象屋泰國餐廳 (已結業)

旺角MOKO商場大裝修後多左好多唔同既餐廳，「象屋」係其中一間。坐窗口坐有好開揚既感覺，同每張枱又唔會放到好密，Mr Wong同我坐坐下，以後自己係酒店餐廳食飯——小食拼盤：內有蝦餅、黃金包、馬可、春卷、蟹肉卷，樣樣熱辣辣，又脆口，馬可係幾特別，係菠蘿底，上面個粒甜甜地有椰絲味、花生味、芝麻味咁，都幾得意。拼盤上既汁，辣辣地幾惹味。——菠蘿雞肉炒飯：哇，半個菠蘿呀～要讚一讚，個炒飯係新鮮菠蘿，除左雞同菠蘿外，仲有腰果、提子乾、大量肉鬆，材料豐富，幾好食。——魚露蝦干炒椰菜苗：椰菜苗唔係間間泰菜都有得食架，仲要咁嫩口，加上啲蝦干又大隻又香口，令到啲菜好惹味。