賞島咖啡屋

营业中

休息中

呢間太子嘅小店門口擺放着餐牌，有意粉、主菜、小食、甜品及飲品，價錢唔算貴。星期六下午去好多人，已經滿座。等咗一陣位，就入座～我哋每人叫咗一個主食及一杯飲品。▶️西班牙凍湯大蝦蕎麥麵$98呢一個幾特別。夏天食凍蕎麥麵真係唔錯！蕎麥麵硬身爽口，凍冰冰、消暑一流！大蝦大隻幾爽口。西班牙凍湯充滿蕃茄濃香味，好開胃！▶️西京燒比目魚$168西京燒味夠香濃，比目魚肉質滑，充滿日式風味。另外仲配有沙律菜、凍薯蓉。凍薯蓉上面仲蕃茄切成心形幾有心思。另外伴菜仲有好多菇，都幾豐富！▶️Hot Honey Yuzu with Lemon $42用玻璃樽裝住，而且仲有隻好可愛嘅公仔。蜜糖夠潤喉甜甜地、夾埋柚子檸檬酸酸地，好飲！▶️Strawberry Yakut Soda $48賣相整得幾靚。有好多士多啤梨粒，士多啤梨益力多味，充滿乳酸味，加埋梳打好解渴！

🍴賞島咖啡屋 @佐敦🍴 前排去左花園街行街，肚餓想搵間Cafe坐下，見到呢間Cafe外型幾靚同埋有D盆栽，幾有文青FＥＥＬ。見到價錢又相宜同多選擇，所以就入左黎試下。餐廳入面都幾闊落，座位都好舒服。------------------------------ 🔵蒜油花椒蜆肉意大利麵$98餐牌上有幾個意粉其實都想試，但見到呢款個名有隻大拇指，應該係招牌菜，所以就揀左呢款。一上碟已經見到有好多隻蜆呀，平時出街食都係得幾隻，呢度就唔孤寒架！蜆肉新鮮份量多，唔會好似其他餐廳咁好多都得個殼。意粉質感好彈牙，條條都掛蒜汁，味道有有少少酸亦帶有辣味，口感豐富。另外，蒜味好濃岩哂鍾意食蒜既朋友呀（姐係小編我😬）推介呢個意粉！下次會想試下個青醬帶子螺絲粉。. 🟢Cappuccino$42黎到Cafe店梗係要試下佢地既咖啡！咖啡拉花好靚，飲落口好香滑既牛奶，咖啡味又唔會好苦，濃度適中。.🟣Tpi Cheese Cake $52見到Menu上面，呢個Cheese Cake都係推介，所以就叫左黎試。芝士味香濃又滑，上面仲有藍莓同士多啤梨做點綴，份量都唔少，食完意粉再食蛋糕非常之飽呀。，.好食度：7️⃣

想去花墟買花之前食個lunch，見到賞島咖啡屋，舒服嘅綠色外牆加上掛上一排小小嘅植物，非常舒服吸引，Cafe入邊地方唔大，但係座位唔迫夾，坐低都覺得係一個舒服嘅空間，而且每台都會有啲小擺設，好啱打卡📷見到佢有lunch set，即係叫主食之後叫飲品減$20試咗佢哋嘅青醬帶子螺絲粉- 每條螺絲粉都有滿滿嘅青醬，而佢嘅醬汁比較清爽，唔會令人覺得太濃，已而帶子煎得啱啱好，外皮金黃內裏爽甜好味香草烤鴨胸- 鴨胸煮得夠林入味，而唔會有騷味，芝士烤雞墨西哥餅- 望落覺得唔大份，但食落真係好夠飽，佢嘅醬汁烤雞份量都好充足，味道真心覺得好蝶豆花檸檬特飲 $48- 呢杯嘢飲真係覺得有性價比，因為佢嘅presentation好靚，飲落清爽之餘，好啱打卡👍🏻

