豐鍋雞煲 (京瑞廣場1期)

营业中

休息中

雞煲辣得好好味, 火鍋材料好新鮮, 侍應服務態度又好, 地方乾乾淨淨, 所以大家都食得好高興和舒服。下次一定會再來幫襯。今晚大滿足，豐煱你係得嘅👍🏻👍🏻👍🏻

今日嚟石門探朋友先知道京瑞廣場係有咁多嘢食 。我哋六點左右去到一期嘅豐鍋食雞煲 🍗。因為時間尚早，所以都有空位，但係到咗七點左右都差唔多爆滿，睇黎想食都係book位穩陣啲😉。 佢有唔少卡位應該都坐得幾舒服。因為我哋得兩個人所以就叫咗半隻雞煲，要咗bb辣。 仲叫定兩杯嘢飲🍹。我要咗一杯鹹檸七，朋友就要玫瑰柚子特飲。兩杯嘢飲都超大杯，朋友杯玫瑰柚子仲玫瑰味十足。個雞煲上到嚟侍應仲幫我哋即場炒咗一陣，因為有好多紫洋蔥同配料，炒起上嚟好香😍。啲雞食落嫩滑，個汁有少少辣得嚟又有啲甜味,都幾惹味! 我哋加咗個沙爆魚肚,侍應教我哋食雞食到咁上下可以加埋落去一齊煮，會好食啲。我哋照做果然係好入味👍🏼。之後就可以加湯打邊爐。我哋要咗黑豚豬梅肉，肥瘦適中，煮完都唔會韌。即炸爆芝響鈴，就係響鈴入面夾咗芝士😮，淥一秒就食得芝士味好香。即炸魚皮， 塊塊都長過隻筷子，食一塊都已經超滿足。嫩鴨血係雞煲比較少見嘅食物，都算嫩滑有口感。最後要食得健康，加左個蔬菜籃，呢個真係超多唔同菜，兩個人都食唔晒。要讚下呢到啲侍應都係好好笑容，下次一定會再幫襯😁!

今日同小 b去了石門吃雞煲火鍋，每次我想吃雞煲，小b成日都會話我，可以選1種嗎？ 雞煲 & 火鍋一齊吃，不覺得好邪惡嘅食物咩～我們到餐廳時，大約18:15啦，餐廳只有我們1枱客人，所以可以坐到卡位。職員問我們，喜歡吃辣嗎?我們說，都可以吃辣的，但要小辣便可😝。我們 order 豐鍋招牌麻辣雞煲半隻，菜籃，頂級安格斯牛小排，炸魚皮，爆芝紫菜響鈴。飲品方面，我們 order 了龍鳳檸樂，大話七😄。招牌雞煲，好好味，又野味。😋👍🏽👍🏽 雞肉又嫰又滑，職員還會幫你炒，這樣就不用擔心，會炒得唔夠透。😅半隻雞真的可以夠2個人吃的，唔駛擔心。雞煲之後，當然要加湯，開始邊爐的精髓，雞煲加湯後，又濃郁，又香噴噴。😊😋😋 第一味，當然要吃炸魚皮，又可以生吃，淥一淥又得，又香又脆口。豐鍋整的魚皮，加了椒鹽味去塊超長的魚皮，令到佢味道超香，想快 d 再吃。爆芝紫菜響鈴 (3件)，又香又脆，芝士味又濃郁。不過這個響鈴就要淥耐一點時間！ 但原來加了芝士去響鈴，好得意😎！頂級安格斯牛小排 (小), 牛小排又嫰滑，牛味又香！細碟的份量，都唔算細碟，份量都好足夠！喜歡吃牛的朋友，記得要 order 這個牛小排！菜籃🧺其

