賞島咖啡屋

营业中

休息中

假日遊走在旺角鬧市，總想搵一個能夠悠閒的秘密花園，在太子花園街繁華窄巷中，感受慢活文青的文化😎這家賞島咖啡屋充滿日系裝飾擺設，放有綠色植物點綴，地方寧靜舒適，打卡閒坐好去處😊All Day Breakfast $138煙三文魚、煙肉、溫泉蛋、牛油果、番茄仔、炒香菇、沙律菜和牛角包，好豐富!! 推介熱辣辣脆牛角飽🥐夾下溫泉蛋、牛油果一齊食，健康又好味😜蒜蓉花椒蜆肉意大利麵 🍝 $98擺盤用心😍微辣的花椒配蜆肉，意粉炒得乾身夠惹味😋嘆埋Hot Flat White $42  身心放鬆嘅後花園😆

到底幾時開始，Cafe變成一個打卡嘅地方？文青工業風全白系無印風，cafe既裝修似乎比本身既食物更重要。唔好食唔緊要，夠打卡able就得。咁，食物既本身，係咪就得返陪襯價值？咖啡屋座落數間車房中央位置，簡潔既招牌同墨綠色既磚身，係芸芸店鋪中的確鮮明，係街尾都一眼望到今日又係要late lunch，見到Lunch Set Menu係11:30am-3pm，望一望錶overtime咗🥲幸好店主格外安排到早餐同下午茶係一樣menu，套餐都附送沙律/餐湯同餐飲。先生揀咗鮮茄珍珠帶子意粉，而我就揀咗蒜油花椒蜆肉意粉，睇落配搭好新穎，來個中西式crossover🍽️店主見我諗餐飲諗到個頭越嚟越大，就推介咗summer white同埋honey grapefruit tonic比我地，小食不免俗來個黑松露薯條🤟🏻世一好快就送上咗餐湯同沙律，今日餐湯係南瓜湯，有別於一般南瓜忌廉湯。入面除咗有南瓜蓉之外，仲有唔少洋蔥粒，兩種食材都令到個湯好甜，而且冇太多調味，係好清爽既南瓜湯油醋沙律好新鮮，最鍾意沙律上面有煙肉粒碎Summer White端上枱時，一大片鮮紅既西柚乾實在係幾靚🤣回過神來發現，西柚配咖啡？？

花園街多嘢食大家都知，今日約左朋友，就搵左間咖啡店食tea，估唔到由擺盤到味道好有驚喜。Lunch set 到3:00，我地叫左一個tea set，蕃茄蛋沙律牛角包連一杯Orange juice $68沙律菜好新鮮，醬既分量亦剛剛好，最正當然係主角-牛角包。不但鬆軟，而且好香牛油味。另外叫左明太子櫻花蝦意大利麵$128，睇相係未已經好想試呢？意大利麵連汁一齊食味道一流。黑松露薯條$68 薯條香脆可口，一上枱時已經聞到d醬好香既黑松露味，但食落口嘅時候又唔會太搶。Mango cheese cake $52蛋糕非常之鬆軟，非常新鮮，但唔會太甜，整體感覺食完唔會太漏。

我地叫了兩個lunch set, 兩個都好味！ 特別是比目魚！西京燒比目 魚Miso Glazcd Halibur with Mashied Porafocs, Portobello Musthroom and Salad廚師好有功力， 魚剛剛好熟 而不會太老， 所以肉質食落很好！ miso 味好出 想不到同魚可以如此之夾！甜甜的 加上少少沙律醬，味道更加有層次！呢隻薯蓉係秘製， 好特別！ 有菜及香草的味道！蒜油花椒蜆肉意大利麵，Spaghctti Alle "vonsolc with Sichuan Peppercom Garlic oil四川口味 有少少麻辣 即使唔太食得spicy 都可以接受！ 我同朋友都食得津津有味！ 好特別！環境很舒適， 坐落旺區太子又近地鐵站，十分方便。適合來拍拖或同閨蜜來談天說地！ 💯 呢間可以encore⭕️Lunch set 相當抵食！🎈湯好creamy!飲品好多options! 適合有講究的人！