首次與朋友嘗試這間位於太子的咖啡店。由於今早交通非常暢順，提早到達目的地。以為要等到9:30餐廳正式開始運作才可進入，幸好被正在準備開店的細心店員發現了我，有禮貌告訴我可先入座，非常感激！店內簡約的設計風格，令人有放鬆的感覺。食物方便，我與朋友也是點了全日早餐。而我需要吃素，他們也願意配合，將原有全日早餐的項目改變，值得一讚他們的靈活性👍🏻

太子cafe 唔算太多今日食依間好近花墟唔知方唔方便大家呢？cafe 多數打卡用，今日依間係兩用又睇得，又食得好小cafe 嘅野食係好味嘅裝修幾有特色入面唔太多人小店menu 唔太多野食，不過貴精不貴多炸雞翼（5隻） $58真炸比你熱，脆，香又夠大隻必叫芝士烤雞墨西罸餅 $88西式野芝士多，有小小肉小輕食一流孜然烤羊架 $148西式嘅菜式唔太西式嘅煮法好有驚喜可能大家都係中國人吧羊架多肉，同汁十分香口仲有個沙律仔同沙律菜

10月1號放假，約左媽媽去太子行街順便帶媽媽去試下我覺得好食既餐廳個日大約10:15到餐廳同上次一樣入到鋪頭都有種好舒服既感覺比我媽媽坐低左之後都話間野個感覺好靚咁之後點左三個餐同媽媽一齊試下佢地既蜆意粉同多士真係好好食，我同媽媽都覺得好有驚喜飲品方面，係一個小妹妹親手沖嘅，佢每杯飲品都整得好靚同好好飲搞到媽媽都飲得好開心，會慢慢品嘗（唔似出面茶記咁，極速飲哂）真係好欣賞依間餐廳嘅風格同食物質素可以打卡又好味真心向大家推介

今日國慶節, 多咗 1 日假, 亞女話想去花墟買花, 見到間精緻嘅 cafe, 就入去食 lunch.蒜油花椒蜆肉意大利麵, 有少少香蒜及麻辣味, 意大利麵煙韌有口感.芝士烤雞墨西哥餅, 賣相吸引. 餅皮金香而有薄脆 .餡料有雞肉 & 芝士, 一絲絲嘅芝士, 加上雞肉醬汁混合起來, 就係好食Ice Ferraro Latte, 期間限定的. 上面果粒係金莎朱古力, 咖啡頂層舖了朱古力粉, 有咖啡味又有朱古力味 Ice Yuzu Soda, 柚子梳打, 都有好多柚子, 亞女話杯梳打好有氣.甜品係我同亞女至愛Tpi cheese cake, 店員推介. 芝士味好香濃, 而且好軟身, 真係唔錯 Affogato, 單睇 menu 唔知係乜東東, 好有神秘感, 原來係咖啡 + 雪糕.有埋隻可愛熊仔, 如果係用朱古力做就更加好 自己慢慢嘆~~Good idea ~ Good service

🐻既朋友都好識食，之前想介紹🐻食同一個位置Dawn cafe，不過早排結業了 🥹 好彩‼️又俾我哋遇到新開既賞島咖啡屋 ☕️ 今次試既熱食同甜品都好推介俾大家 😘😘⁡🐻の試食‼️✨青醬帶子螺絲粉 $128✨西京燒比目魚 $168✨Strawberry Yakult Soda $48✨Tpi Cheese Cake $26 (半價) ⁡今次最有驚喜一定是cheese cake，口感唔會太實，但都滿滿芝士味，可以話係🐻最愛的一間cheese cake唷🤗

