賞島咖啡屋

营业中

休息中

而家係香港，每一個小區，都係一個漫活既體驗，因為會發現好多街原來已經好少行，而又會發現到好多新奇事物。今日同朋友放工黎到太子呢間賞島咖啡室，好小店既感覺，見到門口已好有feel。 入到去感覺好有家溫暖既感覺，服務員好友善的招待。朋友好想試佢既All Day Breakfast, 我就再點左個雞胸柚子沙律，芝士烤雞墨西哥餅，仲有杯Summer White既咖啡。雞胸沙律真係好好味，慢煮雞胸好稔身，沙律菜都勁新鮮。墨西哥餅冇諗過咁多涵，仲要好似pizza咁好味，個皮又薄又脆。而All Day真係冇諗過咁大份，好豐富。 而且夜晚食個牛角飽都仲咁脆咁好味。溫泉蛋係個All Day既重點。而我最鍾意佢呢杯Summer white, 好淡既甜味，但燒過既柚子完全溶入咖啡之中，超香，冇諗過陣味會咁夾。 就咁就可以同朋友傾左成晚，超relax。

🌱🌱估唔到太子都有治療身心嘅Cafe🍾️🤙🏼鬧市中搵到一片寧靜同休閒🚬🚬食物質素100分～ 休閒咁渡過一個lunch time💃🏻店舖雖然唔算太大 但係位置好闊落 坐落去都好舒服 出品用心 絕不馬虎🥳 C H E F細心慢慢煮 需要等待時間～😀慢工出細活 味道果然有驚喜～🍳🍳同媽媽兩個人食咗三樣嘢 傾吓計 幾寫意🤙🏼Lunch set 蜜糖香草烤鴨胸 $138鴨胸啱啱好唔會太硬 仲有少少騷嘅味道加埋蜜糖醬汁 Perfect match😈會跟埋餐湯-蘑菇湯 蘑菇味好濃郁 好滑☺️跟埋飲品 凍嘅抹茶鮮奶加$12鮮茄帶子意粉 $98酸酸手甜甜好開胃 份量啱啱好 帶子都好新鮮！呢個餐就跟咗沙律 蔬菜都好新鮮 🤗加埋黑醋汁好開胃 媽媽叫咗杯熱嘅泡沫咖啡 有埋拉花打卡100分 我哋唔夠飽仲叫多咗個三文魚牛油果牛角包 $68飽到捧住個肚走😆😆

禮拜五又係食好嘢嘅時候啦，約咗朋友去cafe坐下傾吓計，揀左位於太子既賞島咖啡屋，餐廳佈滿聖誕裝飾有Set Dinner Menu幾吸引，不過我哋都食得唔多，所以就散叫青醬帶子螺絲粉青醬螺絲粉唔係度度都有得食，成碟螺絲粉份量十足。其中帶子鮮甜，肉質爽口彈牙；螺絲粉唔會過淋，掛滿醬汁，不單止有蒜香，仲有羅勒同波菜既味道加上少少海鹽既鹹味同橄欖油香味，中間仲有d果仁粒增加口感，另外配上少少沙拉菜，成碟野層次豐富，非常推薦。西京燒比目魚比目魚外脆內軟，而且肉質鮮嫩，而薯蓉配魚子味道十分之夾，另外配菜仲有雜菇、紅菊苣、羅馬生菜、車厘茄、牛油果加上醬汁酸酸甜甜十分之開胃。Tiramisu賣相好靚，除左件cake，仲有d紅莓乾同果仁粒，加上鋪滿碟既糖霜，睇得出師傅有花過心思做擺盤。蛋糕入口先係香濃既咖啡味，中間有芝士香同軟綿既蛋糕，再配nuts, 口感同味道都一流 ，直頭想試多件。

有驚喜，有驚喜。估唔到花墟後面有間咁有質素嘅餐廳。分量充足之餘，睇得到細節好用心。無論蘑菇定係菜肉瓜，都煮過，好香。綠色薯蓉非常好味，係有一粒粒薯仔喺入邊之餘，混合左自家製青醬，好香滑。重點係牛扒，好友牛肉味，咬落口質感係剛剛好，廚師控制得非常之好，呢個價錢，絕對超值。老闆話呢個係佢哋招牌意粉，食落口有驚喜，估唔到花椒，麻味同意粉係咁夾。下次我一定會再食。慢煮雞胸沙律，都好有驚喜，呢個價錢真係好抵食 ，雞胸經過慢煮，一啲都唔鞋口，肉質咁保留得非常之完美，配合埋柚子醋，非常之醒胃，不過如果柚子醋再多啲就好龍蝦湯，龍蝦味好濃，好香好滑。其實今日只係咁岩行過太子，今日真係好開心有驚喜。

