象屋泰國餐廳 (已結業)

作為超級泰國fans嘅我，通常行過泰菜餐廳都控制唔到自己，要入去食一食，只下咳。今日去到MOKO，見到象屋，就去試吓啦！我覺得佢個lunch set非常抵食，值得推介俾大家。佢嘅lunch set包埋泰式自助沙律吧，但每個lunch都係平，有些更$100有找。出面唔覺有咁平、又多嘢食嘅選擇。佢個泰式自助沙律吧一啲都唔欺場，款式多，味道好，除咗各款泰式沙律、小食，食到最尾仲有甜品，超過10幾款食物選擇。我最鍾意食，就係木瓜沙律同埋泰式粉絲，味道10分正宗，同埋泰國食嘅一模一樣，未食套餐的主菜都已經食飽了。難得嘅係佢主菜份量都唔少，我哋三個朋友嚟，三個都食到攬住個肚走。泰式肉碎配飯：味道小小辣，但非常正宗泰式的味道，好濃味，送飯一流。最鍾意佢個煎蛋煎得好好味，直頭有少少炸蛋嘅感覺，但係蛋黃依然係留心嘅，不得了！泰式海南雞飯：油飯好香，海南雞去晒骨，啖啖肉，雞嘅份量非常多。雞唔肥，非常嫩滑。而且佢個雞汁係好正宗泰式嘅味道，值得一讚！美國肉眼扒配薯菜及羅望子汁：肉眼扒超級大塊，好林身，肥瘦適中，有牛味。羅望子汁酸酸甜甜，好開胃。

之前都有黎過呢間象屋同同事食lunch，貪佢地點方便，坐得舒服而且環境好，set lunch價錢都好合理 (100蚊前後)包埋個salad bar，抵食! 所以今晚約左兩個朋友食飯都再黎，試下佢既晚餐😇。晚上又多一點情調🥰，而且景觀真係好好，未食都加左D分。晚餐食a la carte，但都唔會話好貴。選擇都夠多，有哂香港人鍾意食既泰菜🇹🇭小食拼盤最啱幾個朋友一齊食，多選擇得黎又夠分。而且樣樣都熱辣辣，當中個蝦🦐丸同扎肉最好食😋 春卷都好，唔太油，餡料又多!燒魷魚🥗🦑沙津配薄荷汁係我今晚既最愛，賣相靚，個汁好清新、魷魚都鮮甜，呢一樣必點🥰冬蔭蘑菇湯偏淡🍲，比較啱唔飲辣的朋友，好在有好多蘑菇，兩個人的話叫個湯都唔駛一定要叫菜。咁我地3個人，就叫多兩味都唔怕。蝦醬炒椰菜苗🥬好在唔太油，蝦醬味好香又唔會太咸，份量都足夠。仲有個薄餅都好好食，有少少奶油香又脆口，可惜唔記得影相，哈哈! 果然係一間值得翻dau既泰菜餐廳🍴，地點又方便，夏天熱辣辣黎呢度好過九龍城🤣本來呢個甜品放題都好想試，不過今晚好飽😂下次必試！

原來MOKO 個位咁正餐廳窗邊位勁開陽座個位可以飽覽太子景色點左個小食拼盤（$168）有蝦餅、黃金包、馬可、春卷、蟹肉卷個人最鍾意食都係蝦餅同埋春卷蟹肉卷有少少乾馬可勁開胃海鮮喇沙，配料方面有兩隻大蝦、魷魚、扇貝、豆卜、雞蛋個湯底好重蝦味忍唔住成碗飲晒不過麵底就只係得米粉，如果有埋油面就一流軟殼蟹米紙卷永遠都係我既必點item絕對係一道邪惡嘅開胃菜我想highlight既係果碗綠色汁又辣又香夠晒開胃

這商場有不少食市，揀起上來都有點頭痛，朋友又唔想食西式餐廳 ，見這間泰國菜新開的胆粗粗入去試下，環境舒適裝飾少了泰國風格帶來一點高格調感覺，比一般泰國餐廳坐位寛闊，每枱都有足夠空間唔會枱貼枱我們剛好坐在落地玻璃窗前，一路看著風雨情況我們點了Masamma 咖喱牛，這個適合唔食辣的朋友仔，上碟用了個小爐坐著，另食物保持暖度，咖喱味道有少少甜味，最特別是配上紫蕃薯，出奇的好味叫咖喱當然要配酥油餅啦，侍應好細心把我們的餅分開了數件，等我們容易處理，掛住食唔記得影分件後樣子炒棷菜苗，加了大大隻蝦乾同炒，增添了不少鮮味菠蘿炒飯份量都好大碟，賣相比一般泰國餐廳有別幾特別，這顯出高格調感覺最後甜到啦，芒果糯米飯一上枱兩個朋友哇哇哇大叫影相影相，真係打咭必選，這個除了外型得外，味道都要讚，廚師細心地加上了烤過的棷子絲同糯米一起食增加多一種口感