同朋友去花墟買花行咗好耐、行到好攰，喺附近想搵個地方坐下Hea下，順便醫下肚，喺花園街花墟行過少少就發現呢間門面睇落可以坐得舒服😌、餐牌都幾吸引嘅咖啡室，見到入邊都有唔少人，於是就有信心入去試一試！我地叫咗牛油果煙三文魚牛角包 $68- 牛角包🥐新鮮焗起，好脆好好味！仲好足料牛油果係一片片的，比一般餐廳用的牛油果🥑蓉更好味！Seasame Latte $45- 光顧時正值兔年的開始，服務員喺seasame latte 上勾出一隻開心小兔我同朋友都非常欣賞香草煙鴨胸 $128- 煙鴨胸份量好足，有淡淡蜜糖味！ 薯菜方面有香草薯蓉，比較有特色！仲有新鮮沙律🥗菜！炸雞翼 （5隻） $58- 雞翼大大隻又新鮮炸起，有香草喺面，正！總括而言，呢間咖啡店真係有驚喜，值得再光顧！

中午約咗朋友喺太子食飯，有唔少餐廳座落於花園街，我哋揀咗「賞島咖啡屋」試吓，因為望落餐牌好似都幾啱食😉。呢間Cafe裝修樸實，綠色嘅門面帶點小清新嘅感覺🌿，而室內環境都唔錯，簡簡單單幾舒服。同時，店員亦幾有禮貌。我哋只係嗌咗兩份午餐🍽，但擺埋一齊已經非常繽紛，份量激多，所以價錢稍高都可以接受。全日早餐All Day Breakfast($148)，🍳早餐內容好豐富，包括煙三文魚、🥓煙肉、溫泉蛋、車厘茄、大啡菇、🥑牛油果、沙律菜同埋牛角包🥐。每一樣食材都有處理過，煙三文魚半熟更顯鹹香。成份早餐食晒真係飽到一個點！芝士烤雞墨西哥餅($98)，🇲🇽🌯墨西哥烤餅一客有四件，每件都係加大碼。烤餅餅皮軟熟，中間嘅餡料層幾厚，充滿拉絲芝士🧀同雞肉🐔，味道仲辣辣哋，相當惹味。午餐跟配沙律或精選餐湯，🥗Cafe嘅大部份菜式都配有沙律，所以前菜可以唔使嗌。沙律菜新鮮，配以黑醋汁幾開胃，仲加咗脆麵包同無花果搭伴。是日餐湯係蘑菇忌廉湯🍄，估唔到湯品幾濃郁。佢用上大量鮮蘑菇打製，每啖都飲得出打溶咗嘅菇肉，而且又夠晒熱辣辣，正啊。熱水果茶Fruit Tea($45)，水果茶用透明茶具裝住，用小茶杯飲可以慢慢嘆。🍋

行完花墟係附近搵個cafe坐下食下嘢搵到呢間，有飲品同澱粉店內小裝飾🎄有飲品，仲有Lunch set叫左青醬烤雞螺絲粉、和風牛肋湯烏冬個餐跟沙律🥗，都幾大份落咗少少醬汁，更容易入口青醬烤雞螺絲粉唔會好重菜青味個雞胸好足料加埋螺絲粉好Full和風牛肋湯烏冬唔會好鹹，牛肉同蘿蔔都大大舊呢間cafe份量好足料，實飽另外餐飲跟左果茶+呢杯熱飲☕️飲呢杯熱飲，都會飲上面的水果味可以再encore果茶甜度岩岩好，幾清新再加左個Tiramisu有適量嘅酒味，唔會勁濃酒味

太子附近有好多cafe, 但呢間喺花園街小街嘅小店就令人心心念念已經嚟過兩次啦, 佢嘅cheese cake真係好好味, 口感幼滑之餘，芝士味都好濃好香今次試左matcha latte 都好有驚喜! 奶味好濃之餘, d抹茶粉都好高質, 有少少微澀苦味, 令人回味! 兩樣都好balance 好好味, 蒜油花椒蜆肉意粉, 因為知道會嗌甜品, 所以就揀左份無咁heavy嘅主食少少嘅花椒令呢個意粉提升左唔少，少少麻香好開胃, 而且d蜆肉都算多又新鮮無沙。一邊食都見到好多人訂左枱過嚟, 證明有一定嘅捧場客!

