赤丸製麵所 (已結業)

那天lunch 去了吃原來是那麼細小的店怪不得等那麼久食物還可不過最怪是沒有茶的倒是第一次在日本食店沒有茶喝

本身排隊等好耐都諗點解間野大大地都人流咁慢。初初以為都係大家撞lunch,所以等咁耐！點知後尾發現原來一店分兩面,所以細到死！！ｄ位又的確迫左少少喇!最唔好既係日本店都冇茶飲,所以好失望!不過ｄ野食都還可以喇.

尋晚同男朋友去amp睇童夢,我地6點半去到,但因為買左10 點9 o個場既飛,所以我地好多時間淨,所以先行左一陣,睇下有咩想食,好多食店都好多人,但係因為想食d平d既野,所以就諗一係去food court,一係去赤丸食烏冬,因為o向佢初開既時候都想食,但係次次都唔想等位,所以無去到~但係因為我地有好多時間,所以等,8點3開始排,好多人排,都有3-40人,地方不大,但係人人都食完就走,我初時諗要等成個鐘先有得食,但係等左半個鐘就有位了,我地叫左好多野食,我男朋友叫左個冷烏冬,15蚊係大既,10蚊係細既,15蚊,雖然無配料,但係都好多,而且有個料點既,味道唔錯,烏冬就好"煙un",好好食,我就叫左個咖喱牛肉烏冬,我初初見到以為好細碗,誰不知,好多,而且好多料,又唔太辣,好好味,我地仲叫左好多小食tim,有燒排骨,有炸蝦,炸魷魚,炸魚餅,炸豬扒,餃子,雞翼,肉腸,牛肉薯餅,炸蓮"偶"啦,樣樣都係10蚊到,真係好抵,餃子真係可以唔試,味道好一般,炸野都幾好食,炸豬扒好好食,肉腸,炸魚餅都唔錯,燒排骨好正,個薯餅唔錯架,但係太多油,但係我見其他人既唔油,唔知點解我o個個咁油,如果唔油就真係好好食

- 慕名而去, 排左一個鐘頭隊, 又唔派飛仔, 坐低已經想死- 野食價錢幾抵, 但係款式唔算多, 味道亦冇乜特別- 烏冬的湯好唔掂, 好似水- 但免治牛肉薯餅就好好味

今日下晝一個人行apm.買完o野經過見唔係太多人排隊咪等下囉~呢度講真真係冇乜Service可言.水都係自己斟.有D搞笑.一條友唔食得幾多o野就叫o左咖喱牛肉烏冬.D汁好濃呀~果D跟本唔係湯.烏冬唔係預期咁好食.係OK果隻啦~牛肉有部份都有D老.35蚊一碗.唔係太抵囉~叫做試過就算.覺得味千雖然係公式化D冇乜驚喜.但呢度又何嘗唔係呢?但我覺得味千可能會好食D.唯一可取o既係呢度冇收加一囉~但話時話佢要收都受之有愧啦~哈哈~

烏冬講就講係北海道黎, 食落雖比出面好少少!但又唔係期望咁高囉! 天婦羅唔好食! 不過出奇地唔太多油...不過間野冇SERFVICE 架, 又細分開左2面, 一面拉麵,一面壽司! 但拉麵呢面好多人等, 搞到果果依為好好食! 仲有佢地既小食魚餅同餃子都好唔掂! 下次都唔再幫親.不過佢地既定食好大份, 地盤佬都夠食呀! 仲有唔收卡好麻煩. 另朋友只要有一個未到齊都唔入得!

其實到該店試食已是很久以前的事. 記得當時APM新開幕. 行到好夜(11:00pm)發覺此店竟然仲有人龍, 就硬拉老公入去試食.過了這麼久還要寫食評, 因那時吃的烏冬到現在印象也很深刻. 應該是咖哩牛肉烏冬, 本人酷愛把咖哩配無蛋麵(例如上海麵,烏冬等)的感覺, 比配飯還佳. 因配飯的話控制不了汁的份量, 導致味道經常太鹹或太淡; 但若配麵的話汁隨著麵條邊給啜入口, 味道就洽到好處.話說回來, 這個使我念念不忘的烏冬, 正宗日本咖哩加上爽彈打造烏冬, 真的非常味美, 我相信是全港獨有. 但不知為何是撈烏冬的, 如果多點湯水會更好.

