十元，所以這個鰻魚飯定價公道合理。鰻魚厚肉肥美，肉質嫩滑，細骨不算多，被炙烤得油香四溢，淋上鹹香帶甜的醬汁，外皮焦脆香口，重量級的飯量，一個人未必可以KO，稍嫌飯粒煮得較為鬆散，欠了日本米黏糯香軟的口感。隨原條蒲燒鰻魚飯附送一碗麵豉湯。蕃薯天婦羅 $22/4件外層麵衣不會過厚，酥酥脆脆，蕃薯夠香甜。鐵板豆腐 $38滑嫩豆腐配上和風醬汁，不過油分似乎多了點。雞軟骨串 $22/2串燒得香脆帶焦香，咬下去可以感受到雞軟骨特有的韌度，脆而不硬有嚼勁。燒魷魚筒 $56燒魷魚口感煙韌，只是醬汁我覺得有點過鹹，掩蓋了魷魚的鮮味。牛肉柳川鍋 $46暖烘烘的湯底甘甜濃郁，蘸了蛋汁後亦可令牛肉更加順滑。鰻魚炒飯 $56 鰻魚又再次出場 賣相吸引，鰻魚份量當然不夠原條多

住在九龍東，間中都會踏足新蒲崗，但通常只限去mikiki一帶購物同覓食。今晚聽朋友介紹去了食日本料理，位處於新蒲崗廣場裡面的「赤山」。餐廳有點難找，但好在我以前有黎過呢個商場，都知道大概位置。今晚主要食左刺身同店自幔的原條鰻魚飯，質素全部都令人滿意。刺身：美國生蠔（$42）2只-大大隻，夠鮮味！油甘魚（$48）4片-新鮮、大塊！帶子（$38）4片-都幾厚肉！活赤貝（$38）1隻-我的最愛！原板馬糞海膽（$48）推廣價-餐廳內外都張貼左promotion，呢個咁抵食的offer冇理由唔叫啦！餐廳仲貼心地比埋紫菜你包住食，啖啖好滋味！小食：燒雞翼（$28）4隻-價錢無可挑剔，而且都燒得幾香口！雞腎串（$22）2串-同樣係抵食夾大件之選！重點吸睛之品，原條蒲燒鰻魚飯（$108）-大大條鰻魚，燒得香脆，白飯舖底索滿甜甜的鰻魚燒汁，兩口子極速KO晒了。最後贈送青蘿蔔例湯一碗，小店才有的offer啦埋單連加一共$409，估唔到新蒲崗竟然有臥虎藏龍的日式小店，而且份量都足，覺得係CP值高的餐廳。

哪裡都不近，跟九龍城有得比的新蒲崗附近開了一家隱世小店，就在裝修也非常古舊的新蒲崗廣場，古像上世紀的始創一樣寶物卻在三樓這家小小的日本菜餐廳閃閃發亮真想不到這個赤山風味沙律竟然那麼多！除了加入薯片跟蟹籽加強口感之外，還有一大顆薯蓉！$38來說很抵吃喔！赤山刺身飯就有點小貴，要$108但看到那一大板海膽，赤蝦，帆立貝，三文魚腩，件件都超肥美新鮮，如果分割成一件件壽司，$108絕對買不到這質素！又一個海膽為主的菜色：赤龍卷海膽又是閃閃發光的樣子，加了一大片青瓜解膩，簡單的搭配卻把海膽的鮮味帶出來了最後的老火南瓜湯是小店送的，很友善啊！在裡面除了煮稔了的南瓜，還有家的味道，最重要還是：沒有味精！

