赤丸製麵所 (已結業)

晚上跟朋友食飯,岩岩買完六合彩就見到赤丸無人排隊就入去食啦,我地3個人坐卡位都幾舒服。我點了一個滑蛋吉列豬扒飯。賣相係幾好,炸得金黃。但聞唔到香味,食落果然無錯,係軟既,一d都唔脆,好似炸完放左好耐先再囉出黎比人食,同埋好油,我諗炸既時候油溫唔夠高,所以又軟又油。最大獲係塊豬扒無味,炸之前加d鹽加d黑椒就已經可以好好食啦。個飯濕濕地,一d都唔好食,其實日日煮飯,日日個個份量,日日個隻牌子,都可以煮到d飯咁,真係唔明白。個飯仲跟個麵鼓湯,但係個麵鼓湯好明顯係味精湯,唔係真正的麵鼓,所以不飲也罷。唔怪之得晚飯時間無人排隊。我個朋友就叫左個拉麵,都係期望唔好咁高

今日同屋企人落去青衣城又去食日本野，見到間出名係烏冬既赤丸製麵所,聞到好香既湯同埋魚鮮味，真係好吸引。叫左個柑子鲜蝦烏冬同埋墨魚丸，d柑子好香，好開畏，一流！！！襯埋鮮蝦，無得頂！！！d烏冬先最正，夠彈牙，夠爽！跟住個墨魚丸都好好食，有料！

剛剛去完迪士尼，打算近近地去青衣城食晚飯。在openrice搜尋烏冬，只顯示了這間，所以就試下。入去之後都叫坐無虛席，我2個人就坐左係吧台。諗左好耐，最後揀左個滑蛋鰻魚烏冬，佢話係新品黎。等左唔算好耐，首先個外貌唔吸引，d滑蛋睇落去係灰色，鰻魚份量唔多。食落去d烏冬完全感受唔到係專門店應該食到既野唔值呢個價，鰻魚既味道就不過不失啦。總括以言，我食得飽但唔會再去。(順帶一提，服務員態度亦不太好，好似趕客咁，好快就執台)

晚上大概八時半，去到青衣城搵食，於是就想起依間食日本野0既食店，因為之前食過覺得雖然座位係迫d，但係d食物、價錢同埋服務態度都幾好，所以就想再去食啦！點知今次去食同上次完全係兩回事！職員態度︰一入到去見d職員唔係門口，所以就自己同一位朋友行入去，座低後只見枱上有兩個無水茶杯同餐牌，職員完全無理會我地，大部份職員竟然走曬，剩返一位職員慢慢咁執緊枱，跟住我地就叫依位職員落單，同埋想叫佢比兩杯水我地，佢竟然當聽唔到，等左一陣又有另一位職員出黎，於是我地叫佢落單，依次有落單 但係佢都係唔肯比杯水我地，我地見到隔離枱有一個膠水壺，於是就自己(針)水啦，但係佢見到d客個膠水壺無水都唔肯再(針)！食物方面︰叫左一個香菇牛肉飯，分量適中，不過乘碗都係油，食完好似食左乘舊豬油膏咁，(吉x家)都好食過佢！ 仲叫左一碗吉列豬排湯烏冬，豬排炸到乾兼無味，仲要有一塊豬排竟然得塊炸過0既皮，塊肉唔知去左邊度！！烏冬好硬！d湯咸到苦！所以食埋依次一定無下次！

從前最愛赤丸的烏冬，當年係apm 經常食，但後來apm赤丸結業後就好少去其他分店了。當年記得湯烏冬/ 凍烏冬係10蚊一碗，天婦羅茄子5蚊兩件。可想而知有幾耐冇去過喇!今日係青衣偶遇，簡直有種撞到老朋友既感覺，一定要入去話當年啦!打開餐牌，湯烏冬已經24蚊一碗，天婦羅茄子15蚊兩件，證明時間真係過得好快好快!天氣有少少熱，就叫左個中華稻庭風凍烏冬!配菜正常屬好食既水準，蝦新鮮炸起，粉薄蝦爽，其他蟹柳腐皮都係交番黎, 冇咩特別，唔會出事既味道。最重要係個烏冬，以前係apm 真係見d日本人手打烏冬，一條條"猜"出黎，今日見唔到呢個畫面，不過d烏冬同以前一樣都係咁煙韌幼滑!!!!!!!!!!!非常令人感動的一個烏冬質感!以前的凍烏冬係配昆布汁，依家就配芝麻醬，兩樣都好味，味道非常配合凍烏冬!如果港島有赤丸的話，一定會係我飯堂...

