賞島咖啡屋

营业中

休息中

這間咖啡店位於太子站附近，木系裝潢設有開放式咖啡吧，可欣賞Barista的手藝。午市期間有八款套餐供應，性價比非常高，晚市入座則設加一服務費。西京燒比目魚 - $178兩大塊比目魚扒肉質肥美飽滿，甜甜鹹鹹的西京漬滲入魚肉，滿嘴魚脂很可口；綿密幼滑的自家製薯蓉有少少薯仔皮更香口，還有肉厚多汁的大啡菇和新鮮的沙律菜平衡膩感。鮮茄珍珠帶子意大利麵 - $98酸酸甜甜的鮮茄汁很開胃，有一粒粒爽滑彈牙的珍珠帶子很鮮味，煙韌彈牙的意大利麵份量頗多。沙律(跟餐)大大碗沙律菜有著翠綠的沙律菜之餘，更有車厘茄及士多啤梨等等。或精選餐湯(跟餐)是日為忌廉磨菇湯，超多一粒粒磨菇粒好有口感，菇味超濃郁，酥脆的麵包粒吸飽湯汁。Mint Mocha +$12精緻的拉花圖案，表層的奶泡很綿密幼滑，Mocha帶陣陣朱古力香及咖啡之餘，更有微微的薄荷感，更清新。Hojicha Latte +$12濃郁的培茶茶香交織幼滑的鮮奶，濃厚而不膩。

比相像中細，但氣氛唔錯，歌單聽得出老闆都係80後🤣 食物係有驚喜既，蜆肉意粉辣辣地好開胃，西京燒好少地方有得食！飲品對得住價錢，下次想試下杯調酒🤔提提大家，星期六日繁忙時間太多客唔肯走收唔到枱，你約2點幾都要成3點先有得入，老闆都好頭痛。

今日同朋友傾旅行野，係openrice搵到呢間係佢屋企附近嘅咖啡店，鋪面呢隻文青綠色睇落幾舒服，入到去店面簡約休閒嘅裝修都好chill！我地去嘅時候係下午茶時間，估唔到都唔少人，令我更加期待，等左一陣都算快有位。點左2個茶餐，分別係鮮果酸包同埋精選甜品（柚子芝士蛋糕），店員另外介紹左一隻Apple Crumble, 話嚟緊都會係店推出，推薦我地試下。茶餐有包括Americano或者果汁，我就加咗12去升級飲品（焙茶lattee），朋友就本身鍾意美式咖啡所以就冇升級。酸種麵包好快就送上，顏色好吸睛，非常鮮艷，牛油果同埋雜莓，美味健康，酸種麵包食落軟熟又有少少韌勁，配埋類似乳酪醬汁，更加濕潤好食。至於個蛋糕都好好味。芝士蛋糕配柚子，少少清新酸甜可以平衡下芝士蛋糕嘅濃郁，但相比下我地更愛Apple Crumble，本身店員推薦都已經好有期望，估唔到咁啱我地口味，蛋糕夠濕潤，唔會乾爭爭，內有堅果同蘋果肉夾雜，又有焦點醬係面，真係口感味道豐富，食完蛋糕都意猶未盡！朋友美式咖啡，咖啡杯有特色，咖啡亦都係好香，朋友話好啱飲至於我個焙茶lattee，真係好飲到不得了！焙茶唔係咁多cafe可以飲到，之前

在太子站附近，除了新開的酒吧之外，還有些文清必訪的cafe，像這家賞島，咖啡師功力不錯，也十分用心餐廳不大，但座位算坐得舒適，店內賣着少量精緻的咖啡豆服務不錯，幾個文青系小男生都很有禮貌食物方面 Lunch set西京燒比目魚$178銀雪魚西京燒聽得多，原來比目魚也可以用上白味噌跟清酒，味醂等陣配料醃製然後燒熟，比目魚沒有銀雪魚那麼肥美，但只要不過熟其實也相當滑嫩，外皮也是香脆另外還有餐湯，作為一份雜菜湯，用料也滿足的，有不少菜碎，入口酸中帶點菜味，挺不錯配菜沙律🥗，啡菇，薯蓉也恰如其分，沒有搶去主角的光環飲品 大推介Sesame latte（轉Oat Milk)用上相當多的芝麻醬，麻香甚濃，是我最愛之選轉成燕麥奶更健康，creamy但不覺太膩

