賞島咖啡屋

营业中

休息中

朋友約食賞島咖啡屋，一到埗覺得個位置同個格局咁熟口面，原來Dawn執咗轉咗做呢間新嘅咖啡店～座位舒服咗，亦都多咗好多得意嘅小裝飾品俾客人打咭，最重要係店員全部都好nice，又冇限時，用餐體驗非常好，好啱同閨蜜嚟chill下～牆身有個磁石bar，枱面有一盒英文字母，方便客人砌啲message打卡～Flat White同Matcha Latte都有得意動物拉花，而且味道都唔錯，Matcha Latte用咗小山園抹茶粉，所以會比較濃郁～主食方面叫咗好多人推介嘅青醬帶子螺絲粉，欣賞佢唔會太油，青醬香濃得嚟草青味唔會太重，另外煎比目魚好嫩滑～甜品方面試咗佢嘅tiramisu，唔係傳統tiramisu，反而似係用相同材料整嘅cheesecake，食到手指餅嘅原味，如果整體再濕潤啲會更好

呢間位於太子Cafe無論食物定環境都真係冇得彈！同朋友仔兩個人喺呢度Hea左一個下晝，超級開心西京燒比目魚🐟店長介紹呢個係店裏面嘅招牌菜，我同朋友仔就決定一試！魚肉新鮮嫩滑，而且好甜，表面嘅魚皮輕輕燒咗之後帶出魚既香氣，而且佢中間有啲炒咗嘅蘑菇，好多汁好重菇味，超正！青醬帶子螺絲粉🍝呢個我見網上好多人推薦， 我哋都叫咗一份你試吓！青將調得好好，完全唔會話會有好重嘅草腥味，而且打到好細碎，可以好均勻咁樣覆蓋喺每一條螺絲粉嘅表面！帶子好鮮甜同大粒，輕輕煎過之後好香！Matcha lattee佢哋嘅飲品全部都有好可愛嘅拉花，我揀緊呢杯就有隻好可愛嘅熊仔！打卡一流！但係除咗樣之外佢味道都唔錯㗎 ！店主話佢係特登用日本小三元嘅抹茶粉去炮製嘅，所以抹茶會有一個比較香濃嘅味道，飲落有回甘！總括而呢間餐廳無論係裝修同埋服務都好好，而最緊要嘅食物都係幾出色！星期六日約埋三五知己過嚟呢度嘻哈歌單喊都係一個唔錯既選擇！

我地今日嚟到太子晚飯😊真係上面好多都好吸引😊——————-All day breakfast 賣相好吸引！我好喜歡滿滿唔同食材嘅All Day breakfast 😊 每一樣都好好食牛油果果肉綿軟，有著牛油果油香。煙三文魚有滿滿的煙燻香味，肥美豐滿熱熱嘅牛角包嘅酥皮鬆脆而內裏柔軟,充滿牛油香味。半生熟蛋味香濃，而加咗醋嘅小蕃茄及沙律也十分開胃清新。煙肉鹹香，煎得好好味。———————蕃茄海鮮意粉海鮮份量多，整體感覺豐富。意粉吸曬海鮮同埋茄汁嘅味道，份外吸引蜆肉本身有辣椒炒過嘅味道，好惹味剝左殼嘅蝦肉啖啖肉😊都幾大隻，幾好味青口肉質鮮美😊總括而言，餐廳質素不錯，廚師有心機烹調食物。下次約朋友食飯傾偈， 太子呢間小店都係一個好地方😊

剛剛係旺角花墟附近行街，買左幾盆花，行到有啲攰，經過附近有間餐廳，於是就入去幫襯下囉。鋪頭雖然地方唔大，但裝修整齊簡潔，坐落去，感覺都好舒適自在。我望一吓Menu，選左個燒汁比目魚，再加多一個Long Black咖啡。慢慢坐，慢慢享受下，十分優閒。比目魚旁邊有好多蔬菜熱情果沙律伴碟。蔬果非常新鮮，食完都健康d。而比目魚燒得好香，陪埋甜甜燒汁，簡直一流。但全碟菜，對我嚟講，就係我認為最好食嘅薯蓉。薯蓉加上蔬菜牛油一起攪拌，砌成一個小磚塊，放在碟另一面，食完覺得有飽足感。至於咖啡，就不過不失啦！沒太大驚喜，食完之後，就匆匆忙忙搭車回家啦。不過你地去到花墟，都可以試下這間餐廳，行到攰坐低休息吓嘆吓都咪話唔爽呀！

