象屋泰國餐廳 (已結業)

好多時都途徑旺角新世紀商場，聽朋友講這間象屋相當唔錯，於是約埋朋友過黎試試。裡面裝修夠寬敞別致，墻上那幅畫更加別樹一格。餐牌製作精美，還未用餐已經感受到店家的一絲不苟。大蝦芒果米紙卷米紙夠薄夠通透，芒果香甜，蝦爽口新鮮，點埋個青檸汁，整個感覺好清新好開胃。小食拼盤有蝦餅，黃金包，馬可，春卷，蟹肉卷蝦餅蝦味濃，爽滑，馬可有香甜的菠蘿墊底，非常得意，黃金包和春卷炸的香口而且不油膩，入口松化。同樣有個香濃的醬汁跟埋。蟹肉芒果炒飯此炒飯用青芒，蟹肉炒，用青芒的好處是夠清新爽口，酸酸甜甜，加埋蟹肉雞蛋，係夏日炒飯之選，夠曬泰國風格。青咖喱牛肉我最中意的菜色，青咖喱非常香濃，又有好清新類似青草香味，加上非常濃椰汁味，送飯一流。舒適，寬敞，服務好，下次約朋友食飯可以再黎。