朋友住石門，話我知有間街坊雞煲好出名。今日終於相約去試試餐牌都好多選擇，而最吸引我地當然是雞煲！先來半隻雞煲嘗嘗雖然是半隻，份量卻不少，還有好多配料如紫洋蔥、蒜粒、莞茜等。個煲香到不得了，食落仲帶麻辣香！愈食愈惹味👍🏻食完雞煲仲未夠喉，追加了一鍋豬骨湯打邊爐。湯底帶點胡椒味，大大件豬骨，仲有蘿蔔在內非常清甜。魚皮必點！一整條的魚皮已很少見，炸得香口而不油膩。爆芝響玲好特別！是芝心的，我是芝士控所以十分欣賞👏🏻安格斯牛小排份量很多，夠幾個人食，肉質十分嫩！必點！手工四寶丸用料新鮮，全是用魚滑、蝦滑、墨魚滑做！十分彈牙，而且仲好大粒。其中最欣賞黑蚊蚊那個黑墨丸！好鮮甜👍🏻

涼就想食鍋物，今日要轉車經過依到又食埋飯先走啦。望到外面草地咁幾開揚，朋友話雞煲啦，好啦。豐鍋招牌雞煲 半隻 $168走辣定bb辣好呢？未病好就走辣啦，相信有辣麻麻地係正點！芫茜、紫洋蔥、芹菜、大量蒜薑依類，好香口！有辣當然好，但無都好濃郁入味。雞件多又嫩滑，雞皮都好好味。忍唔住食左幾塊呀！雞煲有種特別係有帶甜既醬，紫洋蔥入哂味無洋蔥辣味。雜菜籃 $68白菜、菜芯、生菜、油麥菜四款都有，勁好一次過食哂咁多種！$68係火鍋嚟講都ok，中餐廳炒一種菜都貴少少多。雞煲加左上湯食另一風味，比平時濃但又中和下。即炸爆芝響鈴 $38上枱熱辣辣，金黃色不錯喔！炸既好大好處係豆香出哂，又可以吸哂湯濃縮哂係響鈴之中。最特別係有芝士係中心，乜事咁得意！哈哈！半溶芝士咁，幾好。即炸魚皮 $38嗅落去有少少似臭豆腐嘅味道，香粉料多又多。食落非常酥脆，微咸，魚香重。頂級安格斯牛 $178色澤不錯，肉質都夠味道，份量重手。西班牙頂級黑豚豬梅肉 $105肉爽口嫩嫩地，少少肥肉。咸檸七 $32一睇就知係我喉嚨唔太好既人飲，諗都無諗就叫。鹹鹹酸酸養喉大話七 $32咸檸內有話梅，依個第一次見。酸中再梅既鹹鹹甜咁，都幾好，

這幾天天氣轉涼,最啱食雞煲暖身，屋企附近一間新開幾個月嘅雞煲！地點方便，在石門站旁商場。餐廳環境舒適簡約，當日去到九點半，仲有火鍋半價優惠，好抵食！適合三五知己聚腳點！ 雞肉滑嫩香口，配上濃郁醬汁兩個人食半隻雞份量啱啱好精粹係乾蔥及蒜頭非常入味！大話七 / 龍鳳檸樂職員介紹係餐廳 最受歡迎嘅飲品！一杯加入柑桔梅子，另一杯又鹹柑桔檸檬! 夠晒解渴！ 餐廳招牌魚皮及芝士響鈴 ！魚皮香酥鬆脆最大驚喜是芝士響鈴內裏有一大片半溶芝士，誠意之作！整體餐廳食物服務也很好住喺附近嘅夜貓子宵夜晚飯好選擇！

同爸媽探完外婆，喺附近見到就喺石門站隔離個商場好多野食，其中雞煲打邊爐係我地至愛一於入內一試。可能6:30還算早，第二台入來還不太多人。環境不算很大，但每台之間有空間感，食得幾舒適。好快7點時已全場滿座，好彩我地早入黎半隻雞煲（小辣）半隻3人食剛好，份量唔細，仲有好多紫洋蔥、蒜子、少許薑、莞茜，整個鍋都好香，香中帶麻而唔係偏甜果種味道。啲配料都好好食！紫洋蔥加分！藍蝶花雪梨$38雖然$38，但勁大杯而且好解辣好清嘅雪梨味加上淡淡藍蝶花味，成餐嘅清泉另外叫了個豬骨鍋，湯頭帶微微胡椒香有自助配料區上：炸魚皮第一次見成條嘅炸魚皮好香好脆下：頂級安格斯牛小排份量都好多，足夠4人食，雪花好均勻，肉質好彈牙蔬菜籃/雜丸蔬菜好多，由頭食到尾雜丸有墨汁墨魚丸、蝦丸、墨魚丸、魚滑丸全部都係用新鮮海鮮滑整成所以我覺得好抵！一次食4隻滑。其中墨汁墨魚滑好香！必食。墨魚滑都勁鮮甜，推薦芝心響玲好新第一次見，又好夾喎！好香芝心味原來仲有9:30時段！下次黎試試半價時段先

