赤丸製麵所 (已結業)

獨個兒，附近的餐廳已吃勻，簡單的一餐可選擇的似乎就得這裡，橫豎要開些新課題，就由平宜近人的日式甜咖喱開始吧。大集團下的Young Long，不作他想，要了卅元的咖喱免牛飯，落單後未幾聽到叮叮聲，好一個即叫即上的咖喱飯就在眼前。非土產的珍珠米雖然不夠軟熟，但不至於濕腍，可以，咖喱免牛醬似乎是學堂飯堂吃到的味道，由微辣但欠果甜的咖喱粉與無味牛肉粒組成，不討好，太陽蛋是無技術可言的「鐵圈」蛋，乾脆蛋黃撈飯加點酸薑，然後草草埋單。比起食事，似乎SB七味粉、咖喱鹽、日本辣油這些配套比起主角更認真，是集團式經營唯一好處？如附近有吉野家的話，就真的找不到理由來這裡。

之前都聽過E間既烏冬好味, 今日有機會試下了.點左: 蟹柳熱湯烏冬配冷芝麻汁個湯好淡,預左你配D汁食,芝麻汁有D酸酸咁,係上面有D麵脆好味~+有杯ORANGE JUICE赤丸熱湯烏冬(大)D烏冬唔彈牙, 仲有D痴牙?鰻魚飯燒汁豚肉飯D飯硬呢,同埋好似唔係珍珠米既?煎餃子"林"左關東煮---年糕袋, 野菜魚餅,芋絲扎好似MIRCOWAVE 叮熱左咁咋幾好, 唔使加一, 坐得幾舒服,不過係食物有D失望.唔知唔同分店會唔會唔同架呢?

哈哈! 好快到兄弟的拍拖週年, 費盡心思的他來到青衣逛逛剛剛親愛的和她妹妹到了我個, 四個人一起吃個下午茶因為大家都唔係肚餓, 所以只叫了以下的冷烏冬: 差不多係每次來必叫的一味, 事關全店最推介的就是烏冬本身牛肉烏冬配天婦羅飯: 以前在這裡吃過其他的烏冬, 感覺麻麻; 今次這個帶來少許驚喜, 如果多點芝麻, 或者有點配料會更好. 跟餐的天婦羅飯就唔合格了,炸粉較厚而且面頭的汁已經整到外面開始淋了, 不過蝦本身是爽身彈牙, 挽回少許分數南瓜天婦羅: 特價中, 當作甜點算吧... 這裡的環境都唔錯, 平日的下午茶唔會太多人, 坐得幾舒服不過這裡如果作為晚餐, 菜單就未免太少選擇了.最後就係希望兄弟, 阿嫂快快樂樂!!

$12 一碗 熱烏冬....食得飽我之餘....仲要係有水準既...最緊要係冇加一!!!!最於其他小食，以前既就好味，近依２，３個月真係差都冇人有，可以不點！！

星期日同女友去o左呢間店到食晏,果時已經三點,但都要排隊,等o左陣就有位,叫o左個武藏野烏冬,一個關東煮,一個滑蛋豬扒飯,所有野都唔錯,但最估唔到o既就係武藏野烏冬原來係熱o既,但佢個樣係凍烏冬,食o左先知中計.呢個價錢,o廿o既質素算係o廿啦,佢仲要o係青衣城,都ok啦!

在青衣城, 呢間食野都算平. 當日叫左兩樣野. 一個係小食, 一個係二人份量的雜錦飯.其實呢間食肆我都幫親過好多次. 但唔係因為佢好好食. 係因為經濟實惠, 通常兩個人都唔駛一百呅.佢地d食物味道比較淡, 可能好多人唔鐘意. 但我就覺得尚可接受. 特式也欠奉, 係相當一般的食肆.

