象屋泰國餐廳 (已結業)

p餐廳樓底高, 無壓迫感, 面對開揚景緻, 心情開朗, 增進食慾。下午茶頗吸引, 唯泰式奶茶要加$28才可升級享用, 定價有點進取。泰式奶茶 (凍) $28 (跟餐升級價)泰式奶茶茶味算濃, 如可再濃會更佳。味道不太甜, 但感覺甜味濃於茶味。性價比低, 試過就好。特色咖喱雞配白飯 $65紅咖喱香辣惹味, 飯粒粒分明。泰國茄子有兩種, 除了平日常見的大粒茄子, 亦有迷你的。迷你茄子細細粒如青豆, 堅實有澀味, 並不好吃。還是平日常見的泰國茄子質感味道合心意。

星期日都要返工真係有喺sad，好彩係返三點後，如果要晨咁早起身返工既話應該會仲sad.....為左晏d返工有多d精力，呢日就約左一陣都要一齊開工既好拍檔食返個big lunchhhh先我地揀左呢間近著等陣開工附近既商場入面其中一家泰國餐館，揀呢度既原因係因為知道週末都有semi - lunch buffet ，最平個main只係HKd$88+10%，最貴既都係“”HKd$148+10%計落唔算貴，反正我地都未試過呢間泰菜館而我地又想食個豐富既午餐，半自助餐就fit曬我地既心意商場內既呢家泰菜館裝修格局走高檔路線，以藍色為主調，係餐廳既中後排為自助區，當中既有西式同泰式既沙律！另一邊亦有一啲炸物小食同泰式既甜品糕點係等候主菜既期間，我地先食左啲沙律同小食，味道都唔錯，自己都幾中意當中既粉絲沙律，味道酸中帶微微辣，感覺清爽開胃食到一半，我地既主菜都逐一黎到啦呢日我要左個“燒豬頸肉飯”HKd$98+10%，而拍檔就嗌左碟“泰式雞肉金邊粉”HKd$93+10%兩款主菜既賣相都唔差，我地兩款share一齊食金邊粉味道酸甜，炒得乾身！粉條煙韌富彈性，雞肉份量也蠻多的燒豬頸肉飯有驚喜豬頸肉片片厚切，

我個人食野好少會係open rice 比評論，但真係好難食！首先上菜速度好慢，招呼真係好一般，野飲食左3道菜 仲要吹 先沖到過黎！好似唔夠人手！都算啦 叫左碟椰菜苗 一般 唔夠味。另外生蝦 諗住唔會難食啦掛！但係我本人都覺得一般！冬陰公湯 就真係飲唔落，勁多渣 ，飲完成個口都係渣！ 離譜！金邊粉就正正常常！另外個生菜包係雞肉碎，咸到一個點！我食左啖都停手！整體黎講 啲野真係唔好食！失望 ！又貴又唔好食！叫左5碟餸，3杯野飲。

租金高企，間間食肆都用盡每寸地方，攪到好逼夾。呢泰國菜館則留了很多地方做通道，樓底亦較正常高，感覺都舒服好多。小食拼盤有5款小食，我特別鐘意炸春卷，外皮炸到好脆，加上入口有少少香草味，好食!雞肉生菜包用了較 "大粒"的肉碎及加了切碎後的青豆，有嚼口之餘，又夾雜爽口。大蝦好大隻好吸睛，意粉又有我愛吃的芝士味，好正!芒果黑糯米，單睇賣相都feel都一絲不苟，糯米有椰汁香及夠煙韌。泰式奶茶感覺比飲慣的略為甜些少，且有淡淡的香草味!

「象屋泰國餐廳」是位於旺角新世紀廣場的泰菜館，雖然店內泰式氛圍不濃，但整體仍見時尚舒適。餐廳午市供應半自助午餐。自助沙律吧佔地不大，提供三款沙律，包括木瓜沙律、柚子沙律及田園沙律，另伴上花生、蝦乾、車厘茄等佐科。除田園沙律外，餘下的沙律均富酸辣泰式風味。同枱另備有數款炸物及泰式甜品，整體評價只屬中規中矩。餐牌上列有九款午餐，但有三款早已售罄。普遍來説，各主菜比較「小巧」，以同事的「泰式雞肉炒金邊粉」為例，不是有沙律吧「幫補」一下，應該要吃下午茶。小編的「喇沙湯麵」同樣細碗。喇沙湯底風味不足，味道單一略鹹。配料評價亦只屬一般，尤其海蝦蝦頭泛黑，蝦肉乏味需減分。整體而言，餐廳的裝潢令人滿意，但食品方面還有很多進步空間。