朋友之前已經吃過一次賞島咖啡屋，餐廳環境舒服，滿適合與朋友聊天聚舊。而且這間咖啡屋值得讓我們在鬧市中停留腳步，慢慢享受😎All Day Breakfast $138煙三文魚、煙肉、流心蛋、牛油果、番茄仔、菇、沙律菜和牛角包。兩個人share食都可以😋😋黑松露薯條 $68薯條即叫即炸，熱辣辣，脆卜卜，配上黑松露沙律醬更加美味。Tpi Cheese Cake $52擺得靚靚😍看到豬豬擺設真的忍不住幫它拍了很多張寫真😂豬豬真的很可愛😍日式芝士蛋糕好香蛋味，口感好滑，而且有好濃芝士味，一點也不膩~~!!好好吃!!Cappuccino $42一口喝下去時咖啡味湧出，而且奶味香純，很值得一試。

拍拖梗係要帶女朋友去餐廳打卡 飲下咖啡享受吓二人嘅浪漫時光 最近啲朋友推薦太子呢一間Cafe話質素幾高 今日就帶佢去品嘗一下☺️☺️☺️入到去女朋友就好鍾意 餐廳嘅枱係木造小圓枱 枱上面有花瓶蠟燭 上面吊住一盞油燈 裝飾好溫馨得來帶少少復古📸📸📸香草烤鴨胸 $128份量比想像中多 鴨胸烤得好香 上面灑左啲香草 旁邊仲有啲沙律菜 啡磨菇 同埋一舊薯蓉🥰🥰🥰海膽味噌蟹肉意大利粉 $168海膽味好重 真係食得出落咗海膽肉 估唔到海膽同味噌又幾夾 蟹肉嘅份量都幾多 意大利粉咬落煙韌唔會太淋或者太硬👍🏻👍🏻👍🏻除咗主食之外 呢度都仲有咖啡同甜品 假期坐喺度靜靜地享受一個悠閒嘅下午真係唔錯 下次再嚟試吓其他嘢食先🙈🙈🙈

喺旺角花墟買完小盆栽之後，見到有間咖啡屋好似唔錯就入咗去試吓！餐廳地方不太大，但勝在環境整齊簡潔，坐落感覺舒適自在。門口更擺放聖誕鹿🦌很有聖誕氣氛。入面仲有好多小擺設，隔離有個玻璃碗裝咗糖果同棉花糖可以拎嚟食。貪食嘅我食咗漢堡包糖同棉花糖🤣🤣係Open Kitchen ，通風系統做得好好，絕無油煙味。明太子櫻花蝦意大利麵 $128酉京燒比目魚 $168配有沙律菜和水果伴碟。蔬果非常新鮮。薯蓉加上蔬菜牛油一起攪拌，口感很creamy。主菜比目魚燒得好香，肉質很滑，配搭甜燒汁，簡直一流。餐牌如下。

估唔到太子都有靚靚既cafe.呢間店面已經好文青,裡面有d掛畫,又有小擺設,感覺好舒服。我叫左一客黑松露薯條,有黑松露醬,亦有少少黑松露碎。薯條份量多,建議2人share.主菜我叫左duck breast同mashed patoto,賣相精美,最好係duck breast已是一片片,唔洗自己cut,仲有唔同既水果,唔膩同埋好colourful,味道又再正d.見呢度飲品既選擇都好多,店員係我旁邊密密整飲品,下次都要叫返杯先得呀!

