赤丸製麵所 (已結業)

上一次來幫襯都係一兩年前，今日再來，見到有新的菜式，但大致上都是SELL 烏冬...今日叫左︰- 湯烏冬︰感覺上水準都同以前一樣，烏冬很滑，UN 度適中，湯底同以前一樣，清清地，會不自覺咁飲左唔少... 佢既湯烏冬都係最招牌的..- 雞軟骨小食︰都算幾好，有雞的香味...- 炸八爪魚︰麻麻地，冇乜特別，炸左你又食唔到八爪魚味，係見到個八爪魚樣，我覺得八爪魚咁食係怪怪地..- 炸腐皮年糕︰佢個名我唔記得左，但係昃腐皮包住年糕，外面係炸的，其實腐皮年榚配炸呢個組合係怪..腐皮年糕係應該個面濕濕地...兩樣炸物都放左入湯度，唔好咁熱氣....其實佢既烏冬質素真係幾好，但其他食物就一般啦，冇乜特別驚喜... 我覺得佢既小食太多炸的食物，其他選擇太少...以前有個$10的細湯烏冬，依家冇左...我覺得可以試下佢既烏冬...

自己擺咗烏龍，攪到屋企無煮我飯，所以一支公搵飯食我第一次食這個店，原來係半自助式，有人帶位(啲位都幾迫)，將劃好的菜單交給姐姐們，美食自動送上，食飽之後自己拎返單出櫃台埋單。唔知食乜好，叫咗最愛既冷麵。地方小，不過碟子大，真攪笑﹗份量ok，只係汁太酸，其他無特別。姐姐會拎返張單放係你面前，所以睇埋要比幾錢之後~~ 所有嘢都算啦~~ 係咁上下架喇﹗

今天約了朋友到青衣城睇戲,但距離開場時間尚餘30分鐘,我們大家還未吃lunch,首選餐廳要又平又快,所以我們便來了赤丸製麵所.幾年前,我也去過觀塘apm分店,但上一個經過,餐廳已經不在了,記得他的烏冬也是不錯的,所以今天我也快快地選擇了冷烏冬+芝麻雞翼,朋友仔便揀選了熱湯烏冬+温泉玉子朋友的熱湯烏冬+温泉玉子我沒有試過,所以不便評論,不過他也說烏冬真的不錯,看見他沒有嘆這碗烏冬,也把整碗烏冬吃光,相信也是不錯的.而我選擇的冷烏冬+芝麻雞翼真的是不錯. 冷烏冬夠冰冷,而且烏冬有彈牙感覺,醬汁材料味道岩岩好,特別加上芥辣更加好味,還有芝麻雞翼也是剛炸起來,很重芝麻味,一冷一熱,恰到好處.由落單到埋單剛好是二十五分鐘,完全是夾得到我們的行程,真的是一頓又平又好味又快的快餐.

我地6個人但都等左一段時間, 不過個男仔都幾好禮貌入到去坐得都幾舒服。我叫左個鰻魚飯+麵豉湯($44)但得兩舊鰻魚..下面有d黃色既野友人話係egg..但食落冇味!鰻魚好香同好味但份量真係少到丫?!!麵豉湯都好飲..有豆腐同海苔..但又係好細碗- -食左成餐都唔飽..算係岩岩好岩d細食既人不過呢個環境唔洗+1都算唔錯

吉列雞扒凍烏冬吉列野新鮮炸好正, 脆脆的炸漿加埋入面嫩嫩的雞扒係呢度我既最愛, 不過可惜的是而家烏冬唔知轉左貨源定點, 無再分大細一隻 size 比以前大既貴左但係份量又少左, 而且d烏冬幼左無咁有口感又唁夠煙靭, 已經唔再係我諗住食烏冬一定要來既地方咯 + $10 吉列海老飯加錢食, 蝦爽口大大隻熱辣辣好正

今日同朋友到青衣城行街,順便試下"赤丸"! 關東煮: 有一件大蘿蔔, 一件魚餅, 一隻烚蛋, 無咩味, 無咩料, 咁就$15, 唔抵食 雞軟骨串: 有三串, 味道都係唔夠 熱烏冬, 一直都期待著, 結果都沒有令我失望, 烏冬彈牙, 好fresh, 熱湯都好鮮味, 下次要試埋冷烏冬不過我們坐"吧枱" 旁邊坐滿人, 迫左少少!