忘記了為什麼會來青衣一趟, 是因為辦私事還是因為專程來看一看一班minions......記得這間赤丸所身處的商場環境挺特別, 附近的顧客服務部設有一個巨型熱帶魚魚缸, (*´∀`)~♥赤丸製麵所是採用由北海道麵粉製成的日本讚岐烏冬, 餐廳亦以快餐店的形式運作, 如無記錯好似只收現金及八達通。櫻花蝦天海老掛烏冬 ... 烏冬不失煙韌, 滑滑的食到雪雪聲, 有冬菇片、滑蛋、醬油作調味引子, 因此味道是比較偏向日式, 清清淡淡的著重原味, 櫻花蝦當點綴, 一流；蝦天婦羅是一貫的透明玻璃蝦, 上檯時已望到炸皮趨向軟腍, 蝦肉無味卻爽口 (是蘇打粉的關係!)青檸池魚 ... 燒香的池魚肉再吱上青檸汁秋葵薩摩揚... 原來所有裹魚漿的炸物都稱為薩摩揚；被炸過的秋葵是脆之餘還帶有滑滑的黏絲, 魚漿就是日本魚蛋的那種又甜又綿的囗感, 捆上的那一條紫菜卻是提香的源頭, 千萬別小看小不點!

一個人坐吧位吉列豬扒蕃茄湯烏冬; $38 (烏冬仲保持到滑同煙韌彈牙, 一級棒! 不過蕃茄湯底就強差人意, 應該係用本身湯底加d好酸既蕃茄醬溝出湯; 吉列豬扒係正常普通貨色不太差, 中等厚度唔嫩既豬扒配不太厚既炸漿)咖哩吉列蝦飯; 跟餐$10 (以前係天婦羅炸蝦大大隻爽口好美味; 可惜近排已經縮皮轉左做細隻d既吉列炸蝦, 好彩蝦肉都仲係爽口; 值得一提既係其實個咖哩汁係好好食, 係有辣度既咖哩)

好少去青衣。睇戲前的晚飯，因對日本讚崎烏冬既愛好，係openrice 找到呢間餐廳，看見係烏冬專門店走去試下。點知，由烏冬既口感同外形到配料都同我預期「專門店」既水準落差很大。我點了吉烈蠔蛋花湯烏冬，蠔的雪味，腥味由咬開的一刻到食完整頓飯都「齒頰留香」。烏冬過硬的口感更像只煮了三成熟的意粉一樣。加上店員趕客般的執枱速度，令我對呢間餐廳的感覺好差！

今日放工後回青衣城,打算吃個下午茶烏冬,因為見到赤丸有做下午茶$29一個烏冬,所以就唸住吃個平價美味烏冬~點知烏冬一來到,發現唔對路,點解烏冬樣子怪怪的?感覺好似酒樓火鍋烏冬咁款,心唸住可能係我錯覺,食落可能冇事,點知食落就知並不是錯覺,口感絕對係酒樓火鍋烏冬!我當下根本食唔落,待應見我反應怪怪的,於是就問我有咩需要幫忙,我就話烏冬食落去一D都唔彈牙,佢之後拎走o左個烏冬,問清楚之下就回覆我應該係今批烏冬有問題,問我要唔要轉其他,我就轉o左食個饅魚飯饅魚飯黎個時,其實我已經唔係太有心情食,加上饅魚飯唔特別好食,首先個饅魚又薄又少,饅魚飯加入蛋絲並不配撘,汁都過醎,感覺隨了烏冬外飯都不太好吃,若不是今次烏冬出問題絕對不會叫飯!未必唔會再有下次,不過真係唔太希望下一次再幫襯再食到噹噹貨色烏冬,係赤丸出現實在不能接受!