約咗朋友到花墟買花後,係附近嘅賞島咖啡屋食午餐。店舖細細,但精緻,柔和嘅燈光,配上簡潔嘅裝修,令人有種舒服感。每張檯上都好有心思,放上小飾物,增添打卡美感。我哋每人點咗個餐同一杯飲品。🍝蒜油花椒蜆肉意粉意粉煙韌有口感,個醬汁除咗有忌廉香滑外,仲有蒜油香、蜆肉鮮味同少少辣,惹味得來又吾會好漏!蜆肉新鮮,都算肥美,冇沙!🐟西京燒比目魚兩大塊比目魚煎至外金黃,肉質軟嫩多汁,甜甜嘅醬汁帶出魚肉香甜,就咁食已經够味,點沙律醬就多重口感!一片一片嘅魚肉,完全無骨,適合我哋想食魚又怕被魚骨刺嘅😻😻 🍵綠茶latte 一樣嘅飲品,不一樣嘅可愛拉花。聖誕老人好配合節日嘅來臨。飲品香滑帶點淡淡嘅苦澀甘味,吾會太甜。食飽休閒地慢嘆杯飲品,回味一下食物嘅味道,完全吾覺得自己身處於熱鬧嘅太子。

好耐冇去過cafe，今晚可以輕輕鬆鬆真係難得！去到餐廳店員嘅服務態度已經好好👍一定要叫蒜油花椒蜆肉意大利麵，我好鍾意食蒜頭嘅嘢然之後仲要有花椒係好少見入意粉，因為花椒非常之香又有麻痹嘅感覺！正！一嚟到個賣相已經好靚，有打開既蜆肉圍住個邊邊，入邊包住啲意粉，非常有心思。食落去有淡淡的花椒香味，好吸引，自己都想買返一支花淑油。如果鹽味同🧄味可以再重少少會更加好😊食西餐梗係叫返個小食，嗌咗個鴨肝多士。鴨肝冇鵝肝咁油膩！然後睇到個擺盤已經好有心思，最鍾意佢用奇異果同埋有新鮮無花果去配襯，真係好少見！鴨肝嘅份量好夠，個多士好香脆，配埋新鮮無花果雖然唔係好多汁，但係佢好新鮮，淡淡然但係可以繼續中和到成個菜嘅味道！好神奇！最後，舖頭唔同嘅位置都有裝飾同細細件嘅公仔裝飾擺設可以影吓相打下卡，原本嘅燈光顏色都適合一齊影，歡迎大家嚟坐吓享受下！

第100篇(｡-ω-｡)🍀Kurin首選日系打卡咖啡店☕️2022就快完啦⸜(๑’ᵕ’๑)⸝今年Kurin我去左好多日本咖啡店打卡，又去左好多日式餐廳。自己覺得咖啡店最重要係同朋友過得悠閒舒服，可以慢慢打卡之餘食物好味(又唔需要行好遠😉)。太子呢間「賞島咖啡屋」應該係Kurin今年最推介日系打卡咖啡店之一💓 ┈┈┈┈┈ ❁ ❁ ❁┈┈┈┈┈┈📻 環境以白色裝修為主既小店，入內燈光柔和，帶有一絲復古氣氛既同時，好有日本咖啡屋既舒服溫暖感覺◝(⑅•ᴗ•⑅)◜..°♡門面到木色小檯都放有聖誕同可愛貓貓小擺設🎄米黃吊燈配以復古桌椅打卡MAX📸📀播放治癒既日文歌單同廣東歌單┈┈┈┈┈ ❁ ❁ ❁┈┈┈┈┈┈💫平日晚餐 𓌉◯𓇋 慢煮雞胸柚子汁沙律 $78Sous Vide Chicken Breast Salad w/ Grapefruit Juice沙律擺盤好靚色彩豐富夠晒打卡😍💗份量好足既切片慢煮雞肉唔會好”揩”，加上酸酸地嘅柚子汁，成個沙律好清爽😳🌸幾適合做開胃菜😚减肥中都食得!(🥙#kurin沙律地圖) 𓌉◯𓇋 青醬帶子螺絲粉 $128Fusilli Pesto with Scallop 食

#fafafoodblog太子🍴二人餐468 蚊1.前菜 慢煮雞胸柚子汁沙律🐥 雞胸肉 慢煮令到肉質滑 雞味夠 配柚子汁帶出雞味， 底下既沙律 有蕃茄 羅馬生菜 藍莓 香脆既麵包糠🍞 好有口感2. 餐湯係 忌廉蘑菇湯 食得出比較天然冇乜落油鹽糖 主要係蘑菇味同忌廉既香滑 落足料👍🏻3. 意粉 青醬帶子螺絲粉🔥帶子有三粒好夠香 青椒好香 食落有 d似印度香料醬但冇甘勁既香草味 螺絲粉 剛熟 同青醬 match仲有好多草菇 增加口感 好食4. 主菜 西京燒比目魚🐟比目魚個皮夠香脆 夠薄 肉質層次分明夠彈牙 薯蓉薯味香落足料 夠軟熟 雜菇好入味 juicy 🍄 配菜 生菜新鮮 有藍莓 車厘茄 無花果 配搭得好襯 因為甜 酸同 fresh既配菜都有🥬5. 甜品tiramisu🍰甜度適中 cream夠滑 咖啡味夠香 正6. 飲品果汁#西餐 #咖啡屋 #tiramisu #比目魚 #薯蓉 #青醬 #帶子 #螺絲粉 #沙律 #雞胸 Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍

