豐鍋雞煲 (京瑞廣場1期)

营业中

休息中

Happy Friday 同同事去食晏，喺石門商場見到間新餐廳，見環境唔錯，又有view,就衝入去試下。呢間餐廳原來夜晚食雞煲，中午就有午市套餐，4-50蚊落樓，有7個餐揀。我今日就揀咗個籠仔蒸雞飯食，坐低大約十分鐘就有得食，原來一個午市套餐仲包埋白飯、青菜一碟、一大碗靚湯同飲品，性價比極高。可能佢地晚市專做雞煲，佢地d 雞多肉又滑。埋單時仲話新張期內，午市9折，食咁多野都係$50，抵到爆，我同事都話下次一定再encore。

前2晚經過石門， 見到樓下姐姐派傳單。見有雞煲，凍凍地咪試下。我叫左個中辣雞煲試吓，好惹未。隻雞比想像中大隻， 好似食極都有。店員好好服務好好不停同我地加湯。價錢唔貴， 性價比高。

今日帶小朋友去興趣班，離開時見到有間新開試業的雞煲火鍋，天寒地凍就入去試下。老闆都好細心話有小朋友就可以揀BB辣或走辣，仲推薦左幾款佢地招牌菜。雖然店鋪唔大但原來係臥虎藏龍😱老闆說他們大廚是台灣人，對食物出品有一定要求，結果出來食物都好正。我地當日點左全隻雞煲、肉質很滑、好香濃，因為有小朋友之後就換左個湯底再打邊爐，食左碟手切牛頸脊，好有牛肉味、我地仲叫左碟即炸爆芝響鈴、咬落去脆卜卜真係好好食😋😋，仲有叫左手打蝦丸墨魚丸水餃雲吞等，全部都係自家制，真係夠誠意👍🏼👍🏼。其他粟米、菜等都好新鮮。叫左咁多野埋單都係一千左右，大約二百蚊一個人，有咁嘅質素確係超值。我問老闆日頭有咩食，佢話中午係食住家小菜的午市套餐，下次再去試試個大廚手勢先