豚道樂 (百合苑商場) (已結業)

豚道樂呢個名對香港人黎講應該都唔陌生。豚道樂除左係荃灣有之外，最近都係黃埔開左間分店。今晚就同朋友入左去食下，順便行下AEON。黃埔呢間分店，舖位大好多。牆邊有獨立既二人座位，而我地今晚就坐左係吧枱。吧枱後面有啲日系小擺設，增添日式拉麵店既味道 吧枱都幾乾淨企理，放左啲點餐紙，調味料等。我地一人一支野飲山梨桃梳打（$23 ）信州白提子梳打（$23）兩支梳打入口都好清甜，水果味重，而且飲完唔會係咁ur氣牛油粟米（$10）幾得意，用鐵板裝住，可以有餘溫，溶左啲牛油，牛油mix埋粟米好香口呢期豚道樂推出左季節限定：黑松露醬油豚骨拉麵 - 北海道帆立貝 （$108）所以就諗住一試啦。點知，一試就有驚喜喇湯底好濃郁，松露香同拉麵出奇地夾紫菜夠脆，流心蛋口感滑溜，蛋醬幾creamy豬肩肉同豬腩肉都薄切，脂肪同肉既比例分明，而且咬落去口感唔錯估唔到細細粒既帶子又幾有咬口，夠爽甜另一碗係：特上豬骨湯拉麵（$85）朋友話要讚一讚個湯底，因為佢比較鍾意濃味既豬骨湯拉麵。呢個湯唔係一味死濃，係香口得黎好飲，麵條亦非常掛湯，配合埋唔韌既叉燒，流心蛋同配菜，有日本既感覺我地另外揀左個小食：炸軟殻蟹（$45）軟殻

作為標準拉麵控，有新拉麵店都想去獵奇，朋友住荃灣或嗰頭間傳到落好好食但係荃灣太遠不知道佢喺9號水產開咗分店作為九龍人嘅我就捉埋男朋友去試試佢鋪頭都幾易搵喺9號水產正門附近，自助搵位，點餐就自己向餐紙剔選喜好：口味同好多店一樣係自由配搭，難得來到唔理價錢（幾蚊車錢都係咁上下）㨂咗極上而唔係經濟款，一個極上海老豚骨拉麵，一個黑松露豚骨拉麵：望上去2者分別不大，都係用豚骨湯做膽，但拉麵最緊要湯底，成與敗都係關佢事，因為本身豬骨味唔出，海老只係放咗少許蝦乾做配襯，冇放落去湯一齊熬，所以海老口味頗為失望。麵身㨂咗直面係九州拉麵既粗度，不過麵條唔夠柔滑。反觀黑松露口味松露味好出救翻醒個湯底，粗面就較為煙韌，不過我覺得配幼麵會易d掛湯，所以我搶咗男朋友既湯，配我既幼麵食😋稍嫌配料唔夠多需要加料：牛油粟米不過不失同普通放題質素差唔多建議叫埋木耳同蔥增加拉麵嘅口感同層次

最近到黃埔逛傢俱店，才知道原來朋友口中的九號水產不是一間食店，而是集合了餐廳及賣海產及日本產品的地方。入內一看，見到以前在荃灣食過的拉麵店「豚道樂」也在這裡開了舖，見不太多人，便決定在此晚餐。拉麵選擇不算特別多，有時候會有平日或週末限定的口味。最特別的反而是一種口味可以選擇多配料的特上之選或只有一種叉燒的經濟之選。特上日本芥茉拉麵($98)湯底是特別，綠色的以為WASABI味會好重好鼻，但原來食落WASABI味不是很重。呷一口湯底會感覺到WASABI那微微刺鼻的香氣，再加上芝士粉的香濃芝味，味道很豐富。而WASABI的香味亦令人覺得有解油膩感的作用。特上的話除了一般會食到的豬腩肉外，還有特別一點的豬肩肉。比起豬肩肉，豬腩肉的脂肪會多一點，但不會太肥，食落帶點油香。而豬肩肉比較薄身，口感比較軟滑。拉麵已包括了半隻溏心蛋，蛋做得很好，連蛋裡面也食到甜味。咬開蛋黃還慢慢地流出呢。麵底我選擇了札榥系曲麵，其實望上去不會覺得有很大分別。整個麵浸在WASABI 湯底內都變成綠色，沾上了WASABI的香味。不過個人覺得麵身硬度不夠，食落欠了點口感。特上黑椒蒜油拉麵($93)黑蒜油湯底厚潤一點，帶著淡