太子賞島咖啡店，位置好近港鐵站，就腳方便。星期日下午5:00嚟到，入面都幾乎滿座。餐牌選擇都多，我同朋友就叫咗蒜香花椒蜆肉意粉、慢煮雞胸柚子沙律、黑松露薯條、Espresso orange、mocha。餐廳上菜速度都好快，唔使10分鐘五樣嘢食嘢飲都嚟齊。不嬲唔飲咖啡嘅朋友揀咗mocha都大讚嘢飲唔錯，而個杯Espresso Orange嘅香橙味都好出，相對而言咖啡就冇咁重味，成杯嘢飲感覺好Fresh~黑松露薯條，味道正常，唯一可惜係佢嘅黑松露只係加咗喺個醬裏面，如果有啲黑松露碎喺個薯條度應該會更加香口好食。雞胸沙律，雞肉唔鞋，沙律配搭柚子醬，酸酸地，清淡開胃。蒜香花椒蜆肉意粉，一聽到有花椒同埋蜆肉已經毫不猶豫地選擇咗佢，花椒味唔算突出，蜆肉有一粒有沙，但調味適中，整體都幾好味。

呢日同媽咪辦完年貨，當然要去醫下肚hea下。見呢間cafe shop係附近，於是就入去試下。我地兩個每人叫左杯野飲同意粉，唔洗加一，共4百蚊有找，以食物質素、環境同份量黎講，都算合理。Hazehut coffee有好經典既心形拉花，嗅同飲都feel到有榛子味，叫左少甜，甜度岩岩好，咖啡有陣陣果香，同榛子味好夾。Long coffee呢杯比Hazehut latte果更加飲得出咖啡原本既果香，但唔會過於濃厚，唔識飲咖啡既我，覺得比Espresso易入口。海膽味噌蟹肉意粉砌到成碟畫咁，睇落材料好豐富，d紫菜帶到d日式fusion西式既感覺。個意粉醬真係有海膽味，配埋蟹肉蟹籽，海鮮既鮮甜味層次好突出，鐘意海膽既人應該會幾岩食。意粉清爽有質感。明太子櫻花蝦意粉又係一幅畫咁，可以打卡呃like。明太子份量充足，有櫻花蝦雜菌紫菜做配料，無講顏色同味道都十分豐盛。明太子配意粉真係無得輸，有口感得黎，又鮮甜。意粉都係一樣咁彈牙有質感。雖然野飲同野食選擇不多，但有好多都幾吸引。

香港美食多係人都知，咖啡小店最為受年輕人歡迎，今次行開太子，發掘到咖啡店，地方比較寧靜，裝修簡約輕鬆簡單，也有點聖誕氣氛🤟🏻。先來碗龍蝦湯，很濃厚的，而且幾夠料。炸雞翼，脆卜卜，大大隻，香口係人都鍾意❤️。芝士烤雞墨西哥餅🤩皮脆，雞加上芝士再帶一點點辣，配搭一流😋。最後來個明太子櫻花蝦意粉🍝，賣相好靚👍🏻，意粉頂部有明太子，好似聖誕樹一樣的感覺，未食都覺得正🤭。之後來杯熱Orange Mocha，暖笠笠，再同朋友吹下水，返工壓力都減輕了🙏🏻。