經住左多年既朋友推介，原來呢度有間抵食日本野，難得黎到新蒲崗，當然要黎試一試，唔識既朋友就比較難搵，但一入商場都有塊up hold宣傳既。好多野食揀，花多眼亂，揀左一排個店員見我地咁苦惱，就推介我地試下二人餐，咁我地又冇乜所謂，見佢又有生蠔，就試下啦。前菜係普通貨色既辣味螺肉。食下等下，就到戲肉喇，刺身盛合同生蠔雖然係小店，但係都好有心思，砌到靚靚仔仔，生蠔唔係乜味都冇，有d海水味，尚算生鮮。我最滿意既就係蝦刺身，鮮甜大隻，有衝動再encore。不過理性話俾我地知唔可以，因為仲有好多野食呀！食食下刺身就上左鐵板帶子，呢個絕對驚喜！香到爆，加上蒜蓉同洋蔥，冇得輸，帶子亦係大大粒，香得黎，又有口感，食套餐一定要揀⼁乛⼀⼀乛⼁⼃另外一個主菜就揀左鰻蒲燒，好奈冇食過喇，要過過口引。雖然係套餐，但都絕對唔細條架，食到想要碗白飯黎送呀。之後就到和牛炒烏冬喇，其實呢個時候我地都飽左8成不過個烏冬炒到咁香又點忍口呢，好大碟好足料！飲埋個麵豉湯就到萬眾期待既甜品，我地有諗過其實係咪得兩粒雪米池拎到上黎我地嚇親，係整得好靚既甜品我相信老細一定係知道食完呢個餐都好飽，就放左芒果sobet做主角，令到個感覺冇

住在黃大仙區的我，平時最常去新蒲崗覓食。這區卧虎藏龍隱世食店可真是超多~今次來到了赤山風味料理，去圖書館每次必會經過，不過之前好似是做放題的，一直未有機會試。原來現在已經變了散叫模式，店內不是太大，桌子不多，座位都算舒適。兩個人點了一個二人餐~份量非常多!!!!!!先是前菜有味付螺肉，無雪味~好食!!之後就刺身盛合加上生蠔~生蠔好大隻~~!!如果喜歡叫這樣的size的，可以試試~我們另外加了一板海膽~刺身同樣無雪味，夠新鮮，有我最喜歡的油甘魚和三文魚。天婦羅大大一盤，我喜歡香菇~~~比目魚西京燒，味濃~魚肉有彈性，如果可以配啤酒一定更讚~鐵板帶子的配菜洋蔥吸收了醬汁的香味，不過就四顆，想要別更多呀~吃到這其實都頗飽的了，再加上和牛炒烏冬，真的飽到要爆開XD最後上桌的甜品非常好味道!!!令人好滿足~甜甜的雪糕，大完滿!這樣兩位加一後約$400~抵食~~

今日又去探同事 BB 喇 = ]探完同男友去附近搵食，來到新蒲崗廣埸～見到間日本餐廳，見價錢又ＯＫ，所以就試下！串燒雞軟骨同鹽燒雞翼，鹽味適中，不會太咸又太淡，唔錯 ～ 蒜蓉燒帶子，偏咸，不過蒜蓉好入味～ 蒜蓉燒蠔 & 芝士焗蠔～蠔好肥美，鮮甜，出奇地冇腥味！ 清酒煮蜆～蜆肉粒粒都大隻，而且一碟既份量都好多！ 銀芽炒雞腎，雞腎份量很多，爽口彈牙；相反芽菜少左 d ~ 日式炒什菜～材料非常豐富，有菇、金菇、椰菜、章魚等。。。唔會過油，感覺好健康！ 鰻魚炒飯～飯炒得非常乾身，不油膩，而且熱度足，食左一碗已經有飽肚感～ 菊花蜜冇特別，可以不叫～ 最後埋單每人around $200 ~小評： 味道：★★★★☆環境：★★★☆☆服務：★★★☆☆衛生：★★★★☆抵食：★★★★☆餐廳冷氣凍到爆，d 野食好快就凍～另外唔知係咪我地點左太多熟食，而廚房得一個人，我地等左好耐先有第一碟食物。不過overall 食物味道同價錢麵ｏｋ。

