赤丸製麵所 (已結業)

今日去apm 排隊等食<赤丸~>都還算不錯，雖然要等。三個人食叫左一個:加大冷烏冬、薄脆烏冬、天婦羅烏冬…及幾碟小食幾好幾好...好飽肚!!烏冬好味道!但湯底過咸~推介---> 牛肉薯餅!!!熱呼呼~~好味道~

今日去觀塘apm，終於試食了，三個人食了：冷烏冬：＄１０，望落去又唔覺份量大，食完又好飽肚熱烏冬：＄１０，份量望落去多過冷烏冬，姐姐話都幾好味雞翼：４隻：＄１０，都幾好味吉列雞扒：＄７，冇雞味玉子：＄７，有三件，好甜，個人不喜歡牛肉薯仔餅：＄７，食時熱辣辣，幾好味．服務：幾好，有幫我們拉椅子，可惜是沒有斟水，我們見其他枱上有個壼，但我們沒有，所以要叫才有得飲冰水

真係好彈牙，而且都好平，叫個冷烏冬都係10蚊，其實都幾夠飽，唔夠食可以叫個大既，都係15蚊，當然乜都無。可以再叫其他小食，都係10蚊碟左右，不過除咗天婦羅外，其他都係唔好叫。不過成日要排長龍就唔係咁願意去，而且坐得都幾迫吓。不過呢個星期樓下開咗間燒又燒，佢地都有烏冬，一樣都好彈牙，而且仲未要等位住，所以去唔到呢一度，不防去燒一燒睇吓

昨日心癢癢想食烏冬，雖然早一晚都係食日本野，於是即去赤丸啦。Order左:咖哩牛肉烏冬$35-: 夠濃味湯烏冬$10-: 清清地幾好味炸雞翼$10-炸冬姑$5-炸茄子$5-天婦來炸蝦x2 $20- 好正，必食餃子$10.00雞扒$7-埋單都係102.00 好底呀，唔駛加一

凍烏冬好食呀有口感~仲要10蚊only抵到爆另外~仲有個親子鰻魚撈烏冬咸得滯~麻麻地~

次次去apm ，呢間鋪總係好多人。原本以為幾貴下，點知見到個，好平呀! 叫左個烏冬、茄子同天婦羅蝦，一食落口，其實都幾普通下，而且幾多油。有點兒名不副實。

第二次來到，第一次本來都想留食評，不過未得閒打。今次來到都係咁多人，其實都幾考你耐性，等左半個鐘左右，真係好多人，可能因為始終ｄ野抵食夾大件。今次我同老婆兩人食左五十四蚊，兩個烏冬三個天婦羅兩個炸野。一個熱同一個凍烏冬，個人覺得熱的好食過凍的，熱的連埋ｄ湯清清地幾香口，同埋ｄ烏冬幾彈牙；而凍的如果唔點佢連埋的湯就會非常乾身。個人覺得佢ｄ烏冬幾長下，要夾有少少困難。另外幾個天婦羅都係冇咩味，因為都要你自己溝ｄ汁來點，要趁熱食，凍左就會冇晒果種感覺，一入口係又脆又熱。(呢三個天婦羅一個係冬菰、一個係茄子、一個係魷魚)另外炸雞扒其實都係要自己點汁，不過佢炸得幾香口。牛肉炸薯餅真係最好食一樣，入口好淋，外脆內軟，有少少熱地幾好食，同埋好香口。如果唔介意佢真係無時無刻都咁排隊真係食得過的。最主要係個抵字，唔好要求佢會有ｄ咩好好服務態度同環境啦。

上一次去apm 都見好多人排隊點知尋晚見無咩人去，心諗可能夜左掛成十點幾咪試下，點知試完之後好失望。d手打烏冬(熱湯)都ok既，不過d配料好差特別係佢d滑蛋差到唔識形容仲有如果你唔飲麵豉湯既你就唔好食啦，d湯係麵豉湯嚟，我仲有食左個吉烈豬扒飯完全唔係吉烈既"淋既"真係好奇怪???而d服務都一般啦，不過我眼見有一兩個侍應黑口黑面，其他既都ok 啦，我飲晒d水佢地都有添啦!!點都好如果你去既話我唔太贊成勒!

今日行開觀塘，順道去ＡＰＭ食嘢，諗起早排雜誌介紹有間尊賣日本讚岐鳥冬的店，仲話有全港首創的什么撈烏冬，去到鋪面有十多人排隊，睇外表都幾有曰本專門店樣，好！排隊。排了十多分鐘邊排邊睇歺牌，价錢一Ｄ都唔貴，十元有易。仲係１○○％北海道面粉造，心諗呢道真係食一地道曰本鳥冬？不出所料，望入廚房Ｄ師傅一路煮麵一路講笑，玩玩吓口甘，我叫咗个吉列豬排滑旦撈鳥冬三十元＇我个Ｆ就叫咗泠烏冬，又加咗儿个小食，天麩羅魷魚、吉列雞扒、日式香腸、Ｄ嚟到嗰個所謂滑旦一Ｄ都唔滑，直頭鞋過我隻脚板底，Ｄ鳥冬重死火，明明麵芯仲有白點，即係未煮透，試埋冷鳥冬，又一樣有白芯，同個女侍應講Ｄ嘢唔熟，佢就同厨房Ｄ人講，佢代厨房傳話，冷鳥冬係硬身Ｄ喎！吓！咁撈嗰個呢又唔係一樣勁硬。米當我未食過日本烏冬至得架，仲有ヌ話自己首創滑旦撈烏冬，三年前我係上環一間小店以經食過，嗰間嘢好似叫做熊牧場，但係執咗粒lu，Ｄ撈烏冬邊有呢間口甘難哽架，上環嗰問鋪頭仔好食好多，唉！其它小食唔有提，个尤魚天麩羅仲攞胆，成三四吋長面粉又厚又凍，大大舊又唔切開，喂大佬魷鱼幾哽架點食呀！其它真係唔想再誨！總然之一句講哂！難食浪費左Ｄ面粉、浪費我的時間、一定冇