近花墟嘅寧靜清幽Cafe👍🏼👍🏼太子都有唔少Cafe，呢間鋪仔細細，人流唔多，有種慢活，好似與世隔絕咁，食物精緻，環境寧靜，簡單一幅牆已經可以影相打卡，絕對會再次幫襯👍🏼👍🏼.⭐️蘑菇忌廉湯好濃郁嘅蘑菇味，飲完有種好開胃嘅感覺.⭐️蒜油花椒蜆肉意大利麵 $108成為一上枱，就覺得擺盤很讚，好有心機，微辣帶出蒜油香味好重，有大約10粒蜆肉，足料👍🏼.⭐️Mocha $45質感偏稀？？ 不過不失

難得平日放假🤭陪朋友去咗太子花墟🌷🌹🌺買完戰利品之後當然要搵吓嘢食醫肚😄無意間見到呢間cafe.🍹好吸引!即刻同朋友入去chill 下🫰🏻入面嘅座位同埋裝修都係簡約風☺️好舒服既感覺。即刻令個人放鬆哂🥳同朋友揀咗兩個Tea set share😍餐湯係蕃茄湯。蕃茄湯味好濃，仲有蕃茄蓉🍅勁足料🫰🏻慢煮雞胸柚子汁沙律🥗朋友吾中意食飯意粉🍝所以叫左呢個而我平時都吾係健康人士唔會食salad🤭不過見到d雞肉好吸引! 忍吾住試下😂原來慢煮雞胸係幾好食🥹🥹吾會*嚡熠熠*好嫩口。夾埋沙律菜食好開胃🥳🥳我就叫左珍珠帶子意粉🍝可能本人比較鍾意食蕃茄🍅🍅🫰🏻所以蕃茄汁意粉都覺得好入味👏🏻👏🏻👏🏻仲叫左 黑松露薯條🍟既叫既炸好新鮮😍蜜糖柚子檸檬茶。超潤喉🥹同朋友過咗個超級chill嘅下午😄如果去開太子嘅朋友，記得要過嚟試吓🫰🏻🫰🏻

賞島咖啡屋位於花園街，但卻坐落街尾位置，離遠了一點煩囂，門外以湖水綠西式裝飾主菜點了西京燒比目魚配自家製薯蓉大啡菇沙律菜魚塊鮮嫩多汁配上西京漬帶味噌風味，大啡菇經烤焗，另外店家自家製薯蓉極重牛油味～Tiramisu帶有咖啡酒香，旁邊配上幾顆核桃碎增加蛋糕多個層次，忌廉質感軟滑輕盈 店員更用糖粉鋪了個可愛貓貓圖案😊少女感十足Mocha甫入口奶泡般溫順綿密的口感，甜度適中，巧克力跟咖啡豆完美融合一起！Expresso orange 咖啡甘苦配上柳橙特有的酸甜味，融和獨特風味

💛💚🧡賞島田園餐💐花園街越嚟越多咖啡屋，上次行過依度諗住walk-in，可惜人太多 打卡位都full晒😳所以今次book 咗位先去😛坐喺打卡位，邊食食邊打卡！💕沙律🤍 跟餐沙律除咗有標配沙律菜，仲有少少士多啤梨🍓同藍莓🫐🧡精選餐湯🧡 跟餐餐湯係南瓜忌廉湯，入口順滑 帶南瓜蓉口感🎃💚慢煮雞胸柚子汁沙律💚 $88 (單點$78)雞胸肉採用慢煮方式烹調，肉質軟嫩有肉汁！🥩加上柚子汁，酸酸甜甜好開胃！🍊❤️All Day Breakfast❤️ $148 (單點$138)Café 必食嘅ADB🤭依個All Day Breakfast份量十足，有煙三文魚、煙肉🥓、溫泉蛋、牛油果🥑、番茄仔🍅、菇菇🍄、沙律🥗、牛角包🥐，真係好豐富🤤牛角包都幾鬆脆，夾埋三文魚同煙肉一齊食，口感更豐富！💛Tpi Cheese Cake💛 $52餐廳嘅招牌芝士蛋糕🍰，應該就係 New York cheesecake🧀口感軟滑又芝味，會食上癮！💜Sesame Latte💜 跟餐+$12 (正價$45)芝麻味好香，入口順滑🤭飲完養生又暖胃！🖤Long Black🖤 跟餐 (正價$36)個杯好靚，飲之前先打卡！☕️咖啡味偏濃，飲完好