太子花園街除左有不同酒吧，呢幾年都開左不同食肆、近日朋友介紹了呢間舒服嘅café俾我，終於有機會試了！一入到去，就好似去左日本橫街細巷嘅小咖啡店一樣，細細地感覺好cozy食物選擇並不多, 但感覺每一樣野食都有細心安排,我同朋友叫左幾樣野share莎莎粟米片一焗完就上枱所以粟米片仍然keep住係熱, 牛油果醬十分多, 十分香口, 感覺健康過食炸薯條。蒜香牛油青口 擺碟十分靚！睇得出廚師細心整齊放好每一隻青口，個汁整得好濃郁入味，青口份量多，十分抵食。西京燒比目魚呢個真心驚喜！首先比目魚燒得啱啱好，魚油十分香好好食。其次每一樣sides都十分有心思，薯蓉上有蟹籽，亦有炒菇在旁，配搭上嚟好夾！

今日去左太子花墟買花，行完之後見到呢間裝修得好靚既cafe，就毫不猶豫入去幫襯。餐廳採用開放式廚房設計，但通風系統做得好，完全無油煙味，仲可以遠遠望到廚師及咖啡師精心炮製食物既過程。門口有些小擺設，原來可以借去影相，可惜離開先見到，下次一定會放喺食物隔離一齊影。慢煮雞胸柚子汁沙律嫩滑既雞胸肉，加上蕃茄、羅馬生菜、麵包糠、藍莓、土多啤梨，配上酸酸甜甜既柚子汁及黑醋，很開胃。明太子櫻花蝦意大利麵成個擺碟好靚，意大利粉煮得爽口，配料有櫻花蝦、紫菜、秀珍菇、加埋個好creamy既汁，口感很豐富。芝士烤雞墨西哥餅墨西哥餡餅包住烤得恰到好處既雞肉、洋蔥、紅椒，個醬汁有少許辣，很惹味。整體來說，員工有禮貌，食物製作用心，材料新鮮，環境舒服，係三五知己聚會、傾計既好地方。

今日同亞女去太子行街, 見有間 cafe, 就入去食 lunch.店舖裝修簡約, 感覺舒服.我地主攻 Side Dishes牛油果煙三文魚牛角包牛角包烘到好香脆, 揭開上層, 入面有大塊煙三文魚, creamy 嘅牛油果 & 蕃茄, 下面仲有一層厚厚嘅芝士, 材料豐富 芝士烤雞墨西哥餅香煎薄脆嘅餅底, 包住雞肉, 一絲絲嘅芝士, 好味咖啡係我至愛, Hazelnut Latte, 香濃嘅咖啡中帶有榛子味 Affogato = 雪糕+咖啡細路鍾意咁玩, 將 d 齋啡倒入雪糕中......另一番味道Tpi Cheese Cake香軟嘅芝士蛋糕非常出色, 必食原來我地好多嘢都有芝士, 真係好“芝”味

今日約左朋友黎到太子呢間 賞島咖啡屋 係花園街果邊都幾近太子地鐵站 好易就搵到啦～ 入去坐低就睇個餐牌啦 簡約清新風 好快就諗好食咩啦～ 每張枱都有店主既小心思 為呢間咖啡店添加左一份溫暖 好靚～ 慢煮雞胸柚子汁沙律 $78呢個雞胸沙律真係有驚喜呀🤩 慢煮雞胸數量好多又好滑 沙律新鮮加左柚子汁 酸酸甜甜 好讚呀👍🏻 牛油果煙三文魚牛角包 $68呢個烤過既牛角包一上枱真係好香呀😍 入面夾住煙三文魚、牛油果、蕃茄、芝士 好豐富呀 加埋沙律好好味😋 蒜油花椒蜆肉意大利麵 $98呢個意粉淨係擺盤已經好高分🤩 好夠蒜香味 蜆肉好厚肉又冇沙 讚👍🏻 意粉軟硬適中煮得岩岩好 加埋少少花椒辣辣哋咁真係好好味😋 Tpi Cheese Cake $52食完豐富嘅晚餐最後梗係要食甜品啦😍 呢個係賞島咖啡屋既招牌芝士蛋糕 擺盤好靚又好可愛呀🤣 呢個芝士蛋糕幾好食 唔會係好實好硬又唔會好散 濕濕地加埋餅底好好食👍🏻 整體來講 呢間賞島咖啡屋環境舒適 店員服務好好 食物質素唔錯 好岩同朋友一齊傾計 一定會再嚟呀🤗