赤丸製麵所 (已結業)

我都食過幾次..都係only 覺得鳥冬ok..都可以試下.而且夠平..lunch set..有烏冬有飯都係三十零蚊度..都幾抵丫.但佢其他野就麻麻丫..但而家要食就一定要排隊..係好多人架..4-5點pm 都要等丫

前幾日下午三點幾到．唔使排隊兩個人叫左冷烏冬～呢個好彈牙．滑蛋鰻魚撈烏冬～賣相好好,but越食越鹹．雞翼～一般貨色牛肉薯餅～食落都ｏｋ,但可能太多油到夜晚個喉嚨都仲係有好油

ｄｉｎｎｅｒ去赤丸製麵所食ｄ手製烏冬，超掂呀！叫左個熱烏冬＄１０，料要左炸蝦＄１０同茄子＄５，再另外要左個吉列牛肉薯餅＄７，算係好抵，食到好飽。個湯清到見底，但係都幾好味，ｄ烏冬睇得出係手製，幾彈牙，係好過機製ｏ既，蝦最衰得一隻，不過好好食，茄子有２舊，淡左少少，不過２樣都炸得幾好，個牛餅幾大個，冇咩肉咁但係好香，食落都好好，入面好軟但係出面又脆，口感幾好，總之ｅ間野掂！

因為知道很多人,一放工即飛奔去都已經有很成十幾人排緊隊好彩都係等左10分鐘左右一個人又貪心的關係試了一碗淨湯烏冬好彈牙,好好味份量也不少不過對我來說烏冬太粗,一條烏冬要分幾次食tempura蝦都好味,炸漿很薄唔知係咪先食蝦,所以覺得吉列豬扒無咁好味豬扒略嫌薄身蝦同豬扒都係$10,我推介蝦p.s. 回應ka_lam:銅鑼灣和三郎的烏冬都好好食,印象中比赤丸貴少少(不過和三郎係日式居酒屋形式),都可以去試下

已經光顧左n咁多次，覺得佢同係京都食過既烏東都有得fight，其間都有去過其他烏東店試過睇下有無邊間無佢咁平都有佢咁好食，結果搵唔到，所以抵佢日日排長龍，我最耐個次排左一個鐘，所以如果想食要有d耐性啦！

我自己本身好鐘意食烏冬, 果D機製既都好鐘意食. 一早就好想試下, 早幾次黎到見到咁多人都費事排, 咁岩星期日下晝悶悶地諗住睇戲又冇飛, 所以黎呢度試下, 排左15 分鐘就有位, 冇想像中咁耐.男朋友係排隊既時候己經決定左要吉列豬扒撈烏冬, 我就好貪心咁叫左一個冷, 一個熱烏冬, 諗住佢10蚊應該唔會好多, 另外叫左牛肉薯餅, 炸茄子, 炸蓮藕同埋腸仔. 撈烏冬好好食, 不過好似有D濕. 冷烏冬好過熱烏冬, 因為比較彈牙, 雖然只係10蚊不過份量好足, 我好顯又一次眼濶肚窄, 唯有同男朋友求救.牛肉薯餅好好食, 係薯蓉再加一D免治牛肉一齊炸, 一個好大, 最好有人SHARE. 炸茄子好淡, 我覺得麻麻地. 炸蓮藕好爽, 鐘意食蓮藕既可以試下. 腸仔好普通.埋單只係77蚊, 我地兩個飽到行唔郁咁濟.

一個人去食，等左二十分鐘。<br />叫了茄子、蝦、冷烏冬同薯餅，薯餅最正，又熱又大件，蝦都唔錯，肉幾實，OK新鮮。茄子太多了，幾個人SHARE比較好，冷烏冬都幾彈牙，唔錯。最好係水任飲，對我來說好重要。

第一餐在apm 搵食, 見呢間咁多笑面, 當然要試試. 同皇太后兩人5點去到, 見門口已排左六七個單位的人, 本來想轉頭走, 但既然一心唸住試試, 唯有排下啦, 好彩大家都本著食完就走的心態, 等左大約15分鐘就有位.兩個人, 我要了滑蛋鰻魚撈烏冬, 皇太后則要了雞扒飯定食另加一件露荀天婦羅. 我的撈烏冬份量比我預期的大, 烏冬上鋪滿了滑蛋及鰻魚, 滑蛋就似平時食日式滑蛋豬扒飯的那些, 甜甜的加點洋, 鰻魚唔腥但有幼骨, 烏冬幾煙, 若果以凍的湯汁代替熱的會更好. 雞扒飯定食包了一碗迷你烏冬, 雞扒味道不過不失, 飯稍硬了一點, 這個份量男士都應該夠飽. 至於露荀就普通, 可以不試.呢度無加一, 水亦任你斟, 今次我地平均三十幾蚊埋單, 算好經濟, 想再經濟一點, 見隔離兩位女士每人一碗淨烏冬加客餃子, 三十蚊就走得呢!!!