位於太子花園街的「賞島咖啡屋」，係一間裝修簡約舒適的咖啡店☕️餐牌上供應意粉、小食、主菜、甜品及咖啡飲品等等，選擇頗多元化牛油果煙三文魚牛角包煙三文魚油潤肥美，牛油果口感軟滑，配上金黃酥脆牛角包及半溶芝士，味道及口感層次都好豐富！伴碟有新鮮翠綠沙律菜，減低油膩感青醬帶子螺絲粉螺絲粉軟硬適中，帶咀嚼感，每條都掛滿青綠色的意大利羅勒青醬，清新濃郁好滋味！帶子煎至半熟，軟嫩可口，鮮甜味美甘筍蛋糕賣相精緻用心💕蛋糕以牛油、麵粉、甘筍絲及合桃等等製作而成，口感鬆軟濕潤，不會太甜，合桃粒有助豐富整體口感鮮奶咖啡擺盤好靚呀～咖啡及牛奶比例恰當剛好，味道濃厚醇香

今日要去花園街搭車時間 尋找一下目的地附近餐廳誤打誤撞 行到嚟呢間餐廳lunch set有八款 價錢由$98-$178放假為自己叉叉電 嘆返個靚嘅All Day Breakfast先個人認為一份高質嘅All Day Breakfast 首先擺盤要精美 食物亦不能夠太馬虎但呢個All Day Breakfast我見到好失望似係是但搵好多綠色嘢堆埋一齊 食物賣相一般 味道一般 但要$148凍嘅溫泉蛋 牛角包 雜菜沙律 煙三文魚 牛油果 車厘茄 見到呢隻凍嘅溫泉蛋 真係呆咗真係唔係人人都鍾意食凍嘅蛋…🌟總結🌟環境舒適 但服務態度一般食物味道一般 性價比低Lunch set食物款式少

今日同朋友在旺角行花園街買衫,行到太子花園街發現嗰邊原來有間好有格調ge Cafe,決定試一試！🍝蒜油花椒蜆肉意大利麵$98蜆肉份量都唔惹少, 蒜油加花椒令到成碟意粉都變得好惹味! 仲有少少四川ge香辣味滲出黎😍😍 味道幾真幾特別,值得一試!🌮芝士烤雞墨西哥餅$88烤雞墨西哥餅隔離有D沙律做伴碟, 正好有D健康野中和下! 沙律上面仲加左D 醋,幾好味GA! 不過一上碟我第一時間就拎左墨西哥餅黎食先, 但拎上手已經好熱,果然係即叫即整！咬入去入面有好多芝士，仲非常Juicy, 一路食, 一路好多汁滲出, 口感勁豐富!🍟黑松露薯條$68薯條配上黑松露醬, 非常香脆好味! 同樣係即叫即整,正!🍹蝶豆花檸檬汁$48上枱嗰陣會跟埋一兜仔檸檬汁，將檸檬汁倒入杯嘢飲度，成杯野會變咗紫紅色,非常岩打卡!! 同朋友影左好多相!估唔到呢間小店性價比咁高! 好中意佢D 野食都熱辣辣, 非常推薦!

素聞太子有間Cafe好靚，行完花墟當然要乘機去坐下。 Cafe行日式風格，風格簡約舒適優雅。店內裝飾擺設恰到好處，偷得浮生一坐就是半天。到步先點兩杯特色飲品。分別是Hot Yuzu Lemon和Ice Lemonade Soda。一小壺柚子檸檬，和小杯一起以小木餐盤奉上，盡顯優雅風格，打卡一流。柚子香味🍊與檸檬🍋清新混為一體，唔會太酸太甜。蝶豆花檸檬梳打冰涼新爽，另上一小杯糖水自行調教甜度。小食點了莎莎粟米片，上菜後先發現原來份量十足!粟米片與紅椒番茄青瓜一起烤焗，椒香四溢。香脆粟米片無論點上中間香濃拉絲芝士還是莎莎醬都十分美味。好想將全碟帶回家睇波!跟住上枱嘅係香草烤鴨胸，鴨胸蘸上蜜糖，輕輕的甜唔會蓋過鴨胸本身的味道。配菜則有沙津🥗，多汁炒菇🍄和自家製薯蓉🥔，值得一提薯蓉入面有薯粒和薯皮，口感好特別。最後出場係蒜油花椒蜆肉意粉，一道非常有新鮮感嘅菜式。蜆肉隻隻都好鮮甜，又無沙，另外意粉充滿了花椒香味，入口彈牙，輕麻而不太辣。平時唔太好麻辣嘅我都被香味吸引。原本仲想試埋甜品同咖啡，可惜眼闊肚窄未能盡興，下次一定再嚟試試呢間舒適cafe!