誤打誤撞發現咗呢間Cafe😂 本身係要陪屋企人過去花墟買嘢，行咗一輪行到好攰，就搵吓附近餐廳有咩食～～ 拎住好多嘢又唔係好想行去旺角嗰邊😮‍💨 之後搵到一間Cafe近近地，啲嘢食又好似幾多選擇，好彩係星期日下午已經兩點幾，去到啱啱好有位入🙏🏻行咗成朝已經好肚餓，我哋兩個人都叫咗三樣嘢食～私心第一下已經揀咗個香草烤鴨胸😂 因為我本身都好鍾意食鴨胸！佢呢度煎得好香之餘，配上嘅醬汁令到你唔會覺得好漏😋 而且我特別鍾意佢個薯蓉！！落咗嘅調味粉做得超好，而且係連埋薯仔皮一齊壓落去🤣 食食吓咬到覺得特別香口！另外仲揀埋牛油果三文魚牛角包🥐 芝士烤雞墨西哥餅🧀 個墨西哥餅咬落去入面啲芝士醬超邪惡🤤🤤除咗嘢食之外，我覺得佢呢度個焙茶都好好飲，好濃茶香👍🏻 不過媽咪本身唔鍾意焙茶就覺得太濃～哈哈！但係鍾意飲嘅人覺得好正呢🍵😋btw幾鍾意呢間Cafe靜靜地，環境燈關係暖色設計，有一種柔和星期日嘅感覺☺️ 而且店員都唔會催你，真係可以飲吓嘢慢慢坐吓🤍

餐廳就係花墟附近，星期六兩點左右去到都要等一陣，好受歡迎呢！ 店面淺粉綠色嘅門面都好啱打卡。蒜油花椒蜆肉意粉上枱嘅時候就已經聞到好香嘅南亞風味香料味，味道方面辣度好足，夠香口，擺碟又擺幾靚有心思。 牛油果三文魚牛角包牛角包外脆內面幾香牛油味，裏面有牛油果，三文魚，蕃茄 同埋芝士 。仲有少少沙律做伴碟。炸雞翼（5隻）雞翼一碟有5隻，每一個隻都幾大，新鮮炸起脆卜卜。Hoiicha Latte香濃既焙茶味，好smooth 好飲。Dirty正常發揮，夠凍，奶同埋咖啡嘅比例幾好。

太子有唔少既文青cafe，今日就黎到呢間，雖然店鋪唔算話好大，但坐底食下野chill下都唔錯！Lunch有set lunch，價錢都唔算太貴～約$100頭到一個All day breakfast set湯係蘑菇忌廉湯，蘑菇味好濃，湯好creamyAll day breakfast 有牛角包🥐，溫泉蛋，牛油果，煙三文魚，煙肉，菇同埋沙律，分量好多好抵食！牛角包好脆，而且牛油味香濃，溫泉蛋熟度剛好，好流心!叫左兩個熱既水果茶，用以茶壺既形式，配有柚子蜜糖，可根據個人喜好落，茶既果味濃郁，配埋蜜糖甜甜地好好味蒜油花椒蜆肉意大利麵呢個好特別，會食到好重既花椒味，係出面平時少會食到，配埋蒜蓉就更加惹味蜆肉分量慷慨，意粉煙韌，推介！