已經好耐無寫食評，但今日食咗碗好難食嘅烏冬之後，就激到我要即刻寫番一篇。上星期四，放一點，於是去青衣城食晏。之前都幫襯過赤丸製麵所，覺得烏冬唔錯，完全無諗過今次會中地雷。要了一碗温泉蛋芝士雜菌烏冬。湯底一個字“咸“，別無他味，完全係鹽水，咸得過份！！！温泉蛋係凍嘅，不得了！雜菌，唔可以叫“雜“，因只得一隻菌，就係茶樹菇，又係好咸，連菇都可以咁咸。烏冬係唯一可取，彈牙，但當烏冬浸在鹽水中，都想像得到有幾難食！！！不得不給喊面了！

真的好耐無來，以前是人山人海，現在入去即有位。點了吉列豬扒蕃笳湯烏冬，加一個一吉列蝦餅，另一個是吉列蝦烏冬。不到十分鐘，食品好快送到。烏冬爽口彈牙，蕃茄湯夠濃味，豬扒夠熱及軟，但係好似無味。而吉列蝦同樣無味，食完還有點油膩。吉列蝦餅，二塊大大塊，但裡面只得一隻好細的蝦，起初以為自己點錯相比一年前，質素差好遠，人潮真的可反映到。

今日1想食麵就去左e間記得第一次食戈陣都ok所以就去e間咁我又想食咖喱wo 所以就叫左個牛肉咖喱湯烏冬佢個烏冬一如既往般彈牙！好食！但個咖喱湯就只係聞到有咖喱味 食落就唔似食ing咖喱 牛肉就普通啦男友就叫左個吉列豬扒豬骨湯烏冬個吉列豬扒好正！好脆好好食！個豬骨湯佢就覺得麻麻地之後仲叫左2杯蘆薈巨峰好有巨峰提子味 但蘆薈就少左D總的來說都過得去ge 不過下次唔會再食咖喱湯之前食過佢個蕃茄湯ok的

午市套餐是三十多四十餘元一份, 連沙律及支裝汽水和風粟米沙律的粟米粒甜甜又飽滿, 菜絲爽脆, 胡蔴醬拌得剛剛好, 只可惜沙律分量約只有2湯匙豚肉蕃茄湯拉麵的豚肉有輕輕的炒過, 蕃茄湯一點也不濃郁, 與蕃茄件正正就是貌合神離的現狀, 而且蕃茄湯的味道比較人工；拉麵確實彈牙, 可惜沒有嗦湯的能力

每次, 我到青衣城, 看見赤丸, 好像一個鳥籠般, 令我非常反感今天, 我終要面對我的終極大決戰---赤丸喜愛拉麵的我卻要來吃烏冬餐紙, 好像車仔麵的餐紙 滑蛋吉列豬扒掛鳥冬$42, 加套餐迷你吉列蝦咖喱飯及罐裝汽水+$20=$62。迷你吉列蝦咖喱飯, 我以為是超級迷你有如:麵豉湯碗一樣, 原來也有家用的玻璃碗那麽大, 吉列蝦味道鮮甜, 咖喱帶鹹和辣, 飯粒甜甜滑滑綿綿的滑蛋吉列豬扒掛鳥冬滑蛋吉列豬扒掛鳥冬, 好大碟呀, 滑蛋很多, 很滑, 豬扒乾硬, 炸過的皮脆口, 皮下油脂不足夠, 烏冬沒有酸味好彈牙自助買單卻需加一服務費~~~

同內人係佢屋企附近食野行到落青衣城見到赤丸唔洗排隊所以就入黎食見到個餐牌又貴左-___- 但都冇計, 叫左: 冷烏冬 炸雞翼 炸軟殼蟹冷烏冬 係必叫既 依然中意食赤丸既烏冬既原因係因為佢夠彈牙但就愈來愈貴同愈來愈細份-___-我記得以前有分大同細, 依家冇分大細, 但就係大既價, 細既份量-__-炸雞翼 同 炸軟殼蟹 都係小食但就真係炸得唔錯, 雞翼係釀雞翼, 好好食炸軟殼蟹都唔錯, 幾脆 幾有味總體而言, 其實水準都仲係度, 不過, 真係愈來愈貴-__-