今日去紅館睇演唱會，記得之前行黃埔見到開左個九號水產，所以就早啲去食左晚飯先。入到去都有四五間餐廳選擇，六點人流不算多，最後揀左食拉麵～呢間豚道樂唔係開放式廚房，所以睇唔到拉麵師傅嘅即場製作。左右兩排吧台，而一個就有個空間畀侍應上菜～每兩個位有凍水，調味料，仲可以自己磨芝麻每一碗拉麵都可以各自選九州系直麵或札榥系曲麵，另外有部份特上拉麵係逢星期五六日限定，特上拉麵會有哂兩塊豬肩肉同豬腩肉，仲有兩塊紫菜同半粒糖心蛋～我就叫左五六日限定既特上海老湯拉麵，麵就揀左曲麵，貪佢夠彈牙同掛湯。湯底非常濃郁，裏面有好多櫻花蝦，每飲一啖湯都會食到。叫得豚道樂就緊係要試下啲豚肉，豬肩肉較瘦而切得夠薄，而豬腩肉就肥瘦均勻，燒得好香。我男朋友就試左特上日本芥末拉麵，一上黎就見到成碗青bb嘅湯，望到都覺得攻鼻。佢要左直麵因為想無咁掛湯，但啲麵都已經煮到全部變左青色！個湯一食落其實無想像就咁攻鼻，香得黎又有少量嗆鼻感，都幾夾。但係食多左就一路keep住攻鼻，我男友都有啲頂唔住，好刺激～糖心蛋既流心感不俗，味道可以中和一下芥末啲刺激感～另外叫左個炸軟殼蟹，新鮮炸出，好脆口～最後見唔少人都叫左呢種梳打，所以都叫左黎

聽到朋友話9號水產好多正嘢食，就去到豚樂道朝聖食我最愛的拉麵～依家係拉麵好方便，你想愛面嘅種類、硬度、什麼配料都可以係張紙度圈起，真的很個人化。今日我和朋友點左特上黑蒜拉麵🍜和特上魚介豚骨拉麵一齊share!!! 面一度，立即試湯底😋～特上黑蒜拉麵啲黑蒜真的濃烈D，令人更回味的是特上魚介嘅湯底～食不慣的人開始時會覺得很苦，但識食的人會覺得很濃烈的魚湯味，正！兩碗都有豬肩肉和豬腩肉，每一片都好平均，又大片，入口即溶😍😋 兩隻湯底同啲肉perfect match, must try!!!!

今日, 我同屋企人會去黃埔呢邊行AEON,  發現最道豚道樂再開多間係黃埔，仲係百貨公司，當然要入一試啦！鋪頭入面的裝飾好似日式拉麵店既設計, 勁有日本風 !  睇完 menu, 有季節限定拉麵,呀 ! 一定要試試啦!季節限定拉麵, - 黑松露醬油豚骨拉麵 熱辣辣, 有一陣一陣黑松露既香味, 相當吸引, 內有豬腩肉、紫菜和溏心蛋, 仲有帆立貝 同埋黑松露醬, 再加豬骨湯底味道一流! 再叫多個特上辛辣味噌拉麵有豬腩肉、紫菜和溏心蛋, 再加辛辣味噌, 味道不錯, 因為我唔係食得太唔辣, 所以我覺得OK, 不過朋友覺得唔夠辣炸紫菜墨魚嘴紫菜墨魚嘴薄的炸粉包住墨魚嘴,，上面再灑上一層紫菜碎及味粉，墨魚嘴非法有口感蜜汁咖喱炸雞中翼值得一試的炸雞中翼，蜜糖和咖哩完美配合, 甜甜地中帶小辣，味道豐富! 日式吉列炸蠔有一層金色包住酥炸蠔。一咬落去味道一流 ! 山梨桃梳打水果味濃，清甜解渴每人最後大約＄200蚊 ，但就食到捧住個肚走，亦食到有質素又美味嘅食物，正。下次再去, 可以試下特上海老湯拉麵 !

