影片
港铁黄埔站 D2 出口, 步行约3分钟
继续阅读
开饭介绍
坐落于黄埔九号水产，传统拉面店装潢风格，座位吧台为主。主打九州豚骨风拉面，汤底以大量猪骨和蔬菜熬成，可配直身幼面或曲面。
继续阅读
附加资料
招牌菜: 特上鱼介豚骨拉面 (平日限定), 特上海老汤拉面 (只限星期五, 六, 日)
营业时间
*最后落单时间：15:30/21:30
星期一至日
12:00 - 15:30
17:30 - 21:30
以上资料只供参考，请与餐厅确认详情
相关文章
听讲呢间铺头就嚟执 我好多朋友都话可惜 所以就同男朋友嚟食我就叫咗个海老拉面 佢张纸有好多options 拣（有冇葱 要唔要辣 曲定直面）我拣咗 直面 有葱 要辣酱加咗16蚊要个特上 可以有多半只溏心蛋 2块紫菜 2旧叉烧 （呢个好抵 平时啲拉面铺加两块叉烧都4x蚊🙂↔️好过去抢）海老拉面上咗都几靓仔 樱花虾同啲葱呀辣酱叉烧都摆得整整齐齐 食拉面对我嚟讲就系一定要试汤先嘅呢个汤饮落去第一啖系合格嘅 有虾汤嘅咸鲜味同埋樱花樱食落去有脆脆嘅口感可惜食到最尾觉得可以淡少少溏心蛋系有流心嘅～辣酱唔辣🤣捞完食唔出紫菜都脆 叉烧有两款 猪肩同猪腩 我钟意猪腩多啲但个面质我自己觉得曲面好似麻麻地 再食我会拣直面Ps 呢个拉面系冇荀 总结嚟讲我觉得呢间值得更多关注嘅拉面铺 可惜就执 希望可以再开啦
继续阅读
唔记得几时bookmark咗这店, 经过附近就来试下 食物 : 持上鱼介豚骨拉面 $106, 特上原味豚骨拉面 $94 ~ 汤底味道唔错几浓, 食完唔会口干, 义烧好大块好淋, 面质几好唔会过淋, 大大碗一定够食 饮品 : 店内有冰水供应 环境 : 店内是日式拉面装修, 舒服干净 服务 : 职员有礼貌 价钱 : HK$200 (无加一服务费)
继续阅读
呢道「邪恶鸡脆皮鸡白汤」系间今期限定, 所以我一于嚟试吓！餐厅嘅装潢采用木质吧枱,配合简约嘅风格, 以红黑色调为主, 讲真有少少日本一兰拉面嘅feel。首先要赞下佢嘅汤底,好鲜美浓郁, 不过可能因为我食开清淡野，对我而言有少少太重味。猪肉同鸡蛋都好嫩滑够味,而且份量十足。其中「糖心蛋」更系亮点所在,蛋黄熟度正好,同汤汁和谐融合。另一大卖点系佢嘅「邪恶脆鸡皮」,炸到酥脆入口可以听到声,口感极佳。加上鸡皮本身嘅浓郁香味,令整道菜式嘅层次感提升唔少, 沾少少汤再放入口仲正！不过,偶尔都有少少略微干硬嘅情况,但只系个别情况。总的嚟讲,呢道「邪恶鸡脆皮鸡白汤」确实值得一试,食客一定唔会失望。性价比都几高,大份量嘅分量加上优质嘅材料,系一道好唔错嘅日式comfort food。虽然都有少少缺点,但整体体验仍然相当不俗,值得给4星好评。
继续阅读
今日无聊。睇完拉面赤猫，心思思想食拉面。红磡呢头嘅话，一系拉面天王，一系就系呢间喇。记得有一排成日想食拉面，呢两间都系有去过。不过剩系豚记我有印象返啅好几次。一时又念唔起点解。今日去，回忆返晒黎。真系唔会点出事嘅舖头。虽然我觉得贵（基本上香港所有拉面我都系觉得贵，因为我同前辈呢啲cheap精去大阪食亲唔会超过1000円），但系水准真系保持一贯。食拉面我通常都系曲面，呢间唔记得点解我潜意识都系拣幼面。我应该以前比较过系幼面好食啲。简单讲，稳阵真系呢间。（P.S. 念起点解唔去拉面天王喇！主要系外面等夏天好难顶。豚记起码系商场内有冷气。不过多人嘅时候都要罚企半个钟。）
继续阅读
豚道乐 📍红磡黄埔天地百合苑商场(第9期)地下九号水产G2号舖Lunch hour经过几次都见到好多人排队，原来八月中已经要结业，所以今次坚持排落去，等咗一个钟终于有得入！🍜🥟⭐️伊势海老龙虾豚骨拉面 $98用咗龙虾🦞+虾 🦐 熬制而成汤底超级浓郁同香甜，饮落完全系龙虾忌廉汤嘅味道🤣 里面有一嚿法包仔、日式叉烧 、豚肉、菜、仲有超好食嘅糖心蛋（好甜✨）而面条系preset左中太面同软硬度，冇得拣的平时出边百几蚊一碗嘅拉面剩系得一片肉，呢度份量真系多好多🥹⭐️鱼介豚骨拉面 $90 +$16转极上(多块肉、多两块紫菜、同埋多半只蛋)呢个面又系超级浓郁，拣咗曲面同埋加咗少少辣酱，汤底超厚身同浓味，有啲似食紧沾面🤣里面除咗有笋，仲有超级多葱，望落同食落都好好食！🥹⭐️蒜蜜叉烧片3片 （肩） $26因为怕腩肉好肥，所以拣咗肩，完全冇拣错！佢嘅肥瘦程度对我嚟讲啱啱好，再加埋甜甜地嘅调味，想encore⭐️日式饺子5只 $38喺今日食嘅嘢入边算系比较普通，白菜猪肉馅，煎出嚟都有冰花面几靓，但系略嫌有啲太过湿整体嚟讲所有嘢都好出色，希望可以喺佢结业之前再食多次，好嘢系值得排队食的！PS.八点去到已经冇晒墨鱼咀同埋软壳蟹店舖位置比较少座位，所以可能真系坐得迫啲同埋要等得耐啲
继续阅读