今次食左滑蛋蟹肉鳥冬,大冷鳥冬,牛肉餅,炸南瓜呢次個蟹肉鳥冬咸左d,牛肉餅d肉其實佔好少,好多都係粉...個南瓜就唔覺得好味...$7一碟差不多啦,係差d的

新學年,不再在沙田,轉到不熟識的青衣。為了適應新環境,除了要在青衣的街道走走、認路,還要試不同的食肆。兩小時的午飯時間,去青衣城逛逛。見到這裡不設加一,故今次先試赤丸。見飯、烏冬、拉麵都三十多、四十多一碗,還是點個大的冷烏冬,加碟煎餃子。先上的是煎餃子,餃子不熱,皮毫不脆,軟軟腍腍像是沒煎過,幸餡中的肉還可以。之後上的是冷烏冬,把蔥粒、芥末混入醬汁中,微辣不至攻鼻,帶蔥香。烏冬算滑身,頗煙韌彈牙,但嫌其麵身稍硬。在夏天吃著冷烏冬感覺還不錯。埋單$31,以青衣城內來說是差不多,但相比外面還是較貴。有沒有下次,我想還是有的。

今晚去左呢度食dinner,冇人係出面等緊喎又,個陣8:30pm到...叫左:蟹肉湯烏冬 - 好好味!!!個湯底一流!!!好特別架,我唔識講...有相睇~~烏冬好好!!!豚肉烏冬+天婦羅飯(套餐) - 男朋友話都okay,我食左佢舊天婦羅,都好好味~算大舊冷烏冬(小) - 都好味!!!好彈牙埋單岩岩好$100,hehehehe~~~~但我地坐近門口的位,有點不好,因為好多人望住...有個Waitress好好,提醒我記得拎番我袋山崎麵包走,GOOD~但我見其他d o靚妹的Waitress就麻麻~d眼神好討厭

每次黎e度食野都會叫冷烏冬...琴日試過熱湯鳥冬發覺冷烏冬係比熱烏冬好食...1. 比較彈牙2.冷烏冬no埋wasabi再點d汁食...棒 wasabi不會攻鼻..反而帶黎清新無比的口感...加上喊喊地既唔知咩汁 太好味了...3. 熱烏冬既湯味道太淡...應該話係無乜味另外...果度d小菜都不錯...價錢亦不算太貴...一個細既冷烏冬只雖$12 抵

和親愛的及如如游完水, 因為朝早飲完茶都未食過野所以緊係立刻找地方醫肚啦~不過因為運動完立刻食野會仲易肥, 所以還是吃少點好三個人叫了大冷烏冬和炸蝦滑烏冬店內不太多人, 所以坐得幾闊落舒服來這裡就係調味適隨專便, 有多種口味的鹽選擇冷烏冬加了價, 由以前$15變成$17, 份量當然無加啦仍然係幾彈牙, 配上蔥粒, 醬汁加些山葵是蠻不錯的炸蝦湯烏冬只有兩隻炸蝦, 就變左$38…兩隻炸蝦來到立刻救它們於水深火熱之中, 慢半拍都會被浸淋!還好, 蝦都係爽的, 炸粉仍幾平均, 喜歡配上綠茶鹽吊吊味埋單$45, 不收加一, 小吃一頓還是可以的.想試試富久保師父的手打烏冬呀~~

和石頭游完水, 同埋親愛的三個人在青衣城行逛找下午茶~最後來到赤丸, 聽屋企人講這裡的冷烏冬是不錯的所以介紹石頭試試, 我倆就點了份量大點的蔥蛋雞扒飯($~40)share冷烏冬來到, 挾了一些試試, 都幾彈牙, 個汁清淡了點, 不過還可以叫聲蔥蛋雞扒飯真係後悔, 來烏冬店吃坐飯, 真失策! 個飯中規中矩, 不過唔太值依個價...

3個人吃晚餐點了天婦羅蝦烏冬--天婦羅的表皮不夠脆,味道不過不失,但烏冬真的不夠滑!日式煎餃子--一般,跟一般店沒有多大的分別,豬扒飯(不記得實際名字)--豬扒本身很軟,可以再試,蟹肉烏冬--值得一讚是蟹肉很香!如果以這個價錢吃同樣的東西,有更多好的選擇,我不會主動再試.

女朋友食過話好味,於是又來試吓,點知又失望,d烏冬同拉麵都Over cook,所以淋咗,d湯又比較鹹,希望下次會有改善

岩岩同老公去完食lunch一人叫左一個LunchOrder炸雞扒撈烏東 (都唔差, 不過又未至於好好食果D, 份量都唔多)蚧肉飯 (麻麻地, 好小餸, 飯都好小) 可能係男人唔夠食, 女仔就應該岩岩好.午餐有埋一客魚蛋餅&罐裝野飲 (個魚蛋餅就最好食) 埋單: $75D野都幾快黎到.我諗~~下次都幾難先會再幫襯佢喇!!!