未講食物先講貼心服務，佢哋竟然有叉電線係啲bar枱度，有iphone線同Android 線，又有免費WiFi, 鋪面唔算大，但坐落都唔錯當然唔少得主角拉麵啦，我叫左個特上WASABI味拉麵，豚肉真係重中之重，超甜，一試難忘，食得辣既，一定要加辣醬，好惹味，另個提升到另一層次，至於湯底就非常濃郁，特上仲有半隻溏心蛋，個蛋黃好似鹹蛋黃一樣橙紅色，真係好想食夠一隻，當然唔少得我既最愛紫菜，本身應該浸入個湯度，但我最鍾意就咁食，又脆又有紫菜香!

每次老公吃日式拉麵都會故意選黑蒜油拉麵及加厚切筍，他笑說一間日本拉麵店是否出色並不是取決於有否提供冷水，而是筍乾及湯底! 老公說因為筍乾需要經過浸泡，這就可以看出細心浸泡的筍乾，形狀亦是整齊的。特上松葉蟹蕃茄豚骨拉麵加上木耳令整體口感增加，而且松葉蟹已拆殼上，最適合姐這種懶人。日本拉麵少有的蕃茄湯底甜度剛剛好，而且中和了濃味及油膩感、帶有一絲絲田園的風味。姐選了直麵，麵條幼滑而且口感剛剛好。叉燒配上姐最愛的溫泉蛋，轉眼就連湯都被清光了。天婦羅蝦很出色! 炸出金黃色之餘而且沒有油膩。炸粉鬆脆沾汁吃都不錯。日式一口炸芝士及鹽燒芝士豚肉對於愛吃芝士的姐來說這個都不錯，多人吃少少就滋味，倆口子吃就有點飽滯了。日式煎餃子外層香脆， 餡料及汁亦多。韓式蒜蜜叉燒跟中式叉燒相比蜜汁當然不算特出，但叉燒肉質較嫩滑。老公特意新年點了一支招財貓汽水取其意頭，但論味道還是姐選的信州白提子梳打比較好。

知道黃埔有個新地標就係9號水產一直都好想來行下今日終於有機會見到有間拉麵認得係之前有網上宣傳嗰間挑戰食辣嘅拉麵可惜呢個時段冇得挑戰唯有食下其他嘢啦朋友叫咗個特上日式芥末拉麵個湯同過面都係青色好特別而我就叫咗個特上海老湯拉麵個湯好濃郁 而且面我揀咗曲麵掛湯能力強之後仲叫咗幾款小食日式吉列炸蠔呢度嘅炸蠔 唔會炸到好乾我落去都仲好juicy日式煎餃子個皮好薄好好味炸紫菜墨魚咀呢度嘅炸墨魚咀有埋紫菜好特別 而且都有幾多粒