餐廳環境舒服，燈光柔和有冬日氣氛。主打西式料理，亦有咖啡、餐點提供。食物款式唔常見，就連小食、side dish都唔一般。海膽味噌蟹肉意大利麵($168)，一送上枱就聞到好大陣海膽味，超濃郁，令到每條麵條都沾滿醬汁。蟹肉鮮甜，菇菌炒香後沾醬更好食。海膽一坨入口即溶，唔苦唔腥，單食/伴意粉一樣美味極致。蜜糖香草烤鴨胸($128)，慢煮方法既保留鴨肉幼嫩肉軟，亦令顏色帶粉嫩，口感唔會老韌。一咬油脂位置，口腔充滿鴨油香，但完全唔覺油膩，一口接一口食無問題～伴碟既薯蓉有驚喜，薯蓉混有薯仔皮，有d好碎薯粒，兩者加起增添口感，仲有蟹籽作點綴。小沙律加入無花果、士多啤梨，非常有誠意，顏色更鮮艷。芝士烤雞墨西哥餅($88)，烤雞汁已經流哂出後，爆汁爆餡～一客有3大塊餡餅，手撕烤雞肉多汁，嫩口。芝士拉絲，雖然餐牌上印有辣椒仔圖案，但唔辣，餡餅吸哂d肉汁及醬汁。龍蝦湯($48)，超級鮮甜，用上大量龍蝦熬製。而且龍蝦肉份量亦唔少～烘脆過既麵包粒浸軟後，吸湯。整體，別出心裁既西餐，從賣相到味道方面，都誠意拳拳有準備。而且環境舒服，情侶撐枱腳、朋友聚會傾計，都合宜。

今日收左工又約左朋友周圍行，見到呢間cafe門面非常精緻，睇左門外餐牌都覺得好似幾好，就入左去食晚餐。門口已經見到聖誕裝飾，幾有氣氛。入到去個環境都好精緻。個環境比人一種好舒服的感覺。番茄濃湯海鮮意大利麵（$168）：個番茄濃湯佢地係用新鮮番茄整，唔係茄膏，真係幾香甜，好好食！而海鮮的份量都算多，蝦幾彈牙，然後蜆肉同青口都幾新鮮同幾好食。D海鮮同番茄味又幾夾，係不錯的選擇。海膽味噌蟹肉意大利麵（$168）：海膽加味噌，估唔到又幾夾幾特別，同埋係其他餐廳真係好少見呢種配塔的意粉，好特別，食落又意外地覺得幾夾。Espresso Tonic ($48): 除左Espresso 同Tonic 本身果種苦味，仲有檸檬的酸味，苦澀加點酸，令成個口味更清新，更有層次，幾好飲。

喺太子買完嘢，順便周圍覓食，畀我發現咗間隱世文藝咖啡屋喺門口睇，仲以為係歐洲啲小村鎮嘅cafe，散發精巧細緻嘅鄉村風蜜糖香草烤鴨胸 $128鍾意士多啤梨黑醋沙律，士多啤梨清甜，黑醋汁開胃，啲菜都好新鮮。薯蓉上面灑咗蟹籽，有心思之餘又增添咗口感。至於鴨胸幾肥厚，帶有蜜糖的香氣Hojicha Latte $46平時飲開抹茶拿鐵，第一次飲焙茶味，佢仲有款芝麻拿鐵我都幾想試。茶味幾香濃，溫熱度幾適中，冬日飲至暖心。就到聖誕，店家已好有心思喺每張枱都放咗聖誕裝飾，即時增添咗節日氣氛，更加覺得自己好似去咗白色嘅異國。門口reception放咗好多可愛嘅貓貓扭蛋公仔，老闆都好好人畀我影相，睇嚟佢都係位貓奴，而且充滿童心？