幾乎每個禮拜都會經過旺角新世紀商場，朋友推介這間象屋相當唔錯，適逢朋友生日，於是就試試。因為空間非常寬敞，所以顯得這裡裝潢夠氣派，墻上那幅畫好靚，店員彬彬有禮。大蝦芒果米紙卷米紙好薄好通透，芒果香甜軟滑，大蝦爽口新鮮，點埋個青檸汁整的醬汁，感覺好清新。小食拼盤有蝦餅，黃金包，馬可，春卷，蟹肉卷蝦餅蝦味濃，爽滑，馬可有香甜的菠蘿墊底，非常得意，黃金包和春卷炸的香口而且不油膩，入口松化。同樣有個香濃的醬汁跟埋。蟹肉芒果炒飯此炒飯用青芒，蟹肉炒，青芒夠清新爽口，酸酸甜甜，好醒胃，加埋蟹肉雞蛋，夏日食實在一流，夠曬泰國風格。青咖喱牛肉我地今晚最中意的菜色，青咖喱非常香濃，裡面的香料有好清新類似青草香味，加上非常濃椰汁味，凈個汁都可以送幾碗飯。

新世紀廣場幾年前翻新後，好少過來，今次係一田購物，順便嚮呢處食晚餐。前菜點了芒果柚子沙律，泰國芒果那種酸尾尾既味道，跟柚子的味道是很合拍，能夠帶起食慾。小食拼盤有齊五種小吃---蝦餅、黃金包、馬可、蟹肉捲及春捲，全部都係酥炸可口的。食泰菜通常嗌菠蘿雞絲炒飯，今次轉口味，叫左芒果蟹肉炒飯，感覺升格了。 搾壓小小檸檬汁即時醒胃好多。冬蔭公湯好惹味好飲，每煲大約有3碗。湯既精華滲晒入巨型大蝦裡面。餐牌印刷精美，吸引到我的是其泰式雞尾酒的名稱--無嘢、遇見、櫻花綻放，都幾有gimmick。

前幾日同老公拍拖行街，去左新世紀廣場～見新世紀新開左間泰國菜「象屋」，就走左入去食。原來間餐廳係有泰菜&西方菜～唔怪得佢ge裝潢甘高貴！但我太耐無食泰國菜，所以all in 揀哂泰國野～ 得2個人，但樣樣都想食，最後揀左3樣我覺得食泰菜必食的菜式： 小食拼盤、菠蘿雞肉炒飯、冬蔭公海鮮湯米粉。小食拼盤有我最愛的蝦餅&春卷～熱辣辣脆卜卜～ 好好味! 中間有2燈菠蘿，我覺得好特別～食完一堆炸物，再食塊菠蘿，真係好正！個口即刻清新哂，無哂油膩感。冬蔭公海鮮湯米線我記得餐牌係寫米線，但黎到係米粉，可能係我記錯！不過個冬蔭公湯底真係好好味，我連湯都飲埋！最後菠蘿雞肉炒飯！佢同好多泰國餐廳一樣會用返菠蘿上菜，但佢好特別，佢係用菠蘿傾斜甘放作伴碟。菠蘿份量好多而且好甜～另外有好多配料，肉鬆，腰果等～食落口感好豐富！不過雞肉份量就有點少～

昨日晚上來光臨此店，點了一份大蝦芒果米紙卷、一鍋椰子雞湯和一份炒椰菜。 等候時間很長，本以為等候時間長可能是很精緻的食品要花較長的時間，沒想到也是很普通的樣貌之餘大蝦芒果米紙卷裡面沒有芒果，因為怕要再等很久的時間所以也就算了。 又差不多等了10分鐘左右我們點的椰子雞湯來了，侍應服務很周到可惜湯的味道非常的難以言喻，我實在想不到除了用「超難喝」來形容以外用什麼詞語來形容...雞的味道很腥，很明顯沒有下功夫去去除血水，椰子湯底本應該是有青檸的些許酸味可是椰漿的味道蓋著湯本應該有的味道。我與友人每喝一口就沒胃口一些。 之後又等了15分鐘左右，我們點的炒椰菜還沒有到，於是我們決定取消這個菜。 買單兩個菜色共362元港幣，我覺得難以置信的是，我用這個價錢吃的是這樣的品質的東西！我與友人不會再光臨此店舖，真的是不敢再嘗試。

好多時都途徑旺角新世紀商場，聽朋友講這間象屋相當唔錯，於是約埋朋友過黎試試。裡面裝修夠寬敞別致，墻上那幅畫更加別樹一格。餐牌製作精美，還未用餐已經感受到店家的一絲不苟。大蝦芒果米紙卷米紙夠薄夠通透，芒果香甜，蝦爽口新鮮，點埋個青檸汁，整個感覺好清新好開胃。小食拼盤有蝦餅，黃金包，馬可，春卷，蟹肉卷蝦餅蝦味濃，爽滑，馬可有香甜的菠蘿墊底，非常得意，黃金包和春卷炸的香口而且不油膩，入口松化。同樣有個香濃的醬汁跟埋。蟹肉芒果炒飯此炒飯用青芒，蟹肉炒，用青芒的好處是夠清新爽口，酸酸甜甜，加埋蟹肉雞蛋，係夏日炒飯之選，夠曬泰國風格。青咖喱牛肉我最中意的菜色，青咖喱非常香濃，又有好清新類似青草香味，加上非常濃椰汁味，送飯一流。舒適，寬敞，服務好，下次約朋友食飯可以再黎。