行經荃灣大河道，成日都會見到呢間拉麵店門口有條人龍👫👭不過由於唔想排隊，所以每次都同佢擦身而過😅 早排知道佢係黃埔開咗分店，據聞唔洗排隊😈所以去開嗰邊做嘢嘅時候，就順手試埋啦😂餐廳位處九號水產入面，出咗地鐵站都要行5-10鐘先到！餐廳有一張長吧台同幾張二人枱，雖然地方唔算好大，但感覺乾淨衛生，坐得都舒服我無叫呢到最有名嘅#wasabi拉麵，真心無呢個勇氣😂第一次食，都係穩陣啲，叫咗個#特上黑蒜油拉麵$93❗️豬骨味都算濃郁，每啖都食到蒜油香，味道唔錯👌🏻而且呢到嘅麵除咗有分軟硬之外，仲有分曲麵直麵，都幾講究豬肩肉大大塊，食落軟腍入味，加少少七味粉一齊食，仲惹味如果唔鍾意蒜味嘅朋友，可以叫呢個特上原味豬骨拉麵$85，湯底依舊濃郁👍🏻另外我地仲叫咗一份食炙燒芝士豚肉$18咁大個女，第一次食！芝士同豚肉本來味道就好夾，加上佢地輕輕燒過個面，食落外層有少少脆，口感更加豐富日式煎餃子$30係有朋友之前叫我一定要食嘅！果然，堅好味皮薄餡靚，而且外層有少少脆，就算一個人食晒一碟都唔係問題呀！哈哈最後，我同朋友再一人叫咗一枝梳打$23（白桃&提子）兩款飲落都清新自然，不過如果真係要揀，我會揀提子味囉

難得叔叔由外國番黎，我地當然要帶佢食餐好嘅！一問之下，佢話想食日本拉麪！咁岩嘅，我地都好想食日本野呀！係紅磡一帶行咗無耐，就見到一間用櫻花做裝飾，充滿日本風情嘅料理店。叔叔同我地都二話不說，選擇入去呢間和味無窮嘅店舖。侍應帶咗我地去吧枱附近坐。枱上擺有各式各樣嘅調味料，畀我地按照自己口味，係菜餚上加添味感。靜岡抹茶可樂 $20點菜之前，我決定先叫樽野飲，清清喉嚨。呢度嘅新奇飲品多不勝數。可樂同抹茶我就飲唔少，但將兩者混合而成嘅產品，我就聞所未聞。淡淡嘅綠茶香，加配微甜可樂，竟然毫無遺和感。不過，我個人覺得，如果可樂嘅甜味可以再突出少少，就perfect啦！炸紫菜墨魚嘴 $35呢款墨魚嘴帶點微辣，口感有啲似雞軟骨，但無雞軟骨咁具嚼勁，不過炸物可以做到咁樣，已經好唔錯！而充當調味料嘅紫菜粉，就幫墨魚嘴加咗唔少分，值得一試呀！日式餃子 $30食日本野，唔叫份餃子總覺得差咁啲野。金黃餃子煎到香噴噴，餃子皮厚薄均勻，裡面豬肉同菜嘅份量夾得岩岩好。值得一讚嘅，係餃子一啲都唔油膩，就算一口氣食哂5隻都無一絲罪惡感唷！特上黑松露醬油豚骨拉麪 $108食咗一啲簡單小食之後，叔叔同我地都決定開turb

今日約左朋友去黃埔睇戲，因為未夠鐘就入左黃埔新天地搵下有咩野食。朋友鍾意食日本野，所以簡左呢間拉麵試下。自從黃埔有地鐵站之後，呢到方便左好多。地鐵站行到餐廳唔洗五分鐘。餐廳主要用吧台設計，幾有日本feel，不過都有幾張普通座位，如果想傾計可以簡旁邊座位。呢到無論拉麵或者小食都有好多唔同味道選擇。拉麵方面，落單紙可以跟自己喜好選擇硬度同配料。兩個人都叫左好多野，都係三百蚊到。唔算太貴👍🏼特上日本芥未拉麵第一次食芥末味既拉麵，感覺好特別。沒了刺鼻既感覺但keep到好淡既芥末味同湯底好濃郁。豬肩肉有口感而豬腩肉肉質好淋。特上海老湯拉麵湯底好濃郁但海老味道就唔係太慣😂不過有新鮮感，呢款拉麵重有日子限定唔係日日有得食。日式煎餃子餃子皮厚度岩岩好，咬落好多肉汁同埋冇煎到好油牛肉薯餅 + 栗子南瓜薯餅開頭叫呢兩個薯餅都怕會炸到好多油，點知黎到張隔油紙都冇咩油👍🏼👍🏼好大舊又足料，咬一d餡都冇散。 我個人最鍾意南瓜味😁信洲白提子梳打

