豐鍋雞煲 (京瑞廣場1期)

营业中

休息中

2019年2月28日星期四之前上網見到有人介紹呢一間喺新界嘅雞煲火鍋店，約埋朋友佢老婆一行四人揸車去到石門試下環境唔錯枱面張紙已經好吸引。仲聞到周圍打邊爐嘅味道幾香。未食已經流口水餐牌嘅選擇都唔少，雞煲嘅價錢都幾抵我哋首先叫咗一個雞煲同豬骨湯底火鍋叫咗個BB辣嘅雞煲，非常足料香味十足。四個人叫咗全隻雞。份量都幾啱本身以為佢會將火鍋湯底加入雞煲。原來佢會比一個新嘅煲過來肥牛非常正！頂級安格斯牛（少）手切厚切！非常香牛肉味！雙飛牛肉有10舊，份量足夠手工四寶丸（蝦，墨魚，黑墨，鯪魚）蝦丸最正！強烈推薦自制韭菜餃。唔錯感覺係自己包！足料非一般響鈴有芝士係裏面！第一次食！正鴨血。唔錯白鱔片！新鮮水蜜桃梳打玫瑰柚子。本身係凍飲！老婆想要熱嘅。特登為佢沖

沙田唔多無咩邊爐店好食，多數都係酒樓劣食放題。但估唔到石門有間咁高質的火鍋店。惹味雞煲係必點推介，滑一滑的的雞肉，加埋大量紫洋蔥勁夾。而佢地的火鍋配料先叫我最有驚喜，芝士紫菜響鈴值得比十粒星星♥️芝士控必點，濃厚芝士加埋紫菜，令到無咁溜之餘，口感更有層次同豐富。安格斯肥牛睇相都知道好食，同埋高級貨，食落有牛味，非一般雪藏貨可比，價錢公道，如果係旺區食，分分鐘要雙倍價錢。朋友更愛食佢既特長脆魚皮，鬆脆得黎又香口，個個都爭住食。食物整體質素高，會帶朋友再黎食。

沙田終於有間似樣啲嘅雞煲火鍋， 之前食過呢個商場嘅某幾間都唔係好掂，今日一試呢間真係覺得可以推介點餐紙有雞煲，有普通邊爐，嚟到當然要試下個雞煲，然後先再打邊爐啦因為我唔食得太辣，所以雞煲叫咗bb辣雞煲 一嚟到即刻充滿好香嘅香料未及麻辣味， 店員話大概炒五分鐘左右就可以食。炒到辣味好香，啲雞本身都非常惹味打邊爐當然唔少得食牛牛頸脊牛味超濃，肥瘦均勻，厚得嚟又夠淋。 食得出係靚牛芝士炸響鈴，入面有紫菜同芝士，最緊要係新鮮炸起，有心思 即食又得，放湯浸一浸食又得我最推介係炸魚皮 ，呢個魚皮真係超級好味🤩同平時食嘅唔同，又係新鮮炸起，厚得嚟又夠脆，仲有魚皮香😋 餃子拼盤有四款味道:韭菜、鮮蝦、魚皮餃及麻辣雲吞， 款款都皮薄餡靚，一流。 最愛韭菜餃叫咗咁多肉，當然要叫番個菜，咩菜都有就叫咗個什菜籃:有油麥菜、生菜、菜心及白菜仔飲品都有好多嘢揀，我叫咗鹹檸七同埋玫瑰柑桔蜜大大杯，一定夠飲另外順帶一提，坐收銀嘅員工服務非常好 佢傳菜快、服務好、收嘢又快，而且仲非常有善，真係好難得有咁敬業樂業嘅員工石門呢間高質邊爐，真係可以再去。

星期六在京瑞廣場1樓按摩完都已經7pm，行下附近有乜好食先，見到有間火鍋雞煲門口好多人等緊位，心諗咁多人等位咁巴閉就試下你先後來等左大約20分鐘左右就有位，又唔算好耐都ok既，後來見到原來OpenRice 都可以訂枱，下次都係訂位先坐低立即叫左個雞煲小辣半隻，上枱時店員幫我拌左一陣，叫我醬汁滾起就食得，一路煮D香味四溢，攪到我流哂口水D雞好滑唔鞋口，最欣賞係個汁夠哂野味食完隻雞侍應問我地想加湯打火鍋定係𨍭湯底（可半價轉）因爲我太愛個醬汁所以加湯繼續火鍋叫左個鴨血、本地牛頸脊、即炸魚皮，炸魚皮有成隻手掌咁長，拎住來食又幾得意好卜卜脆👍🏻配料都好新鮮出色，食得出呢間小店的確用心經營，下次來按摩後都一定再來幫襯