活動前個半小時，不宜飽吃，試了滑蛋蟹柳烏冬，對上一次來是年多前，烏冬質素同今天都差不多，為慳成本中央生產，質感是粉腍，有時候自家製又不代表好，這裡就是一例。芡湯下的師傅不少，吃得周身不自在，算了是總廚訂下的「有味」配方，怪不得餐廳小按指令行事的小師傅。不過去到最後，最不想吃的蟹柳，竟然是冷而帶雪氣，剛由雪櫃取出，擺上面就交貨。由中央廚方的配方，到行政總處而至店師傅，通通感覺不到對食物及客人有半點專重，驚奇是這樣子質素餐廳竟能活下多年，是惡男要求太高，還是食客也真的覺得無所謂？

十年沒有到青衣城, 變化真大, 我記得以前比較細間 食店總類多, 中西日法台差不多想吃的便有得吃。我不是烏冬愛好者但我丈夫是, 他一見到製麵所這三字即雙眼發光試想想厨師為每一order都細心地製麵, 那麵粉的香氣充滿厨房(雖然我估這不會是事實), 但總是會期待着我order了滑蛋牛肉蕃茄掛烏冬, 老實說除了烏冬較qq,牛肉嫩及滑蛋滑外, 我根本吃不到蕃茄味, 一點兒也沒有......, 原本對它的期望是酸酸甜甜,有點像蕃茄炒蛋, 可憐......丈夫order了最簡單的赤丸稻庭風冷烏冬及關東煮(蘿蔔、雞蛋、魚餅), 原來冷烏冬是較幼身,也是qq口感,晶瑩剔透, 可是關東煮的蘿蔔很苦, 我想應不是日本大根, 是香港貨, 因為春天才是白蘿蔔當造, 那時是最甜的。日本大根沒有渣的, 香甜軟糯的。我們坐在bar枱, 很有日本地道feel, 所有職員速度快, 有壓迫感, 一個客走又有一個入......感覺很正！

一向愛食烏東，呢日黎左赤丸冷熱烏東各點一客，我的是熱湯烏東，好有咬感~D茄子天婦羅，呢個不太欣賞，油到不得了吉列炸豬扒，真的讚讚讚，外脆內熱蟹籽沙律，睇怕都係一早整定晒，連個碗一齊雪住......唔鍾意

我記得第一次食赤丸冷烏冬, 係覺得超級好食!! 個陣寧願食多d鳥冬, 無餸都無所謂但係今次食...好似d冷烏冬($18)失色左。無咁煙韌....仲加左價, 無分大細......姐係得細但貴左温泉玉子 ($8)無咩味...可能唔係日本蛋啦, 所以唔太值。吉列豬豬排 ($18)正正常常。吉列多春魚 ($15)$15 有三條都抵食, 不過佢個樣好搞笑, 都睇唔出佢係魚。南瓜薯餅 ($10)我覺得佢最好味! (可能因為我中意食薯餅!)有南瓜味, 又熱辣辣!食到飽飽^^P.S. 筷子盒得兩, 三對筷子...我地拎完之後就吉左LU....Tissue...好似同bar 枱其他食客爭先有咁...又係話咁快無哂=.=以前係咪有薑ga??

昨晚在青衣覓食,但商場食肆很多都爆滿,輪候的人又很多,這兒較少人,就這兒吧!很怕等位,超上一小時的話免了,當然是指隨意的佐膳,約朋友或喜愛的食肆,就必定預早訂位了等了十多二十分鐘,也可以入座了,這兒輪候處理得幾好,不會很亂食物也不會等很久,服務員工幾快手,服務態度都幾好熱湯烏冬:烏冬幾好食.算煙韌彈牙,稍一不足係淋左少少冷烏冬:同熱的烏冬比較,兩種不同吃法吧,冷的提供一小碗汁料蘸吃,熱的有湯底,各有各的好吃炸腐皮條:腐皮豆味算足,加上蔴油醬汁,幾好食炸蝦:表面上幾大隻,但炸粉很厚,蝦肉經特別處理過,雖然爽滑,但蝦本身肉味已盪然無存,一點也不好吃炸福袋:是日本式年糕,粉團軟糯,口感幾好,好吃燒汁豚肉:好像烚熟了的豬肉淋上燒汁,不難食,但說不上好吃免收加一,價錢算便宜,食物質素也不太差,要求不高的,算抵吃