今日約咗朋友去太子行街，行咗一陣花虛諗住搵啲嘢食下，無意中發現一間Cafe，門面感覺好舒適又有格調，所以入去試吓,一行入門口就聽到我最熟悉嘅歌曲，餐廳嘅音樂就係播住香港嘅流行曲，一邊食一邊聽歌，非常舒服環境又夠晒闊落賞島咖啡屋。餐廳門口有啲盆栽，望落去好整潔，有一種好舒適嘅感覺。最岩同朋友傾吓計食嘢休息一下鴨肝多士 68元，鴨肝嘅size好大片，煎到金黃色，有少少油香滲出來，下面嘅多士焗到好香脆，入口鴨肝香味綿綿，口感非常幼滑，配上酥脆香口嘅多士，口感非常特別。配上旁邊嘅蔬果醬汁，仲有幾片士多啤梨同埋5-6 粒藍莓味道更加清新開胃，我真係好鍾意食，食一件都唔夠侯😁牛油果三文魚牛角包 68元，牛角包非常鬆脆，啱啱焗起特別熱辣辣，遠遠已經聞到香味，估唔到配埋三文魚同牛油果味道可以咁夾，三文魚味道鮮甜加上牛油果嘅口感軟綿綿，再用鬆脆嘅牛角包包住一齊食口感非常特別，再加埋蕃茄同埋芝士，味道真係冇得頂。烤安格斯西冷牛扒 268元，牛扒份量好多，牛扒煎到啱啱好食落去牛肉味非常香濃，最重要保留到原有嘅肉汁，加上有少少牛脂香味，肉質非常嫩滑有入口即溶嘅感覺。牛扒真係做得好出色，旁邊仲放有薯蓉薯蓉上面有

落雨嘅星期五都要食返餐好嘅！今日去左太子嘅賞島咖啡屋，鋪面細細，可能經過未必留意到。可以認下店外嘅燈牌。餐廳裝修好精緻，用上白色，雲石，黃燈，令人感覺好舒服。鋪仔細細，都有二人，四人枱滿足唔同需要。近門口嘅水吧可以望到咖啡師沖咖啡，而裏面嘅位置見到開放式廚房。餐牌都有好幾款主食，小食可以選擇，飲品更加有好多選擇，照顧埋唔飲咖啡嘅客人。主食我就試左，明太子櫻花蝦意大利麵，份量正常，食落夠熱，新鮮煮起，明太子醬夠黏度，撈起上黎可以每啖都食到。意大利麵軟硬度適中，保持到咬口。 整體食落都唔會覺得膩，味道唔錯。飲品叫左杯Iced Latte，擺盤非常精緻，放左一隻熊仔咖啡師，非常有心思。Latte幼滑，有香濃咖啡味，咖啡係比較nutty嘅味道，而且冰粒夠大，飲完都唔會溶哂。甜品就叫左個Tiramisu，同樣擺盤相當精緻，用左藍莓，同整成兔仔嘅車厘茄做裝飾。 Tiramisu軟熟，cream非常幼滑而不膩。整體甜度食落舒服，唔會死甜。一個人食哂一件都冇問題。賞島適合三兩人小聚，非常舒適。

花園街近花墟個邊有條食街，行入少少有間文青CAFE，同隔離的車房成對比，入面的裝修有RELAX 的感覺，"賞島"更令我諗起台灣。餐牌只有菜式同飲品兩頁，好容易就揀啱心水，其中一樣係老闆推介：蒜油花椒蜆肉意大利麵（$98）望落好似好普通的蜆肉意粉，但聞一聞會感受到花椒味，食落先會知老闆的心機。花椒蒜油令呢個意粉變得好特別，望落係西方菜但食落有中菜的麻辣味，從來無試過的味道。蜆都十分飽滿，鮮甜無沙，與蒜油十分配令蜆更野味。意粉又煮得剛剛好，食完都對佢的味道念念不忘。西京燒比目魚（$168）比目魚成碟的分量好勁，有兩塊特別醃製的西京燒，煎得剛剛好，魚質嫩滑，帶日式的甜味，想再濃啲可以沾旁邊的沙律醬，魚皮煎到超香脆，帶出魚油香味，魚底有薄片脆玉瓜墊底，唔會浪費啲魚汁。另外有新鮮的沙律，配咗和風汁，中間的薯蓉係凍嘅，老闆自家製，一啲都唔普通。藜麥牛油果柚子汁沙律（$88）賣相十分精緻，左右有兩隻爽甜大蝦，中間有無花果、草莓同藍莓做裝飾，成個都好似蛋糕咁，底層有牛油果，上層有藜麥沙律，入面有青瓜同蕃茄粒，加咗柚子汁，將成個沙律味道提升，係一個好正的開胃冷盤。天氣太熱，要叫啲凍飲先得，呢兩個飲品真係