首選午餐飯堂京瑞廣場已經食過十幾間餐廳，都係偏愛豐鍋 點解?因為有媽咪嘅味道🤣平時早餐到宵夜，好多時都喺外面食，所以都會揀小菜為主嘅餐廳（我係食肉獸×飯桶），但當然都會食其他野啦！ 今次點解要讚豐鍋，因為佢近排嘅餐單出色咗（可能係全部我都鍾意食嘅餸） 之前剛開業，好多時都會食肉餅同雞（真係好好食）但始終食多會有少少厭，但近期豐鍋個餐單又番生，多咗好多魚，又龍躉，又蒸魚，仲有粟米魚（my飛佛）龍躉蒸飯我覺得最好食（見到有，我連食咗4日，必食）見到豐鍋有龍躉，我就知嗰星期嘅米飯班主係豐鍋喇😘龍躉真好爽滑彈勁 ，好好食，又新鮮，龍躉啖啖肉皮又厚，我試過係酒樓食，啲龍躉又腥又重雪味，肉又鞋好似食緊豬肉今日就叫咗花膠雞湯烏冬同蒸盲鰽嘩花膠雞湯正到暈，最緊要係抵食，$76隻雞脾大嚿到呢平時配飯我冇試，但今次配稻亭烏冬，絕配，湯夠熱，雞夠滑，花膠夠淋!蒸魚時間啱啱好，蒸魚豉油我估應該係自己煮的，唔咸唔太甜，啱啱好啱哂鐘意食屋企飯嘅朋友

這間位於石門的的豐窩，晚市供應火鍋、雞煲為主，但午市時段則供應健康住家菜。午市套餐有七款選擇，隨餐附送無味精老火湯、白飯、青菜、咖啡或茶。價錢由$62-$76， 沒有加一服務費，如果在12:45pm 前結賬或1:45pm 後入座，更有九折優惠。豉汁蒸盲鰽 （$62）👍👍👍👍盲鰽魚用豉汁蒸，用了原粒的豆豉配以葱花，魚肉嫩滑，可以吃得出蒸煮時間掌握到剛剛好。惹味的豉汁配白飯就最適合，再加上一碟青菜，簡單得來又健康，這樣就正正是家常菜的模樣。瑤柱花膠雞湯配稻庭烏冬 （$76）👍👍👍👍這款瑤柱花膠雞湯除了可以選配烏冬外，亦可跟白飯。這碗湯烏冬有花膠、雞腿和瑤柱，還加入了青菜。湯底有濃濃的雞味，花膠的骨膠原則是女仕至愛，雞腿上還有瑤柱絲，吃完後感覺皮膚都滋潤飽滿一些。老火湯👍👍👍👍每個午巿套餐都包括是日老火湯，當天是蓮藕豬骨湯，無味精的老火湯，足料又好味，真是可以喝到家的味道。咖啡/檸茶👍👍👍👍套餐還包括咖啡或茶。門面內在環境

今日天氣轉涼，即刻同朋友食個雞煲先，咁岩佢話佢公司附近有間新開，幾好食架喎！試試佢！環境都幾舒服，乾乾淨淨，唔算好大間，所以去到八九點都仲係幾爆場，不過好彩等左一張枱就有位喇。主角出場！呢度既員工會幫你煮埋，每一兩分鐘就黎幫你兜一兜啲雞，煮夠五分鐘就食得啦！辣度我地揀左BB辣。佢有好多配料可以選擇，我地就揀左黃帝菜、頂級肥牛、手工四寶丸。BB辣味道岩晒啲貪得意想食辣，又唔食得辣既人！佢既甜味多過辣，但味道好適中唔會太濃而無晒雞味。雞件岩岩熟夠晒滑身，洋蔥分量都好多，滿意！配料既分量又大份又多。皇帝菜好新鮮。肥牛擺得靚靚仔仔，雪花分配都好平均。手工四寶丸大大粒。特別推介蝦丸同鯪魚丸！蝦丸的蝦味好出，唔算好彈牙但係夠juicy。鯪魚丸就相比下彈牙好多，食得出真材實料，唔係溝左好多粉果啲。要讚一讚呢枝手工麥酒意外地一啲都唔苦澀，仲有淡淡清香，非常容易入口，食雞煲真係襯到絕！

今晚入到沙田石門見客，完後同同事喺附近食飯，火鍋癮起想減減壓。估唔到石門漸漸變身成為美食地帶。 我地揀左豐鍋，地方寬敞可以慢慢嘆😍呢度主打雞煲，選擇幾多~花雕藥饍雞煲❤️花雕味濃郁，藥材味唔會太重，容易接受😋加埋雞肉提升鮮味，肉質嫩滑👍手工四寶丸❤️有蝦丸，墨魚丸，墨汁丸，鯪魚丸。整體彈牙足料，一d都唔粉。西班牙頂級黑腩豬梅肉❤️肥瘦差半，脂肪量低，食一夠唔會有邪惡感。 餃餃陣❤️包括有鮮蝦雲吞，魚皮餃，韮菜餃，麻辣雲吞。每一款都各有等色，餃皮夠薄，餡料豐富😋😋食完呢餐覺得好暖身，大滿足😏🙌🙌