雪花肥牛鞋過鞋底，其他不值一提。員工是有禮貌的，但食物質素真係唔得。起初個雞煲都過得去，但一加湯打邊爐，所有食材都冇黎味道。鮮蝦雲吞啲肉唔新鮮，雪花肥牛$98一碟我食咗兩件就冇食到，響鈴OK，水魷好硬，只有碟生菜好食。連碗白飯都又生又硬，唔識講總之難食。

平時好少嚟開呢頭 今日陪媽咪去沙田行街 知道你邊開咗商場 有好多新嘅食肆 所以特登過嚟試下 媽咪鐘意食雞煲 見到豐鍋幾多人食一刻試下！招牌雞煲 一上菜就聞到陣陣嘅醬料香！雞煲非常足料， 雞件多而且又大件， 雞肉多肉但雞皮又唔會好肥， 而且肉質幾嫩滑， 重吸收晒醬料嘅味道 ，非常惹味 ！我哋一行三日好迅速就ko曬成煲😂餃餃陣呢一碟裏面有鮮蝦雲吞、韭菜餃、魚皮餃同麻辣餛飩！啱曬我呢啲鍾意食餃但又怕叫得多又食唔曬嘅人🙊 平時食嘅韭菜餃往往都係韭菜多個肉 ，但呢款自家製嘅韭菜餃油脂香肉味，相當突出！最出色嘅係佢嘅餃全部都好足料且皮薄通透，食落仲相當滑嫩！😍即炸爆芝紫菜響鈴一見到個名已經忍唔住點，之前試過紫菜響鈴，但就從來未試過芝士紫菜響鈴 ！一咬開脆卜卜嘅外皮就爆曬香濃嘅芝士出嚟，加上裏面嘅紫菜，口感豐富而且味道非常夾，超好食👍🏻炸魚皮 魚皮新鮮，唔會淋曬！咬落口感鬆脆，浸埋落去啱啱食完雞煲嘅湯底度食味道更佳！👏🏻頂級安格斯牛非常有驚喜嘅安格斯牛肉！ 首先以呢個價錢係計分量都算幾足，而且肉質鮮美滑嫩、油花分布均勻，厚實飽滿唔會薄切切，鮮甜又有牛味，估唔到小店都食得呢啲質素👍🏻👍🏻

第一次試豐鍋，64元的小炒皇客飯。老火湯真材實料，白飯軟硬度飯香均好，小碟青菜亦可，連熱檸檬荼亦有水平，都有誠意...偏偏主菜出事；一向明白小炒皇的意義，點這個菜亦不過想試一下大鑊功架，但問題是材料實在不配客飯：蝦亁(不小的!)、小魚亁、韭菜(?)、腰果、辣椒等，相當亁硬，難以下飯；不知道定菜單和大鑊是否同一人？平情而論大鑊調味是出色的，下鑊有層次，火喉亦控制不錯，但以此等材料作客飯出菜，真箇神仙難救，除非大幅度改變材料，否則不要再排菜單了。只吃了一半就走了；看見其他人點了別的菜式，看來都很好吃...