今晚朋友K約了在MOKO mall飯聚，訂了在4/F的象屋，我倆都鐘情酸辣惹味的泰國菜。首先這裡的環境頗為舒適，室內空間亦算寛敞。是一個傾計的好地方這餐廳提供的泰菜擺盤相對西式。食物質素就真的唔夠一般在九龍城的正宗我們叫了生菜包，只有4片生菜，肉碎已經放在菜上。冬陰公湯米，炒通菜及一個有蝦餅，春卷_....拼盤。拼盤有點失望，幸好餐廳環境舒適，我們的位置又剛好在玻璃窗旁邊。讓我們輕鬆地聊了一個愉快的晚上

旺角MOKO商場大裝修後多左好多唔同既餐廳，「象屋」係其中一間。坐窗口坐有好開揚既感覺，同每張枱又唔會放到好密，Mr Wong同我坐坐下，以後自己係酒店餐廳食飯——小食拼盤：內有蝦餅、黃金包、馬可、春卷、蟹肉卷，樣樣熱辣辣，又脆口，馬可係幾特別，係菠蘿底，上面個粒甜甜地有椰絲味、花生味、芝麻味咁，都幾得意。拼盤上既汁，辣辣地幾惹味。——菠蘿雞肉炒飯：哇，半個菠蘿呀～要讚一讚，個炒飯係新鮮菠蘿，除左雞同菠蘿外，仲有腰果、提子乾、大量肉鬆，材料豐富，幾好食。——魚露蝦干炒椰菜苗：椰菜苗唔係間間泰菜都有得食架，仲要咁嫩口，加上啲蝦干又大隻又香口，令到啲菜好惹味。

今日同幾個朋友第一次食，哇，真係冇下次食物質素同價錢不成正比，又細份唔知點解不停上錯食物，明明冇嗌又擺上嚟，上錯咗兩次，叫咗嘅嘢又冇到上菜時間超長，成十五至二十分鐘先上一道，明明餐廳已經冇乜人都係咁，我哋八個人嗌咗八九樣嘢，八點食到十點，食完都想落麥記再食過！

好久沒有去過旺角新世紀廣場，多數去的也是旺角那邊，新世紀廣場因為在旺角東那邊，所以一向也比較少人去，消費較高，而且不是每個人都喜歡商場裏眾多的名牌子。最近發現到一間環境很好的泰國餐廳，反正也很久沒來這個商場，逛逛也不錯。到了新世紀廣場的4樓，找到很久也找不到那間，原來店面是食店的英文名「La Maison D’elephant」，繞了一個圈才發現呢😬一進去便感到驚嘆了，先是一張長長的桌子，然後是藍色主題的椅子、杯子等等，優雅時尚的格調。然後再進去，看看天花的位置，流線型的木條真是很用心的設計，和旁邊的一盞盞射燈互相輝映。整個環境給人的感覺就是很高級。食物的種類很多，只拍了數張應該有比較多人會選擇的菜式的餐牌。分別有頭盤、肉類和飯麵，其中飯麵類的「大蝦炒意粉」和「辣椒培根配芝士烤大蝦意粉」都很特別，應該是西餐的菜式而不是泰國菜的菜式。餐廳有兩款咖哩，分別是紅咖哩和青咖哩，紅咖哩看似很辣的，所以都不敢點😅點一份青咖哩好了。大小比我想像中的小很多，即管試試味道如何，青咖哩的辣度可說是剛好，適合我這種不太辣的人吃呢牛肉的口感很像我們平時吃的牛腩，有點兒硬，但整體來說都不錯。在泰國餐廳，串燒大多

象屋-高級泰國菜今日MOKO看完電影後找餐廳醫肚，發現一間新開的泰國菜，門口招牌以象的圖案的發光霓虹燈光，門面黑鐵框落地玻璃，內裡光線充足，潔淨舒適的感覺。紅咖哩雞濃郁的紅咖哩汁，汁底稠度剛好，紅咖哩偏向較為辣，當中加入椰奶令口感幼滑，雞肉片是脂肪少的部分，嫩滑不鞋身，最後以蠟燭架盛著，令咖哩的熱度一直保持著。船麵泰國地道必吃的小食，濃濃的湯底，黯紅色的，當中加入豬紅和其他配料而成，味道酸酸鹹鹹的，配上透明的金邊粉，粉底吸收了湯汁，還有配上腍身入味的口腩。蝦醬大蝦炒飯材料豐富的炒飯，炒飯炒得香身，而且粒粒分明又不乾身，當中加入蝦醬、臘腸和鮮大蝦；另外還配有配菜，有酸酸的開胃青芒果條、爽口洋蔥片、香滑炒蛋和香烤肉，令炒飯味道更惹味。