又去食赤丸既靚靚烏東，今次叫左碎海藻同埋親子撈烏東(蛋&雞烏東)$5+$28，個海藻先上，好淡，食到海藻味，一向食開淡野既我就ok，其他人可能比個喊面佢。另外撈烏東有d洋蔥既甜味，唔知佢有無另外落糖，甜甜地，不過好多chicken fat & skin，咁!!就唔係幾開心啦~(請用胡sir tone讀出)見到之前有個男人食牛肉炸薯餅，超~超~超大塊呀!!!有接近2cm厚，有我隻手掌唔計手指咁大呀!!!$7係好抵~

勁多人排隊, 但真係抵食,$10湯烏冬,冷烏冬

APM開左咁耐都係第一次行加上開左間新既百老匯點遠都要黎一次一早大約十一點半左右已經黎到諗住早D唔駛等位但最後都係要等仲要係等左二十分鐘食完都覺得係值既叫左滑蛋鰻魚撈烏冬,冷烏冬,吉列牛肉薯餅同橙汁滑蛋鰻魚撈烏冬～雖然35蚊,比起冷烏冬好似唔係太抵,但其實佢份量好足,絕對係食得過,成份烏冬面層都舖滿蛋同鰻魚,鰻魚好似有成七八塊,仲要係塊塊都幾大下,味道雖然只係街巿貨色,但勝左係熱既!不過D蛋就鹹左少少!冷烏冬～呢個簡直係超值,10蚊一份已經份量好多,而且咬落好煙靭,點左冰冰涼涼既冷麵汁好好味又消暑,令到我胃口都開番!不過差左上檯時有少少纏埋一齊,要花D氣力先分開到黎食吉列牛肉薯餅～新鮮炸起,雖然只係7蚊,但都好大件,有男人手心咁大架!唔駛點任何汁,食落都覺得唔油膩,味道唔錯!橙汁～只不過係一罐新輝橙汁,但都唔明點解可以係最遲兼且最尾催完佢都要等左一陣先上既!侍應都無話黑面反而幾有禮貌不停多謝前多謝後而且我雖然坐BAR檯但D住好鬆喎無話肥D都坐唔落呀!唔通經理睇左呢度其他食家既COMMENT後改善左???/

前日第一次黎apm, 睇過食評話依間ok就黎試下估唔到咁旺場播~閒日二點幾都要等位個舖都幾細, 坐bar木台0既都幾辛苦睇到我前面一pair要夾沙丁魚咁夾入去坐...好彩我同男朋友唔駛坐bar位0者~~~ 我叫左牛肉薯餅($7), 雞翼($10)同冷烏冬($10)而我男朋友就要左咖哩烏冬($35)牛肉薯餅新鮮炸起~加分!不過個人覺得唔係咁浠會好d, 入面成pat野咁雖則個味道都唔錯雞翼味道一般, 辣辣地咁~唔係特別鍾意食雞翼可以唔要(不過我係雞翼怪呢~~哈哈)冷烏冬好煙um~~唔錯, 份量都唔小個咖哩烏冬令人好失望...咖哩汁唔好味..下次唔駛等位都會再考慮食多次, 不過要等位黎食就唔值lups. 服務有待改善, 負責裝水0既姐姐仔竟然唔該都無聲, 面容呆滯咁叫人扲個杯比佢裝水...唔係命令黎架何?

到步後等了不足五分鐘巳安排到位子, 一坐下便四眼到處張望鄰家所點的東西...,再向旁邊的食客問: 話未說完, 轉過頭來的是一張標緻的面孔, baby_sakana .....我與她先來六目交投, 繼而就是......哈哈哈.... 笑聲過後, 大家就互相研究檯上之食物, 我點的是天婦羅蝦,吉列豬扒及湯烏東,每款都是十塊錢, 湯味帶一丁點兒麵豉味道, 問過店員也答不上是否麵豉湯來的！？湯味帶咸, 熱辣辣的烏東夠煙韌彈牙, 兩款炸物也不差, 而baby_sakana 就說今天的冷烏東結成一餅實實的, 要花點手力才夾得起進口裏去......,吃著說著, 話題拉到何時在此區安排另一頓的即興午餐了...。

聽過好幾個朋友講呢度既烏冬好食, 所以就同媽咪黎食, 下午約兩點, 有廿幾人等位, 由於坐位少, 未齊人既都不能入坐. 等了半小時終於有得坐, 我地叫左一個滑蛋雞撈烏冬, 一個細冷烏冬, 一客玉子蛋, 一客餃子. 撈烏冬份量幾大, 有少少味精味, 味道一般. 冷烏冬比撈烏冬好, 亦比較煙un, 清清地, 加埋個汁同芥辣味道唔錯. 玉子蛋同餃子都唔係好得, 玉子蛋三件好似甜既腐皮卷再經油炸, 太甜, 唔好食. 餃子有四隻皮薄好紙, 亦無乜味道, 唔食好過食.埋單$55蚊, 兩個人其實好平, 但除了冷烏冬外其他都不太好吃!

6:30排隊.....7:15先有位......d人講都d烏東有幾好味有幾彈牙......咪又係差唔多~只要唔係overcook咪係錦叫左一個炸豬排撈烏東$30，一個炸虾撈烏東$35，一客餃子$15，一個牛肉薯餅$7個炸豬排好硬、個炸虾就俾d湯整到林哂.....餃子又凍又冇味，好似整左好耐錦係個牛肉薯餅都ok，又熱又脆整體而言，雖然好抵，但係冇下次