機緣巧合在fb看見沙田石門近月開咗間叫豐鍋雞煲嘅住家小廚，還看見有好似好抵食嘅午市套餐餐牌相片，於是今日專程由香港仔過去試試看。因我在下午二時才到達(原來小廚2:30截單，3時落場)，今個禮拜套餐有7款選擇，價錢由$50-70免加一(我1:45後入場還有9折)等……嘩！點解樣樣我都鍾意㗎？！結果揀咗籠仔蟲草花蒸雞飯($65)送例湯、油菜、飲品……稍等數分鐘已上齊這足本套餐(見圖)，主角雞飯啲雞好嫩滑彈牙，還滲出淡淡荷葉和蟲草花香，加上清湯白菜和蓮藕燉湯，少油少鹽健康又好有住家feel，埋單只係$65+3(凍飲)9折=$61，真係夫復何求呢！值得一再推介！

同家姐撐枱腳，見最近賣到咁行京瑞開左間必試雞煲，襯唔食辣媽子出街即試！同日中午先訂枱，見啲黃金晩飯時間全部都俾人頂哂，最早都要8點15，咁巴閉，冇計都係唯有就範。我地準時到 都要等多5分鐘前一枱埋單先入得。有啲好奇見冇限進食時間，唔知佢點預訂枱既人呢？anyway 係門外等嗰陣揀定招牌麻辣雞煲半隻，頂級肥牛，黑松露墨丸，炸芝士紫菜響聆， 蜂巢豆腐，萵筍片。入座5分鐘左右上哂啲餸 過多陣就上雞煲。 由侍應好細心咁幫我哋炒咗陣， 雞煲叫咗小辣， 食落唔算太麻辣，但都夠哂香， 店主介紹話係用龍江雞， 雞斬得較細碎，唔算好肥美，勝在夠入味。雪花牛油脂分佈一般， 用嚟打邊爐， 口感會交煙韌， 但牛味不錯。 最推介黑松露墨魚丸， 黑松露味香， 墨魚丸打不得夠爽口 最期待嘅響鈴， 反而好早上咗枱所以覺得有啲林， 建議下次再食嘅時候可以食完雞煲先再叫。總括嚟講 想試嘅話一定要預先book位， 未試過想試的話可以一試， 有得揀嘅話可能會寧願出返市區食。

黎開石門搵食貪呢邊多選擇又少D人, 轉角位有一間小小的火鍋店, 岩曬屋企人口味~滋潤螺片花膠雞煲 - 半隻雞係入面, 好大隻好肥美呀!! 仲有好多花膠, 好大條的~ 螺片切成片狀的, 湯底好濃好香~ 2個人食完隻雞都飽左一半了!頂級安格斯牛 - 切成"雙飛"的, 油花好平均, 肉味濃, 滾10秒岩岩好, 油香充滿口腔!脆鯇魚腩 - 厚切, 夠脆, 份量算多!即炸爆芝響鈴 - 加了一片芝士再卷起炸, 再滾一下讓芝士軟左都OK好味~即炸魚皮 - 3大片炸魚皮, 每條都差不多一隻筷子長的, 不太咸, 十分之脆, 就甘食都好好味!龍鳳檸樂 - 咸檸+鮮檸, 飲品仲好大杯, 一人一杯岩岩好!店舖細細, 不過店員足夠, 會自動加水, 剪雞!

今日同朋友慶祝生日，佢揀咗哩間喺石門嘅「豐鍋」，因為佢話之前來食過味道很好，所以今日就嚟咗呢度食飯吹水。我哋首先叫咗個雞煲，揀咗「豐鍋招牌雞煲」哩個雞煲好好食，連大量洋蔥蒜頭及其他香料一齊炒，店員幫忙找的時候勁香勁惹味，聞到都流晒口水😅。雞肉肉質爽滑，食落味道香濃，超正！頂級安格斯牛肉（小）朋友係食肉獸，所以叫咗頂級安格斯牛肉黎打邊爐。有一上枱時牛肉顏色鮮嫩，脂肪比例平均，見到已經覺得好好食！ 放咗去都5秒鐘左右便可以食，果然係牛味濃郁，肉質鮮嫩，十分美味！沙爆魚肚呢個係我次次打邊爐都會要嘅餸，魚肚腍滑，用來打邊爐，膠質溶化出來，味道像花膠，而且魚肚含豐富蛋白質，對女仔來講滋補養顏，又好食又有益！之後我哋叫咗個雜菜藍，包含了四款菜分別是白菜仔，菜心，生菜， 唐Ho. 這些菜都很新鮮，色澤翠綠，用來打邊爐味道剛剛好！食咗好多嘢好飽好滿足，而且大家吹水吹得勁開心。此餐廳座位闊落，坐得舒適，又可以食雞煲，又可以打邊爐，是一個很不錯的食飯地方！