同朋友去完花園街買花，順便過咗嚟呢度食晚飯✨蜜糖香草烤鴨胸Roasted Duck Breast with Honey Balsamic Sauce鴨胸份量都幾多，同埋入口都食到蜜糖味！薯蓉口感軟滑，而且仲有士多啤梨做裝飾，夠晒精緻！沙律菜份量都幾大而且用上唔算好酸嘅醋，幾啱我口味！就算我平日是唔係好鍾意食沙律都覺得呢沙律好新鮮同埋美味！✨孜然烤羊架 Grilled Cumin Lamb Chop羊架啖啖肉，而且冇煮得過熟，仲有保留肉嘅肉汁！食得出味道肉質係醃製過嘅！✨ 果松露薯條Black Truffle Chips黑松露醬汁俾咗大大碟我哋，所以唔使慳住慳住咁點！薯條炸得超級脆，完全係外脆內軟同埋薯仔味都好濃郁！絕對對得住呢個價錢！👍呢度坐得幾舒服，而且唔會有好急嘅感覺！啲照明都幾舒服睇書都OK

估唔到太子都有咁多餐廳，本來以為太子係舊區，餐廳都可能淨係得茶餐廳之類，但係原來都有一啲嘅西餐同埋咖啡室🙈🙈咁岩諗住喺openrice搵嘢食，就搵到呢一間賞島咖啡屋。餐廳位置都好方便，a出口出兩三分鐘就到，如果去花墟買花呢度都幾方便。一入到去餐廳嘅裝修偏向溫和，同埋燈光都好暖色，喺入邊坐落都幾舒服。餐廳嘅餐具同埋係自助吧嘅形式提供，而水係檸檬水嚟嘅， 飲落都幾開胃同埋解肥膩👍👍嘢食方面，餐廳價錢唔貴，我諗人均都係150左右晚市，相比呢家去咖啡店，如果食晚餐都可能要五百蚊兩個人，呢度係性價比顯得幾高。食方面我哋叫咗個比目魚塊， 比目魚係有燒過，再臨左照燒汁，食落入口即溶🤤🤤另外我哋叫咗個墨西哥餅，一邊包住咖哩，肉碎等等， 承諾都有幾大滿足感。 最後， 我哋試咗呢度嘅特色蛋糕， 呢度係蛋糕係有唔同種類， 我哋叫咗有紅蘿蔔製成蛋糕 ， 食落去， 雖然嘅紅蘿蔔嘅顏色但係唔係太重同紅蘿蔔味， 如果大家唔鍾意食紅蘿蔔都唔使怕😍

難得今日放平日一定要慢活一下揾下特色既coffee shop食返個休閒lunch再配返杯咖啡。All day breakfast All day breakfast係我經常都會點既食品之一，每一次諗唔到食咩既時候都會點到。呢到既All day breakfast相當豐富，食完超滿足。煙三文魚鹹香既煙三文魚唔會好鹹膩得黎又帶點smoky香。煙肉煎得香脆唔會過油淋淋，鹹香惹味。流心蛋半熟流心蛋滑溜而且充滿蛋香。牛油果清新牛油果口感creamy，大半份牛油果食完好滿足。蕃茄鮮甜又多汁既蕃茄同樣清新爽口，中和左煙肉既鹹香。牛角包牛角包帶住完一陣陣牛油香，口感酥香唔會過腍。蘑菇炒香既蘑菇特別鮮甜！沙律沙律爽脆新鮮，帶住好清新既感覺。Mocha 朱古力味同咖啡味平衡感啱啱好。

某日經過太子見到呢間帶住湖水綠既cafe帶點簡約風之餘亦充滿vintage風格.入面環境好舒服簡約,充滿一陣溫馨感.青醬帶子螺絲粉帶子煎得金黃色,質感彈牙而且甘甜.配上青醬螺絲粉,青醬青清新又唔會過嗆,青醬中配搭少少果仁碎,增加一陣香脆感.螺絲粉彈牙而且中間既扭紋位置掛上大量青醬,令入口更惹味.甘筍蛋糕滿滿果仁既nutty香及香脆感配上自身帶天然甜味既甘筍整個配搭清甜不帶任何蔬菜青草味,係我最鍾意既蛋糕之一.Long black 一杯黑咖啡剛好幫助消化,配搭甜品令甜膩感更平衡.