以往吃泰國菜，都必然想起九龍城，現在很多泰菜已經在很多不同的地方開設。今天下午便來到新世紀廣場內的象屋。店內裝修現代，坐位空間寛闊，不失為聚餐的選擇。午市套餐包自助沙律吧，包咖啡或茶，加$18可以升級飲品。沙律吧有十幾款，酸、辣和甜都有。牛肉船麵$88內有牛丸、牛腩、雞蛋，其中以牛腩軟腍和牛肉味濃，最為突出。河粉煙靭彈牙，配合濃濃的船湯，味道更好。海南雞飯$98雞肉嫩滑，油飯味道夠香，點些泰式酸辣汁，更加惹味。跟餐泰式咖啡加$18咖啡味道十足，加點牛奶及糖水，味道更佳。芒果糯米飯$8造型十分吸引，改用了椰絲代替了椰漿，糯米煙靭有嚼勁，味道沒有大改變，是一個創新的設計。

今日同成班同事食午餐 有同事話見到呢度午餐有包括沙律吧 就決定來試但坦白講 呢度個沙律吧款式都算少四款泰式沙律 都幾類似 跟住就大概三樣炸物加一兩種甜品 主菜就幾多選擇我揀咗呢個喇沙湯粉($98) 佢唔同馬來西亞新加坡嗰種好多椰漿 反而食起嚟冇咁漏不過味道就冇咁香呢個餐有包餐飲其他特色飲品就要加18蚊我覺得呢個價錢唔係咁值可以有更加多好食選擇係旺角 不過喺呢個商場嚟講就差唔多價錢

哩度嘅設計格局夠晒高級得黎，又唔會特別貴，仲要喺正方便易去嘅新世紀廣場，真係好唔錯！飲品都好特別，嗌左哩杯 Blue Butterfly 嘅特飲，唔飲用黎打咭都抵哈哈！不過佢味道調得適中，唔會太甜，亦有淡淡嘅花香，正！串燒大大串，亦燒得夠晒香，配埋花生味重嘅沙嗲醬，好味！生菜包啲豬肉有加小小辣椒，小小辣得黎亦好有豬肉鮮味，肉嘅份量亦恰到好處！蝦球炒露荀嘅份量一啲都唔少，蝦球好多舊之餘，仲要好大舊，好有咬口！加埋用左好惹味嘅醬汁炒嘅露荀，嫩得黎亦好爽口！食泰國嘢一定要嗌嘅泰式炒金邊粉亦係好有水準，味道調得好，炒得好夠鑊氣，加埋大蝦，同埋有得因應自己個人口味加辣粉。

今日試咗新開嘅泰國菜餐廳，見到佢lunch set係主打半自助餐，覺得好抵食。首先講吓佢嘅自助餐，其實種類唔算太多，主打係沙律同埋少少炸物。佢嘅粉絲沙律，感覺粉絲仲係好硬，未煮熟咁。 但春卷就值得一讚，因為裏面料好多，皮又夠鬆脆。至於主菜，今次就是左泰式炒金邊粉同埋喇沙湯麵。 泰式炒金邊粉唔夠乾新，味道又偏甜。 喇沙湯麵就正正常常，都幾好味。總括來講，價錢略貴左少少，但如果想舒舒服服，安安靜靜同朋友食餐飯，呢度絕對係一個好選擇。

泰式沙律吧午市套餐 $108 + 10%1) 泰式沙律吧2) 青咖喱牛飯3) 凍檸檬茶沙律吧的食物種類不少, 有清新爽口的, 有酸酸辣辣的, 亦有甜絲絲的。食物不停refill, 間中有新的款式添加。咖喱角及春卷炸得脆口, 唯味道略淡, 餡料不夠飽滿。沙律偏辣, 惹味可口。涼拌冬粉沙律有淡菜和八爪魚, 整體味淡, 配上蝦乾和煙肉增添層次。粟米粒甜, 西瓜蜜瓜加上肉鬆, 增添水份之餘, 亦增添口感。甜品雖其貌不揚, 但不會過甜, 是我encore最多的部份。朱古力蛋糕朱古力味香濃, 甜度適中, 中心有點濕潤, 但未到流心狀態。青咖喱牛肉飯味濃香辣, 牛腩肉軟腍, 口感不錯, 青咖喱汁有大小茄子和金不換同煮, 口感豐富。飯粒實淨量多, 咖喱汁略少, 吃到最尾變成吃白飯。其實淨食沙律吧可以很飽, 可詢問店員可否把主食外帶 (請自備餐盒), 變成一個價錢吃兩餐。另餐廳冷氣超凍, 請自備外套。