今晚去左新蒲崗廣場行下，唔知食咩好，見到有間日本野又幾多人食，價錢又唔係貴就入左去。環境唔算大，不過勝在坐得舒服。我地叫咗大概10分鐘就有得食。首先，我哋叫咗赤山風味沙律。價錢＄38，但份量都算幾多，點左芝麻醬幾好食，竟然有牛油果，感覺幾高級。當中嘅薯蓉都好有牛油香味。鐵板一口牛粒好諗身，燒得好香，好香口，兩個人食啱啱好。另外都叫咗個鐵板帶子，每口帶子都充滿蒜蓉香味，好新鮮，調味都很好。之後就叫左我最愛嘅金菇肥牛卷，個燒汁好好味，牛肉都燒得啱啱好，配埋金菇就減低左個油膩感。主菜我哋叫咗原條蒲燒鰻魚飯，鰻魚足足有上手臂咁長，亦都好厚身，燒汁都好濃郁，價錢$108，個性價比比其他餐廳都算係高，再配埋一個麵豉湯，不過個湯就比較普通。芝士海鮮鍋，成個面都鋪滿芝士，好濃稠。裏面有青口，魷魚圈，蟹柳，椰菜，金菇......每口都充滿芝士香味，不過食多幾啖，就真係有點濟，但就真係好好味。炸物方面我哋叫咗鮮蝦天婦羅，隻蝦好新鮮，彈牙，我朋友食埋個蝦頭都唔覺得苦啊。最後我哋兩個人埋單＄504，日本料理來說食到咁嘅水準都唔算好貴，因為我哋都真係叫咗好多嘢食。

好耐冇同男朋友四出覓食啦，今次入到黎mikiki ，真係估唔到佢想食咩原來呢度有個好少人既商場，有間裝修好一般既日本餐廳，佢仲叫我試左先喎～第一樣食既燒雞翼就有驚喜啦！雞翼好juicy, 食既時間仲出煙嫁， 而且落既鹽份量岩岩好，好食過放題丫！之後個美國生蠔超巨大，大過我隻手掌呀！唔使點茄醬都勁甜，冇苦味冇San，早知點6隻啦，都係$88咋超大隻蒜香燒虎蝦都係$48 咋！蝦肉好彈牙，蒜粒咸香細膩，但就有點難拆肉三文魚腩同巨型海鰻壽司就要$32不過一食就知值回票價！個三文魚腩稍稍燒過，入口即溶，果陣漏出黎既魚油，唔點豉油都超好味！

赤山風味料理位於新蒲崗廣場二樓的一個隱世角度，除了商埸向街的一個小廣告，途人實在難以知道它的位置！但是，這小店的食物卻充滿驚喜，而且性價比十分高！▼ 食物有很多選擇，而且價錢適中，大多數食物都是$50以下。▼     餐廳面積不大，環境舒適，座位之間有合適距離。刺身方面，選擇很多，今次點了三文魚和吞拿魚刺身，味道鮮美，非常新鮮，而且每片均屬厚切，分量很足夠，非常適合愛吃魚生嘅朋友。▼     三文魚刺身 ($38/4片)  吞拿魚刺身 ($52/4片)熟食方面，有不少海鮮類選擇，當中必試的是芝士海鮮鍋和䔉香燒虎蝦，一試難忘。芝士海鮮鍋中，種類繁多的海鮮如蝦、青囗、蟹柳等，被厚厚的芝士汁覆蓋著，愛食芝士嘅朋友必定愛上它，美味程度非筆墨所能形容。而䔉香燒虎蝦，所選用的虎蝦非常大件，而且將䔉容放在已開邊的虎蝦上燒成，每一口都可品嘗到虎蝦嘅鮮同蒜蓉嘅香，非常美味。▼    芝士海鮮鍋 ($98)  整鍋也是芝士！▼    䔉香燒虎蝦 ($48/1隻)其他必試佳品還有：鐵板炒蜆、芝士焗餃子、蝦兵蟹蓋等，均非常美味，而且分量充足，性價比一流。▼    鐵板炒蜆 ($58)▼    蝦兵蚧蓋 ($2