豚道樂!!! 一心諗住黎挑戰勁辣拉麵，但冇睇專頁原來岩岩完左冇耐，好可惜!一場黎到都食下野，唯有下次佢再有我早d黎拉麵店設計比較特別，係一個U型設計，中間係一條通道，店員就會係中間送食物，其他人都係圍住通道坐後邊有d格仔，唔知係店員既袋定係客人既袋呢~本身冇個坐下邊都有勾可以勾住個袋，正常拉麵店設計凍水，調味料，筷子，一應供全拉麵款式有6款，但都有分特上同普通，特上多左一款肉，半隻蛋同兩塊紫菜仲有一款季節限定既黑松露醬油豚骨拉麵，見佢特上海老拉麵只係五六日限定，一於試下有咩特別而餐廳有兩種麵供應，比較少見，我揀左粗身少少既曲麵，另外加左辣醬值得一提既係佢麵既軟硬度，只有普通，硬同超硬，見到既時候都有d擔心，因為我偏鍾意軟身麵，但都揀左普通試下朋友一見到menu有波子汽水就即刻點左一支，真係充滿回憶回憶在於以前要有9牛三虎之力先整得到粒波子入去先飲到汽水!依家好方便，有個塞俾你，對住粒波子用力禁落去就ok說時遲那時快，朋友點既黑松露醬油豚骨拉麵已經上台，豬骨湯底充滿黑松露香，試左一啖湯，飲落好重黑松露味而我既特上海老拉麵超濃海老味，不失為一碗抏既櫻花蝦湯!湯帶點油脂，飲落特別香口，岩哂重

總是有些時候會突然好想吃拉麵，以前都吃過豚道樂(荃灣店)，留下的印象不錯，所以今次經過附近就一嚐黃埔店。點了特上日本芥末拉麵，湯底特別而且味道比想像中夾 芥末能刺激味覺更加開胃，加上有芝士 有拉絲效果，看到一片綠色感覺好健康 哈哈。另外特別加配了木耳，份量算多 喜歡爽口的感覺，讓整體都變得豐富。（配料本身都有芽菜 木耳 紫菜 蔥花等）特上海老拉麵的湯底較為惹味，充滿櫻花蝦鮮味，麵質適中 掛湯能力挺好的（特上之選能夠一碗就吃到豬肩肉和豬腩肉）肉質相對粗糙 瘦肉的比例較多。溏心蛋一不小心就浸到湯下 容易變熟，應該早點吃啊流心度正常（好想瘋狂加配）還有小食的日式煎餃子和韓式蒜蜜叉燒，兩樣都好喜歡 餃子的餡料飽滿多汁 ，表面煎成微焦又夠脆身（沾上辣椒油更好吃）叉燒的蒜蜜 調味出色，亦經過炙燒 讓香氣散發，一上桌就等不及要吃了。肉質鮮嫩 半肥瘦剛剛好，份量有三大塊（兩個人分享都可以）飲品方面 蘋果梳打，可以解膩 而且有汽會喝得爽原本想試季節限定的松葉蟹海老蕃茹湯拉麵，可惜售罄了 唯有下次要試！

餐廳都算大既, 座位比較多, 坐得舒服!麵有2種選既基本, 一個係曲麵,一個係直麵,曲麵就比較傳統式, 彎彎地既麵身係for比較容易吸湯用!現代小小既就係直麵多, 宜加普遍出面既拉麵都係直麵!湯底係唔錯既, 味道濃得黎, 又調到岩岩好香港人口味, 唔會過咸, 份量就正常, 呢到既豚肉反而比較好食, 本身已經整得幾香,仲要咬落口感小小脆身, 幾正!呢到如果加玉子 份量係勁多!佢預你當一道小食黎食, 而唔係加落個麵到既份量黎!呢個係提子梳打, 我比較中意試香港平時唔太見到既野!呢指白提子梳打, 提子味50%左右, 又唔會太濃味,屬淡淡既清甜味既感覺~