今日黎到太子賞島咖啡屋，一入到去已經有一種日式既感覺，簡約設計配合，素色牆身配白色石紋枱，而餐具帶有金邊添左D貴氣。咖啡屋唔算太大，不過座位闊落，用餐或者閒談都會有一種悠閒既感覺。雖則賞島比人日式感覺，不過食物就好多元化。我地先叫左個小食沙沙粟米片，粟米片上面加上sour cream、牛油果醬、蕃茄同一系列既配料，營造出墨西哥既感覺。另外我地叫左兩個主菜，分別係青醬帶子螺絲粉，螺絲粉掛滿青醬，味道濃郁，再加上帶子煎得好香，同螺絲粉好夾。另一個主菜係蜜糖香草烤鴨胸，鴨胸唔係話好難整，不過要煎得香口真係唔易，每一啖既鴨胸食落都有D甜甜既蜜糖味，再加上配埋薯蓉，係真係出奇咁好食。

去親Cafe都係因為啲裝修幾有文青風，幾靚，值得打卡，不過呢間就一般般啦，環境都係咁上下，特色唔算好多，只係咁岩佢經過附近，同朋友就腳食吓嘢👣值得科勞指數：🏃🏻‍♂️🏃🏻🏃🏻‍♀️🏃🏻‍♂️🍽All Day Breakfast ：正常發揮🍽牛油果藜麥柚子汁沙律：正，好味嘅，呢個組合都好難唔好食，不過肚餓就一定唔夠飽🍽Honey Grapefruit Soda：朋友話幾好飲

個日同朋友行完花墟，見到附近有間cafe裝修好靚，就入咗去食。鴨肝多士多士有烘底，鴨肝煎得好好，完全冇過火，配埋伴碟嘅士多啤梨醬食，非常高質素。明太子櫻花蝦意大利麵意大利粉煮得軟硬適中，上枱仲出緊煙，明太子汁好好味，配埋櫻花蝦同紫菜食好夾。西京燒比目魚比目魚嘅火候控制得宜，煮得好軟身又唔會乾，好鍾意略帶甜嘅西京燒汁，伴碟嘅菜好新鮮。Grapefruit Tonic杯飲品唔算好甜，飲到grapefruit嘅味，又有果肉。Hojicha Latte拉花一般但培茶味好濃，飲得出非常足料。Tpi cheese cake芝士味濃又香滑，難怪店員會推介。Tiramisu蛋糕個質感做得好好，軟硬分明，又帶有濃烈嘅咖啡香。食物質素非常高，環境舒適寧靜，有機會會再去食。

因為太掛住日本，行街路過見到有間日式感覺嘅咖啡屋，就入去坐低唞吓😆見到餐牌又忍唔住叫咗嘢食，小店比預期好食好多，特別係咖啡，超級推介✨✨✨Dream Barista 呢一杯真係好得意，有得飲又有得玩😁西京燒比目魚 $168不嬲都好鍾意食西京燒，油份豐富所以勁香口😛兩件大大件，魚肉好滑好吸引😍除此之外仲有薯蓉，真係誠意之作，薯蓉入面仲有少少紅蘿蔔、蟹子，成個賣相都好靚！鴨肝多士$68多士細細件，但係鴨肝份量都OK，仲有兩片添！除咗多士之外仲有少少沙律🥗伴碟，成個感覺都好靚！炸雞翼 $58呢個幾抵食因為有五隻大大隻，幾欣賞佢唔油，邪惡感大大減低，同時成隻都好脆口，有少少黑椒醃製過！Dream Barista $52✨✨✨✨✨一上枱已經嚇親，有一壺熱奶，旁邊嘅杯有咖啡冰，自己可以好似咖啡師咁樣沖咖啡😊😊😊✨✨真係好開心好好玩，除此之外仲有一碗仔蜂蜜，好香花味，真係好吸引好正！仲要一啲都唔貴😆Strawberry Yakult soda $48賣相靚，朋友仔話雖然係益力多梳打，但係又唔會太甜，酸酸地好適合夏天！