呢間真係嗒過無數咁多次, 鍾意佢經濟實惠, 味道又好, 商場夠大, 又有超市行, 最重要係泊車優惠超抵, 呢期做緊平日 $100 消費可以泊 3 粒鐘 .......今晚照舊都係叫果幾樣, 不過新出左掛烏冬, 老公即話要試試 ...... 熱湯烏冬 + 炸蝦咖喱飯 ~~ 呢度既烏冬好彈牙, 我鍾意呀, 細細碗岩哂我, 另外加左個飯仔, 咖喱好香, 隻蝦整得岩岩好 ...... 中華稻庭掛烏冬 ~~ 新口味, 老公第一次嗒, 佢話個醬汁咸左啲, 但都會再 encore 喎 ...... 天婦羅蝦 ~~ 每次必叫, 好味 ...... 照燒雞 ~~ 好鍾意食日式照燒雞, 個醬汁一流 ...... 湯餃子 ~~ 往時係煎餃子架, 不過味道一樣, 都係咁正 ......

是日到青衣裝電腦,工作完已經差不多3點,lunch time過晒,就是是但但周圍行下睇下有咩好食,見到呢間烏冬店,令我想起咖喱烏冬,一於就試下呢間專門店,既然係專門店,應該不會差吧!選了海鮮咖喱烏冬,當中有一隻炸蝦,一隻青口,一隻細細隻既帆立貝,幾隻蜆肉.先試咖喱湯,只感到一陣辣,而沒有咖喱應有之蔬菜甜香,試完啖湯已有點意興闌珊.......烏冬可以的,但未到爽口彈牙之地埗.一試無妨的,但專程拜訪就無咩可能了!!!!!

7pm左右到達,當我想點咖哩親子撈烏冬 之時,我地想知道「親子」的意思是什麼..所以問問職員~問左2個職員..但佢地同樣竟然唔知道什麼是「親子」,真係好無奈.... 唉,之後才知道親子=滑蛋/雞蛋 咖哩親子撈烏冬 $42幾大碟,不過見家人也是點咖哩款式的撈烏冬,不過醬汁比我果碟更多呢.....雖然我果碟烏冬的咖哩汁也不算少,不過拌勻後,都叫做岩岩好的份量,我果碟烏冬的雞肉不錯..可惜咖哩汁...當中一粒薯仔也沒有.....發現有好多滑蛋喔!很香滑~賣相都幾特別!! 芒果紅茶幾大杯,不過飲到近底部真係甜左d,看來需要攪拌後才飲用比較好呀!近冰的部份較為鮮甜,good 總算清清靜靜地吃1餐dinner,

最後一天離開香港時在青衣城商場逛...青衣城是香港也是有排到名的商場...商場很大...什麼里里叩叩的東西都有...建議要搭機返台當天可以到青衣城逛...愛血拼的如果在香港敗不夠到青衣城可以再戰一回...我是不愛逛...逛了幾間店我就說我不逛了...分道揚鏢...我打電話給朋友...朋友趕來青衣城送我最後一程...送我最後一程...哈...自己看了都想笑...青衣城的冷氣很冷...冷的我一直抖直抖嗦...我跟朋友說想喝熱湯...受不了勒...找了這家赤丸製麵所喝個熱湯吃點烏冬...(在香港...烏龍麵稱做烏冬麵)真是正中我下懷...這家我其實笑想很久了...只是沒有勇氣走進去吃...剛好朋友提議就吃了吧...這家是誤打誤撞...好好吃喔...傻人真的有傻福耶...我在香港自己單槍匹馬闖天下找到的都還不錯耶...青衣城...在搭地鐵前往搭機途中一定會經過...所以青衣城的客人也相當的多...赤丸製麵所位於青衣城的一樓...門口的直立招牌...價格也是給它貴貴貴...但這是香港的均價...我很冷...想喝點熱湯又想吃點烏冬...所以點了最基本款的...熱湯烏冬...這個赤丸熱湯烏冬也是店裡