成日以為新蒲崗得mikiki商場，哈哈，比較少去。今日原本又想去九龍城，但又覺得好似有點悶，發掘下附近的新蒲崗。先食冷盤，叫左刺身同壽司。三文魚刺身好厚，色澤都ok，唔腥又唔會帶黑。咬落係厚林既。帶子刺身好厚。食落去爽口，色澤都白色同埋無諗過真係咁厚既。味道帶少少甜。火焰三文魚腩有少少少沙津醬同配菜。估唔到壽司類既三文魚腩都幾厚。米粒都有痴力夠林實配三文魚腩，不錯。原板馬糞海膽超抵48蚊。顏色係靚靚既橙色，食落對我嚟講唔腥既，但朋友話少腥。有少少甘甜既，好服務比埋紫菜我地包。就咁食就重味d，但包一包紫菜就增加口感，比較脆口內軟。之後到食熱食，兩個熱鍋適逢天氣又涼返。芝士海鮮鍋材料好多，蟹柳 日式魚蛋 ，青口 大蝦 帶子 魷魚 冬菇 金菇 椰菜。一上鍋見到有2大塊芝士，勁濃芝士同牛奶味。蝦肉幾大隻幾彈。特別好食係青口，5 6隻都無沙頭，帶子都係勁厚好食，同食到一絲絲帶子肉。冬菇好細心打左個十字。牛肉柳川鍋又係材料勁多，有金菇 牛肉 粟米同雞蛋配日式甜醬油。牛肉無乜肥，好值得讚一讚。仲有牛肉配金菇幾好口感，粟米加甜左成個湯，有得點烏冬仲好呀。牛肉唔乾身，牛味好過平時既肥牛。同埋鰻魚炒飯勁多

小學就讀聖公會基德小學，同新蒲崗只係相隔一條彩虹道。今日重遊舊地，到小學附近行行逛逛。啟德花園同可立中學之間嘅一條行人天橋以前係露天嘅，掛滿正在售賣嘅人像畫，相信附近嘅老街坊一定印象深刻。依家已經變成左有個蓋嘅行人天橋，仲加設左升降機。行完黃大仙，夜晚就經呢條天橋黎到新蒲崗搵食。其實新蒲崗嘅變化唔算好大，感覺上同廿幾年前差唔多，只係多咗一個大商場。周街都好多食店，仲要價錢都幾街坊價。Whatsapp問下啲舊同學有乜野又平又正又好食，有人推介呢間赤山風味料理。黎到新蒲崗廣場二樓，上完電梯右轉再右轉就見到:門口見到有個大牌寫住原板馬糞海膽＄48，都幾吸引，一於試下啦:食物價錢好大眾化:叫左海膽同生蠔做頭盤:原板馬糞海膽$48 ── 一大板，雖然海膽唔係好大粒，但粒粒飽滿分明，顏色仲係鮮艷橘黃色，冇一粒係暗淡顏色，真係非常新鮮，好鮮甜，好味，$48仲送紫菜，用紫菜包住啲海膽食，滋味！性價比極高。美國生蠔兩隻＄42 ── 都算係好大隻。$88有六隻，我見隔黎大枱係一打上，一大盤，好震撼! 我冇加到佢配嘅醬汁，成隻入口，新鮮味濃，清甜冇腥味，一啖滑下喉嚨，爽呀芝士海鮮鍋＄98 ──  除左大鍋，

今天出門口去街，甘岩見到鄰居陳太，佢知我鍾意食生蠔，就話我知早幾日一家去新蒲崗赤山食日本野，有又平又靚生蠔，所以今日晚上約左住在新蒲崗的朋友一起去試試！尼間赤山在圖書館下一層，我以前去圖書館經常經過，是一間日式放題，但現在改營，轉做日式料理。美國生蠔：新鮮、大隻、肥美！味道又鮮又爽口，$88有半打，實在底食👍極上赤山刺身飯，材料有：三文魚、帶子、赤蝦、三文魚籽，本來有海膽，但因當天已沽清，所以補多了三文魚補數！所有刺身都非常新鮮，飯已調味，加埋魚籽，一口飯口感很豐富😋三文魚壽司：三文魚很肥美，魚油甘香，非常美味😋鰻魚炒飯：用鰻魚和粟米粒，加入醬汁炒成，味道惹味可口！海鮮炒烏冬：材料都好豐富，有青口、蝦、魷魚等，烏冬都炒得好入味，又夠穫氣！

