影片
更多
2023-01-16
20 浏览
太子賞島咖啡店，位置好近港鐵站，就腳方便。星期日下午5:00嚟到，入面都幾乎滿座。餐牌選擇都多，我同朋友就叫咗蒜香花椒蜆肉意粉、慢煮雞胸柚子沙律、黑松露薯條、Espresso orange、mocha。餐廳上菜速度都好快，唔使10分鐘五樣嘢食嘢飲都嚟齊。不嬲唔飲咖啡嘅朋友揀咗mocha都大讚嘢飲唔錯，而個杯Espresso Orange嘅香橙味都好出，相對而言咖啡就冇咁重味，成杯嘢飲感覺好Fresh~黑松露薯條，味道正常，唯一可惜係佢嘅黑松露只係加咗喺個醬裏面，如果有啲黑松露碎喺個薯條度應該會更加香口好食。雞胸沙律，雞肉唔鞋，沙律配搭柚子醬，酸酸地，清淡開胃。蒜香花椒蜆肉意粉，一聽到有花椒同埋蜆肉已經毫不猶豫地選擇咗佢，花椒味唔算突出，蜆肉有一粒有沙，但調味適中，整體都幾好味。
餐牌選擇都多，我同朋友就叫咗蒜香花椒蜆肉意粉、慢煮雞胸柚子沙律、黑松露薯條、Espresso orange、mocha。
餐廳上菜速度都好快，唔使10分鐘五樣嘢食嘢飲都嚟齊。不嬲唔飲咖啡嘅朋友揀咗mocha都大讚嘢飲唔錯，而個杯Espresso Orange嘅香橙味都好出，相對而言咖啡就冇咁重味，成杯嘢飲感覺好Fresh~
黑松露薯條，味道正常，唯一可惜係佢嘅黑松露只係加咗喺個醬裏面，如果有啲黑松露碎喺個薯條度應該會更加香口好食。
雞胸沙律，雞肉唔鞋，沙律配搭柚子醬，酸酸地，清淡開胃。
蒜香花椒蜆肉意粉，一聽到有花椒同埋蜆肉已經毫不猶豫地選擇咗佢，花椒味唔算突出，蜆肉有一粒有沙，但調味適中，整體都幾好味。
张贴