太子一間隱世小店，舖內小巧佈局，裝飾雅緻，為食客提供 fine dinning，專注做好每道菜，就係「賞島咖啡屋」。我同閨蜜試咗西京燒比目魚，整碟賣相非常討好，魚夠新鮮 ，略為煎香就可以，無需太多調味，肉質幼滑，再蘸上蛋黃醬，能夠提升魚嘅鮮味，有畫龍點睛之效。再有自家製薯蓉、咖啡菇、沙律菜及烤過的茄瓜，大大增加滋味及飽肚感 。仲有炸雞翼，一碟五隻，厚身大隻，醃得入味，炸完後皮脆肉嫩又多汁，唔覺油膩，冇醬汁亦非常惹味，真係要食多兩隻先夠喉。甜品一定唔少得，我地各自叫咗一個 cake。我食嘅芝士蛋糕係質地輕盈嗰款，芝士味好清新，加上雪得夠涷，入口融化，齒頰留香，美味難以形容。再加上廚師有趣的公仔伴碟，可愛極了閨蜜嘅甘筍蛋糕裏面除咗有甘筍粒，仲有碎果仁，互相調和，蛋糕鬆化，甜得嚟唔會太漏，濃香細膩，值得一試。 廚師除咗烹調美味菜餚之餘，亦發揮出小宇宙，每道菜都設計精緻，令食客提高食慾，確係賞心樂事。 下次再嚟太子嘅話，必定再去品嚐大廚其他誠意之作。

想買新鮮花，我都會喜愛到花園街逛逛，那晚相約了兩位好友，在花園街中揀選靚靚鮮花，揀選完成後，當然要坐低嘆番個豐富嘅晚餐啦！每張枱都有一個別緻燈泡作為裝飾，另外旁邊放著一杯盛載著咖啡豆嘅玻璃杯，散發著淡淡嘅咖啡昧餐牌內有兩款不同的set dinner, 食物款式不同，當晚我哋揀選了set dinner A, 另外再加點左一份All Day Breadfast先上了兩客餐湯，是南瓜湯，甜甜的，好香濃南瓜味Honey Grapefruit Tonic 蜜糖柚子水- 餐前先飲上一啖，好開胃Passion Fruit Soda熱情果梳打水豐富嘅All Day Breadfast, 牛角包🥐好香脆，沙律菜都好新鮮，有啡菇，有Hams, 有煙三文魚明太子樱花蝦意大利麵，極力推薦👍🏻👍🏻👍🏻伴麵條既醬汁一級好食😋烤羊架，very juice！

這晚和老公及兩個小朋友逛花墟買花，路經太子見到一間名為賞島咖啡屋的餐廳，曾經是咖啡迷的我便帶着他們進去試試，內裡採取簡約舒服装修。說明是咖啡屋，枱面也放置咖啡豆作點綴装飾。行得攰攰，懶得去想，就點了一份二人套餐吧！由於尚有兩位小朋友，恐不夠吃，於是再額外多點了一份全日早餐，款式和份量都不少啊。套餐的餐湯是忌廉南瓜湯，香濃入味，賣相同樣吸引。主菜我要了一客明太子櫻花蝦意大利麵，這個歐日菜式混合煮法，竟有意想不到的好味效果。另一個主菜要了烤羊架，三件份量不少的羊架烤得恰到好處，鮮嫩肉滑，沒半點膻味。雖然我曾經極嗜咖啡，但恐深夜不能入睡，餐飲還是選擇兩杯健康的果汁好了，一杯是熱情果汁，清爽涼快。而另一杯是西柚汁，開胃消滯。一家打正旗號的咖啡店，竟有如此出色的西菜，真是估你唔到。