今日同媽媽嚟石門食飯， 揀咗「豐鍋」因為有我想食嘅雞煲同埋媽媽想要嘅打邊爐。首先叫咗「豐鍋招牌雞煲」走辣，半隻雞。上枱時個鍋熱辣辣，香氣撲鼻。店員會幫忙炒熟啲雞，大約5分鐘後就食得。我同媽媽邊食邊讚，雞肉嫩滑，醬汁香濃，雞肉斬得不會太大件，非常入味，很好吃！食完雞煲就加咗湯準備打邊爐。我哋叫咗「餃餃陣」，有鮮蝦雲吞，魚皮餃，韭菜餃，麻辣雲吞，各兩粒。我最喜歡就是鮮蝦雲吞，皮薄餡靚，有隻鮮蝦喺入面，爽口彈牙，幾好味！其他餃子亦不錯，索左湯的味道，很好吃！另外叫咗自家製響鈴，味道不錯，最主要是湯底味道很好，索左湯嘅味道很香好味道！我哋亦叫咗雜菜藍。有白菜仔，茼蒿，生菜，菜心。蔬菜新鮮，顏色翠綠，不錯！食完之後大大滿足，呢度食物和環境都唔錯，會再來的！

西方情人節，通常會到西餐廳或意大利餐廳去浪漫一番。但老公怕人多，於是就在他今天放工的地方逛逛，看到他的至愛的雞煲，所以我就過去找他。這個商場很少去，但發現這裡開始越來越多新開的餐廳，而這間應該都是新開的。店內環境乾淨整潔，餐廳不是太大，但空間感大，坐位寛敞，坐得很舒服。燈光柔和卻光猛，感覺不錯。這裡主要是吃雞煲，然後再選擇配菜。麻辣雞煲是招牌菜，但因為近來新年吃得太熱氣，所以還是選一個花雕藥膳雞煲比較好。配菜分別點了頂級安格斯小牛排，餃餃陣，自創爆芝紫菜響鈴，什菜籃及炸魚皮。飲品分別點了玫瑰特飲及藍碟雪梨。雞煲賣相不錯，未食已經嗅到淡淡酒香。雞很滑，湯底有淡淡藥材味道。頂級安格斯小牛排賣相非常吸引，我喜歡吃不多脂肪的小牛排，厚薄大小適中，肉比較厚但一點也不韌，比普通牛肉的味道重，好好食。餃餃陣有韮菜餃，鮮蝦雲吞，魚皮餃及麻辣雲吞。每粒餃煮完都漲卜卜，配料很足及新鮮，口感豐滿。最特別的是麻辣雲吞，從未在外面食過，有點像紅油抄手，有一點點辣，好味道。這個自創爆芝紫菜響鈴，芝士煮熱了很流心，芝士味濃，是芝士迷的至愛，真係好好味，勁愛。炸魚皮真的很大塊，在外未見過，成塊炸，不太厚，所以入口覺得

真心令人講不出聲嘅一餐，只因有苦自己知。我相信開一間餐廳是為了行更長嘅路，並唔係斷自米路，可惜。。。我竟然食咗餐又貴又難食嘅晚餐。 先講牛頸脊，三百幾蚊，但係油脂唔靚，肉質又鞋又硬。而丸類就未溶雪，雲吞成十蚊一粒，仲要起霜。溶霜時，雲吞又黏又易爛。講起鱔片真係一太氣，完全冇魚味，根本就唔新鮮。餘下仲有好腥嘅珊瑚蚌，好鞋口嘅雞煲。好彩嘅，仲有較好食嘅炸魚皮，但係都只有3塊，真係到喉唔到肺。食物唔得，都希望嚮服務到拎返啲滿足感，點知。。。我真係太天真啦！傳單寫5點半開晚市，但事實上6點先開。早少少入坐，啲厨房員工仲講哂粗口話咁早放人入嚟。6點入坐，7點半就要人交枱，大佬，打邊2爐喎！唔係去食刺身呀，真係要時間整熟架。叫碟撈魚皮半個鐘都未上菜，追幾次都話厨房太忙，現成嘢睇單齋執出嚟都咁，真係令人摸不著頭腦。最搞笑嘅係筷子部份，並唔係木/不銹鋼筷子類型，最後有隻筷子仲彎埋。老實講，都係睇咗openrice啲評語先去食，但係竟伏到我都服呀！冇第二次呀！