石門依家真係好多野食，今日黎左食雞煲，6:30去到先有位，過左7點差不多滿曬座。餐牌好多選擇，好多野想試，但係得兩個人食唔到好多。餐廳午市好似做小菜，5:30 之後就可以食雞...煲。叫左半隻BB辣， 唔會太辣， 好香， 好多芫茜，啲雞都多肉，唔會得骨， 仲好細舊， 唔會外面熟，入面生咁， 幾好。頂級安格斯牛小排， 雪花好靚，都幾厚，雙飛咁切， 好特別。牛味都香，濃。雜菜藍， 好多種菜。自創芝士響鈴，第一次試， 好正， 紫菜響鈴已經好正，仲要加埋芝士，好heavy，但超正。仲可以點半份， 3舊，岩曬少人食。魚皮又勁正， 超長，但係好薄好直，好方便咬，好味。長到打橫放唔曬落個鍋。龍鳳檸樂， 好大杯， 打邊爐夠曬飲。咸檸七，可以下下火。

店細細，但座位算寬敞，食物新鮮，尤其炸魚皮，居然是即炸，十分美味。湯底亦濃厚，蔬菜都俾足份量，價錢公道，不過海鲜類別較小選擇，會再次到訪的！貴價牛肉下次試下，雪花肥牛就好普通，一份$一份貨吧！

自從有一次朋友帶我黎石門食野之後，每次喺沙田附近做完野，都會過黎呢邊食野。因為石門呢度原來有好多餐廳，各式各樣都應有盡有，儼如一個超大food court!今次就揀左呢間叫豐鍋既餐廳，環境都幾舒適，又唔會太嘈。餐廳主打雞煲，咁我當然都要食雞煲啦！朋友唔食得辣，我都迫佢同我食bb 辣，然後再叫啲配料同小食。呢度個雞煲好香，就算bb 辣都夠麻！正！另外朋友唔食牛，所以我地就點左份豬肉。手打丸都好似係呢度既招牌菜，我地就叫左份四寶丸必食推介：芝士紫菜響鈴！！響鈴應該係即炸，食既時候微暖，而且仲係脆脆地，芝士半溶狀態，加埋雞煲既汁真係超正

2019年2月28日 星期四黎到二月嘅最後一日，夜晚同女朋友約咗同事一齊食飯，因為同事嘅老婆想去打邊爐，於是上網搵左呢間餐廳，就專程揸車嚟到餐廳唔算太難搵，因為我哋大約六點左右到，客人唔算太多打開個餐牌，見到都有唔少嘢食，完全唔知揀咩好，好彩有店員細心建議我哋四個人大約應該食啲咩同餐廳有咩推介打邊爐之前先來一個雞煲，因為女朋友唔太食得辣，所以淨係叫咗BB辣。雞煲裏面有好多配料，而其中當然唔少得嘅就係雞，雞件之後好多舊，我諗成個煲應該有多過半隻雞，啲雞好入味而且一啲都唔老，唔似係冰鮮雞，因為食得出好有雞味食完雞煲店員就換過另一個煲打邊爐，我哋要咗豬骨煲做湯底，個煲黎嘅時候已經見到有幾舊大豬骨放咗喺煲裏面，睇得出真係落足料自製韭菜餃，每一粒都包到好大隻，咬落去啖啖韭菜味，好明顯韭菜仲多過豬肉，對於鍾意食韭菜嘅我係最好不過呢個係店員介紹嘅鴨血，淥熟咗之後食落口其實同豬紅差唔多，口感好特別，比豆腐硬身好多，但係一啲都唔腥。聽人講食得多仲會好補血添！芝士響鈴，黎到嘅時候完全睇唔到芝士喺邊度，原本有少少失望，點知淥完食落口嘅時候我就知道事實完全唔係咁。啲芝士釀左入響鈴裏面，一咬落去啲芝士就標晒出嚟

冬風起,自己會諗下同家人食一些有鑊氣嘅晚餐。鄰近地鐵站,走過嚟大概10分鐘。最令我同屋企人懷念嘅係, 超級惹味雞煲。首先他們選用的非常新鮮, 配上豉汁, 豆豉, 時間及火候啱啱好。主要係肉鮮嫩無比, 好難起外邊食得到。誒咁凍用嚟撈飯最好。😊其次係佢哋嘅,炒豆苗炒得好好食。出名好食就係佢哋嘅火鍋。舅父點了雞仔淮山冬菇生菜，我自己點咗魚肉魚皮鯪魚球。鮮嫩唔再講,配上蒜蓉一齊, 竟然可以做到色香味俱全。除咗位置地段非常好之外,侍應生的服務態度一流。令客人覺得有賓至如歸嘅感覺。當日同家人食得好開心。誠意推薦。😘😘😊