5月20日去了觀塘apm辦事,一場來到,無理由玩快閃架,而且開左一排,號稱東九龍最大既apm,真係第一次黎,梗係要試下未有其他分店既食肆啦!記得有友人說過這裡,那碗只要十個大洋就有交易的烏冬,實在吸引,於是不作他選了.據友人說,這裡的晚飯時段,人潮多得很,不過現在才三時許,店內顧客不多,來到就有位了!叫了冷烏冬、炸蝦天婦羅以及牛肉薯餅,鳥冬都幾煙靱,十蚊來說很不錯,炸蝦比較一般,粉漿不夠脆,蝦亦不算彈牙得很,而最後上來的薯餅反而唔錯,熱辣辣,大大件,外皮幾脆,內裡的薯蓉熱的很,而且很軟滑,我好鍾意囉!廿幾蚊飽到差點行唔郁,於我來說,呢餐絕對抵食.食完飽到傻左,所以去左九灣打機幫助消化.

我自己幾鍾意去呢間度食~都去過好次喇~覺得冷烏冬唔錯~叫個冷烏冬再叫ｄ小食~抵過就咁叫一個有料o既烏冬~一個大o既冷烏冬$15~小食方面我幾鍾意炸豬扒($10)~另外厚燒玉子($7)都唔錯~我同我老公兩個去食~六十蚊唔使就食到好飽喇~都幾抵食架^^~

食左個天婦羅炸蝦烏東,個湯底好普通,好味精咁,d烏東又唔好食....好後悔入左去....唔會再去食架喇~比起食開果間d烏東..呢間真係好差!!!!!!

排咗15分鐘終於有位啦！地方太細太迫，不是很舒服呢！兩個人叫咗：炸茄子、厚燒玉子、吉列薯仔牛肉餅、滑蛋吉列豬扒撈烏冬、滑蛋吉列豬扒飯定食！炸茄子--$5兩大件，但茄子已炸到無晒味厚燒玉子--&7有3 件，我覺得太甜吉列薯仔牛肉餅--$7大大件，咁多樣食物裡面最好食，炸得唔錯滑蛋吉列豬扒撈烏冬($30)--烏冬質地幾好幾彈，食到牙都軟；但豬扒就太差，炸粉太厚，只可叫做豬肉而非豬扒；阿媽仲話:「未食過咁難食ge吉列豬扒」！滑蛋吉列豬扒飯定食($35)--定食有一碗迷你烏冬+ 咸菜。飯唔係珍珠米，唔係太好食！叫得太多了！食完飽到震！HaHa!

素有聽聞APM有間幾抵食的烏冬店，今日有同事相約，故一齊到此食店試試。排隊約等了15至20分鐘。三人同行，叫兩客$15的冷烏冬(大)、一客$10的冷烏冬、一客$10的吉列豬扒、一客$7的牛肉薯餅、兩客$10的炸露筍及一客$10的尤魚天婦羅。共$91。先談談冷烏冬，師博的手勢及技術確實不敢恭維。因為烏冬中心並未煮透，故硬得有點難以入口。該烏冬用作煮湯烏冬尚可，作冷烏冬的話，則不太適合。如大家認為未煮透等於有咬口，大可一試。再談吉列豬扒，賣相不俗，乃則叫則炸之產物。外形飽滿，可惜肉質極簿。要讚讚師博的功架，將豬扒沾厚粉炸，故作大塊，乃係常見的手段，此店師博技高不止一籌，除沾厚粉外，在肉中再加一刀，令簿簿的豬扒一分為二，中間可入厚粉，方可做出此完美賣相。味道當然極好，如果大家只喜歡吃炸漿的話。再談談牛肉薯餅，名為薯餅，實為內有少少牛肉碎的薯蓉。外表不俗，味道自然，因為仿彿無加入任何調味料。炸露筍及尤魚天婦羅因為本人沒有吃到，故下次再談。總括而言，此行之食品，除冷烏冬的湯汁外，其他一概味道欠奉。環境尚算不俗，但坐位不多，「趙完鬆」格式。服務一般。衛生亦尚算合格。而APM消費，算做最低消費，可以

赤丸烏冬之質素, 唔算差, 亦不是出奇地好, 只是和自己煮日清冷藏烏冬一樣. 赤丸$10碗, 日清冷藏$5個, 所以講平, 赤丸亦唔係贏哂.與同事食lunch. 提左佢唔好叫天婦羅, 唔聽, 終於? 發現唔好食lor.我食親子雞蛋雞肉撈烏冬, 撈烏冬最緊要個汁, 而個汁唔得, 太淡, 我已經出名係"淡口之王"都要加豉油. 同事話d烏冬熟唔透, 我就覺得好似有一兩條芯未熟, 但問題不大. 埋單2人$48, 同食麥記差不多.