天氣咁熱通常都係想留返喺商場，經過呢一間泰菜，門面好似幾光鮮，就入咗去試。午餐原來有任食沙律，只要每人叫一個午餐就可以任食出面唔同嘅配菜，有鹹點及甜點。仲有炒粉絲、沙律、春卷等等。午餐叫咗豬頸肉飯，豬頸肉份量好多，而且厚切，但都好多。味道都算唔錯。另外叫咗咖哩飯，咖哩充滿泰式風味，用嚟撈飯就一流。泰式奶茶唔算太甜，味道都還可以；另外，加咗個炒菜，健康啲，炒菜炒得幾好食，呢一個係全餐最好食嘅一個菜。

午餐有任食沙律吧，呢個價錢嚟講款式都算唔少，主要都係新鮮蔬菜，而且有啲係熟食：例如炸春捲、炸咖哩角；仲有一啲泰式甜品，例如：椰汁糕、班蘭糕等等。午餐叫咗船麵，船麵湯底都幾濃郁，不過牛味唔夠重。食落好多香草味，都充滿泰式風味，而且仲有好多配菜：例如芽菜等等 。配料有糖心蛋、炸豬皮，我比較鍾意食個泰式粉，煙煙韌韌。叫咗炒金邊粉，味道唔會太酸，分量唔算太多；加咗個冬陰功湯，反而唔錯，有隻蝦，味道夠酸唔夠辣。

豬頸肉飯同海南雞飯同女人街 d差唔多質素，中規中舉，最難食反而係沙律吧D前菜，味道怪怪地，第2批炸出來的春卷裡面的椰菜有D變味，所以咬一啖後冇食，哈密瓜切到細細粒形狀散散地，有D椰奶狀？的白色液體浸住D味怪怪地，D甜點糕好硬又冇咩味唔好食，講真堅唔抵食😖

Moko商場4樓有一間值得推介的泰國餐廳，名為「象屋泰國餐廳」，餐廳位於剛好在電梯位，而且旁邊更有洗手間，十分方便。餐廳裝修環境好舒適，有單邊窗，看到陽光照射，非常開揚，座位空間寬敞， 讓人坐得十分舒服。中午時段有泰式沙律吧套餐，可吃到主菜之餘，亦可吃到泰式小食，新鮮沙律菜，水果及泰式甜品，還包餐飲，簡直抵食。餐前先咗自助配搭的沙律， 炸春捲，炸蝦卷及咖哩角，絕不可錯過。我同朋友各點了兩款不同主菜，我吃牛肉船麵，湯底香濃，牛肉及炸豬皮都不錯， 金邊粉很掛湯，啖啖都吃到濃厚的牛肉香味。朋友就吃特式海南雞飯，飯是油飯非常香口，海南雞已去骨，肉質滑溜，雞皮爽脆。套餐中加28元就可以飲到大蝦冬陰公，呷一口湯，味道夠酸微辣，大大隻蝦，蝦好新鮮，蝦肉彈牙，愈味愈滋味。餐廳可加錢轉正宗泰式奶茶，有茶香，又有香滑的奶茶，甜甜地，好好味。食飽還需要啟動甜品的胃， 椰汁糕及班蘭糕等等都不錯，味道仲好正宗，不太甜，用這幾款甜品作結，十分滿足及滿意萬分。

新開不久的餐廳,就趁人不多時試試。星期六也有set lunch! 也很抵食! set lunch有木瓜沙侓,主菜及飲品。青木瓜沙律, 味道清新,青木瓜不老,而伴的沙津汁剛剛好,不太酸,很開胃!主菜有不少選擇,這次選了青咖喱雞飯。青咖哩很香! 雞及飯的份量很多,肯定夠飽!另外ㄧ個主菜,就叫了叻沙麵叻沙湯好好味! 有點辣,少辣反而帶出叻沙香!(因叫了少辣)。值得推介!而餐茶,那天是指定的熱/冰蝶豆花茶,樣子很美! 檸檬汁遇上碟豆花茶,還由藍變紫 好靚! 好喝!作為在moko的泰國餐廳的set lunch,也叫抵食+好味的! set lunch還有船麵等,下次再試其它set lunch

呢度既格調比較高級但價錢都唔算太貴 可以一試 泰式燒春雞這裡的燒春雞和平常吃到的完全不一樣有香脆像炸過的口感, 而肉質更為厚實 醬汁是必須的 點了醬汁後減少了油膩的感覺而且酸酸辣辣的更為開胃 泰式雞肉生菜包食泰國野點可以少得生菜包呢度既生菜包一客4隻最岩就係幾個人齊SHARE 上面既餡料都幾多下肉碎咸咸的, 帶一點微辣 生菜包住食就最岩!! 椰青原隻椰青, 清甜爽喉, 最岩就係呢D天時暑熱既時間飲!!飲到最後仲可以食埋佢個D椰青肉!! 味道帶點淡淡既椰香味道