有日行apm見到呢間店, 記得d人話好平,所以就去食下野。叫左個烏冬,厚燒玉子,天婦羅。我就唔係好like個烏冬, 但我個fd 話好好味, 我就話黏左d~玉子得個甜,冇上湯味~天婦羅,冇味....雖然係好平, 但我認為唔係咁好味。

上星期五終於有機會一試此店的烏冬，烏冬雖然是手打，可惜不夠爽，略嫌太腍。不過，我極喜歡滑蛋湯，感覺似台式魚羹，正呀....所以最後我把全碗滑蛋湯飲完。

今日去apm排隊等食<赤丸>, 21/9 終於三個人試食了,都等待了十五分鐘。這間都算是一間抵食的烏冬店又唔駛加一。基本上係冇服務可言"self service"。我叫左日式雞扒飯套餐,碗飯有點失望，吉野家碗飯比較好食D.但有碗細烏冬跟餐，好彈口呀值得一試。

星期五提早放工,剛好媽咪在apm,就去逛逛食野.見這裏罕有地不用排隊,當然入去.兩個人叫了:冷烏冬(大)---烏冬汁依舊好味,但烏冬以沒新開時咁煙韌,味道只是一般炸雞翼---熱辣辣,炸得不會乾曾曾,內仍有肉汁,辣辣地,味道不錯燒排骨---比上次差,不吃也罷天婦羅冬菇---略嫌粉厚了些小,但味道還可以天婦羅茄子---茄子夠淋,不過味道差小小總括,食物可以,不用等的話食下無防,但要排長龍就不值得了

上次黎過幾好食,(13/9)再帶朋友黎試下啦!點了熱烏冬(加大)$15,朋友食,味道唔知 冷烏冬(正常)$10:上次食的汁有味點,今次好似冇乜味,烏冬又冇上次咁彈牙 吉列豬扒$10:雖然唔覺好厚粉,但都唔好味,又唔覺有豬扒味,都幾差 炸茄子:$5,兩件,都抵的,朋友食唔知,不過,她覺得奇怪沒有汁點 炸雞翼:$10,上次食過覺得唔錯,今次覺得冇味的,又好似乾左d昨天一點九去到，前面都有七至八人等，因為肚餓關係，都照排隊．真係好在排住先，坐低了後發現排隊的人潮有十幾廿人．可能心態跟我們一樣，以為兩點lunch過後會少人點,點知仲多人啊!

上次去覺得名不副實。本來想去第2間食，不過朋友鍾意……唯有去啦。同朋友一齊叫了:吉列豬扒烏冬($35)湯烏冬（$10）清清地夠彈牙炸雞翼($10) 普通，炸得香但唔入味炸牛肉薯餅($7) 值得推薦，好香口外面好脆，食到薯仔同牛肉味吉列雞扒($7) 差。d粉仲厚過塊扒，一d雞味都無炸冬姑($5) 麻麻地不過真係多人囉，明明已經2點幾去食，但都仲要排隊……可以既話，真係希望間舖可以擴建。

架哩牛肉面, 湯好香但食落卻不夠濃, 另外牛肉份量太少.整體算可以.而親子雞扒原創撈面, 很失望!大大碟一pet野, 面底有小小既湯, 賣相好差, 味道....基本上冇味! 最差係雞扒, 雪味好重!兩個小食炸雞翼同餃子, 謹合格!而最重要的手打烏冬.....講真係崇光買任何一款二十元以上有湯料包裝的都比這裏好!而服務.....基本上係冇! 有一點要提這食店管理的人, 點可能讓煮面的人在人客望到聽到的廚房內大大聲用粗口交談, 好令人反感!

想起早幾個月APM岩岩開個時來過這兒食, 那時都已經排晒隊, 但係過左幾個月都依然係咁長龍喎, 都要排成個45min, 完全唔考慮採用攞籌的方式, 好明顯係老闆睇中港人like排隊的心態, 排的又浪費時間, 又唔可以行開, 比人當怪獸咁睇. 係入面食的又比人眼金金睇住晒, 食多陣都好似唔好意思咁. 我本人真係唔係好like排隊時已派定order紙, 所以一坐底就可以落單啦! 叫左個咖哩雞肉烏冬$35, 牛肉清湯烏冬$35同細烏冬$10, 重有咖哩薯仔牛肉餅$9一件. 烏冬依舊粗身煙un, 每條都係長長的, 比機製烏冬正得多, 咖哩係杰杰地的, 好易可以撈埋烏冬, 味道濃及香但不夠辣, 略為咸了點, 雞肉好鞋.............牛肉烏冬都有成六七片牛肉, 算係幾多啦, 不過清湯真係好清, 無咩特別, 烏冬內無咩蔬菜, 如果可加d就好啦, $10細烏冬都好大碗下, 其實同清湯牛無分別, 只不過係無左牛, 所以都有諗過其實係咪齋冬平好多......咖哩薯仔牛肉餅炸得唔錯, 食落就知係現貨即炸的, 不過價錢合理, 無須自己係屋企炸到身水身汗啦!!好味道, 好煙un, 又抵食, 不過真係唔