小店座位不多，建議book位。平日我前一日book都有位。蒜蓉花椒硯肉意粉有特色，易入口嘅花椒油香味撲鼻，硯肉不吝嗇，意粉煙韌有口感，但又唔會硬！烤羊架配手打薯仔做嘅薯蓉有誠意，沙律菜份量不錯，仲有磨菇做配菜，羊架燒得剛好，香得黎夠冧唔過熟，成份菜式得體又美味，絕對會再幫襯。

今日嚟到太子附近，條街唔算多野食。如果唔係朋友介紹，都應該唔會識路嚟呢間cafe! 餐廳佈置好簡單但勝在乾淨舒服，好適合同朋友坐低傾下計~呢個海膽味噌蟹肉麵好有驚喜！擺盤分一半已經好有心機，而且食落好creamy，有紫菜同魚子喺旁邊增加口感，感覺好清新~本身Tiramisu都唔expect有咩特別，但見到個擺盤都哇咗一聲XD 蛋糕就標準口味，但呢個價錢有晒擺盤有可愛貓貓喺旁邊，即刻心情都好咗XD同朋友叫咗一杯焙茶Latte一杯黑芝麻Latte。焙茶Latte無咁甜，茶味重。我自己就偏好黑芝麻Latte，因為甜啲。但兩杯都非常濃味，我同朋友都好鍾意。希望多啲發掘到呢類用心經營嘅小店~~

賞島咖啡屋係一間好chill好cozy 嘅cafe~最適合週末嚟嘆杯咖啡或者喺附近搵個地方落腳坐吓relax~除咗招牌咖啡之外，仲有西式熟食提供，未食飯入嚟醫肚餓都可以~1️⃣花椒蜆肉意大利麵⭐️⭐️⭐️蜆嘅份量都好多～加上有蒜油吊味，更加提升左蜆嘅鮮味。意大利麵都好彈牙，整體唔算好大碟，啱晒口痕想食少少嘢嘅朋友或者係食唔到太大份量嘅女孩子😍2️⃣蜜糖香草烤鴨胸⭐️⭐️⭐️烤得相當入味，鴨胸火候亦都恰到好處，保持肉質嫩滑，口感一流～而用蜜糖同埋香草調味非常match，有效鎖住鴨胸嘅肉汁，好食到欲罷不能😋整體嚟講，餐廳嘅消費屬於中等，週末食一個下午茶連杯嘢飲每人大概百五蚊左右。值得一讚嘅係拉花拉得幾靚，而且沖嘅咖啡都好幼滑，咖啡豆嘅香味濃郁。嚟到附近想搵個地方坐下同朋友傾吓計不妨試試～

買完花，係花墟附近求其搵咗間cafe食嘢兼打發時間，可能星期六嘅關係兩三點都坐滿人，不停有人想入座都被職員婉拒，職員/老闆情願做少啲生意都冇催促在座食客還枱，呢點好值得再幫襯，Cafe應該係要俾食客慢慢坐下傾下偈食下嘢嘅，而唔係限時限刻催人還枱。至於食物同飲品質素都好有心思，呢點都值得再幫襯。水果茶主要水果有新鮮西柚、檸檬、士多啤梨同藍莓，另配有自家製新鮮西柚蜜調較水果茶嘅甜度。水果茶唔落西柚蜜的話會偏酸有檸檬香，當加咗西柚蜜之後會變得酸酸甜甜，西柚味較突出。Espresso Tonic有咖啡香味又有Tonic water嘅清爽感覺，整體好清新好飲。All day breakfast 睇相都睇得出呢個all day breakfast有幾豐富，色彩繽紛令人食慾大增。牛角包夠酥脆，蘑菇好香好juice，煙肉有兩大塊，車厘茄又好有味，沙律好新鮮，全部都好正。煙三文魚轉咗做慢煮雞胸，雞胸唔柴有雞味，我用咗車厘茄嘅柚子醋嚟點變得更加好食；牛油果靚，啖啖肉；溫泉蛋火喉啱啱好，蛋白蛋黃都好正；香草烤鴨胸鴨胸肉肉質juice唔韌，唔似一般果啲咁鹹，有鴨香味但唔羶，蘑菇都係好好食。薯蓉唔係開粉果啲，食