新蒲崗比人感覺好似唔多方便，但係如果你住係嗰區，有想係附近食餐日本菜，呢間餐廳絕對值得一試！佢係新蒲崗廣場，都算幾易搵。入到去，侍應都好熱情咁介紹唔同食品！ 雖然呢到係食日本菜，但係我一向都鍾意食泰式生蝦，所以引唔住都係要叫碟！我地兩個人，叫碟細嘅泰式生蝦，有六隻，分量幾好！每隻生蝦都好有肉，食落夠凍同爽口，最重要係個汁夠入味！！！呢碟泰式生蝦比得上傳統泰國菜嘅餐廳。食日本菜冇理由唔食刺身嘅！我地叫左兩客三文魚刺身、一客甜蝦刺身同一客帶子。出乎我所料，三文魚同帶子都好厚身，好有鮮味！至於甜蝦，夠曬大隻同鮮甜，刺身方面真係好抵食，值得再黎食過！除咗刺身，我地仲叫左嗰卷物，黃金蝦卷！黃金蝦卷裡面嘅沙律汁好足夠，唔會覺得唔夠汁，炸蝦有夠脆，唔會凍咗話者林咗！如果你鍾意食天婦羅嘅話，不仿一試呀！食完小食，當然係主菜時間啦！主菜我地叫咗羊架，同埋牛肉烏冬！首先講下羊架先，我本身好怕肉身太乾嘅食物，所以呢碟羊架難度啱啱好，再加上佢嘅汁，真係幾高質呀！一碟裡面有四塊，兩個人食羊架嘅分量黎講，都幾足夠呀！至於牛肉烏冬，烏冬份量多，對於好似我呢啲鍾意食澱粉質嘅人黎講就啱曬啦！牛肉同平時嘅肥牛差唔多，不過

今天和朋友到了新蒲崗，我們在有點舊的商場行一會兒，覺得餓了便開始留意有什麼好吃的。走着走着，便看見一間日本料理，我們便去試一試。我們沒有對這間日本料理有太大的期望，因為這裏並沒有很華麗的裝潢，只有平凡的裝飾擺設，有兩部電視讓客人觀看。一進步店內就已經看到很多家庭和中年男女在吃晚飯。店舖細少，但五臟俱全，還有一種溫馨的感覺。。我們滿點了一 些刺身刺身和壽司，例如三文魚、帶子、……三文魚刺身是厚切，又大片又厚，帶子和蝦更是既新鮮美味又彈牙的！！不錯不錯。另外，店主推薦我們叫一客海膽，推薦地說是新鮮運過來的，很新鮮很值得一試，於是我們叫了一下試一試。還真是很新鮮呢！完全沒有腥味，也有為我們提供紫菜，讓我們包着海膽刺身吃，很好味。。但最令我驚喜的是鰻魚飯，多麼大塊的鰻魚啊！吃下去又軟又綿，沒有骨，很厚身很有口感！基本上吃完這個份量十足的鰻魚飯，已經差不多飽了，哈哈～ 。另一樣令我覺得驚喜的是牛舌，散發著很香的味道。咬下去，脂肪的位置就像在口裏溶化，肉也很鮮嫩，趁熱吃掉就最正了。

美國生蠔:~起初心諗以為好似兆萬伏塔咁會唔新鮮會臭，嗅落食落勁fresh，多加少少lemon juice將個鮮度昇華到去另一個層次赤龍卷:~驚喜有海膽伴飯團，鮮海膽同壽司飯2樣較粘嘅食物配搭蟹籽同青瓜2樣爽口食材，一柔一剛，一咬mix埋一齊嗰種口感真係prefect match端燒三文魚頭:~幾驚會係又dry又燶嘅魚乾，一黎見到魚皮煎焦比例唔錯，少許金黄脆皮再加上些少本身魚油，入口一咬皮脆後迎來嫩滑魚肉，承傳媽子愛吃魚頭嘅我，除左D硬骨咩都食晒，連魚眼都唔小心吞埋~XD進擊的巨鳗:~巨鰻全長比一枝原子筆仲長少少，炭燒完淋上店製醬汁，味道比出面更惹味，鳗肉完全冇幼骨，好味到呢~~刺身:~四大天刺--三文魚，白油脂纹唔會太多，食多唔會太膩; 吞拿魚，嚼食之後唔會有D肉根咬極唔斷，而且吞拿魚好易有雪味，但我食左2 round前前後後10塊都冇; 帶子勁厚身，某D 標榜jumbo size先等於佢呢款size; 牡丹蝦大大隻，鮮甜嘅蝦肉點少許日式豉油，冇得彈冰鎮清酒:~易入口之餘唔太重酒味，而且飲落仲有少少消濟嘅感覺，十分微妙火炙孖寶:~大孖火焰三文魚腩肉質肥美，蓋面嘅魚油混搭醬汁及沙律醬，入