影片
更多
2018-02-28
1115 浏览
豚道樂!!! 一心諗住黎挑戰勁辣拉麵，但冇睇專頁原來岩岩完左冇耐，好可惜!一場黎到都食下野，唯有下次佢再有我早d黎拉麵店設計比較特別，係一個U型設計，中間係一條通道，店員就會係中間送食物，其他人都係圍住通道坐後邊有d格仔，唔知係店員既袋定係客人既袋呢~本身冇個坐下邊都有勾可以勾住個袋，正常拉麵店設計凍水，調味料，筷子，一應供全拉麵款式有6款，但都有分特上同普通，特上多左一款肉，半隻蛋同兩塊紫菜仲有一款季節限定既黑松露醬油豚骨拉麵，見佢特上海老拉麵只係五六日限定，一於試下有咩特別而餐廳有兩種麵供應，比較少見，我揀左粗身少少既曲麵，另外加左辣醬值得一提既係佢麵既軟硬度，只有普通，硬同超硬，見到既時候都有d擔心，因為我偏鍾意軟身麵，但都揀左普通試下朋友一見到menu有波子汽水就即刻點左一支，真係充滿回憶回憶在於以前要有9牛三虎之力先整得到粒波子入去先飲到汽水!依家好方便，有個塞俾你，對住粒波子用力禁落去就ok說時遲那時快，朋友點既黑松露醬油豚骨拉麵已經上台，豬骨湯底充滿黑松露香，試左一啖湯，飲落好重黑松露味而我既特上海老拉麵超濃海老味，不失為一碗抏既櫻花蝦湯!湯帶點油脂，飲落特別香口，岩哂重
豚道樂!!! 一心諗住黎挑戰勁辣拉麵，但冇睇專頁原來岩岩完左冇耐，好可惜!
一場黎到都食下野，唯有下次佢再有我早d黎
拉麵店設計比較特別，係一個U型設計，中間係一條通道，店員就會係中間送食物，其他人都係圍住通道坐
後邊有d格仔，唔知係店員既袋定係客人既袋呢~本身冇個坐下邊都有勾可以勾住個袋，正常拉麵店設計
凍水，調味料，筷子，一應供全
拉麵款式有6款，但都有分特上同普通，特上多左一款肉，半隻蛋同兩塊紫菜
仲有一款季節限定既黑松露醬油豚骨拉麵，見佢特上海老拉麵只係五六日限定，一於試下有咩特別
而餐廳有兩種麵供應，比較少見，我揀左粗身少少既曲麵，另外加左辣醬
值得一提既係佢麵既軟硬度，只有普通，硬同超硬，見到既時候都有d擔心，因為我偏鍾意軟身麵，但都揀左普通試下
朋友一見到menu有波子汽水就即刻點左一支，真係充滿回憶
回憶在於以前要有9牛三虎之力先整得到粒波子入去先飲到汽水!
依家好方便，有個塞俾你，對住粒波子用力禁落去就ok
說時遲那時快，朋友點既黑松露醬油豚骨拉麵已經上台，豬骨湯底充滿黑松露香，試左一啖湯，飲落好重黑松露味
而我既特上海老拉麵超濃海老味，不失為一碗抏既櫻花蝦湯!
湯帶點油脂，飲落特別香口，岩哂重口味既我!
豬腩肉肥瘦均衡，薄切而且又腍又滑，油脂香十足，入口即溶!
豬肩肉冇太多油脂，但佢肉味重，入口嫩滑，如果唔要特上，建議大家食豬肩肉!
傳統拉麵都係用曲麵，所以我都點返曲麵，麵質彈牙，而且份量都幾多
第一次食甜既溏心蛋，通常食既都係用咸味醬油去調味，估唔到甜既溏心蛋都唔錯!
中間溏心部分又香又甜，同蛋黃味好夾，食落唔膩仲幾開胃添!
炸紫菜墨角魚咀，餐廳唔係真係同紫菜去整，而係灑上海苔粉，大小似炸雞軟骨咁
相比之下，我鍾意元x既炸墨魚咀多d，大粒d又juicy
好奇之下試左加檸檬汁，即刻變左檸檬夾心餅咁
勁香既檸檬味加上脆卜卜既外皮，正!
炸軟殼蟹必食! 不為其他，只因佢夠哂足料!!
炸得通透，真正既外脆內軟，而且隻蟹好有料，入邊唔係空心，有好多肉
睇落好似醬汁咁，咬落吱哂出黎，要小心熱，新鮮炸起超熱!
另外追加左厚竹筍，厚切夠大條又夠爽口，味道唔會太濃太假，最少我唔覺得自己食緊軟左既木筷子!
牛油粟米都幾多，尤其係牛油，唔夠牛油無咁香的~
而拉麵店提供既牛油量可以令每粒粟米都有牛油，食落特別香滑，正!
食落唔夠飽仲追加左一份牛肉炸薯餅，薯餅等得耐少少，等左20分鐘
如果鍾意澱粉質既你一定要點!，牛肉唔太多，味道亦唔太重，但真係超香甜!
入口軟身又甜美，南瓜薯餅可以再甜d，只能說佢蕃薯夠靚
大食既我食拉麵都食左成200一個人，但值得一試!
臨走仲俾我見到巴努坦星人!!有點懷念放學返屋企追超人既日子
张贴
